Rost24 | Расмий канал

2024-04-16 17:51:13 Кластерлар ва Тўқимачилик уюшмаси бирлаштирилади

Ушбу таклиф Президент раислигида тўқимачилик соҳасида экспорт ва инвестиция ҳажмларини ошириш масалалари юзасидан ўткзилган видеоселектор йиғилишида айтилди.

Йиғилишда Тўқимачилик уюшмаси фаолиятини ҳам фаоллаштириш зарурлиги таъкидланди.

Кластерлар уюшмаси ва Тўқимачилик уюшмасини бирлаштириб, ягона “хом ашёдан тайёр маҳсулотгача” тизимини яратиш таклиф қилинди.

"Соҳадаги муаммоларни тадбиркордан яхши биладиган одам йўқлиги боис, уюшмани тўқимачиликнинг ҳар бир йўналишидаги тадбиркорлардан иборат кенгаш бошқаради", — деди Шавкат Мирзиёев.

ROST24.uz | Telegram | Facebook | Instagram | YouTube Ochish/sharhlash

2024-04-16 14:47:39 Ёқилғи-энергетика нархларини ошириш бўйича ҳукумат қарори қабул қилинди

Қарорга мувофиқ, ёқилғи-энергетика ресурсларининг 2024-2025 йилларда босқичма-босқич ўзгарадиган янги нархлари ҳамда шу йилнинг 1 майдан бошлаб ўзгарадиган электр энергияси ва табиий газ учун бир ойлик истеъмолининг базавий меъёрлари тасдиқланди.

Истеъмолчиларнинг I ва II гуруҳларига кирувчи қисмига ўзгаришсиз – 1 кВт·соат учун 1000 сўм ҳамда 900 сўмдан қолмоқда.

Истеъмолчиларнинг III гуруҳи, шу жумладан, овқат тайёрлаш учун марказлашган ҳолда электр плиталари билан жиҳозланган кўп қаватли уй-жойлар ва ётоқхоналарда яшовчи маиший истеъмолчилар учун бир ойдаги истеъмолдан келиб чиқиб:

ойига 200 кВт·соатгача – 225 сўм;
ойига 201 кВт·соатдан 1 000 кВт·соатгача – 450 сўм;
ойига 1 001 кВт·соатдан 5 000 кВт·соатгача – 675 сўм;
ойига 5 001 кВт·соатдан 10 000 кВт·соатгача – 787,5 сўм;
ойига 10 000 кВт·соат ва ундан юқори – 900 сўмдан этиб белгиланмоқда.

Батафсил

ROST24.uz | Telegram | Facebook | Instagram | YouTube Ochish/sharhlash

2024-04-16 09:13:50 Ochish/sharhlash

2024-04-16 08:43:05 Ўзбекистон, Қозоғистон ва Қирғизистон ҳамкорликда ГЭС қуради

Учта қўшни давлат Қирғизистон ҳудудидан ўтган Норин дарёсида “Қамбарота ГЭС-1” қуриш бўйича келишувга эришди.

Қирғизистон президенти Садир Жапаров 2022 йил 8 июнь куни мазкур ГЭС қурилишини бошлаган эди.

2023 йил январ ойида Бишкек шаҳрида “Қамбарота ГЭС-1” қурилиш лойиҳасини ҳамкорликда амалга ошириш бўйича учта давлат энергетика вазирлари йўл харитасини имзолаганди.

Лойиҳани амалга ошириш учун томонлар Қирғизистон ҳудудида ушбу республика қонунчилигига мувофиқ алоҳида акциядорлик жамиятини тузишади.

Учта давлат томонидан тақдим этилган компаниялар устав капиталининг улуши қуйидагича бўлади: Ўзбекистон 33%, Қирғизистон – 34 % ва Қозоғистон 33%.

Ҳар бир томон компания асосчисини мустақил равишда белгилайди. Томонларнинг улушлари ўзгаришсиз қолади, уларнинг акцияларини бирлаштириш, ўтказиш ва сотиш имконияти тўлиқ истисно қилинади.

ROST24.uz | Telegram | Facebook | Instagram | YouTube Ochish/sharhlash

2024-04-16 04:01:43 #Рост_ҳикматлар

Соғлом бўлишни истаган одам биринчи галда ён-атрофидаги ҳавони тозалаши керак.

