bakiroo

2021-12-13 15:49:17 Фермер ҳокимни ҳезалак деганида нима бўларди?

Ҳоким фермерга:

"Буғдой қани? Бажармасанг ...(таҳдид қилади). Бажармаганингни бажартириб (қоғозда – таҳр), бўйнимга олиб турибман. Ҳезалаклар! Мен бўйнимга олиб 105 фоиз қилинглар, дедим. Яхши гапни тушунмайдиган тўнғиз...”

Ҳуқуқни қўллаш тўғрисида иккитагина савол?

1. Ҳоким фермерни ҳезалак дебди ва ҳеч нима бўлмагандай ишлаб ётипти, агар фермер ҳокимни ҳезалак деганда нима бўларди?

2. Қонун бўйича 2020 йилдан буён ғалла нархини учинчи марта эркинлаштирдик. Давлат буюртмасини 77- марта бекор қилдик. Унда нега ҳоким фермердан буғдой талаб қилаяпти? Бу қароқчиликка ҳуқуқий баҳо бериладими? Ochish/sharhlash

2021-12-13 14:55:30 Турк лираси янги тубга қулаш учун йил охирини куттириб ўтирмади

Лира курсининг йил охирига прогнозлари доллар/лира жуфтлиги бўйича 15 атрофида баҳоланаётганди. Лекин янги тубга қулаш бугун 13 декабрь куниёқ юз берди.

S&P Global Ratings Туркиянинг кредит рейтинги прогнозини "салбий"га ўзгартириши, сўровларга кўра, Марказий банк бу ҳафта яна асосий ставкани 1 фоиз бандига пасайтириши мумкинлиги тўғрисидаги хабарлар воқеаларни тезлаштириб юборди.

S&P шкаласи бўйича прогнознинг ўзгартирилиши мамлакат иқтисодиётининг ҳаддан зиёд кредитланганлиги, юқори ва давом этаётган инфляция, нобарқарор пул-кредит сиёсати билан изоҳланган. Кутилмаларга кўра, йиллик инфляция тез орада 30%га етади

Ўтган ҳафта давомида интервенциялар билан лира курсини қўллаб турган Марказий банк, бугун эрталабдан интервенция қўллови тўхатганини эълон қилди. Натижада кун давомида лира 7% атрофида қадрсизланишга улгурди. Ochish/sharhlash

2021-12-13 11:00:42 ​2021 йил сўм учун энг барқарор йиллардан бири бўлиб қоладими?

Жуда кўп ташқи таъсир омиллари юз берганига қарамай, 2021 йил сўм учун энг барқарор йиллардан бири бўлиб қолмоқда.

Ўтган 11 ой ва 13 кун давомида сўм курси АҚШ долларига нисбатан 3,33%га қадрини йўқотган.

Айтиш керакки, йил давомида, масалан, март ва октябрь ойларида сўм АҚШ долларига нисбатан мустаҳкамланган ҳам. Лекин ноябрь ва декабрь сўм учун бироз синовли ўтмоқда. Миллий валютамизнинг долларга нисбатан йил бошидан буён қадрсизланишининг 40%дан зиёди айнан охирги 43 кунга тўғри келади.

Сўм конвертацияси эркинлашгандан сўнг энг барқарор йил 2018 йил бўлган эди. Ўшанда йил давомида сўм долларга нисбатан атига 2,70%га қадрини йўқотган. 2019 ва 2020 йил сўм учун бироз мураккаб келган, 2019 йилда сўм 14,01%га қадрсизланган бўлса, 2020 йилда 10,20%га қийматини йўқотган. Ochish/sharhlash

2021-12-13 08:04:00 Шиширилган экспорт масаласи яна кун тартибида

Миркомил Холбоев Қозоғистонга амалга оширилган экспорт ҳажми маълумотлари Ўзбекистон ва Қозоғистон расмий статистикаси маълумотларида кескин фарқланишига эътибор қаратган.

Ўзбекистон маълумотига кўра, 10 ой якунларига бўйича мамлакатимизнинг Қозоғистонга экспорти 952 млн.долларни, Қозоғистон маълумоти бўйича эса 833 млн.долларни ташкил этган. Ёки бошқача айтганда бизнинг статистикамиз 119 млн.долларга шиширилган.

Экспортни шишириш фақат бир мамлакат билан боғлиқ эмаслигини кўрсатиш учун Россияга экспорт статистикаси ўрганилганда, 9 ойлик якунларга кўра 280 млн.долларга кўпайтириб кўрсатилганлиги маълум бўлган.

Иқтисодчи бу иш шунчаки хатолик эмас, балки катта ёлғон, ким нима мақсадда бундай ёлғонга қўл ураётганлиги эса албатта менга қоронғу, дея хулоса қилади.

Экспорт кўрсаткичларини ошириб кўрсатиш жузъий хатолик эмас, жуда кўпчилик ўзбек амалдорлари манфаатдор бўлган ва аллақачон тизимга айланган кўзбўямачилик. Бу айниқса қўшиб ёзиб технологияси ҳокимлар томонидан саноатга айлантирилган мева-сабзавот экспортида яққол кўринади.

