Оналар Канали

2021-12-22 04:01:31 АССАЛОМУ АЛАЙКУМ!

Эзгу амаллар қилиш учун имкон бериб, тонгда уйғотган Аллоҳга беҳисоб шукурлар бўлсин.

Аллоҳ ҳар бир лаҳзангизни бахтга тўлдирсин!

Қалбингиздаги яхши орзу-умидларингизга Аллоҳ таоло етказсин!

Бугунги кун барчамизга бирдек файзу - барокотли бўлсин.

XАЙРЛИ ТОНГ!

https://telegram.me/joinchat/TvtkE6oET_SJ2DTx Ochish/sharhlash

2021-12-21 19:30:14 ЯХШИЛИК ЗАНЖИРИ

(жуда ибратли ҳикоя)

Абдураҳим чўл йўлидан кетиб борарди. Тўсатдан кўзи йўл четидаги машинага тушди. Унда бир қария аёл ўтирар, атрофга чорасиз алангларди. Йигит машина ёнига келиб, эски уловини тўхтатди. Аёл қўрқиб кетди, чунки шунча вақтдан буён ҳеч ким унга эътибор бермаган, ёрдам қўлини чўзмаган эди. Бу одам бирор ёмонликни кўзламаганмикан?
– Менинг исмим Абдураҳим,– деб ўзини таништирди йигит.– Сизга ёрдам бераман, онахон. Унгача менинг машинамда ўтириб туринг, озроқ исиниб оласиз.
Йигит машинанинг у ёқ-бу ёғини текширган бўлди. Йўқ, унақа ваҳимали нарсанинг ўзи йўқ экан. Ғилдирак тешилибди, холос. Бироқ қария аёл буни қандай тўғрилашни билмай анча азоб чеккан кўринади. Абдураҳим чўккалаб, машина остига қаради. Қулай жой топиб, кўтармани қўйди. Сўнг қўлларини куҳ-куҳлаб иситгач, ишга киришди. Ғилдиракни алмаштириб бўлгач, юзига табассум инди. Муаммо ҳал бўлганини кўрган аёл:
– Сизга неча пул беришим керак? – деб сўради, сўнг шоша-пиша қўшиб қўйди. – Тортинмай айтаверинг, қанчалигининг аҳамияти йўқ. Абдураҳим шундай жавоб берди:
– Хижолат бўлманг, ҳеч нарсанинг кераги йўқ. Мен бир ёрдамга муҳтож одамга кўмаклашдим, холос. Менинг ўзимга шу пайтгача қанча одам ёрдам қўлини чўзган – биргина Худога аён. Агар миннатдорчилик билдиришни жудаям хоҳлаётган бўлсангиз, ёрдамга муҳтож бирор одамга дуч келсангиз, унга ёрдам беринг ва мени эсланг.
Аёл қайта-қайта раҳмат айтди ва машинасига ўтирди. Бир неча чақирим юргач, бир ресторанга кўзи тушди. Йўл олдидан бироз исиниб, тамадди қилиб олиш ниятида ресторанга . Унга хизмат қилган жувон жуда истарали экан. Кун бўйи оёқда тик турган бўлса-да, табассум билан муомала қилди. Иши ҳам, ҳомиладорлиги ҳам, кундалик ташвишлар ҳам ундаги мулойимликни йўқота олмагани шундоқ кўриниб турарди. Аёл овқатланиб бўлгач, ҳақини ортиғи билан тўлади. Қайтим олиб келингунича эса ресторанни тарк этди. Унинг кетиб қолганини кўрган жувон ҳайрон қолди. Шу пайт кўзи стол устидаги қоғозга тушди. Унда ёзилганларни ўқиган жувоннинг кўзлари ёшланди:
“Ҳайрон ҳам, хижолат ҳам бўлманг. Мен шунчаки, йўлусти кирган эдим. Бугун менга бир инсон самимий ёрдам қилди ва мен ҳам сизга беғараз ёрдам қўлини чўздим. Агар чиндан ҳам менга миннатдорчилик билдирмоқчи бўлсангиз, ушбу оқибат риштасини узиб қўйманг. Вақти келиб бирор муҳтож кишига кўмак беринг”.
Жувон хатни ўқиб бўлгач, сочиқ остида бир даста пул турганини кўрди. Юраги тўлқинланиб, ҳайрат-ҳаяжонга тушди. Бу нотаниш аёл у ва эри анчадан буён пулга зориқиб юрганини қандай сезди экан-а? Жувон уйига келгач, эрига мамнунлигидан ял-ял ёниб боқди ва ички бир ишонч билан деди:
– Ҳаммаси яхши бўлади! Сиз яхши одамсиз, Абдураҳим ака!

