Серия пенальти_O'Z

2022-09-28 17:54:25 «Biror soʻz deyishga shunchaki ojizman. Odatda bunday narsalar haqida gapirishni yoqtirmayman, lekin yurt, vatan shunday ahvolda, og‘ir ahvolda turgan bir paytda, yordam berish, tushunish kerak. Va bu jamgʻarma xodimlari halok boʻlgan rus askarlari haqida kuylaganda qichqirishgao'zlarida jur'at topa olishdi... Rossiyaning Oʻzbekistondagi elchixonasi menga buni hal qilishda yordam berishini juda istardim. Biz bunday narsalar oldida bosh egmasligimiz kerak, rus sanʼatkorlari bilan, rus madaniyati bilan bunday qilishlariga yoʻl qoʻymasligimiz kerak», - dedi raqqos https://bit.ly/3dSLBFV

Bugun koʻp tahlil qilib oʻtirmayman. Bir nechta tezislar bilan cheklanaman.

1. Barishnikovning Visotskiy qoʻshigʻi sadolari ostidagi raqsi — bu rus madaniyati. Propaganda qoʻshigʻiga raqsga tushayotgan Putin tatuirovkasi tushirilgan nusxaning rus madaniyati kabi keng maʼnoli tushunchaga hech qanday aloqasi yoʻq. Siyosiy opportunizm isteʼdodni (hatto u mavjud boʻlgan taqdirda ham) yoʻq qiladi va madaniy qadriyatlarni oʻldiradi

2. Ko‘ryapsizmi, biror mamlakatning rus madaniyatiga tahdid sola boshlashi uchun koʻp narsa kerakmas — bor-yoʻgʻi qotillar va harbiy jinoyatchilarni koʻkka koʻtarayotgan ko‘rsatuvni taqiqlash kifoya. Buning uchun hatto Azov va neonatsistlarning olomoniga ham zarurat yoʻq Biroq, Rossiya propagandasi O‘zbekistonga qarshi, o‘z uyida Ukrainaga qarshi kayfiyatni alangalatgan (biznikilar esa buni hatto ulardan yaxshiroq uddalashdi), ritorikadan birinchi marta foydalanmayotgani toʻgʻrisida avval ham yozgan edim.

3. Konsertlar, ma’ruzalar va boshqa chiqishlar vositasida faol propagandistlarni kiritar ekansiz, ularning provokatsiyalariga tayyor bo‘ling

4. Agar kimdir hali ham tushunib yetmagan boʻlsa, biz hammamiz — yangi mustaqil davlatlar — shu urush taʼsiri ostidamiz. Chunki bu Rossiya va Ukraina o‘rtasidagi urush emas. Bu Kremlning barchaga, Rossiya rasmiylarining fikricha, vaqtincha boy berilgan hududlarga qarshi mustamlakachi revanshizmi.

5. Bu yerda hech narsa yozib oʻtirmayman. Kanalni oʻqib borayotganlar tezis-mantra haqida shundogʻam bilishadi

Dekolonizatsiya - bu dunyo xaritasida yangi davlatlarning paydo boʻlishi emas. Bu chegara ustunlarini oʻrnatish orqali amalga oshirilmaydi. Bu - jamiyat va siyosiy elitaning ongida, birinchi va ikkinchida tegishli iroda mavjud boʻlgan taqdirdagina, yuz beradi. Ikkinchining irodasi toʻgʻrisida shu va shunga oʻxshash koʻplab voqealar natijalaridan bilib olamiz

Rus tilida o'qish uchun: https://t.me/powerofanalytics/527 Ochish/sharhlash

2022-09-26 19:45:40 (1/2) BMT Bosh Assambleyasi minbaridagi chiqishlarga, tashkilotning bugungi kundagi barcha dolzarb muammolari fonida, yetarlicha baho bermaslik toʻgʻri emas. Bu davlat uchun muhim hisoblangan masalalar yuzasidan uning pozitsiyasining oʻziga xos xulosasi… Ochish/sharhlash

2022-09-26 19:44:52 (1/2)

BMT Bosh Assambleyasi minbaridagi chiqishlarga, tashkilotning bugungi kundagi barcha dolzarb muammolari fonida, yetarlicha baho bermaslik toʻgʻri emas. Bu davlat uchun muhim hisoblangan masalalar yuzasidan uning pozitsiyasining oʻziga xos xulosasi, jahon miqyosidagi oʻrnining namoyishi hamda xatti-harakatlar rejasining qisqacha anonsidir. Bu yil O‘zbekiston yangi tayinlangan tashqi ishlar vaziri qiyofasida qanday bayonot berayotganligi, ayniqsa, qiziqarli kechdi.

