2023-04-10 06:52:59
Диққат, диққат! Барча Анварлар ўқисин .
Google янги очилиб, Gmail почта хизматини йўлга қўйганида очган эл.почтам бор. Манзили жуда қисқа, лўнда. Исмим холос. Рақамлар ва бошқа қўшимчаларсиз.
Ҳаммаси зўр, лекин негадир дунёдаги бор Анварлар бирор сайтдан рўйҳатда ўтишда эл.манзил сифатида мени манзилимни кўрсатишни яхши кўришади.
Мана масалан ҳар ой Туркиялик Anvarbek Kylichev нинг Турк Телекомдан қарзлари почтамга келади. Бу ой 126,50TL бўпти.
Ёки мана Кореядаги Анвар Каримовга Coupang хизматидан янги купонлар келди. Менга нима фойда? Кореяда бўлмасам.
Анварбек Қобилов деган йигит Гугл аккаунтининг паролини эсдан чиқарибди, 1 ҳафтадан бери тиклашга уринади. Пароллар эса мени аккаунтимга келиб тушаверади.
Яқинда АҚШдаги 2ndline хизматидан эл.почта келди, паролни ўзгартиринг деб. Ҳар холга қарши ўзгартириб қўявердим. Лекин у хизматдан бирор марта фойдаланмаганман.
Шу кунларда kundalik.com сайтидан рўйҳатдан ўтган ҳамма Анварларнинг хабари менга келаяпти. Орадан 3-4 кун ўтиб эса "Паролни тиклаш" деб яна хабар келади.
Ўнлаб балки юзлаб Анварлар кундалик бахоларини текширолмай ҳуноб.
Хуллас, ҳурматли адашжонлар, эл.почта киритганда сал эътиборли бўлинглар, илтимос.
Ҳурмат билан, Анвар Нарзуллаев.
@sariqdev
4.9K views03:52
S
