🎓 TA'LIM PLUS | Chet'elda Ta'lim

2020-06-12 16:55:57 ​​ТДИУ базасида Туркия иқтисодиёт ва технология университети филиали ташкил этилади

Хабарингиз бор, Ўзбекистон Республикаси Президентининг 2020 йил февраль ойида Туркия Республикасига расмий ташрифи давомида эришилган келишувларни амалга ошириш ва шу асосда Тошкент шаҳрида Туркия иқтисодиёт ва технология университети филиалини ташкил этиш белгилаб берилган эди.

Шу муносабат билан, жорий йил 4-7 март кунлари Ўзбекистон делегацияси Туркия иқтисодиёт ва технология университетига ташриф буюриб, мазкур олий таълим муассасасининг Тошкент шаҳридаги филиалини очиш юзасидан ҳамкорлик келишуви имзоланди.

Мазкурга келишувга кўра, Туркия иқтисодиёт ва технологиялар университети ҳамда Тошкент давлат иқтисодиёт университети ўртасида кадрлар тайёрлаш, олий таълим соҳасида ҳамкорликни ривожлантириш, электрон ва масофавий таълим технологияларини қўллаган ҳолда инглиз тилида ўқитишни йўлга қўйиш каби вазифалар белгилаб олинган эди.

Ушбу масала юзасидан ўтказилган онлайн конференцияда Олий ва ўрта махсус таълим вазирлиги, Ўзбекистон Республикаси Савдо-саноат палатаси, Тошкент давлат иқтисодиёт университети раҳбар ходимлари, Ўзбекистон Республикасининг Туркия Республикасидаги фавқулодда ва мухтор элчиси, Туркия Республикасининг Ўзбекистон Республикасидаги Фавқулодда ва мухтор элчиси ҳамда ҳар икки мамлакатнинг ОАВ вакиллари иштирок этди.

Конференция давомида ТОВВ ЕТU бренди, веб-сайти, платформа ва бошқа материаллардан университетнинг Тошкент шаҳридаги филиалини ривожлантириш учун фойдаланиш, қолаверса ТОВВ ЕТU дипломини бериш, талабаларнинг қабул қилиш шартлари ва муддатларини келишиш ва кутубхона фондини, шунингдек таълим соҳасидаги ўқув, илмий ва услубий қўлланмаларни шакллантиришга кўмаклашиш каби ишларни тезкор амалга оширилиш масалаларини томонлар муҳокама қилишди ва мазкур масалалар бўйича ижобий тўхтамга келинди.

Бундан ташқари, 2020/2021 ўқув йилидан бошлаб талабаларни қабул қилиш, таълим жараёнларини тўлақонли жорий этиш ҳамда шу соҳага Туркиянинг етакчи ўқитувчи-профессорларини жалб қилишга келишиб олинди.

Маълумот учун, Туркия иқтисодиёт ва технология университети 2002 йилда Туркия савдо палаталари ва биржалари уюшмаси томонидан ташкил этилган.

Олий ва ўрта махсус таълим вазирлигининг расмий телеграм каналига уланиш
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-12 16:55:48 ​​#ОТМ_янгиликлари

Тошкент давлат педагогика университетида “Битирувчи – 2020” онлайн тадбири ўтказилди

Тошкент давлат педагогика университетининг Педагогика ва психология факультети томонидан 2019-2020 ўқув йилида университетни муваффақиятли тамомлаган битирувчи бакалавр талабаларни қутлашга бағишланган онлайн “Битирувчи – 2020” тадбири ўтказилди.

Тадбирда карантин даврида битирувчиларга давлат намунасидаги дипломларни тақдим этиш тартиби, олий таълимни давом эттириш мақсадида бўлган талабалар учун магистратура ва иккинчи олий таълим ҳақида маълумот берилди.

Шунингдек, онлайн тадбир давомида битирувчилар учун турли ташкилотлар томонидан таклиф этилаётган иш ўринлари бўйича маълумот берилди.

Битирувчилар, ўз ўрнида тўрт йил мобайнида билим бериб келган азиз устозларнинг ҳар бир ўгити, берган билим ва таълим-тарбияси қалбларида умрбод муҳрланиб қолишини изҳор этиб, уларга ташаккур билдирдилар.

Тадбир сўнггида ўқув йили мобайнида жамоат ишлари ва турли кўрик-танловларда фаол иштирок этган бир гуруҳ талабалар фахрий ёрлиқ билан тақдирланди.

Олий ва ўрта махсус таълим вазирлигининг расмий телеграм каналига уланиш
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-12 16:52:02 ​​ Va nihoyat!

Aytishlaricha, 2020-2021 oʻquv yili uchun qabul kvotalari tasdiqlanibdi.

Shuningdek, ushbu qaror bilan ayrim yangiliklar joriy etilayotgani xabar qilinmoqda. Xususan, qabul jarayonlari istisno tarzida joriy yil 20 iyundan boshlanishi, bir paytning oʻzida beshta yoʻnalishga hujjat topshirish imkoniyati, kontraktlar toʻlash tartibi va yana qabul jarayonlariga oid boshqa yaxshi oʻzgarishlar belgilanibdi.