Oʻzimga yoqqan narsadan boshlayman (ha, menga biror narsa maʼqul kelganida va, mening nazarimda, maqtovga arzigulik nimadir bor boʻlgan taqdirda, bu haqda yozishga hecham erinmayman ). Menga O‘zbekistonning BMTda xasrat qilib oʻtirmayotgani, uni hech kim yoqtirmasligidan nolimayotgani, tarixiy adolatsizliklar haqidagi safsatalari bilan hammaning joniga tegmayotgani, o‘zini imperialistik yoki boshqa fitnalar qurboni sifatida ko‘rsatmayotgani yoqyapti. Biz tajovuzkor ritorika qilmaymiz, hech kimni oziq-ovqatsiz, yorugʻliksiz, issiqliksiz, hududsiz va boshqalarsiz qoldirish bilan tahdid qilmaymiz. Umid qilamanki, Toshkent kelgusida ham xuddi shu uslubga amal qiladi.

Norov nutqida Oʻzbekiston tashqi siyosatining asosiy yoʻnalishi sifatida Markaziy Osiyo tilga olinganligini ham alohida qayd etish mumkin. Qolaversa, vazirning bayonotiga koʻra, Markaziy Osiyo oʻzining eng sof koʻrinishida — Yevroosiyo aralashuvisiz. Hatto Afg‘oniston masalasida ham, nihoyat, uni mintaqaning ajralmas qismi ekanligi xususida gapirishni to‘xtatdik hamda unga Markaziy Osiyo va Janubiy Osiyo o‘rtasidagi qo‘shni va bog‘lovchi vazifasini yukladik. Katta Markaziy Osiyo nazariyasiga navbatdagi qaytish sodir boʻlmasligiga ishonishni istardim Transport va logistika sohasidagi infratuzilma loyihalariga alohida e’tibor qaratilishi — bu mintaqaviy kun tartibiga to‘g‘ri yondashuv. Faqat uzoq vaqtdan beri muhokama qilinayotgan loyihalar haqidagi gap-soʻzlar ularning amalda ishga tushirilishiga olib kelishi qoldi, biroq hozircha ularni ishga tushira olmaymiz.

Endi muayyan savollarni tugʻdirayotgan masalalarga oʻtamiz Birinchidan, ShHT haqidagi postda keltirgan tezisimni tasdiqlagan holda, o‘tkazilgan yoki rejalashtirilgan uchrashuvlar/forumlar/konferensiyalar toʻgʻrisida xuddi tashqi siyosatdagi yutuqlarimiz haqida gapirgandek gapiryapmiz. Eslatib oʻtishni istardimki, har xil turdagi uchrashuvlar muvaffaqiyat hisoblanmaydi. Ular tashqi siyosatga doir u yoki bu muvaffaqiyatni ta’minlashi mumkin boʻlgan vositalardan biri xolos. Yutuqlar — bu aynan shu uchrashuvlar natijasi oʻlaroq erishilgan aniq barqaror (!) natijalardir. Ular haqida hozircha hech narsa deyolmaymiz. Ikkinchidan, ilgari, eski Oʻzbekiston deb yuritilayotgan davrda, BMTni isloh qilish zarurligi haqida gap ketganda, aniq takliflarni ilgari surardik. Endi esa shunchaki islohotlarning zarurati haqida gapiramiz-u, Toshkent bu o‘zgarishlarni qanday ko‘rayotganiga urgʻu bermaymiz. Ushbu masalaga aniqroq yondashuvni shakllantirib olish ortiqcha boʻlmagan boʻlardi.