Хулоса ўрнида, одамдан яхшилик қолади. Яхшилик занжирини узмайлик. Шу ҳикояни дўстларизга улашинг, кўпроқ одамга етиб борсин..

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-12-21 17:40:03 Сардор домла - Хотинни қаерда уриш керак

https://telegram.me/joinchat/TvtkE6oET_SJ2DTx Ochish/sharhlash

2021-12-21 14:01:39 ХОТИНИНГИЗ РАШКЧИ БЎЛСА

Йўқдан ғаво йўндиради,
Асабларни сўндиради,
Савол бериб ўлдиради,
Хотинингиз рашкчи бўлса,

Йўлингизни пойлаб турар,
Бир нималар ўйлаб турар,
Телефонингиз кавлаб турар,
Хотинингиз рашкчи бўлса.

Қайда дейсиз ширин калом,
Заҳар бўлар гоҳо таом,
Кеч келсангиз ҳаёт тамом,
Хотинингиз рашкчи бўлса.

Тили узун-бирйон бўлар,
Нигоҳлар-ўқ, камон бўлар,
Терговчидан ёмон бўлар,
Хотинингиз рашкчи бўлса.

Чиқсангиз боғ томонларга,
Қараб қўйманг жононларга,
Борар ёмон гумонларга,
Хотинингиз рашкчи бўлсин.

Чакаги чўғ, чақмоқ бўлар,
Бошингизга тўқмоқ бўлар,
Тоқатингиз бир тоғ бўлар,
Хотинингиз рашкчи бўлса.

Чимирилар кўз,қошингиз,
Етмас баъзан бардошингиз,
Ҳидлаб кўрар уст-бошингиз,
Хотинингиз рашкчи бўлса.

Қалбингиз дард туяр экан,
Жонингиз кўп куяр экан,
Сизни жондан суяр экан,
Хотинингиз рашкчи бўлса.

Хуршид Карим

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-12-21 11:01:00 Ойни этак билан ёпиб бўлмаганидек..
ҳаёсизликни ҳам рўмол ортига беркитиб бўлмайди...

https://telegram.me/joinchat/TvtkE6oET_SJ2DTx Ochish/sharhlash

2021-12-21 07:00:46 ​​Дерларким, Инсон учун энг улуғ дунёвий неъмат — унинг озод ва ҳурлигидир. Агар озодлик неъмат экан, озод инсоннинг бахтсиз бўлмоғи мумкин эмасдир. Агар бахтсиз инсонга дуч келсангиз, қайғу-ҳасратда ёнаётганига гувоҳ бўлсангиз билингким, у озод эмасдир. У шубҳасиз ким ёки нима томонидан эзилгандир.
Агар озодлик неъмат экан, озод инсон аблаҳ бўла олмайди. Агар бир одамнинг бошқалар олдида паст кетаётганини, лаганбардорлик қилаётганини кўрсангиз, билингким, у озод эмасдир. У бир қулдир. У бўйнини қуллик сиртмоғига тутиб, бунинг эвазига бир товоқ овқат ёки бирон мансаб, ёки шунга ўхшаш бир нима ундирмоқ истайди. Ким озроқ манфаатга эришибди, демак, озроқ хушомад қилибди. Зўрроқ хушомад билан эса каттароқ бойликка эришилади.
Озод одам ҳеч бир тўсиқсиз эгалик қилиш мумкин бўлган нарсага эгадир. Ҳеч бир тўсиқсиз нимага эгалик қилиш мумкин? Фақат ЎЗ-ЎЗИГА! Агар сиз одамнинг ўз-ўзига эгалик қилмай, бошқаларга ҳам ҳукм ўтказмоққа жазм этганини кўрсангиз, билингким, у озод эмасдир. У бошқаларга ҳокимлик қилишни истадими, демак, у ўз истаги — нафси қулидир.
Нафсимиз бизларни ёмон нарсаларга буюради. Биз унга қулоқ солдикми, тамом, нафсимиз қулига айландик. Ҳақнинг қули эмас, нафсимизнинг қули бўлдик. Аллоҳ барчамизни шу қулликдан асрасин.
Кўнгил иймон билан, дард сабр билан, тил дуо билан кучланади. Ўзингни исботлаш учун куйиб-пишма;
Кўнгилни ҳаммадан ортиқ Аллоҳ билади...

