Tunchiroq

2022-10-02 16:21:17 #ўйларим


Ҳеч сизда ҳам бўладими, ҳудди сизга ўлим келаётгандек ҳис қиласиз ўзингизни. Эшиклардан Азроил алайҳиссаломни қидира бошлайсиз. Гуноҳларингиздан дахшатга туша бошлайсиз. Оёқ-қўлингиз бўшашиб, карахт бўлиб қолади. Ва ёлвора бошлайсиз ич-ичингиздан Аллоҳга.

Я Робб! Я Робб! Я Робб!

Ўзинг мағфирати кенг, раҳмдил Зотсан.
Мен бечора бандангга раҳм қил!
Мен бечора бандангга раҳм қил!
Мен бечора бандангга раҳм қил!

Фақат мана шу сўзлар айлана бошлайди ич-ичингиздан. Сиз, борлигида Аллоҳни унутган инсонлар ҳам нақадар чорасиз, бир қул эканини, бу дунё шунчаки ўйин-кулгудан иборат матоҳ эканини қалбингиз тубидан ҳис қила бошлайсиз.

Ана шу онда дунё сиз учун бир «ҳеч»га айланади.

Я Роббий, кўзимизни оч, ўлим келмасидан кўзимизни оч, тавбамизни қилиб олайлик, Ҳузурингга гуноҳлардан пок ҳолда етиб олайлик!

Я Робб, ёлвораман! Ҳузурингга орқамда тоғдек гуноҳлар билан боришдан Ўзинг паноҳ бер!

Амийн

Тунчироқ Ochish/sharhlash

2022-10-02 12:45:07 Абу Бакр розияллоҳу анҳу шундай деганлар:

Қабрга озуқасиз кирган киши, денгизга кемасиз йўлга чиқган киши кабидир.

Озуқасиз яъни - ибодатсиз, амалсиз. Ochish/sharhlash

2022-10-01 21:34:22 Отадан ўғлига сабоқ

Бир одам тез-тез Қуръон ўқирди. Аммо ҳеч ёдлай олмасди. Бир куни ўғли унга:
- Отажон, Қуръон ўқийверасиз, аммо ҳеч ёдлай олмайсиз. Ўқиганингизнинг қандай фойдаси бор? - деди.
- Ўғлим, - деди ота, - саволингга жавоб бераман. Лекин ундан аввал бўйра саватда сойдан сув олиб келгин.
Бўйра сават кўмир ташиш учун мўлжалланган эди.
- Бунинг имкони йўқку? - деди ўғил.
- Сен айтганни қил, кўрамиз нима бўларкин! - таъкидлади ота.
Ўғил бўйра саватни олиб сойга қараб кетди ва сув таший бошлади. Йўл яримламай сув оқиб кетаверарди.
Ўғил отасига:
- Отажон, бўйра саватда сув ташиб бўлмайдику! - деди.
- Майли, сен давом этаверчи! - деган жавоб олди ўғил.
Ўғил яна бир бор сувга борди. Бешинчи бориб-келишида қаттиқ ҳориган ўғил малолланиб отасига:
- Отажон, бу саватда сув ташишнинг иложи йўқ. Лекин нега сув олиб келишимни такрорлаяпсиз? - деди.
- Саватдаги ўзгаришни сезмадингми, ўғлим?
Отасининг эътирофидан ўғил сергак тортиб саватга қаради:
- Ҳа, отажон, сават топ-тоза бўлибди.
- Ана шунақа, ўғлим. Бу саватда кўмирдан бошқа нарса ташиб бўлмасада, сув билан муносабатга киришгани сари тозаланиб бораверди. Инсон қалби ҳам дунё ва унинг ҳою ҳавасларидан кирланиб бораверади. Қуръон ўқиган одам уни ёд ололмаса ҳам, қалбининг ғубори ариб, покланиб боради. Қуръон қалб ва руҳнинг покловчиси, озуқаси ва шифосидир. Зинҳор шайтоннинг: «Ёд олмасанг Қуръон ўқишнинг нима кераги бор?» деган васвасасига учма! - дея ўғлига гўзал сабоқ берди ота. Ochish/sharhlash

2022-10-01 16:37:21 Бир вақтнинг ўзида уч-тўртта китобни бошлаб олган мен: Ochish/sharhlash

2022-10-01 10:19:10 Имом Заҳабий айтадилар: Ким илмни охират учун талаб қилса, илм унга синиқлик келтиради, қалби итоат этади, нафси сокин бўлиб, унга назоратчи юзага келади. Ochish/sharhlash

2022-09-30 05:30:45 Бир она болаларини бомдод намозига бундай уйғотар экан:

«Қани туринглар, биздан бирортамизни Жаннатдан қолиб кетишини хоҳламайман.»

)) Ochish/sharhlash

2022-09-29 21:07:23 Нимага ўлимдан бунчалар қўрқамиз биласизми? Чунки ҳамма Жаннатга лойиқ эмаслигини билади...

Меҳмет Йилдиз Ochish/sharhlash

2022-09-29 20:00:00 Бир гуноҳ иш қилганингдан кейин тезроқ тавба қил. Чунки инсон сувга тушгани учун эмас, чиқа олмагани учун чўкиб кетади. Ochish/sharhlash

2022-09-27 17:35:33 #тарбия

Чора- фарзандларимизни яхши мактабларга бериш эмас, олдин ўз уйимизни мактаблаштиришдир.

Нуреддин Йилдиз Ochish/sharhlash

2022-09-26 20:28:42 Бахт - тандаги соғлиқда эмас, қалбдаги мутмаинликдадир. Ochish/sharhlash