2022-08-05 14:30:21
#qonunbilan
Sentabrdagi dam olishlar hisobiga ta’tillar muddatini qanday to’g’ri hisoblash kerak Mustaqillik bayramida barcha xodimlar ish haftasining turidan qat’i nazar 4 kun ketma-ket dam olishadi. Lekin bu dam olishlar kadroviklar uchun ta’til muddatini hisoblashda qiyinchiliklar tug’diradi. Demak, sentavrdagi dam olishlar ta’tillar muddatiga qanday ta’sir qiladi?
Mehnat kodeksi 139-moddasiga ko’ra, ta’tillarning muddati kunlik ish haftasi yuzasidan kalendar bo‘yicha ish kunlari bilan hisoblab chiqariladi.
Ta’til davriga to‘g‘ri kelib qolgan va ushbu Kodeksning 131-moddasiga muvofiq ishlanmaydigan kunlar ( 9 ta ishlanmaydigan bayram kunlari) deb hisoblanadigan bayram kunlari ta’til muddatini belgilashda hisobga olinmaydi.
O‘zbekiston Respublikasi Bandlik va mehnat munosabatlari vazirligi hamda Moliya vazirligining 2018-yil 28-fevraldagi 8-q/q, 47-son qaroriga ilova “Yillik mehnat ta’tili vaqtida saqlanib qolinadigan o‘rtacha ish haqi miqdorini aniqlash tartibi to‘g‘risida” gi 2985-sonli Yo‘riqnomaning (https://lex.uz/docs/-3590278) 16-bandiga ko’ra, ta’til kunlarini hisob-kitob qilishda mehnat ta’tili davriga to‘g‘ri keladigan
dam olish (yakshanba)
ish kuni bo‘lmagan bayram kunlari (131-moddasiga muvofiq ishlanmaydigan 9ta bayram kunlari )
qonunchilik hujjatlariga muvofiq belgilangan qo‘shimcha ishlanmaydigan kunlar hisobga olinmaydi.
Demak, qonunchilik hujjatlariga muvofiq belgilangan qo‘shimcha ishlanmaydigan kunlar ta’til kunlarini hisob-kitob qilishda hisobga olinmaydi ya'ni ta'til kunlariga qo’shilmaydi.
1-sentabr (payshanba) – bayram (ishlanmaydigan) kun kun. Asos: Mehnat kodeksi 131-moddasi.
2-sentabr (juma) – ish haftasining davomiyligidan qat’i nazar, barcha xodimlar uchun qo‘shimcha ishlanmaydigan kun.
3-sentabr(shanba):
6 kunlik ish haftasida ishlaydigan xodimlar uchun qo‘shimcha ishlanmaydigan kun;
5 kunlik ish haftasida ishlaydigan xodimlar uchun kalendar dam olish kuni. Asos: O‘zbekiston Respublikasi Prezidentining 2021-yil 20-dekabrdagi “2022-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi PF-35-son Farmoni (https://lex.uz/uz/docs/-5990048)
4 sentabr (yakshanba) – ish haftasining davomiyligidan qat’i nazar, barcha xodimlar uchun kalendar dam olish kuni.
Ta’tilni hisob-kitob qilishda sentabrning qaysi kunlarini kiritamiz.
“5 kunliklar” uchun – 1, 2 va 4 sentabr kiritilmaydi (3-sentabr ta’tillar hisob-kitobiga kiritiladi chunki shanba “5 kunliklar” uchun shundoq ham dam olish kuni va ta’tillarning muddati 6 kunlik ish haftasi yuzasidan kalendar bo‘yicha ish kunlari bilan hisoblab chiqariladi.
“6 kunliklar” uchun – 1, 2, 3, 4-sentabr kiritilmaydi, chunki 3 sentabr “6 kunliklar” uchun
qo‘shimcha ishlanmaydigan kun deb e’lon qilingan.
Misol, “5 kunlik” xodim 1-sentabrdan 15 ish kuniga ta’tilga chiqsa, uning ishga chiqish sanasi 21-sentabr bo’ladi
(1, 2,4, 11, 18 – sentabrlar ta’tillar muddatiga kirmaydi).
“6 kunlik” xodim 1-sentabrdan 15 ish kuniga ta’tilga chiqsa, uning ishga chiqish sanasi 22-sentabr bo’ladi
(1, 2,3, 4, 11, 18 – sentabrlar ta’tillar muddatiga kirmaydi).
Murojaatlar uchun: @MehnathuquqimurojaatBot Telegramdagi kanalimizni yaqinlarga ulashishni unutmang https://t.me/mehnathuquqi
213 viewsХонмирзо-Шерзодбек Хакимович, 11:30
Q
