2022-08-21 19:46:52
Ҳозир шунақа замонки, ҳаромлар барчанинг қўлида бирдек айланмоқда. Мен ҳаром деб егулик, ёки ичимликни назарда тутмаяпман. Қўлимизда турган телефондан ҳар тарафлама ҳаромга бориш жуда осон, осон ҳам уёқда турсин ўзи келади. Шунинг учун телефон ишлатишда жуда эҳтиёткор бўлишимиз керак. Телефон фақат ёмон нарсалар учун демаяпман. Аслида тўғри фойдаланилса неъматга айланади.
Фарзандларимизнинг ҳам телефонларини иложи борича текшириб туришимиз керак деб ҳисоблайман. Ижтимоий тармоқларда кезиб юрарканман, бир видеога кўзим тушди. Таҳминан 4-синфда ўқийдиган болага «Бола қандай пайдо бўлади», дея савол бердилар. Бу саволга берилган жавобга қизиқишдан ҳам олдин 4- синф болага қандай қилиб бундай савол берилганига ҳайратландим. Демак, 4- синф бола буни билади дегани, келаётган наслдан ҳозир оғзимиз очиқ эшитаётган ҳабарларни кенг тарқалган ҳаёт тарзи ҳолатида кутишимиз мумкин (Аллоҳ асрасин). Ва у боланинг жавоби эса, бу нарсани билишини ва уни ижтимоий тармоқлардан бирида кўрганини айтди...
Мен бу билан фарзандларимизга умуман телефон олиб бермаслик керак демоқчи эмасман, шунчаки олиб бергандан сўнг ҳам нималарга кираётгани, кимлар билан дўст тутинаётганидан ҳам ҳабардор бўлиб туришимиз, унга ўзимиз билган манфаатли кишиларни кузатишини тавсия қилишимиз керак деб ҳисоблайман.
Тунчироқ
11.8K views16:46
T
