Ўқитувчилар

2023-03-21 14:36:36 Ochish/sharhlash

2023-03-21 14:36:25 Ochish/sharhlash

2023-03-21 14:36:25 Ochish/sharhlash

2023-03-18 16:03:00 ВАЗИРЛИКДАН ЎҚУВ МАРКАЗИ УСТУНМИ?
(ёхуд имтиёздан маҳрум таълим фидоийлари ҳақида)

Халқ таълими вазирининг шахсан ўзи чеккан имзо билан бериладиган “Халқ таълими аълочиси” кўкрак нишони соҳадаги энг фидоий ва камдан кам ўқитувчиларга насиб қиладиган олий мукофотдир. Бу мукофотга эришиш осон эмас. Аммо таълим соҳасида йиллар давомида асабидан, кўз нуридан айрилиб эришган бу мукофот ортида фақат меҳнатни эътироф этишдан бўлак ҳеч қандай рағбатлантириш, ҳеч қандай имтиёз йўқлиги кўпчиликни ўйлантиради.
Бу борада ўтган йили ҳам ижтимоий тармоқлар орқали сурхондарёлик ўқитувчи Йигитали Раджабов, андижонлик устоз Каримжон Мадаминовлар юзлаб ўқитувчилар номидан вазирликка таклиф ва мурожаат чилан чиққан, уларга муносабат билдириб ижтимоий тармоқлар орқали: “ИМТИЁЗСИЗ НИШОН – ОТСИЗ ЭГАРДИР” сарлавҳали мақола ҳам чиқаргандим. Аммо, “Халқ таълими аълочиси” кўкрак нишони бўйича Ўзбекистоннинг уч тарафи: шарқ, жануб ва ғарбидан минглаб ўқитувчилар номидан билдирилган таклиф, мурожаат, мақолаларга расмий равишда ҳеч қайси мутасадди на муносабат билдирмади ва на унинг ижобий ҳал қилинишига мужда бермади.
Йигитали Раджабов билан боғланганимизда эса шундай деди: “Қарийиб йигирма тўрт йил кеча кундуз соҳа ривожи учун хизмат қилдим. Меҳнатларим эътироф қилиниб “Халқ таълими аълочиси”га эришдим. Бу мукофотни олган бошқа устозлар ҳам мендан кўп заҳмат чеккан. Аммо...”

Шу ўринда мантиқий савол туғилади;

1.Нима учун йигирма ўттиз йиллаб самарали меҳнат қилган аълочи устозга олий тоифа учун имтиёз берилмаган-у, йигирма ўттиз кун тест ёдлаб, уни йигирма ўттиз дақиқада белгилаб чиққан ўқитувчи олий ва бошқа тоифалар дарҳол берилади?
2.Нима учун бир ой қандайдир ўқув марказида ўқиб, унинг оддий қоғоз-сертификатини олган ўқитувчига тоифа берилиб, камида эллик фоиз устама тайинланади-ю, нима учун бир умр меҳант қилиб Вазирнинг имзоси ва муҳри қўйилган гувоҳномага эришган аълочи устозлар булардан маҳрум қилинган?
3.Нима учун мактаблар рейтингини белгилашда қандайдир ўқув марказнинг сертификати инобатга олинади-ю, Вазир имзо чеккан “Халқ таълими аълочиси” гувоҳномаси инобатга олинмайди?
4.Нима учун аттестация бўйича Вазирлар маҳкамасининг 572-сонли қарорида бошқа унвонларга имтиёз берилгану, айнан Халқ таълими вазирлигининг юксак мукофотига имтиёз берилмаган?
5.Нима учун “2022-2026 йилларда Халқ таълими тизимини ривожлантиришнинг Миллий дастурини тасдиқлаш тўғрисида”ги фармони лойиҳасида “Халқ таълими алочиси” эсланмаган ҳам???
6. Мантиқан ўйлаб қарасак, бутун жамоа, ота-оналар назарига тушган, меҳнатини Вазир эътироф қилиб, муҳри ва имзоси билан “Халқ таълими аълочиси” эканлиги тасдиқланган устозга автоматик равишда олий тоифа берилиб, устама белгиланиши керак эмасмиди, аслида?
7. Наҳотки, Вазир муҳр қўйиб, имзо чеккан гувоҳноманинг оддий ўқув маркази директори томонидан бериладиган оддий сертификатчалик қадри бўлмаса???
Аслида таълимдаги ислоҳотларни Вазирлик нуфузини оширишдан, унинг муҳри билан берилган ҳужжат соҳадаги ҳар қандай сертификатдан устун туришини амалда кўрсатишдан бошлаш керак эмасмиди? Биринчи ўринда миллатнинг аълочи устозлари қадрини жойига қўйишдан, уларнинг йиллар давомида соғлигини йўқотиб қилган меҳнатларини эътиборга олишдан бошлаш керак эмасмиди? Буни ўрнига қўя олмасак, қолган ўқитувчиларнинг қадрини қандай кўтариш мумкин? Ўқитувчилар жон куйдириб ишлаб аълочи бўлишдан кўра, фақатгина тест ёдлаб сертификат олишни маъқул кўришмайдими?
Умид қиламизки, мамлакатимиздаги юзлаб “Халқ таълими аълочи”лари, таълимда аълочи бўлишга интилаётган минглаб ўқитувчиларини қийнаётган бу саволлар ҳукумат доирасида кўрилиб чиқилиб, миллатнинг аълочи устозлари қадри жой-жойига қўйилади.