Вилоятларда қўшиб ёзилган мева-сабзавот экспорти бўйича муддати ўтган қарздорлик йўқ. Бу дегани муаммо йўқ деганими? Бу товарлар аксарида чегарани жисмонан кесиб ўтмаган. Қўшиб ёзиш анъаналарига кўра норезидент россиялик, қозоғистонлик, тожикистонлик ё қирғизистонликлар томонидан ҳисобварақларга кирим ва чиқим операциялари амалга оширилган холос, буни ким текширади? Ким назорат қилади? Агар чуқурроқ қаралса, сохта экспорт орқали ҚҚСнинг қайтарилиши билан боғлиқ схемаларга ҳам етиб борилиши мумкин. Лекин бу кимга керак?

Ёки масалан, ҳокимларнинг ҳар чорак ва ойда ҳуддудаги корхона ва ташкилотлардан экспорт режаси товонини ундиришини ким ўрганади? Кимдир савол берадими? Нега экспорт режаси бажарилиши учун пул йиғилиши керак ва бу пуллар қайси чўнтакка кетади?

Статистика қўмитаси ҳамкор давлатлар, айниқса қўшни давлатлар билан экспорт статистикасида юзага келаётган фарқликлар ҳақида шу пайтгача бирон марта изоҳ бермаган.

Йил бошида, Бош вазир ўринбосари Сардор Умурзоқов Ўзбекистоннинг қўшни давлатлар билан савдо алоқаларида шубҳали товар нархлари ва ҳажмларининг экспорт-импорт қилиниши ортидан келиб чиқаётган саволларга тўлов интизомини ошириш орқали жавоб бериш мумкинлигини таъкидлаганди. Кўриниб турибдики, бу фақат тўлов интизоми билан боғлиқ масала эмас Ochish/sharhlash

2021-12-13 06:00:05 Қўйлиқ бозорлари муаммоси бўйича иккита муҳим аниқлик

Ўтган ҳафтанинг энг резонансли ҳодисаси бу шубҳасиз, кўприк қуриш ва йўл кенгайтириш баҳона Қўйлиқдаги бозорларнинг бузилиши ва бу билан боғлиқ воқеликлар бўлди. Муаммо жуда кўп муҳокамада бўлди ва ҳали бери бу муҳокамалар тинмайди. Шу ўринда иккита муҳим масалага аниқлик киритиб кетишга тўғри келади.

Биринчи аниқлик. Қўйлиқдаги бозорлар кўчирилмаяпти. Қўйлиқдаги бозорларнинг резидентлари кўчирилаяпти. Дўкондорлар, ижарачилар, бозорчилар ихтиёрий бўлмаган тартибда, ўзга танлов қолдирилмаган ҳолда «FOOD CITY»га кўчиришга мажбурланмоқда. Шунинг учун Қўйлиқдаги бозорлар кўчирилмоқда, дейиш бу де-юре ва де -факто хато маълумот. Бозорлар кўчирилаяпти дейиш билан муаммонинг аҳамияти ва оғриқлилигини хаспўшлашга шароит яратилади. Қўйлиқдаги иккита бозорнинг тақдири номаълумлигича қолмоқда, уларнинг бошқа жойга кўчиши, бунинг учун ер майдони ажатилиши ҳақида ҳеч бир сўз йўқ. Ҳокимият ҳам, бозор маъмурияти ҳам оғзига толқон солволган.

Иккинчи аниқлик: Қўйлиқдаги бозорларга қишлоқ хўжалиги маҳсулотлари ортилган машиналарни киргазмаслик тўғрисидаги провокацион топшириқни берганлар жазолангани йўқ. Нафақат жазолангани, уларнинг номи ва лавозимлари айтилгани ҳам йўқ. Ўша провакацион ҳаракатдан кейин норози бўлиб йўл тўсганлар қамоққа олинган ёки жаримага тортилган. Бошқача айтганда қонун фақат бир томонлама, танлама кўринишда ишлатилмоқда.

Афсуски, янги Ўзбекистон "дўстларга ҳамма нарса, душманларга эса қонун" қабилида иш тутиш нормага айланиб бўлди.

Қўйлиқ мисолида бу яна бир бор такрорланмоқда:

Садоқатли дўстларга триллионлаб қийматдаги кўприк ва йўл қуриш буюртмаси, ҳар бир дўконнинг ижара ҳуқуқи юзмиллионларга пулланаётган 60 гектарлик янги бозор, оддий халққа эса бузилган бозор, қамоқ ва жарима. Ochish/sharhlash

2021-12-12 18:35:53 Қўйлиқ бозори кўчирилишига сотувчилар қандай муносабатда?

Bugun.uz эски ва янги бозорларда бўлиб, видеорепортаж тайёрлади

Видеони кўриш

Расмий | LIVE | Дайжест Ochish/sharhlash

2021-12-12 15:45:28 Уй телефони урфдан қолдими?