Ochish/sharhlash

2022-09-23 14:22:31 21 avgustdagi post (1/2) Quyidagi videoda rus dunyosi nazariyasining asosiy mafkurachisi Aleksandr Dugin. U antifashist ritorikasining ortiga yashiringan klassik fashist. Dugin oʻsha mashhur 8 yil davomida urushga sigʻinishni madh etgan, zoʻravonlik va agressiyani… Ochish/sharhlash

2022-09-23 14:22:02 21 avgustdagi post
(1/2)

Quyidagi videoda rus dunyosi nazariyasining asosiy mafkurachisi Aleksandr Dugin. U antifashist ritorikasining ortiga yashiringan klassik fashist. Dugin oʻsha mashhur 8 yil davomida urushga sigʻinishni madh etgan, zoʻravonlik va agressiyani targʻib qilgan, aslida rus yerlari deb daʼvo qilinayotgan yerlarni kuch bilan qaytarib olishga chaqirgan va rus shovinistlariga tanish boʻlgan zoʻrlik ohangida xalqning mafkura uchun oʻz-oʻzini qurbon qilishga tayyor boʻlishi zarurligi haqida gapirgan asosiy figuralardan biridir

Ushbu videoda Dugin ichida oʻzi boʻlishi kerak boʻlgan, biroq, aftidan, aslida uning qizi oʻtirgan mashina portlagan joyda boshini ushlab turibdi. Darvoqe, qizi ham olma daraxtidan uzoqqa tushmadi va otasi nima bilan shugʻullangan boʻlsa, deyarli xuddi shu ishni qildi. Dugin va uning qiziga achinish yoki hamdardlik bormi? Yoʻq. U odam qizi bilan birga urushga sigʻinishni ommalashtirishdan zavq olgan (va, shubhasiz, tuppa-tuzuk moliyalashtirish ham). Kimdir Ukrainada urush boshlagani uchun Gebbels bilan bir xil darajadagi javobgarlikni oʻz zimmasiga oladi. Kecha kimdir koʻp yillar davomida oʻzi yetishtirgan narsasini qoʻshni davlatning uzoq bir joyida emas, balki bevosita oʻz oilasida oldi. Taqdir hazili? Karma? Oliy adolatmi? Oʻzingiz tanlang Biroq, keling, Duginlar oilasi oʻzlarining agressiv va daʼvogar nashrlari va postlarini qayta oʻqiyverishsin. Bayonotlarni tunda sodir boʻlgan voqealar bilan solishtirishsin.

Men boshqa narsaga eʼtibor qarataman. Mamlakatimizda va boshqa postsovet mamlakatlarida 24-fevral kuni xursandchilik bilan qarsak chalgan, stolga chertib, “endi bu fashistlarning timsollari qanday o‘ldirilishini” tasavvur qilgancha, urushni hodisa sifatida romantiklashtirayotganlar, divanlarida o‘tirib, siqish, ezgʻilab tashlash, yo‘q qilish kerakligi haqidagi post va izohlarni yozayotganlar, asosiy mafkurachisining dahshatga tushgan qiyofasini chop etib, devoriga osib qo‘yishi kerak. Balki o‘shanda urush yuz marta o‘lib, yuz marta qayta tug‘ilish mumkin boʻlgan kompyuter o‘yini emasligini tushunib yetishar. Urush — hazilkash Vasiliy Terkinning qiziqarli sarguzashtlari emas. Nihoyat, urush — oʻzganing hududidan qarshilikka uchramasdan marsh bilan yurib oʻtiladigan bir tomonlama jarayon emas

Xuddi shu dunyolarni birlashtirishni orzu qiladigan barcha shovinistlar va turli etnik olamlarni sevuvchilar, ular atrofida yetishtirayotgan agressiya ertami-kechmi oʻzlariga qarshi chiqishi mumkinligini tushunishlari lozim Buni siyosatchi uchun mushaklar aql-zakovatdan koʻra muhimroq; qurol bilan toʻldirilgan, hamma qoʻrqadigan davlat iqtisodiy, texnologik va ijtimoiy jihatdan rivojlangan, biroq «hech kim quloq solmaydigan» davlatdan koʻra jozibaliroq, deb hisoblaydigan; shafqatsiz qudrat urugʻini olqishlaydiganlar ham anglab yetishlari zarur. 9-may kuni bolalariga ishtiyoq bilan harbiy kiyim kiydirayotgan befahm ota-onalar urush-romantika ruhida tarbiyalangan bolalar keyinchalik rux tobutlarda qaytishlarini anglab yetishlari kerak (agar ularni, albatta, jang maydonidan olishgan boʻlsa).

