Ta’lim yangiliklari

2022-11-03 09:49:32 ​​ПАСПОРТНИ АЛМАШТИРИШ ТОИФА СЕРТИФИКАТИГА ТАЪСИР ЭТАДИМИ?

#Yurist_Xizmati 3704-савол:

Men pasportim tugash sanasi 29.01 da shunga yanvar oyning 15. 01 samasida pasport ustoliga borsam bo'ladimi? Maktabda ishlayman 27 oktabrda atestatsiyadan o'tdim, sertifikat dekabrda yoki yanvarda tarqatadi, unga pasportim yangilansa ta'siri yo'qmi?

ЮРИСТ ЖАВОБИ:

Ҳурматли фуқаро маълумки, Ўзбекистон Республикаси Президентининг 2020-йил 22-центабрдаги ПФ-6065-сон Фармонига кўра биометрик паспортларнинг ўрнига ИД карталар жорий қилинган.
Ушбу фармон 5-бандига кўра биометрик паспортнинг амал қилиш муддати тугаганда, фуқароларга ИД карталар расмийлаштилади.

Энди қаранг! ушбу фармонга 1-иловада тасдиқланган Ўзбекистон Республикаси фуқаросининг идентификация ИД-картаси тўғрисидаги низом 10-бандига кўра фуқаро ИД-картаси амал қилиш муддати тугаганда ва тегишли ёшга тўлгандан сўнг ёки фамилияси, исми, отасининг исми, туғилган йили ва миллати ўзгаргандан сўнг бир ой муддатда ИД-карта олиш учун мурожаат қилиши лозим.

Шунга кўра сиз ҳам паспортингизни алмаштириш учун 15 январда мурожаат қилишингиз мумкин. Аттестация натижалари эса ҳеч қандай таъсир кўрсатмайди.

Агар паспортни ИДга алмаштириш жараёнида исм фамилиянгиз ўзгарса ҳам буни малака тоифангиз белгиланган сертификатга ҳеч қандай таъсир бўлмайди.

Чунки Фуқаролик кодекси 19-моддаси иккинчи қисмига кўра фуқаронинг ўз исмини ўзгартириши аввалги исми билан олган ҳуқуқ ва бурчларини бекор қилиш ёки ўзгартириш учун асос бўлмайди.

Шунга кўра, паспортни алмаштиришдан умуман қўрқмасингиз ҳам бўлади.

@talimda Ochish/sharhlash

2022-11-03 09:42:33 Ochish/sharhlash

2022-11-03 08:14:18 ​​#Сўраган\_эдингиз

Мактабларда дарс бўлмаган пайт яъни кузги таътил вақти ўқитувчи ишга келмаса бўлаверадими?

#Савол
Ассалому алайкум. Мен информатика фани ўқитувчисиман. Синф раҳбарлик ҳам қиламан. 4 ноябрдан ўқувчилар учун кузги таътил бошланар экан. Бу вақт оралиғида мактабда дарслар ҳам бўлмайди. Мактабда иш ҳам йўқ. Шу сабабли ишга бормасам бўдаверадими?

#Жавоб
Йўқ. Сиз бунга ҳақли эмассиз. Амалдаги Меҳнат кодексининг 114-моддасига кўра, ходим иш тартиби ёки графигига ёхуд меҳнат шартномаси шартларига мувофиқ ўз меҳнат вазифаларини бажариши лозим бўлган вақт иш вақти ҳисобланади.

МКнинг 125-моддасига кўра иш берувчи ҳар бир ходимнинг ҳақиқатда ишлаган иш вақтини ўз вақтида аниқ ҳисобга олиб бориши шарт. Педагог ходимларнинг иш вақти улар томонидан бажарилган педагогик юкламага мувофиқ ҳисоблаб чиқарилади.

Ўқитувчининг педагогик юкламасининг бажарилишини ҳисобга олиш ҳар куни ишга келиш ва кетиш журнали орқали юритилади ҳамда ҳар ойлик иш вақтини ҳисобга олиш табелида акс эттирилиб, унда амалда бажарилган ўқув соатлари (дарс соати сони), педагогик иш соатлари, барча бажарилган соатлар, яъни жами ўқув ва педагогик соатлар йиғиндиси кўрсатилади.

Мактабда дарслар бўлмаган вақтларда ходимлар педагогик юкламасида белгилаб берилган ишларни амалга оширади ёки мактаб маъмурияти томонидан берилган топшириқларни бажаради. Амалдаги Меҳнат кодексининг 154-моддасига мувофиқ иш берувчи ходимга ҳақиқатда бажарган иши учун маош тўлайди. Бажарилмаган иш учун эса иш ҳақи тўланмайди.