Qarorning rasman eʼlon qilinishini intiqlik bilan kutamiz.

Barcha abituriyentlarga tarqating

Batafsil ma'lumot
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-12 11:08:31 ​​ISLOMIY TA’LIM MUASSASALARIGA HUJJAT TOPSHIRISH TARTIBI BELGILANDI

O‘zbekiston musulmonlari idorasi tasarrufidagi oliy va o‘rta maxsus islom ta’lim muassasalariga 2020-2021 o‘quv yili uchun abituriyentlar hujjatlari masofaviy tarzda qabul.muslim.uz sayti orqali qabul qilinadi.

O‘rta maxsus islom ta’lim muassasalariga:

2020 yilning 15 iyunidan 5 iyuligacha (shu kuni ham)

Talab qilinadigan hujjatlar:
- pasport (elektron shaklda);
- attestat yoki diplom (akademik litsey, o‘rta maxsus kasb-hunar kollejini tamomlaganlik to‘g‘risida) elektron shaklda;
- til bilishi to‘g‘risidagi sertifikat (attestat yoki diplomida yozilgan chet tilidan boshqa xorijiy tilda topshirmoqchi bo‘lganlar uchun) elektron shaklda.

Oliy diniy ta’lim muassasalariga:

Toshkent islom instituti va Mir Arab Oliy madrasasiga : 2020 yilning 15 iyunidan 15 iyuligacha (shu kuni ham);

Hadis ilmi maktabiga: 2020 yilning 15 iyunidan 5 iyuligacha (shu kuni ham).

Talab qilinadigan hujjatlar:
- pasport (elektron shaklda);
- o‘rta maxsus islom ta’lim muassasasini tamomlaganlik to‘g‘risidagi hujjat (diplom) elektron shaklda.

Batafsil ma'lumot
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-12 10:51:51 Davlat test markazining rasmiy veb-sayti orqali ro‘yxatdan o‘tish bo‘yicha kengaytirilgan videoqo‘llanma

Youtube orqali ko'rish (HD formatda)

Davlat test markazining ijtimoiy tarmoqlardagi sahifasi:
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-11 19:44:09 Талабалар ўқишини кўчириш, қайта тиклаш бўйича батафсил маълумотлар (2-қисм)

Ўқишини кўчириш истагини билдирган фуқаролардан қуйидаги ҳужжатлар талаб эталади:

1. Кўчириш (қайта тиклаш)ни истаган таълим йўналиши (мутахассислиги), ўқув тили ва шакли кўрсатилган ҳолдаги ариза (аризада ўқиган олий таълим муассасаси ва таълим йўналиши (мутахассислиги), таълим шакли, мақсадли қабул бўйича ўқишга кирмаганлиги, кўчириш (қайта тиклаш) сабаблари, кўчириш (қайта тиклаш) қоидалари билан танишганлиги кўрсатилади);

2. Талабанинг рейтинг дафтарчаси ёки белгиланган шаклдаги академик маълумотнома нусхалари;

3. Паспорт нусхаси.

Бир олий таълим муассасаси доирасида олий таълимнинг мос ва турдош йўналишлари ҳамда мос мутахассисликлари бўйича талабалар ўқишини кўчириш ва қайта тиклаш шу олий таълим муассасаси ректорининг буйруғи асосида амалга оширилади;

Хорижий олий таълим муассасаларининг магистратура босқичида таҳсил олаётган талабалар ўқишини Ўзбекистон Республикаси олий таълим муассасаларига кўчирилишига рухсат этилмайди;

Халқаро тан олинган ташкилотларнинг олий таълим муассасалари рейтингида биринчи 1000 талик рўйхатдан жой олган Россия Федерацияси давлат олий таълим муассасалари рўйхати ҳар йили Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси маълумотига асосан Олий ва ўрта махсус таълим вазирлигининг www.edu.uz расмий веб-сайти ва @eduuz расмий телеграм каналида эълон қилинади.

Олий ва ўрта махсус таълим вазирлигининг расмий телеграм каналига уланиш
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-11 19:43:53 Талабалар ўқишини кўчириш, қайта тиклаш бўйича батафсил маълумотлар (1-қисм)

Куни кеча АОКАда вазирлик бўлим бошлиғи А.Маманазаров иштирокида ўтказилган брифингда талабалар ўқишини кўчириш ва қайта тиклаш бўйича маълумот берилгач, вазирликка айни масалада мурожаатлар сони кескин кўпайди.

Эндиликда вазирликка ҳамюртларимиздан бир хил мазмунда энг кўп келиб тушаётган мурожаатлар таҳлил қилиниб, улар юзасидан жавоблар эълон қилиб борилади.

Дастлабки йўналиш - талабалар ўқишини кўчириш ва қайта тиклаш.

Талабалар ўқишини кўчириш ва қайта тиклаш Ҳукуматнинг 2017 йил 20 июндаги 393-сонли қарори билан тасдиқланган “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги Низомга мувофиқ амалга оширилади;

Хорижий олий таълим муассасаларидан талабалар ўқишини кўчириш, кўчириб тиклаш Ўзбекистон Республикаси таълим муассасаларига ўқишга қабул қилиш бўйича Давлат комиссияси ваколати доирасида;

Хорижий давлатларнинг аккредитацияга эга бўлмаган олий таълим муассасаларида ёки уларнинг филиалларида ўқиганларнинг ўқишини Ўзбекистон Республикаси олий таълим муассасаларига кўчириш тўғрисидаги аризасига рад жавоби берилади;

Низомга мувофиқ фуқаролар ўқишини кўчириш учун Олий ва ўрта махсус таълим вазирлиги томонидан ташкил этиладиган Ҳудудий ишчи гуруҳига 2020 йил15 июлдан 5 августга қадар бўлган муддатда мурожаат қилиши мумкинлиги белгиланган;

Коронавирус пандемияси оқибатида юзага келган вазиятни инобатга олиб, талабалар ўқишини кўчириш, қайта тиклаш жараёнини ташкил этишда онлайн режимда ҳужжатларни қабул қилиш режалаштирилмоқда.

Олий ва ўрта махсус таълим вазирлигининг расмий телеграм каналига уланиш
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-11 19:43:52 #Ахборот_хати

2020 йил 12 июнь куни ўтказиладиган онлайн конференциялар

Наманган муҳандислик-қурилиш институти

- Мавзу: Олий таълим тизимида таълим сифати ва илмий-тадқиқот ишларини ривожлантириш истиқболлари: муаммо ва ечимлар

- Бошланиш вақти: соат 13:30
- Конференцияга ҳавола: http://cc.uz/165wd

Тошкент темир йўл муҳандислари институти

- Мавзу: Саид Аҳмаднинг 100 йиллигига бағишланган "Халқнинг ардоқли адиби" мавзусида онлайн мулоқот

- Бошланиш вақти: соат 11:00
- Конференцияга ҳавола: http://cc.uz/165we
- Идентификатор: 868 1716 0250
- Пароль: 313512

Олий ва ўрта махсус таълим вазирлигининг расмий телеграм каналига уланиш
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-11 19:43:52 #ОТМ_янгиликлари

Тошкент давлат юридик университети раҳбарияти жамоатчилик билан онлайн мулоқот ўтказмоқда

Бугун, 11 июнь куни соат 15:00да Ўзбекистон Миллий матбуот марказида Тошкент давлат юридик университети фаолияти бўйича онлайн брифинг ташкил этилади.

Тадбирда юридик таълим соҳасидаги ислоҳотлар, университетда олиб борилаётган ўзгаришлар, қабул жараёнлари ҳақида атрофлича фикр юритилади.

Тадбир тафсилотлари UzReport телеканали орқали тўғридан тўғри ёритиб бориш кўзда тутилган.

Шу билан бирга Zoom платформаси (идентификатор рақами - 876 0851 0182), университетнинг facebook ижтимоий тармоғидаги саҳифаси (@tsulofficial) орқали мулоқотга қўшилиш мумкин.

Саволлар учун: @tdyu_murojaat_bot

Олий ва ўрта махсус таълим вазирлигининг расмий телеграм каналига уланиш
https://t.me/joinchat/AAAAAEmhFYfBjyP1ncq8hQ Ochish/sharhlash

2020-06-11 19:43:52 ​​#ОТМ_янгиликлари

Битирувчиларнинг онлайн ҳимоялари қизғин давом этмоқда

Ўзбекистон давлат консерваторияси “Мақом чолғу ижрочилиги” кафедраси битирувчи талабалари ҳам республикадаги бошқа ОТМ талабалари каби якуний давлат аттестациясини онлайн тарзда топширишди.

Ўзбекистон Республикасида хизмат кўрсатган артист Аҳмаджон Дадаев бошчилигидаги давлат аттестацияси комиссияси аъзорлари 25 нафар битирувчиларининг ижросини баҳолашди.

Талабалар дастурда белгиланган барча туркумли асарларни: мақом чолғу куйлари, халқ йўлларидан ва бастакор ижодидан намуналарни тўлиқ ижро этдилар.

Барча жараёнлар карантин талабаларига қаътий риоя қилган ҳолда ва масофадан онлайн тарзда амалга оширилди.

Талабалар ижролари ва битирув малакавий иши ҳимояси алоҳида баҳоланди. ва ДАК раиси томонидан умумий балл қўйилди. Баҳолаш 100 баллик тизимда ўтказилди.

Олий ва ўрта махсус таълим вазирлигининг расмий телеграм каналига уланиш
https://t.me/joinchat/AAAAAEmhFYfBjyP1ncq8hQ Ochish/sharhlash