Urush – unga aralashgan jamiyatlar uchun falokatdir. Zamonaviy oʻzaro bogʻliq dunyoda ikki davlat oʻrtasidagi urush, eng kamida, davlatlar joylashgan mintaqa uchun va, koʻpi bilan, butun dunyo uchun muammo tugʻdiradi. Urush nafaqat toʻgʻridan-toʻgʻri jang maydonida oʻldiradi, balki undan jarohatlangan butun boshli avlodlarni oʻldiradi. Va hatto tinchlik shartnomasi bilan yakunlangan ogʻir bosqich ham boshlangan urushni tugatmaydi. Uning oqibatlarini oʻnlab yillar davomida bartaraf etishga toʻgʻri keladi.

Ochish/sharhlash

2022-09-22 11:32:09 @Anhoruz ning bugungi materialida Kremlning Ukrainaga qarshi urushida qatnashish uchun fuqarolarimizni verbovka qilishning oldini olish borasidagi kichik sharhim. Sharh taxminan bir hafta oldin so'ralgan, ammo u paytda hech kim Kreml aqlsizlikning yangi to'lqinini boshlashini bilmas edi

Kichik spoyler - verbovkani oldini olish juda qiyin. Buning uchun barcha qiyinchiliklardan tashqari, siyosiy iroda ham kerak

https://anhor.uz/society/protect-migrants/ Ochish/sharhlash

2022-09-21 16:05:07 19 avgustdagi post (1/2) Rossiya Ukraina hududiga bostirib kirganidan beri Oʻzbekiston va Rossiya oʻrtasidagi axborot munosabatlarida press-relizlar oʻyini ko‘zga tashlanmoqda O‘zbekiston tomoni telefon orqali muloqotlar hamda uchrashuvlardan soʻng o‘zi… Ochish/sharhlash

2022-09-21 16:04:52 19 avgustdagi post
(1/2)

Rossiya Ukraina hududiga bostirib kirganidan beri Oʻzbekiston va Rossiya oʻrtasidagi axborot munosabatlarida press-relizlar oʻyini ko‘zga tashlanmoqda O‘zbekiston tomoni telefon orqali muloqotlar hamda uchrashuvlardan soʻng o‘zi uchun odat tusiga kirib qolgan manerada “keng qamrovli masalalar yuzasidan fikr almashilganligi” to‘g‘risida hisobot beruvchi umumiy formulirovkalar bilan kifoyalanadi. Rossiya tomoni esa o‘z tarafkashlari Rossiyaning “dunyo imperializmi va neonatsizmiga qarshi muqaddas urushi” to‘g‘risida qanday gapirayotganini barcha tafsilotlari bilan bayon qiladi

Axborot urushi jarayonining o‘zi, aslida, e‘tiborga molik emas. Qolaversa, Kreml propagandasi so‘nggi 10 yillikda hech qanday yangi narsa o‘ylab topolmadi: rusiyzabonlarning huquqlari buzilishi, rangli inqiloblar, axloqsizlik targ‘ibotiga qarshi anʼanaviy qadriyatlar uchun kurash va boshqa ahmoqgarchiliklar Shu bilan birga, ularda, hech bo‘lmaganda, o‘zining propagandasini biror-bir oqilona va mantiqiy asos bilan mustahkamlashga urinish ham yo‘q. “G‘arb mamlakatlari va, birinchi navbatda, AQShning MDH hududida keskinlik o‘choqlarini yaratishga urinishi” toʻgʻrisidagi jumla nima degan gap? Postsovet hududidagi keskinlik o‘choqlarini eslaylik. Dnestrbo‘yi (Moldova) – Kreml tomonidan yaratilgan. Qorabog‘ (Ozarbayjon) – Kreml tomonidan yaratilmagan, lekin Kreml tomonidan faol ravishda muzlatilgan va eritilgan (bu mavzu bo‘yicha ajoyib sahna ko‘rinishi mavjud bokulik yigitlardan tuzilgan KVN jamoasi). Abxaziya va Janubiy Osetiya (Gruziya) – Kreml tomonidan yaratilgan. LDXR (Ukraina) – Kreml tomonidan yaratilgan. Va nihoyat, ayni paytda Ukrainada kechayotgan to‘liq masshtabli urush Putin va uning sheriklarining hech qanday asossiz, jinoiy qaroridir. Va yana postsovet mamlakatlarida Rossiya rasmiylarining ushbu mamlakatlar mavjudligining noqonuniyligi va ularning davlatchiligi mavjud emasligi toʻgʻrisidagi muntazam bayonotlari tufayli keskinlik mavjud

