Surxonmuslim.uz

2022-08-29 15:42:57 #мақола
Мустақиллигимиз абадий бўлсин!

Юртимиз ҳаётидаги унутилмас кунларидан бири Ўзбекистонимиз мустақилликка эришган кун мустақиллик байрами куни.
Бу кунларни ота-боболаримиз асрлар давомида интиқиб, орзиқиб кутган чунки асрлар давомида шаклланган қадриятларимиз топталиб, коммунистларнинг ёлғон  сафсаталари асосида ёшларимизни манқуртларча тарбиялашга зўр берилди. Халқимизнинг зиёли, ўқимишли, уламо-фузалоларини йўқ қилиш орқали, миллатнинг тарихини, ўзлигини йўқотиш, қолган билимсиз авлодни саводсизлигидан қайси тарафга бурса эргашиб кетаверишига осонлик билан эришиш мақсади ётар эди. Айниқса, даҳрийлик сиёсатининг динни йўқ қилиш, бунинг учун диний уламоларни йўқ қилишни кўзда тутгани яққол мисоллардан, тарихий воқеалардан кўриниб турибди.            
     Шундай бўлса-да, халқимиз шунча қийинчиликларга қарамасдан, ўз имон-эътиқодидан воз кечмади. Қадриятларини яширин бўлса ҳам авайлаб асраб келди. Қадимдан воҳамиз ўзининг илму ирфони, масжиду мадрасалари, уламолари ва фузалолари билан нафақат шарқда, балки бутун оламга донг таратган. Диёримиздан ҳам диний, ҳам дунёвий соҳада дунё таниган буюк муҳаддислар, муфассирлар, тилшунослар, тарихнавис олимлар, математиклар, астромлар, йирик мумтоз адабиёт намоёндалари, мутасаввиф шоирлар етишиб чиқган. Халқимиз мустақиллик туфайли яна ўзининг илму маърифати билан дунё юзини кўрмоқда.
Мустақиллик туфайли юртимизда ислом динига бўлган муносабат тубдан ўзгарди. Кундан кунга юртимизда янги масжид ва мадрасалар бўй кўтармоқда. Кун сайин ҳожиларимиз сони кўпаймоқда. Қадимий обидаларимиз, қадамжойлар тикланди. Ислом цивилизация марказлари, Ислом академияларининг очилиши чин маънода ислом динига бўлган юксак эътиборнинг самарасидир.
Асрлар, замонлар ўтса ҳам, барчамизга ўзлигимзни англаш, инсоний шаънимизни, қадр-қимматимизни, ўз юртимизни севишни, тилимиз, муқаддас динимизни ва тарихимизни қайтариб берган Аллоҳ бу улуғ айём Ватанимиз мустақиллигини абадий қилсин. Амин.

Бандихон тумани бош имом хатиби. Н. Махаммадиев
https://t.me/surxonmuslimuz Ochish/sharhlash

