2023-10-25 20:14:49
#mulohaza
O'qituvchi qachon o'z ustida ishlaydi?
O'qituvchi eng avvalo o'ziga hurmat ko'rsatilgan joyda sidqidildan mehnat qiladi.
Kasbini sevadigan, jamiyatga shu kasb orqali nimadir bermoqchi bo'lgan kadr uchun birinchi darajali ehtiyoj shu. O'quvchisi, ota-ona tomonidan tazyiqqa uchraydigan, maktab ma'muriyati, pedagogik jamoadagi nosog'lom muhitda ustozdan yuqori natija talab etish mutlaqo xato.
Bedod qiliqlar qilib turgan bolani sal qattiq turib, tartibga chaqirsa-yu, buni oqibatida ota-onadan kurakda turmaydigan gaplarni eshitgan paytda rahbari yoki jamoasidan biror himoya olmasa, kelasi safar shunchaki qo'l siltab qo'yadi xolos.
Ikkinchi, hayotning isbot talab etmaydigan aksiomasi - moddiy ta'minlanganlik.
Agar o'qituvchi yaxshi mehnat qilayotgan bo'lsa, demak shuning uchun o'z mehnatiga yarasha haq to'lanishi yoki adolatli rag'batlantirilishi shart. U ko'p mehnat qilib nimadir beryaptimi, lekin buning evaziga arzirli narsa olmasa, kelasi safar u ham shunchaki kam beradi yoki berayotganday ko'rsatishni afzal ko'radi.
Uchinchidan,
o'ziga ishonchi yuqori bo'lsagina kasbida astoydil ishlashda davom etadi. Chunki u nima qilish kerakligi yaxshi biladi, lekin shuni qilish uchun o'zida ishonch kuchini topaolsa, kelajakka dadil qadam tashlay olishi mumkin.
Yangiliklarni biz orqali muntazam kuzatib boring
telegram | facebook | youtube
31.6K views17:14