Мирзабек ЖАПАҚОВ, ҳуқуқшунос журналист.

@pedagoglarmiz Ochish/sharhlash

2023-03-18 16:03:00 Тун билан кун тенглашган қут-барака ойи 21-март байрами барчага муборак бўлсин!

О, гўзал баҳор!


О, гўзал баҳор фусункор кўклам,
Яшариш фасли нафис дилрабо.
Таратиб гўзаллик ажиб бир ёғду,
Хуш келибсан  Наврўз элга марҳабо.

Куйлайсан оламга оромбахш қўшиқ,
Сен бир мўъжиза эртаксан сеҳр,                        
Сени соғинади борлиқ мавжудод,
Яратиш бахт ойи баҳорсан меҳр.

Беғубор болаликни ёдимга солиб,
Қайтгандай ёшлигим яна бокира,
Ёдимга тушади энг бахтли дамлар,
Ўйғонар қўл етмас  ширин хотира.

Борлиққа таратиб хушбўй ифорин,
Дилларга завқ берар кўклам ҳавоси,
Ҳаётга бағишлаб бир дунё севинч,
Боғлардан таралар булбул навоси.

Яратиш ўйғониш фасли навбаҳор,
Қувончдан жамолин айлайди изҳор,
Бойчечак,бинафша гул сочиб ифор,
Шодликка тўлади боғлар-у анҳор.

Баъзан тўсиб қуёшнинг ёруғ нурини,
Қора булутлар ҳам меҳмонга келар,
Ой юлдузлар ҳайратда само ёшига,
Кўкда жилмайиб товланар гуллар.                                

Ҳа, шундай кўркам баҳор нафаси,
Қут-барака ойи унга достон кам.
Боболар момолар кўзида севинч,
Қутлуғ бўлсин элим Наврўзи олам!

Бахтиёр Йўлдошев
Ўзбекистон Ёзувчилар уюшмаси аъзоси

@pedagoglarmiz Ochish/sharhlash

2023-03-17 18:24:56 Kim qilib koʻrdi .

Tugmachalar chiroyli koʼrindimi?

Shift + Alt
Ctrl
F7 tugmachalar. Kimda ishladi kommentariyada qoldiramiz

@pedagoglarmiz Ochish/sharhlash

2023-03-15 14:39:12 Oʻzbekiston Respublikasi Maktabgacha va maktab taʼlimi vazirligining 46-sonli buyrugʻi

2023-yil 6-mart

_"2022-2023-o‘quv yilida umumiy o‘rta ta'lim muassasalarida o‘quvchilarning yakuniy davlat attestatsiyasini tashkil etish va o‘tkazish to‘g‘risida"


@pedagoglarmiz Ochish/sharhlash

2023-03-15 11:03:52 Nima deyishni ham bilmaymiz...
Lekin juda sogʻindik.