2022-08-28 09:13:13 САФАР ОЙИ

Сафар ойи кириб келди сафар ойи ҳижрий-қамарий тақвим бўйича йилнинг иккинчи ойидир. Одатда, бу ой яқинлашиши билан кишилар орасида “сафар ойида сафарга чиқса, тўй қилса бўлмасмиш” каби гаплар айланиб қолади. Ушбу гаплар диний маънода бўлиши ҳам турган гап. Чунки уларнинг замирида сафар ойида сафар қилса, офатга дучор бўлармиш, тўй қилса, оиласи бахтсиз бўлармиш, деган эътиқод ётади. Исломдан олдинги жоҳилият даврида ҳам сафар ойидан шумланиш одати бор эди.
Барча нотўғри эътиқодлар қатори динимиз бу каби хурофотдан иборат фикрларни ҳам тўғрилади. Пайғамбаримиз соллаллоҳу алайҳи ва саллам бу борада бир қанча ҳадислар айтдилар. Жобир розияллоҳу анҳудан ривоят қилинади: «Набий соллаллоҳу алайҳи ва саллам: “Касаллик юқиши йўқ, ғул йўқ ва сафар йўқ”, дедилар» (Муслим ва Абу Довуд ривояти).
1. «Касаллик юқиши йўқ». Дунёдаги ҳар бир нарса фақатгина Аллоҳ таолонинг иродаси билан бўлади. Жумладан, хасталик юқиши ҳам. Одамлардан жоҳилият эътиқодларини кетказиш учун шунга ўхшаш нозик нарсаларга алоҳида эътибор берилган.
2. «Ғул» йўқ. Ғул жоҳилият аҳли тасаввуридаги бир жин бўлиб, улар уни турли шаклларга кира олади, одамларни адаштириб кетиб, турли балоларга учратади, деган эътиқодни қилишар эди. Ислом бу нотўғри эътиқодни ҳам рад этди.
3. «Сафар йўқ». Жоҳилият аҳлининг сафар ойи тўғрисида ҳам бидъат-хурофотдан иборат ақидалари бор эди. Ислом бундай бўлмағур эътиқодларни ҳам рад этиб, ой-кунларнинг ҳаммаси Аллоҳ таолоники эканини эълон қилди.
Жоҳилият аҳлининг сафар ойидан шумланишига зид равишда, бу ой Исломда «сафарул хайр» – «сафар яхшилик» деб номланди.
Жоҳилият аҳлининг сафар ойида иш бошлаб бўлмайди, деган хурофотига зид равишда Исломда кўпгина ишлар айнан шу ойда бошланди. Масжиди набавийнинг қурилиши биринчи ҳижрий сананинг айнан сафар ойида бўлди.
Жоҳилият аҳлининг сафар ойида сафарга чиқиб бўлмайди, деган эътиқодига зид ўлароқ, мусулмонлар худди бошқа ойлардаги каби бемалол сафарларга чиқдилар. Пайғамбар алайҳиссалом бу ойда сафарга чиқиб, Хайбарни фатҳ қилдилар.
Жоҳилият аҳлининг сафар ойида никоҳланиб бўлмайди, деган сафсатасига қарши ўлароқ, мусулмонлар бу ойда никоҳларини ўтказдилар. «Туҳфатул Муҳтож фии шарҳил Минҳож» номли китобда ва бошқа манбаларда Имом Зуҳрийнинг ривоятлари асосида келтирилишича, Пайғамбаримиз алайҳиссалом айнан сафар ойида қизлари Фотимаи Заҳрони Али розияллоҳу анҳуга никоҳлаб бердилар. Ўшанда ҳижратнинг иккинчи йили эди.Мухтарам азизлар бундай хурафату ирим сиримларларга ишонмай сафар ойи хақидаги китоблар ва мақолаларни ўқийлик ва фарзандларимизга хам қариндошларимизга етказайлик тўй қилмоқчи бўлиб турган инсонлар хеч еккиланмасдан тўйларини ўтказиверсин иншааллох бахтли оилалардан бўлади.

Шеробод тумани "Шеробод" жомеь масжиди имом ноиби Самандар Пўлатов.
https://t.me/surxonmuslimuz Ochish/sharhlash

2022-08-27 17:15:01 G'usl qanday qilinadi?

G'uslning uch farzi bor:
1. Og‘izni halqumgacha chayish;
2. Burunni achitib chayish;
3. Butun badanni yuvish.
G'usl tartibi quyidagicha: badanga maniy tekkan bo‘lsa, avval yuvib ketkaziladi. So‘ngra suv bilan istinjo qilinadi - oldi va orqa yo‘llar yuviladi va tahorat qilinadi. Yuvinadigan joyda suv to‘planadigan bo‘lsa, tahoratda oyoqlar yuvilmaydi, g‘usl so‘ngida yuviladi. Keyin boshdan uch bor suv quyiladi. Bosh uch bor yuvilgach, o‘ng va chap yelkalardan ham uch martadan suv quyilib, butun a'zoi badan yuviladi. G'uslda badandagi biror tukning ham ostiga suv yetmay qolmasligi kerak. Birinchi suv quyganda badanni ishqalash sunnatdir. Ayollar g‘usl paytida quloqdagi sirg‘a va qo‘llaridagi uzuklarini qimirlatib, ular o‘rniga suv yetkazishlari zarur. Er-xotin jinsiy aloqadan oldin ayol sochini turmak qilgan bo‘lsa sojding tagiga nam yetkazadi, ayolning sochi yoyilgan xolatda jinsiy aloqa qilsa sochini xam qo‘shib yuvishlik kerak bo‘ladi. Agar badanga (sochga, tirnoqqa...) suv yetkazishga mone'lik qiluvchi bo‘yoq kabi narsalar surilgan bo‘lsa, g‘usldan oldin ularni ketkazish shart, aks holda g‘usl o‘rniga o‘tmaydi. Shuningdek, tishlar orasidagi ovqat qoldiqlarini ham tozalash kerak. Kindik kovagiga suv yetkazishni esdan chiqarmaslik zarur. G'uslda qiblaga yuzlanib yuvinish sunnatga xilofdir. G'usl asnosida gapirish odobsizlikdir. Avrat yopilib g‘usl qilinadi. G'usl vojib bo‘lgan kishilar, Qur'oni karim tilovat qilishlari, oyatlarini yozishlari va masjidga kirishlari mumkin emas.