Бундай ҳолатлар амалдаги қонунчилик доирасида таълим муассасаси касаба уюшмаси билан келишган ҳолда расмийлаштирилади. Ходим иш жойига келмаган тақдирда табелга киритилмайди ва ҳақ тўланмайди.

Агар мактабнинг ички меҳнат тартиб қоидаларида ходимнинг иш жойига кечикиб келиши ёки иш жойига сабабсиз равишда келмаслиги ходимнинг ўз меҳнат вазифаларини бир марта қўпол равишда бузишлар рўйҳатига киритилган бўлса, ходим билан тузилган меҳнат шартномаси бекор қилиниши ҳам мумкин.

Хулоса қилиб айтадиган бўлсак, мактабларда дарс бўлмаган пайт яъни кузги таътил вақти ўқитувчилар иш жойига келмасликка ҳақли эмас.

Манба

@talimda Ochish/sharhlash

2022-11-03 08:07:20 Деновда мактаб директоридан унинг фаолияти билан боғлиқ танқидий материалларни тарқатмаслик эвазига пул талаб қилинган.

@talimda Ochish/sharhlash

2022-11-02 19:39:22 ​​«Аҳмоқона топшириқлар беришни тўхтатинг!» - Лайло Рустамова

Мактаб ўқувчини шахс сифатида ўзини англашига ёрдам берадиган, ўз хатти-ҳаракатлари учун масъулият ҳиссини, инсоний қадр-қимматини рўёбга чиқариш қобилияти ва истагини ривожлантиришга ёрдам берадиган маскандир. Ўқувчиларга мана бу ёзувдаги каби нарсаларни уқтириш, сингдириш йўли билан уларни Ўзбекистон келажагини қурадиган ёшлар қилиб тарбиялай олмаслигимиз аниқ.

Таълимда бундай инсонларнинг ишлаётганлиги ачинарли жуда ҳам!

Аслида бола ўзидаги мавжуд муаммоларни айта олиши керак, қаердан биласиз балки у оиласида зўравонлик қурбони бўлаётгандир ёки уни қийнаётган бошқа муаммолар бордир. Раҳбарларга ўзини яхши кўрсатиш учун амалга оширилаётган бундай ҳаракатлар билан эса бугун ўз қўлимиз билан келажагимизни барбод қиламиз! Бугун боладан мана бундай нарсани талаб қилаётганлар эртага яхшилик кутмасин!

Ўқитувчилик оддий касб эмас, бу касб, юрак чақирувидир — ўқитувчилардан бундай нарсаларни талаб қилманг, ҳурматли устозлар илтимос бундай талабларга қулоқ тутиб, келажак тақдири сизга боғлиқ бўлган навниҳолларни синдирманг!

Ҳоким Андижон фарзандларининг отаси экан, фарзанд отасига ўзини қийнаётган ҳар қандай масалани айтишга ҳаққи бор, отаси эшитмаган болани кўчада бегоналар эшитади, бу эса яхшиликка олиб келмайди. Ҳоким ҳам айнан шу учун ёшлар билан учрашгани келаётгани аниқ, бу йўл билан ўзингизни яхши кўрсатманг!

@talimda Ochish/sharhlash

2022-11-02 17:27:02 Янги ишга кираётган чет тили ўқитувчиларига В2 даражадаги сертификат талаби 2023/2024 ўқув йилидан киритилади

Маълумки, Ўзбекистон Республикаси Вазирлар Маҳкамасининг 2021 йил 19 майдаги 312-сон қарорига асосан, 2022/2023 ўқув йилидан бошлаб давлат таълим муассасаларининг хорижий тиллар ўқитувчиси лавозимига ишга қабул қилинаётган номзодлар камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозим.

Мазкур қоиданинг амалиётга жорий этилиши натижасида айрим ҳудудларда чет тили фани ўқитувчиларининг умумтаълим мактабларига ишга қабул қилинишида муаммолар юзага келиши ва ўқитувчиларнинг етишмовчилиги кузатилмоқда.

Кўплаб мурожаатларни инобатга олиб, шунингдек, мактабларда хорижий тилларни ўқитиш жараёни давомийлигини таъминлаш мақсадида Ҳукумат томонидан В2 даражадаги миллий ёки халқаро сертификатга эга бўлмаган чети тили фани ўқитувчиларининг умумтаълим мактабларига ишга қабул қилинмаслиги хусусидаги талаб 2023/2024 ўқув йилидан кучга кириши юзасидан топшириқ берилди.

Ҳурматли устозлар, олий ўқув юрти талабалари!