Biroq Kremlning alam ustida qilinadigan propogandasini bir chetga surib turaylik. Menga boshqa narsa qiziq. Uchrashuvlarda Rossiyaning Ukrainaga bostirib kirishi haqida gap ketganda, bizning amaldorlarimiz nima deb javob berishadi – umuman, biror narsaga javob berishadimi o‘zi? Rossiya tomoni biznikilarning munosabati haqida yo yozmaydi, yoki “tushunish bildirganligi” haqida yozadi. Bizning press-relizlarimizda esa bu mavzu xususida umuman hech narsa deyilmaydi. Agar faqatgina rasmiy bayonotlarga tayanib xulosa qiladigan boʻlsak, ayni paytda biznikilar shunchaki sukut saqlayapti va tinglayapti , degan hissiyot kechadi. Biz uchun, mustaqil davlat sifatida, bu nihoyatda achinarli koʻrinmoqda, ayniqsa, rasmiy Kiyev bilan aloqalar yoʻqligicha qolayotgan bir paytda.

Ayni paytda, Oʻzbekiston oʻzining rasmiy pozitsiyasini mart oyidayoq — shu voqeadan keyin “sobiq” maqomini olgan — tashqi ishlar vaziri tilidan eʼlon qilgan edi. Vazir almashganidan keyin eʼlon qilingan munosabatni hech kim rasmiy darajada inkor qilmadi. Demak, u shundayligicha qolmoqda. Shuning uchun, ikki karra qiziq tuyuladiki, bizning tomon Rossiya bilan bogʻliq muzokaralarda nima deb javob beradi va nima uchun bu javoblar rasmiy press-relizlarda yoritilmaydi Va bu yerda “katta va qudratli qoʻshnimizning gʻazabini qoʻzgʻatishni istamaymiz” qabilidagi bahonalar bilan qutulib qolishning imkoni yoʻq. Birinchidan, buyuklik va qudrat haqidagi afsonani 24-fevral kuni shu qoʻshnimizning oʻzi muvaffaqiyatli yoʻqqa chiqardi. Ikkinchidan, boshqa postsovet mamlakatlarida muayyan bir masala yuzasidan o‘z pozitsiyasini e’lon qiladigan, shundan keyin asosiy amaldorlarni almashtirmaydigan va uni takrorlashdan tortinmaydigan pretsedentlar mavjud. Masalan, nega Qozogʻiston Ukraina masalasida oʻz pozitsiyasi haqida gapirishdan qoʻrqmaydi? Nega hududida Rossiyaning “tinchlikparvar” kuchlari joylashganiga qaramay, Ozarbayjon Rossiya bayonotlariga qarshi (zarurat tugʻilganida) raddiya bilan chiqishdan va kelishuvlarning bajarilishini talab qilishdan qoʻrqmaydi?

Ochish/sharhlash

2022-09-16 20:33:38 (1/2) “ShHT va hokazo, va hokazo” sammiti nihoyasiga yetdi. Samarqand tez orada yengil nafas olishi mumkin boʻladi. Oʻquvchi-talabalar oʻquv yilini boshlashlari, odamlar rejalashtirgan tadbir va marosimlarini oʻtkazishlari mumkin. Umuman olganda, hayot risoladagidek… Ochish/sharhlash

2022-09-16 20:33:03 (1/2)

“ShHT va hokazo, va hokazo” sammiti nihoyasiga yetdi. Samarqand tez orada yengil nafas olishi mumkin boʻladi. Oʻquvchi-talabalar oʻquv yilini boshlashlari, odamlar rejalashtirgan tadbir va marosimlarini oʻtkazishlari mumkin. Umuman olganda, hayot risoladagidek tarziga qaytmoqda

Eski O‘zbekistonda ham, yangi O‘zbekistonda ham birdek seviladigan misli ko‘rilmagan xavfsizlik choralari xususida faqat bir narsani aytaman. Agar xavfsizlikni taʼminlash uchun butun boshli shahar hayotini falaj qilib turishga toʻgʻri keladigan boʻlsa, bunday xavfsizlik tizimining samaradorligi juda katta shubhalarni tugʻdiradi. Xavfsizlikni samarali yoʻl bilan taʼminlash – bu koʻzga koʻrinmas jarayon boʻlib, fuqarolar uning oʻz kundalik hayotlariga taʼsirini deyarli sezmaydilar. Giper-sekyuritizatsiyaga boʻlgan muhabbatimiz allaqachon nomaqbul koʻrinishni boshladi