Sherobod tumani "Sherobod" jome masjidi imom noibi Samandar Po‘latov.
https://t.me/surxonmuslimuz Ochish/sharhlash

2022-08-27 17:13:40 "Тинчлик ва осойишталик олий неъмат "

Аллох таьоло дунё хаётда инсониятни бехисоб неьматлар билан ризклантирганки, унинг саноғига етиб булмаслиги хакида курьони каримнинг бир канча оятларида баён килинган: " Агар Аллохнинг неьматларини санасангиз , саноғига ета олмайсиз ( Нахл,18).
Пайгамбаримиз мухаммадС.в.а айтдилар: " Қайси бирингиз тонгда уйкудан уйгонганда оиласи тинч, тани сог ва уйида бир кунлик егулиги булса , билсинки, унда дунёдаги барча неъматлар мужассам экан",- деб неъматни кенг маьнода тушуниш лозимлигига ишора килганлар ( имом термизий ривояти).

Шеробод тумани " Имом Термизий "жомеь масжиди имом ноиби Сайдулло Абдуллаев.
https://t.me/surxonmuslimuz Ochish/sharhlash

2022-08-27 11:13:06 ​​ҒИЙБАТ ҲАҚИДА

Ғийбат деганда гапирилаётган жойда бўлмаган киши ҳақида у эшитса хафа бўладиган гапларни гапириш тушунилади.

Аммо олтита ўринда бундай гапни гапиришга шариатда рухсат берилган:

1. Мазлум киши ҳаққини ундириш учун қозига:
“Фалончи менга зулм қилди”, дейиши мумкин;

2. Ёмон ишни қилаётган кишини тўғри йўлга солиш учун, унга гапи ўтадиган кишига: “Фалончи фалон ишларни қилиб юрибди, уни тўғри йўлга солишга ёрдам беринг”, дейиш мумкин;

3. Фатво сўраш учун: “Фалончи менинг фалон сабаб туфайли бунча молимни олди, унинг бунга ҳаққи борми?” дейиш мумкин;

4. Мусулмонларни бирор ёмонликдан огоҳлантириш учун: “Фалончи ёлғон гапирадиган одам” дейиш мумкин;

5. Бирор ножоиз ишни ҳаммага ошкора қилиб юрадиган одамни, ўша иши билан гапириш: “Ароқ ичиб юрадиган фалончи одам” дейиш мумкин;

6. Танитиш учун, яъни уни одамлар фақат ўша сифати орқалигина танишадиган бўлса, танитиш мақсадида ўша сифатини айтиш мумкин.
Масалан:
“Фалончи чўлоқ” дейиш мумкин.

Албатта, танитишнинг агар у эшитса хафа бўлмайдиган бошқача йўли бўлса, ўша йўл билан танитиш афзал бўлади.

Ғийбат қилиб қўйиб, пушаймон бўлган киши нима қилиши керак?

Аввало, бу ишидан тавба қилиб надомат чекиши керак.

Иккинчидан, агар ғийбатини қилган инсонга бунинг ғийбати етиб борган бўлса, ундан розилик сўраши ва қилган ишидан пушаймонлигини билдириши керак бўлади.

Агар унга етиб бормаган бўлса, унинг ҳаққига истиғфор айтиши ва одамларнинг қалбларини ислоҳ қилиши учун, уларга олдин ғийбатини қилган кишисининг мақтовли сифатларини айтиши лозим бўлади.

"Нодир фатволар" китобидан.

