Tunchiroq

2022-09-03 17:59:21 Инсонлардан кўпининг иймонини сусайтирадиган нарса - бекор ўтказилган вақтдир.

Нўмон Алихон Ochish/sharhlash

2022-09-03 08:22:49 Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам ҳар тонг отганда:

اصبحنا و اصبح الملك لله والحمد لله لا شريك له لا اله الا هو و اليه النشور

Ўқилиши: Асбаҳна ва асбаҳал мулку лиллаҳи валҳамду лиллаҳи ла шарийка лаҳу ла илаҳа илла ҳува ва илайҳин нушуур.

Маъноси:Тонг оттирдим. Мулк Аллоҳникидир. Аллоҳга ҳамд ва санолар бўлсин. Унинг шериги йўқ. Ундан бошқа илоҳ йўқ. Қабрлардан тирилиб қайтиш Унгадир. Ochish/sharhlash

2022-09-02 15:16:10 Мўмин - дардли инсондир. Дини, диндош биродари унинг дардидир.

Нуреддин Йилдиз Ochish/sharhlash

2022-09-02 13:17:31 Ҳаётингизга Аллоҳ Таоло кирмагунича, сиз бахт деган нарсани ҳали кўп қидирасиз. Ochish/sharhlash

2022-09-02 09:05:05 #бироз_туркча

anladım, aşk gözde değil ruhta, kelamda değil sükûttaymış. onun için gözün aşkı nefsin haylazlığı, kalbin aşkı Rabbin yakınlığıymış. Ochish/sharhlash

2022-09-01 13:04:10 Туркияда ҳозир ўсиб келаётган авлоднинг ичида атеистнамо ёшлар ҳам учраб туради. Нега бундай экани ҳақида бироз фикрим бор. 4 йилдан буён турклар билан ўқиб, уларни кузатиб шуни тушундимки, икки нарса туфайли ҳозирги насл бундай етишаяпти.

Биринчиси, ҳаддан ортиқ ота-оналар дин мавзусида қаттиқ туришади.
Иккинчиси эса акси бўлиб, бола нимани хоҳласа барчасига «saygı duyuyorlar» яъни хурмат билан қўллаб қувватлайдилар. Ё ифрот ё тафрит.

Оятда ҳам айтилганидек биз ўрта умматмиз*. Яъни барча нарсанинг ўртаси яхши.
Оиладаги тарбияда ҳам, динни ўргатишда ҳам ўртасини қилиш керак деб ўйлайман. Вақти келганда қаттиқ, вақти келганда болани ҳам тинглаб, тўғри йўлга йўналтириб қўйиш керак деб биламан. Болани рўмол ўрашга, намоз ўқишга мажбурлаш ўрнига, унга бу ибодатларни нима учун ва ким учун қилиши кераклигини тушунтиришимиз лозим. Ана шунда бола ибодатларида ҳам тарбиясида ҳам нотўғри йўлларга кетмайди. Болага барча нарсани севдириб ўргатиш керак, нафратлантириб эмас.

Боланинг барча истак хоҳишини қўллаб қувватлаш ҳам нотўғри. Аввал бола нега бу нарсани хоҳлаётганини билиб, сўнг уни керакли йўллар билан муолажа қилиш керак. Бунда Қуръон, суннат, олимлар суҳбати, ҳаётидан ўрнак олишимиз мумкин.

Тунчироқ

Юқорида зикр қилинган оят Бақара сураси, 143-оят Ochish/sharhlash

2022-08-31 19:49:36 U Ar-Rohiym bo’ladi-ku, meni rohmatidan chetda qoldiradimi?
U Al-Muhaymin bo’ladi-ku, meni himoyasidan to’sib qo’yadimi?
U As-Salam bo’ladi-ku, meni sakiynatdan bebahra qoldiradimi?
U Al-G’affar bo’ladi-ku, mening tavbalarimni qabul qilmaydimi?
U Al-Wahhab va Ar-Razzoq bo’ladi-ku, meni rizqidan, ne’matlaridan to’sib qo’yadimi?
U Ar-Rofi bo’ladi-ku, mening martabamni tushirib qo’yadimi?
U As-Sami’ bo’ladi-ku, meni eshitmaydimi?
U Al-Basir bo’ladi-ku, mening kechinmalarimni ko’rmaydimi?
U Al-Mujib bo’ladi-ku, mening duolarimni nazardan chetda qoldiradimi?
U Al-Vadud bo’ladi-ku, meni sevmaydimi?

Yo’q albatta! Toki men Al-Malik quli ekanman, Ar-Rohman rohmatidan ham, nazaridan ham chetda qolmayman.

@boktoosha Ochish/sharhlash

2022-08-31 15:28:28 #қизим

Мендан ҳузур нима дея сўрашса;
- унинг кулгуси
- унинг кучсиз қадам босишлари
-унинг ҳиди
-унинг бармоқлари билан «Аллоҳ бир» дея кўрсатиши
- унинг, унинг, унинг, дея давом этган нарсаларни санасам керак.

Ҳа қизим, ҳаётимга кириб келганингга кўп бўлмаса ҳам, қалбимни, ҳаётимни, ҳаёлимни эгаллаб олдинг, Аллоҳим бу қандай муҳаббатки, унинг кичик бармоқчалари билан чимдилаши ҳам менга завқ, ҳузур бағишлайди.

Роббим, Ўзингга ҳамдлар бўлсин.

Тунчироқ Ochish/sharhlash

2022-08-31 14:27:22 ФEМИНИЗМ БИЗГА КEРАКМИ?

Сизнингча, бир аёлнинг устун эканини кўрсатишга, барча нарсаларни уддалай олишини исботлашга, ҳар ерда баланд овозда «Қаранг, мен эркак киши билан тенгман», дейишга эҳтиёжи борми?
Бизнингча йўқ!

Аёл киши зотан ўз қадрини тушуниб етиши керак ва уни пастга торта оладиган ҳар оқим ва ҳар фикрга қарши тура олиши керак.

Исломий нуқтаи назардан қарайдиган бўлсак, эркак-аёл ажратиб ўтирмай ҳар бир инсон қадрлидир, бутун таъқиқлар ва буйруқлар ҳар икки жинс учун ҳам келгандир. Ўртада ҳеч қандай адолатсизлик йўқдир.
Мисол учун, Оиша розияллоҳу анҳо жоҳилийя каби замонда ҳам, замонининг энг буюк олимларидан экан, тўрт минг кишига дарс берар экан, ҳатто урушга борар экан, атрофидаги эркакларга исботлашга ёки «Мен сиз билан баробарман», дейишга урунмадилар. Чунки зотан бунга эҳтиёжлари ҳам йўқ эди. Ислом уларнинг бутун ҳақларини асрар ва қадрли эканликларини ҳис қилдирар эди.

"Huzme"дан таржима қилинди Ochish/sharhlash

2022-08-31 12:39:48 Илмдан олдин одоб ўрганиш керак, одобсизнинг илмида хайр йўқдур.

Имом Молик роҳматуллоҳи алайҳ Ochish/sharhlash