PEDIATR👩‍⚕️ONLINE🔵

2022-07-10 19:14:38 Assalom alaykum azizlarim barchangizni qurbon hayiti bayrami bilan chin yurakdan tabriklayman! Oilaviy tinchlik va totuvlik, xonadonlaringizga fayz-u baraka tilab qolaman Ochish/sharhlash

2022-07-10 19:09:08 ​Фарзандларимиз кўчадан ҳафа келганида нима қилишимиз керак?

Фарзандларимиз улғаяр экан уйимизга уларнинг кўчадаги муаммолари ҳам кириб кела бошларкан. Синфдошлари ва дўстларуларни ҳафа қилиши ёки ўқитувчиси кўнглини оғритиши мумкин экан. Ҳар бир ота-она бундай вазиятда фарзандига ёрдам бергиси келади –кимдир уларни ҳимоя қилиб ўқитувчилари, дўстарини айблаб баъзида улар билан уришишади ҳам. Яна кимлардир эса талтайиб кетишидан қўрқиб, боланинг ўзини айблайди.

Бу вактда она узини олдига максад куйиши керак:


Фарзандимни ишончидан чиқмаслик, чунки фарзандим мен билан ҳисларини бўлишмай қўяр экан, мен унга ёрдам бериш имкониятидан маҳрум бўламан.
Ўзини муаммода ҳис қилаётган бир вақтда қалбидаги оғриқларини енгиллаштириш. Чунки, қалб оғриқлари ҳақиқатни тўғри кўришдан тўсади.
Одамлар ва ҳислари билан боғлиқ муаммоларини ҳал қилишни ўрганишига ёрдам бериш.

Аввалига мен муаммони эшитиб, унга тўғри йўлни кўрсатмоқчи, вазиятни тушунтирмоқчи бўлардим, лекин нимагадир бу иш бермас эди. Шундан сўнг бир қанча изланишлар олиб бордим. Изланишларим натижаси ва шахсий тажрибамдан келиб чиққан хулосаларимни сизлар билан бўлишмоқчиман.

1.Фарзандингиз ҳафа ёки йиғлаган аҳволда келганида ҳамма ишингизни ташлаб уларни олдида бўлинг, эшитинг. Агар гапирмаса, шунчаки жимгина олдида ўтиринг. Фарзандингиз кичик ёшда бўлса уни қучоқланг (катта ёшлиси бунга йўл қўймаслиги мумкин, мажбурламанг), токи фарзандингиз сиз уни олдида эканингизни, тушунишингизни билсин.

2.Фикрингизни билдириб, муаммога ечим изламай туринг. Фарзандингизнику, умуман айбламанг. Ҳозир фарзандингизнинг хислари жумбушга келган, ақлли гапларингиз барибир кор қилмайди. Аниқроғи, у уларни эшитмайди ва тушунмайди ҳам. Муаммони кейинроқ муҳокама қилганингиз маъқул.

3.Дилбандингиз ўзини яхшироқ ҳис қилишига ёрдам беринг, ҳаёлини чалғитинг.
ўзини яхши ҳис қила бошлаган боланинг муаммоси унга муаммо бўлиб кўринмай қолар экан. Балки, кўпинча муаммонинг ечимини ўзи излаб топа оларкан.

Айтганча, худди шу услубни тушкунликдаги дугонангиз учун ҳам қўлласангиз бўлади. Ҳозиргача ҳеч бир дугонам «маслаҳат керак деб» қўнғироқ қилиб, маслаҳатимга амал қилганини кўрмадим. Уларни тинглаб, тушунишимни ўзи етарли экан.

@pediatronline Ochish/sharhlash

2022-07-10 19:07:22 Uyim-joyim deydigan ona

Bunday onalar odatda ishlamasdan butun kuch va mehrini bolasiga beradi. Hayotini ham bolasiga bag'ishlaydi. Bola uchun albatta buning ijobiy tomonlari ko'p: uyda doim issiq mazali taomlar, toza va saramjon kiyimlar muhayyo, uy ishi qilishda ona doim yordamini ayamaydi. Lekin bunday onalarning tarbiyasida kamchiliklar ham mavjud: bola voyaga yetganda onasini yetarlicha hurmat qila olmaydi. Onasining fikri va dunyoqarashini bola hurmat qilmaydi. Bola uchun bunday ona faqat uy ishlariga qodir bo'lib qoladi.

O'ta g'amxo'r ona

Bunday onalar bolasiga haddan tashqari ko'p mehr va g'amxo'rlik ko'rsatadi. Bola kichikligida mehr-muhabbatga to'yib o'sishi yaxshi-yu, lekin o'z vaqtida bunday onalar bolasini o'z qaramog'idan qo'yib yuborishni istamaydilar. Bola katta bo'lsa ham, uning har ishiga aralashib, unga doim o'z nuqtai-nazarini singdirib, uning mustaqilligini cheklab qo'yadilar. Buning natijasida esa bola o'ta passiv va mas'uliyatsiz bo'lib o'sadi. Chunki uning o'rniga qayg'uruvchi ona doim yonida bo'ladi.

Kontrolyor

Bunday onalarni diktator desak ham bo'ladi. Bunday onalar uchun bolaning fikri, qarashi va xohishi hech narsa. Bola faqat ona aytganini qilishi shart. Bunday onadan bola juda bo'sh va qobiliyatsiz o'sadi.

Tanqidchi

Bola nima qilishidan qat'iy nazar bu turdagi onalar bolasini doim tanqid qiladi. Bola hech qaysi ishi uchun maqtashga sazovor bo'lmaydi. Bunday onalar doim bolasidan ranjib yurgandek bo'ladilar. Odatda shu tarbiya olgan bola kritikadan qo'rqaverib, hamma narsani a'lo darajasida bajarishga harakat qilib judayam katta yutuqlarga erishishi mumkin, lekin bunday bolalarning fe'li juda og'ir bo'ladi. Ular jahldor va berahm bo'lib katta bo'ladilar.

Yengiltak

Bunday ona farzandi uchun faqatgina fiziologik ona hisoblanadi. Aslida bola tarbiyasi bilan buvilar, qo'shnilar, bog'cha va boshqalar shug'ullanadi. Onada bolaning tarbiyasi va muammolari bilan shug'ullanishga hech qachon vaqti va xohishi bo'lmaydi. Bunday onalar farzandi juda mustaqil bo'lib, onasini nazariga tushish uchun hayotda ko'p yutuqlarga erishadilar. Lekin bunday bolalar ona mehriga to'ymaganligi sababli o'z shaxsiy hayotini qurishda qiynaladilar.

Haqiqiy do'st

Bunday onalar chaqaloqqa ham shaxs sifatida qarab, uning xohish va istaklarini inobatga olgan holda ish tutadilar. Undan tashqari o'z farzandi yutuqlariga, qilgan arzimagan ishlariga ham xursand bo'la oladilar va farzadini hurmat qilishni biladilar. Bunday tarbiya olgan bola hayotda har tomonlama judayam baxtiyor bo'la oladi.

@pediatronline Ochish/sharhlash