Ромен Роллан

Кунингиз хайрли ўтсин!

ROST24.uz | Telegram | YouTube Ochish/sharhlash

2024-04-15 16:04:12 Тожикистон ҳам Туркия фуқаролари учун виза режимини жорий қилди

Тожикистон Ташқи ишлар вазирлиги «ўзаро муносабатлар тамойили»ни илгари суриш мақсадида 20 апрелдан бошлаб Туркия фуқаролари учун виза режимини жорий қилганини билдирган.

«Туркия фуқаролари Тожикистон Республикаси визасини хориждаги элчихоналар ва консулликларда олишлари мумкин», — дейилади «Asia-Plus» нашрида.

Аввалроқ Туркия томонидан оддий хорижий паспортга эга бўлган Тожикистон фуқаролари учун виза режимини жорий этиш қарори қабул қилинган эди.

ROST24.uz | Telegram | Facebook | Instagram | YouTube Ochish/sharhlash

2024-04-15 13:53:59 ХУШХАБАР: «Ўзавтосаноат» қиммат машиналарини ўтказиш учун ялинишни бошлади

«Ўзавтосаноат» давлат идоралари ходимларига Onix автомобилини имтиёзлар билан сотиб олишни таклиф қилмоқда.

«Ўзавтосаноат» АЖ томонидан давлат ташкилотларига юборилган хатда вазирлик тизимидаги ходимлар автомобил қийматининг 50 фоизини тўлаган тақдирда қолган қисмини 24 ой давомида бўлиб-бўлиб тўлаши мумкинлиги айтилган.

Бундай мазмундаги хат ҳозирча Адлия вазирлиги ва Солиқ қўмитасига юборилгани маълум бўлган.

ROST24.uz | Telegram | Facebook | Instagram | YouTube Ochish/sharhlash

2024-04-15 11:40:58 Ўзбекистон ТИВ Яқин Шарқдаги вазият бўйича мамлакатнинг позициясини маълум қилди

«Ўзбекистон Яқин Шарқдаги вазият кескинлашувининг янги босқичидан чуқур хавотирда», – дейилади Ташқи ишлар вазирлиги баёнотида.

Шунингдек, Ўзбекистон томони барча тарафларни босиқликка, ҳарбий ҳаракатларни давом эттиришдан тийилишга ҳамда можарони энг қисқа фурсатларда сиёсий тартибга солиш учун мумкин бўлган барча чораларни кўришга чақирган.

«Мазкур минтақадаги кескинликнинг авж олиши янада жиддий оқибатларга ва кенг кўламли ҳарбий қарама-қаршиликларга олиб келиши мумкин деб ҳисоблаймиз», – дейилади баёнотда.

ROST24.uz | Telegram | Facebook | Instagram | YouTube Ochish/sharhlash

2024-04-15 08:00:29 Энди “Давлат хизматлари” орқали жарималарга эътироз билдириш мумкин бўлади

Вазирлар Маҳкамаси томонидан муҳокамага қўйилган қарор лойиҳасига кўра, 1 октябрдан бошлаб йўл ҳаракати қоидаларининг бузилиши билан боғлиқ ҳолатлар юзасидан юборилган қарор ва хабарномалар бўйича ЙҲХХга Ягона интерактив давлат хизматлари портали орқали электрон мурожаат қилиш имконияти яратилади.

Мазкур хизмат йўл ҳаракати қоидабузарликлари бўйича ИИВ ЖХД ЙҲХХнинг Ягона автоматлаштирилган ахборот тизимини «Электрон ҳукумат» тизимининг идоралараро интеграллашган платформасига интеграция қилган ҳолда, Ягона интерактив давлат хизматлари портали орқали амалга оширилади.

Бунда ИИВ ЖХД ЙҲХХга йўл ҳаракати қоидаларининг бузилиши бўйича юборилган қарор ва хабарномаларга оғзаки ёки ёзма мурожаат (эътироз билдириш) қилиши мумкинлиги ҳам белгилаб қўйилмоқда.

ROST24.uz | Telegram | Facebook | Instagram | YouTube Ochish/sharhlash

2024-04-15 04:02:45 #Рост_ҳикматлар

Билимга сарфланган сармоя энг катта даромад келтиради.

Бенжамин Франклин

Кунингиз хайрли ўтсин!

ROST24.uz | Telegram | YouTube Ochish/sharhlash