Мактабларда таълим сифати ва педагогларнинг билимига белгиланган талабларга тўлиқ жавоб бериш учун ўз устингизда ишлаш ва малакангизни ошириш чораларини кўришингизни сўраймиз. Мактаб таълими сифатини оширишда педагогларнинг малака ва кўникмалари юқори даражада бўлиши керак.

Эслатиб ўтамиз, 2024/2025 ўқув йилидан мактабдаги ҳар қандай чет тили фани ўқитувчиси В2 даражадаги сертификатга эга бўлиши талаб этилади. Ўз навбатида С1 даражадаги халқаро сертификатга эга ўқитувчилар ҳам айни вақтда ойлик иш ҳақларини 50 фоизга ошириш имкониятига эга.


Халқ таълими вазирлигининг расмий саҳифаларига уланиш
Telegram |Youtube |Facebook |Instagram Ochish/sharhlash

2022-11-02 15:30:05 ​​Энди пенсионер ходимларни ишдан бўшатиб бўлмайди

Хабарингиз бўлса, янги таҳрирдаги Меҳнат кодекси тасдиқланди. Янги кодексга кўра ходимнинг пенсия ёшига етганлиги муносабати билан иш берувчининг ташаббусига кўра меҳнат шартномасини бекор қилиш асоси чиқариб ташланмоқда. Эски кодексда эса иш берувчи пенсионер ходимни ишдан бўшатишга ҳақли эди.

Энди иш берувчиларда бундай ҳуқуқ бўлмайди. Аммо уларда ҳали амалдаги қонун нормаларини қўллашга яна 6 ой вақт бор. Яъни янги таҳрирдаги Меҳнат Кодекси 6 ой ўтгандан сўнг кучга киради.

Эслатиб ўтамиз, мактабдаги дарс тақсимотида ўқитувчининг ёши роль ўйнамайди. Бунда ўқитувчининг таълим сифатига ҳамда у эришган натижаларига эътибор қаратилади.

Ҳар қандай ҳолатда ҳам ўқитувчиларга дарс соатлари “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида” низом билан белгилаб берилган устувор кетма-кетлик асосида тақсимланади.

@talimda Ochish/sharhlash

2022-11-02 14:25:23 В рамках месячника русского языка и литературы учитель школы №33 г. Ангрена Каримова Э.Х.презентовала открытый урок литературы в 10 классе социально-гуманитарного направления на тему: "Путешествие по преисподней" (по поэме Данте Алигьери "Божественная комедия"). Ученики инсценировали встречу Данте и Беатриче, работали в парах (игра "Мой выбор"), заполняли коллективно "адову воронку", индивидуально готовили сообщение об исторических личностях в поэме, а также учились аргументированно высказывать свою точку зрения (Для чего молодому поколению читать Данте?)

@talimda Ochish/sharhlash

2022-11-02 14:07:15 2022.02.11kuni 1-IDUMda Chinoz tumani XTB tomonidan O‘zbekiston Respublikasi Xalq ta’limi vazirining 2020-yil 13-avgustdagi 183-sonli, Toshkent viloyati Xalq ta’limi boshqarmasining 2020-yil 14-avgustdagi 111-sonli buyruqlari ijrosini ta‘minlash hamda tumandagi umumiy o‘rta ta’lim maktablarida “Xorijiy tillar” fan oyligini yuqori saviyada tashkillashtirish va o‘tkazish maqsadida "Xorijiy tillar(rus tili, ingliz tili, nemis tili, fransuz tili) fan oyligini ochilish marosimi bo‘ldi.
Tadbirda Chinoz tumani XTB bo‘limi mudir o‘rinbosari O. Hushvaqtov, XTB bo‘limi bosh metodisti M. Nazarov, xorijiy tillar va ijtimoiy fanlar metodisti M. Jo‘rayeva va Chinoz tumanidagi umumtalim maktablarining xorijiy tillar fan o‘qituvchilari ishtirok etdi.

@talimda Ochish/sharhlash

2022-11-02 11:07:34 “Зудлик билан мактаб тикланмаса, ҳокимият биноси бўшатилади ва болалар шу бинода ўқишади” – Умрзоқов Шўрчида ўқувчилар уй мактабида таълим олаётганини кескин танқид қилди

1 ноябрь куни президент администрацияси раҳбари Сардор Умрзоқов раислигида видеоселектор йиғилиши бўлиб ўтди ва унда халқ таълими муаммолари бир неча банд бўйича жиддий муҳокама қилинди.

https://kun.uz/15375015

Kun.uz расмий канали Ochish/sharhlash