Ангор туман "Маърифат" жомеъ масжиди имом хатиби М.Раҳимқулов.
https://t.me/surxonmuslimuz Ochish/sharhlash

2022-08-26 07:24:00 #МАҚОЛА
Жума кунининг суннатлари

1.Ғусул қилишлик
2.Ҳушбўйланилик
3.Мисвак ишлатиш
4.Чиройли либос кейиш
5.Масжидга эрта бориш
6. Каҳф сурасини ўқиш
7.Иҳлос билан кўп дуолар қилиш
8. Расулуллоҳ соллаллоҳу алайҳи васалламга кўп саловат айтиш.Масжидга келган ватимизда пайпоқларимизга эьтиборли бўлайлик хидланган бўлса ечиб айоқларимизди ювиб кейин масжидга кирайлик. Масжидга келганимизда ёнимизда ўтирган намозхонларга халақит бермайлик қўлимиз билан, тилимиз билан ва баданимиздаги ёмон хидлар билан хам. Масжидга келадиган инсон хом пиёз ва саримсоқ пиёз емай келайлик. Мўмин инсон тоза озада ва чиройли бўлиб юриши керак.

Шеробод тумани "Шеробод" жомеь масжиди имом ноиби Самандар Пўлатов.
https://t.me/surxonmuslimuz Ochish/sharhlash

2022-08-26 07:21:08 Жума куни кимга нимани раво кўрсангиз ўшани юборинг дейишади.

Мен сизларга шу ерларда 2 ракат намоз ўқишликни раво кўрдим. Ният қилган барчага насиб қилсин!

Жума айёмингиз муборак бўлсин!

ЯҚИНЛАРНИ биринчилардан бўлиб табриклаб қўйинг!

АЛБАТТА ЯҚИНЛАРИНГИЗГА ҲАМ ТАРҚАТИНГ!!!
https://t.me/surxonmuslimuz Ochish/sharhlash

2022-08-25 17:23:54 "Ёшларимизни мутаассиб ғояларардан асрайлик"

Ўзбекистон мусулмонлар идораси Сурхондарё вилояти вакили ўринбосари А.Фаттуллаев

Дўстларингизга ҳам улашинг!!!
https://t.me/surxonmuslimuz Ochish/sharhlash

2022-08-25 11:44:47 #мақола
ВАТАН МУҚАДДАС МАСКАН

Маълумки, Аллоҳ таоло Одам алайҳиссаломни халқ қилиб, у Зотнинг зурриёдларини ер юзига тарқатди. Одам ато ва Момо Ҳавводан тарқалган зурриёдлар ерда турли миллат ва элатлар ташкил қилиб, маълум ҳудуд ва маконларни ўзлари учун маскан тутдилар. Бу ҳақда Қуръони каримда:
“Эй, инсонлар! Дарҳақиқат, биз сизларни бир эркак (Одам) ва бир аёл (Ҳавво)дан яратдик ҳамда бир-бирларингиз билан танишишингиз учун сизларни (турли-туман) халқлар ва қабила (элат)лар қилиб қўйдик...”, - дейилган (Ҳужурот сураси, 13-оят).
Табиийки, инсон қаерда дунёга келса ана шу ер унинг учун қадрли Ватан ҳисобланади. Киндик қони тўкилган жой инсон учун ҳеч нарсага алишиб бўлмайдиган, ҳамма нарсадан ҳам қимматли даргоҳдир.

Шеробод тумани "Шеробод" жомеь масжиди имом ноиби Самандар Пўлатов
https://t.me/surxonmuslimuz Ochish/sharhlash

2022-08-25 10:58:58 #раддия
Исломда Мазхаб йўли

Ислом динида шаръий масалаларда умум тан олинган тўрт фиқҳий мазҳабларга эргашишни рад этиш. “Мазҳаб” сўзи арабчада “йўл”, “йўналиш”, шаръий истилохда эса “диний масала бўйича муайян мужтаҳид олимнинг фатво чиқариш йўли” маъноларини билдиради.
Машҳур аллома Ибн Ражаб (1335-1393 м.й.): “Кўплаб мазҳаблар орасидан фақат тўрттасининг сақланиб қолгани асрлар давомида инсонларни турли зиддиятлар ва ихтилофлардан ҳимоя этишда асос бўлган”, деб ёзган (“Тўрт мазҳабдан бошқага эргашганга раддия” китоби).
Уламолар мазҳабларга эргашиш Пайғамбар (с.а.в.)нинг қуйидаги ҳадисига амал қилишдир, деб таъкидлайдилар: “Агар ихтилофни кўрсангиз, ўзингизга кўпчилик томонини лозим тутинг” (Имом Можа, 3950-ҳадис).
давоми
telegra.ph/ISLOMDA-MAZHAB-J%D0%8ELI-08-25
https://t.me/surxonmuslimuz Ochish/sharhlash