Қачон охирги марта уй (стационар) телефонидан фойдаланганингиз эсингиздами?

Яқин ўнйилликларда ҳам уй телефони ҳаётимизнинг энг муҳим атрибутларидан бири эди. Масалан, одамлар танишганида бир-бирига уй телефони рақамини беришарди. Телефон билан жиҳозланган квартиралар қимматроқ сотиларди. Энг муҳим масалалар стационар телефон орқали мулоқотда ҳал қилинарди. Уни қўйинг, нолинчи йиллар ва ўнинчи йилларда интернетга уланишнинг энг кенг тарқалган усули dial-up ё ADSL учун албатта стационар телефон линиясига уланганлик талаб қилинарди. Буям майли, уйга телефон ўрнатиш учун навбатда туриларди ёки таниш-билиш керак бўларди.

Уй (стационар) телефон урфдан қолаётганини Расмий статистика ҳам тасдиқламоқда. 2015 йилдан 2020 йилгача даврда стационар телефон тармоғидан фойдаланувчилар сони 1 миллион 769 мингдан 1 миллион 536 минггача қисқарган. Бухоро вилоятидан ташқари барча ҳудудларда уй телефонидан фойдаланувчилар камайиши кузатилган.

5 йил аввал ҳар 100 нафар аҳолига 5,7та телефондан фойдаланувчи тўғри келган бўлса, 2020 йилда бу кўрстаткич 4,5тагача тушиб кетган.

Ҳудудлар кесимида олганда Тошкент шаҳри етакчи - ҳар 100 аҳолига 22,3та телефон тўғри келади. Сурхондарёда эса энг паст кўрсаткич: ҳар 100 аҳолига бор-йўғи 1,5та телефон. Ochish/sharhlash

2021-12-11 14:28:47 Xalq bankidan mijozlar uchun yana bir qulaylik!

Barchaga ma'lumki, Xalq bankining Toshkent shahridagi quyidagi bank xizmatlari markazlari:

“Аviasozlar” (Yashnobod tumani, Аviasozlik ko‘chasi, 65-uy.),
“Yuksalish” (Uchtepa tumani, Farxod ko‘chasi, 3-a-uy),
“Humo” (Mirobod tumani, Qo‘yliq 1 massivi, “Chinor” MFY, 1-uy)
“Bobur” (Yakkasaroy tumani, Bobur ko‘chasi, 40-a uy) nomli bank xizmatlari markazlari joriy yilning 28 oktabr sanasidan boshlab aholiga:
haftaning 5 ish kuni davomida 9:00 dan 20:00 gacha,
dam olish kunlari 9:00 dan 17:00 qadar xizmat ko‘rsatishni boshlagan.

Endilikda, mazkur bank xizmatlari markazining valyuta ayirboshlash punktlari dam olish kunlari ham valyutalar sotuv va xaridini amalga oshirishini ma'lum qilamiz.

Biz siz uchun qulay vaqtda xizmat ko‘rsatamiz!

1106 +998 71 210-20-02
Savollaringiz bo‘lsa. / По всем вопросам.
Facebook | Instagram | xb.uz | Youtube | Telegram | reklama Ochish/sharhlash

2021-12-11 12:25:41 ТОП-10 банкларда юқори фоизли ставкалар ўртачаси бироз кўтарилган

Ноябрь ойи якунларига кўра, тижорат банклардаги аҳоли омонатларининг юқори фоиз ставкалари 20-22 фоиз атрофида шаклланиб, ўртача 21,2 фоизни ташкил этган. Бу ўтган ойга нисбатан 0,2 фоиз бандга юқорироқ.

Регулятор ТОП-10 банклар рўйхатини яна очиқламаган.

Лекин ноябрда қатор онлайн банклар юқори ва ўта юқори фоизлик омонат таклифлари билан бозорда анча-мунча шовқин яратишди. Одатда йил якуни арафасида омонатлар учун кураш кескинлашиб боради.

https://t.me/centralbankuzbekistan/5295 Ochish/sharhlash

2021-12-11 10:17:42 Энди Тошкент давлат стоматология институти дипломи бутун жаҳон миқёсида тан олинади

Тошкент давлат стоматология институтида IV-Халқаро стоматологлар конгресси ва VIII-Ўзбекистон стоматологларининг конгресси доирасида илк бор Ўзбекистон олий таълим муассасалари орасида Тошкент давлат стоматология институти дунё тан олган Бутунжаҳон тиббий таълим федерациясининг халқаро аккредитациясидан ўтиб, сертификатини қўлга киритди.

Қўлга киритилган халқаро аккредитация эндиликда Тошкент давлат стоматология институти битурувчиларининг дипломи жаҳон миқёсида тан олинади.
Аккредитацион Кенгашнинг хулосасига мувофиқ, Тошкент давлат стоматология институти бакалавриат ва магистратура йўналишлари аккредитациядан ўтди. Ochish/sharhlash