Sammitning aniq natijalari xususida ko‘p toʻxtalmoqchi emasman. Men ShHTga nihoyatda shubha bilan qarayman. Dastavval Markaziy Osiyodagi taʼsir doiralarini Rossiya va Xitoy oʻrtasida taqsimlash maqsadida tashkil etilgan bu tashkilot vaqt oʻtishi bilan oʻzining qanday tashkilot ekanligi va qayoqqa qarab ketayotgani toʻgʻrisida mutlaqo bir qarorga kelolmay qoldi. ShHT o‘z maqsadlari, istiqbollari va oʻzining xalqaro munosabatlar tizimidagi o‘rni haqida hech qanday strategik tasavvurga ega emas. U vaqti-vaqti bilan tasodifiy kengayib boruvchi oʻta original muloqot platformasidan boshqa narsa emas. Oʻz navbatida, ushbu uchrashuvlar voqeaning tarixiy ahamiyati haqidagi balandparvoz qasidalar hamda ShHTga a’zo davlatlar va hamkorlarning birgalikdagi qudratiga oid tahdidli infografikalar bilan oʻtkazilishi shart emas. Qolaversa, ularning birgalikdagi qudrati haqida gapirish – mashhur masaldagi aravani tortib olishga uringan Oqqush, cho‘rtanbaliq va qisqichbaqaning birgalikdagi kuchini oʻlchashdek gap

Men boshqa narsa xususida soʻz yuritmoqchiman. Oʻzbekistonning tashqi siyosati borgan sari faqatgina PR`ga moʻljallangan tadbir va marosimlarni boshqarish – ivent-menejmentga moyil bo’lib borayotganligi to’g’risida. Imidj masalasi har qanday davlat faoliyatida mavjud bo’lishi tabiiy. Biroq, imidj – davlat faoliyatining asosi bo’lib hisoblanishi mumkin emas. Tashqi siyosiy faoliyatning bu tarzda amal qilishi – bu inson va moliyaviy resurslarning foydasiz sarf etilishi Tashqi siyosat – bu faqatgina hamma bir-birini ko‘kka ko‘taradigan, “olamshumul memorandumlar” imzolanadigan (ularning aksariyati qog‘ozda qolib ketadi) va dunyo taqdiri muhokama qilinadigan sanoqsiz konferensiyalar va sammitlar o’tkazish emas. Tashqi siyosat - bu vazmin va, payti kelsa, imi-jimida milliy manfaatlarni himoya qilish, oddiy va pragmatik vazifalarni amalga oshirish demakdir. Va bizda bu borada so‘nggi paytlar muayyan muammolar mavjud. Biz ko‘proq, milliy manfaatlarimizni himoya qilishdagi jurʼatsizligimizni ommaviy axborot vositalarida keng yoritiluvchi va shov-shuvli tadbirlar, shuningdek, mo‘ljallarimiz to‘g‘risidagi balandparvoz bayonotlar vositasida yashirishga urinmoqdamiz.

Diplomatiyamiz hozirga kelib afg‘on yo‘nalishida sezilarli ilgariladi. Biz bir necha yil davomida oʻzimizni afgʻonlararo muzokaralar maydoni sifatida taklif qilish orqali PR qilishga urindik (darvoqe, avvaliga bu urinishlar muvaffaqiyatsizlikka uchradi). Keyin 2021-yil iyul oyida yirik konferensiya o‘tkazdik, bu konferensiya, mutasaddi organlar ekspertlarining nazarida, Afg‘onistonda tinchlik o‘rnatilishi uchun zamin yaratishi kerak edi Biroq, faqat Tolibon, aftidan, bu ekspertlarni o‘qimagan koʻrinadi: oradan bir oy ham o‘tmay hokimiyatni qoʻlga olib, G‘ani hukumatini agʻdardi. Bu borada bizga omad kulib boqdi. Imidj borasidagi yoʻqotishlarga oʻsha paytda u yerdan qoʻshinlarini olib chiqib ketgan amerikaliklar roʻbaroʻ keldi. Va bizdan hech kim hech qanday yechim kutmadi.

Ochish/sharhlash