@pedagoglarmiz Ochish/sharhlash

2023-03-14 13:41:42 IMKONSIZ HARAKAT YO‘Q, ILOJSIZ MAQSAD

Alohida ta’lim ehtiyoji bo‘lgan bolalar tahsil oladigan 103-sonli maktab-internati o‘quvchilarining bugungi shiori shunday

Inson borki, u o‘z irodasi, qalbidagi jasorat va yashashga bo‘lgan ishtiyoqi orqali hayot qiyinchiliklari va murakkabliklaridan oshib o‘tishga o‘zida kuch topadi.

Ayni vaqtda ana shunday ko‘ngli va niyati osmon 283 nafar o‘g‘il-qiz ushbu maktabda bilim va kasb sirlarini o‘rganishmoqda. Ustoz va murabbiylarning jasorati shundaki, ular aqliy rivojlanishda nuqsoni bo‘lgan bolalarga nafaqat maktab dasturlaridan joy olgan, balki undan chetga chiqqan holda ham kasb sirlarini o‘rgatishadi. Bu esa ularning ertaga talabgir kasb egallashiga ham zamin yaratmoqda.

2022-yilda ushbu tayyor mahsulotlarni sotish orqali 12 mln. so‘m daromadga ega bo‘lib, mablag‘ning bir qismi o‘quvchilarning o‘zlariga berildi.

Darvoqe, o'quvchilar yaratgan mahsulotlarni ushbu bot orqali xarid qilishingiz mumkin: https://t.me/minimarketmajnuntol_bot Ochish/sharhlash

2023-03-13 12:24:24 VAZIR TOPSHIRIG‘IGA ASOSAN 152-MAKTABDA YUZAGA KELGAN HOLAT O‘RGANIB CHIQILADI

Maktabgacha va maktab taʼlimi vaziri Hilola Umarovaning ko‘rsatmasiga asosan Toshkent shahridagi 152-maktabda yuzaga kelgan holat hamda maktabdagi taʼlim va tarbiya jarayonlarini o‘rganib chiqish bo‘yicha vazirlik Ishchi guruhi tuzildi.

Ayni damda o‘qituvchining maktabdagi nosog‘lom muhit bo‘yicha ijtimoiy tarmoq faollariga murojaati keng muhokamalarga sabab bo‘lmoqda. Shu o‘rinda jamoatchilik vakillaridan har ikki tomonni o‘rgangandan so‘ng xolis axborot tarqatishlarini, shuningdek vazirlik ishchi guruhi bilan birgalikda o‘rganish jarayonlarida ishtirok etishlari mumkinligini bildiramiz.

Eslatib o‘tamiz, maktabda o‘qituvchi va o‘quvchi o‘rtasida yuzaga kelgan nizoli holat bo‘yicha o‘quvchining ota-onasi huquq-tartibot idoralariga murojaat qilgan. Sud qarori bilan o‘quvchining onasi va maktab o‘qituvchisiga nisbatan maʼmuriy choralar qo‘llanilgan.

Ishchi guruhning o‘rganish natijalari jamoatchilikka maʼlum qilinadi.

Yuqoridagi holat nafaqat pedagoglar, balki ota-onalarni ham hushyor bo‘lishga undashi kerak. Sababi farzandlarimiz maktabga taʼlim olish uchun keladi, tarbiya esa ota-ona zimmasida bo‘lishi lozim.

Shu o‘rinda o‘qituvchilardan ham o‘quvchilar bilan ziddiyatli vaziyat yuzaga kelganda, pedagogga xos bo‘lgan taʼsir choralarini qo‘llashi lozimligini, har qanday holatda o‘zini qo‘lga olib, bolaning ota-onasi bilan birgalikda muammoga yechim topishi zarurligini yana bir bor eslatib o‘tamiz.

@pedagoglarmiz Ochish/sharhlash