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-12-21 04:00:37 АССАЛАМУ АЛАЙКУМ!

ХАЙРЛИ ТОНГ!


Яхши инсонлар ҳар хил бўлишади.
Гулларнинг шакли, атирларнинг нави каби.
Ифорлар турли - туман эмасми?
Лекин уларни «ЯХШИЛИК» бирлаштиради.


Аллоҳ юзимизни Унга тоат қилишимиз билан мунаввар айласин!

Қалбаларимизни Ўзининг муҳаббати ила лиммо - лим қилсин!
Аллоҳдан дўстликнинг ҳаловатини,

Садоқатнинг абадий бўлишини,

Мағфиратнинг лаззатини,

Меҳрнинг самимиятини,

Адашишдан асрашини,

Орзулар рўёбини,

Солиҳ амаллар - ла гўзал хотимани насиб қилишини сўраймиз!!

Кунимиз хайрли, баракали, фойдали ўтсин!

https://telegram.me/joinchat/TvtkE6oET_SJ2DTx Ochish/sharhlash

2021-12-20 19:30:47 ГЎЛ

(ҳикоя)

Анча бўлди...хонамга болаларимнинг мураббияси Юлия Васильевнани маошини бериш учун чақирдим:
- Юлия, ўтир! Ҳисоб-китоб қилайлик. Билиб турибман, пулга эҳтиёжинг бор. Аммо хижолат бўлиб ўз ҳақингни ҳам сўрай олмаяпсан.
Хўўп, сен билан иш бошлашдан олдин бир ойда ўттиз рубль маош олишингни белгилаб олган эдик. Тўғрими?
- Қирқ рубль...
- Йўқ! Ўттиз рубль. Мен дафтаримга ёзиб қўйибман. Мураббияларга доимо ўттиз рубль бераман. Икки ой ишлабсан.
- Икки ой-у беш кун...
- Икки ой ишлагансан. Аниқ. Менда ёзиғлиқ турибди. Демак олтмиш рубль бўлади. Ўнта якшанбани чиқариб ташлаймиз. Якшанбада дарс бермагансан. Фақат болалар билан сайр қилгансан. Уч кун байрам бўлган уни ҳам чиқариб ташлаймиз.
Унинг юзлари қизариб қўли билан куйлаги попукларини беҳуда ғижимлай бошлади. Бир оғиз ҳам гапирмади. Давом этдим..
- Демак уч кун байрамни чиқариб ташлаймиз. Ҳаммаси ўн икки рубль бўлади. Коля тўрт кун бемор бўлди. Фақатгина Варяга дарс бергансан. Уч кун тишинг оғриган. Хотиним тушдан сўнг сенга жавоб берган. Демак ўн иккига еттини қўшсак ўн тўққиз бўлади. Айириб ташласак қирқ бир рубль қолади. Шундайми?
Юлия Васильевнанинг чап кўзи қизариб ёшга тўлди. Ияклари титраб йўталди ва ютинди. Аммо бир оғиз ҳам гапирмади. Мен давом этдим:
- Янги йилдан олдин битта пиёла ва товоқни синдирган экансан. Бунга икки рубль чиқариб ташлаймиз. Пиёла бундан қимматроқ туради. У бизга мерос қолган. Аммо яратган сени кечирсин. Ўрнига бошқасини олақоламиз. Сенинг эътиборсизлигинг туфайли Коля дарахтга чиққан ва пиджакини йиртган. Сенинг айбинг билан Варянинг оёқ кийимини хизматкор ўғирлаган. Сен ҳамма нарсага эътибор беришинг лозим эди. Шундай қилиб яна беш рубль чиқарамиз. Ўнинчи январда мендан ўн рубль олгансан.
Юлия Васильевна пичирлади:
- Олмаганман!
Мен:
- Олгансан. Дафтаримда ёзилган турибди.
-Хўп. Шундай бўла қолсин.
Давом этдим...
- Қирқ бирдан йигирма еттини айирамиз. Ўн тўрт рубль қолади.
Унинг кўзлари ёшга тўлди. Узун ва чиройли бурунлари устида тер кўринди. Бечора қиз! У титроқ овозда деди:
- Бир марта олганман. Бир марта уч рубль олганман. Бошқа олганим йўқ!
Мен:
- Тўғри айтдинг. Мен шуни ёзмаган эканман. Ўн тўртдан учни айирсак ўн бир қолади. Мана пулларинг азизам. Уч...уч... уч ва бир...бир...
Унга ўн бир рубль бердим. У қўллари қалтираб пулни олиб чўнтагига солди ва "раҳмат" деди.
Мен асабийлашиб хонада уёқдан буёққа бориб кела бошладим. Ғазабим чиқди:
- "Раҳмат"?! Нега раҳмат?
- Пул учун.
-Жин урсин! Ахир мен сени таладим-ку! Тортиб олдим-ку ҳақингни, ўғирладим-ку! Сен нега раҳмат деяпсан?!
У деди:
- Бошқа жойларда менга ҳеч нарса беришмаган.
- Ҳеч нарса беришмаган?! Сен индамаганмисан? Мен сен билан ҳазиллашдим. Сенга қаттиқ дарс бердим. Сенга ҳамма пулингни бераман. Мана бу конвертда турибди. Аммо сен шу даражада ҳам ожиз бўласанми?! Нима учун ҳужжатлашмайсан? Нега сукут сақлайсан? Бу дунёда тирноқларинг ўткир бўлмаслиги мумкинми? Шу даражада гўл бўлиш мумкинми?
У ожизона табассум қилиб: "Мумкин", деди.
Ундан қаттиқ сабоғим учун кечирим сўраб саксон рубльни бердим. У хижолат бўлиб "раҳмат" , деб чиқиб кетди. Мен унинг ортидан қараб фикр қилдим:
"Бу дунёда заиф бўлмоқ қанчалар жирканч!".

Антон Чехов
Араб тилидан таржима қилинди.

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-12-20 17:40:03 Сардор домла - Қассоблар найранглари

https://telegram.me/joinchat/TvtkE6oET_SJ2DTx Ochish/sharhlash

2021-12-20 14:01:09 БУ МЕНИНГ ОНАМ

Малика Равшанова қўшиғига назира

Бир зот бор, кўксида мангу баҳорлар,
Қалбида муҳаббат офтоби порлар,
Меҳридан эрийди минг йиллик қорлар .
Бу менинг Онамдир, бу менинг Онам.

Дуоси ижобат, нафис дурдонам,
Йиқилсам суяган, азиз остонам,
Гул жоним шамига мунис парвонам,
Бу менинг Онамдир, бу менинг Онам.

Қадоқли кафтида энг гўзал ранглар,
Беозор нутқида энг хуш оҳанглар
Оҳ чексам юммай кўз оттирган тонглар,
Бу менинг Онамдир, бу менинг Онам.

Энг азиз неъмат деб туйган зот мени,
Бир умр кўксига қўйган зот мени,
Жонидан ҳам ортиқ суйган зот мени,
Бу менинг Онамдир, бу менинг Онам.

Аллоҳим кўнглимни, алқаб сийлаган,
Жонимга бахт қушин ипсиз бойлаган.
Энг яхши онага фарзанд айлаган,
Бу менинг Онамдир, бу менинг Онам.

Ҳамид Насруллоев

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash