ТИЛ-МИЛЛАТ КЎЗГУСИ

2022-08-28 13:24:18 Мустақиллигимизнинг 31 йиллигига бағишланади


ЖОНАЖОН ЎЗБЕКИСТОНИМ

Таърифинг тилларда, дилларда достон,
Энг гўзал, энг буюк, юрт Ўзбекистон,
Сенга фидо бўлсин кўксимдаги жон,
Жонажон Ўзбекистон, ману бўл омон.

Бир лаҳза айрилсам бағрим бўлар қон,
Тутарман байроғинг бош узра осмон,
Сен буюк Темурга бўлгансан макон,
Жонажон Ўзбекистон мангу бўл омон.

Ватан деб жонидан суйганлар айтсин,
Юрт ҳиссин қалбида туйганлар айтсин,
Васлингга етолмай куйганлар айтсин,
Жонажон Ўзбекистон мангу бўл омон.

Бир ёғи боғ,бўстон,чаман,гулзорсан,
Бир ёғи,кўкларга туташган қорсан,
Аллоҳнинг назари тушган диёрсан,
Жонажон Ўзбекистон,мангу бўл омон.

Навоий байти бор япроқларингда,
Бобурлар оҳи бор титроқларингда,
Буҳорийлар ётатар тупроқларингда,
Жонажон Ўзбекистон мангу бўл омон.

Мевангдан келади жаннатлар таъми,
Мусаффо ҳаволар кўнгил малҳами,
Ҳеч қачон ўчмасин истиқлол шами,
Жонажон Ўзбекистон мангу бўл омон.

Бағрингда яшнаймиз базимлар қилиб,
Тарифинг куйлаймиз назмлар қилиб,
Яшаймиз то абад таъзимлар қилиб,
Жонажон Ўзбекистон мангу бўл омон.

Хуршид Карим

@onajontilim Ochish/sharhlash

2022-08-27 10:05:07 # соҳир шеърият

Йўқ, сенинг ёдингда қолмайман
мен ҳам,
қуюқ ўйлар аро толиққанда руҳ, -
Ситилиб,
титилиб,
чиқиб кетаман,
кўнглимни девона қилганда хотир, -
бир ғамгин китобни очасан ҳомуш.
Ўқийсан, ўқийсан. Сўнгра қолиб жим,
уйнинг бир бурчида уҳ тортасан, уҳ.
Кўзларингдан учиб кетади бир қуш,
яланғоч кўчада ўйнар изғирин,
сориғ хазонларда Куз сўнаётир.

Англайсан,
бу ғамга интиҳо борми,
аллақайси ишга қотирасан бош,
Инграйсан: "Ё Худо...
Ё Худо борми?
бор бўлса, бахт берсин!", - қиласан таъна.
Китобни ёпасан.
Кўзларингда ёш,
сен яна йииғлайсан, билмайман яна...

Автобус имиллар ғамгин шаҳарда,
дарахтлар ўзини тўка бошлайди.
Уч маҳал:
оқшом-у пешин, саҳарда,
кўнглингга бир ҳадик чўка бошлайди.
Менми?
Мен тирикман, ҳавотир олма,
Устум бут. Бош омон. Соғман. Қорним тўқ.
Барча баҳорларни сенга қолдирдим,
ўзим куз билан ҳам яшаганим йўқ...

Ёндирдим,
ёндирдим,
ҳар кеч ёндирдим,
ёнди шеър оралаб дил қоғозлари,
тасалли бермади "Ёнма!", деб ҳеч ким,
кўниктирди қисмат эътирозлари.
Кўксимни ҳаммага очдим, сўнг, мана.
Сен яна эшикка термулмайсан, йўқ,
сен яна кутмайсан, келмайман яна...

Телба юракларнинг қаролигидан,
шумшайди хабарсиз қолган боғларим.
Худо ва одамнинг аролигида -
Ўзимни оқладим,
сени оқладим.
Инжима,
сен учун ғам ютган бўлсам,
Озроқ севган бўлсам, кўп кутган бўлсам.
Фақат, бир ўзимни унутган бўлсам, -
Инжима!
Бир эртак борар охирлаб,
Армоним, қисматим борар оғирлаб,
Мен эса бундан ҳам топгандай паноҳ,
Кетарингда қайда эдим, сақлаб кек.
Қаерларда эдим, келарингда, воҳ,
Йўқ бўлишим аниқ қайтарингда лек...

Сен яна билмайсан, келмайман яна...
@onajontilim Ochish/sharhlash

2022-08-27 04:28:01
АССАЛОМУ АЛАЙКУМ!
ХАЙРЛИ ТОНГ!

БУГУНГИ ШАНБА ТОНГИ ХАЙРЛИ ВА ФАЙЗЛИ БЎЛСИН!
@onajontilim Ochish/sharhlash

2022-08-26 18:15:11 Мен сизга адашиб меҳр кўйибман,
Шу меҳримни балиқлар еса бўларди.
Шамолларга берсам ўйнаб куларди,
Мен сизга адашиб меҳр қўйибман.

Мен шундоқ, меъёрни билмаган одам.
Исёнкор бандаман Сиз айтгандайин,
Гул берсам ўрнига тош қайтгандайин,
Мен шундоқ, меъёрни билмаган одам.

Шундай яралганман, қаерга борай.
Турлана олмайман етти букилиб,
Ахир юракларим кетди тўкилиб,
Шундай яралганман, қаерга борай.

Қандоқ йиғламайин ахир азизим,
Кўзга ёш келганда кулиб бўлмайди.
Ҳеч қачон меҳрга тўйиб бўлмайди.
Қандоқ йиғламайин ахир азизим,

Мен сизга адашиб меҳр қўйибман...

Гулжамол Асқарова
2006 й
@onajontilim Ochish/sharhlash

2022-08-26 17:11:25 Muhabbat – loyiq bo‘lganlar uchun,
Vafo – unutmaganlar uchun.
Do‘stlik – sodiq bo‘lganlar uchun,
Hayot esa tabassumni bilganlar uchundir...

Jaloliddin Rumiy

@onajontilim Ochish/sharhlash

2022-08-26 17:04:59 Telbalikni kasb qilganim yo'q,
Devona ham emasman asli,
Faqat meni yuragimda cho'g',
Meni ko'nglim Muhabbat fasli,
Gullar mendan qizg'onmas bo'sa,
Men ularni yaxshi ko'raman,
Iforlarin taratib tursa,
Mast bo'laman sarxush bo'laman,
Men dunyoga kelmadim bejiz,
Va ketmoqchi ham emasman beiz,
Kimlargadir kelmasin malol,
Sevganimiz sevilganimiz,
Kulib boqdim kulib yurganga,
Qayrilmadim yuzin burganga,
Yomonlik yo'q dilimda meni,
Yutinmadim yutib turganga.
"Anov"larga aytib qo'yinglar,
Men haqimda gap-so'z yuribdi,
G'iybatlarga mayli to'yinglar,
Barini Alloh ko'rib turibdi.
Kimni siylab kimlarni so'kdim,
Ko'rib hayot qora o'qini,
Dilimdagi qog'ozga to'kdim,
Hisoblamang qalam haqqini.
Shoirlikdan pul topganim yo'q,
Juda shoir ham emasman asli,
Faqat meni yuragimda cho'g',
MENI KO'NGLIM MUHABBAT FASLI..

Navzod Hamro
@onajontilim Ochish/sharhlash

2022-08-25 18:55:24 * * *

Неча бор Ой тўлин бўлди фалакда,
Безиб кетганмидинг мен жон ҳалакдан,
Гумонлар гуллади мажруҳ юракда,
Кут мени, азизам, узоқ яша де,
Кўнглим ҳамон сенда ўша-ўша де!

Ишларим юришмай турибди дегин,
Кимлар бизни бирга кўрибди дегин,
Ағёрлар тиш қайраб юрибди дегин,
Кут мени, азизам, узоқ яша де,
Кўнглим ҳамон сенда ўша-ўша де!

Нима десанг, дегин гумонимни қув,
Жоним омон қўймас ҳавотир, қўрқув.
Марварид тут каби тўкилмайин дув,
Кут мени, азизам, узоқ яша де,
Кўнглим ҳамон сенда ўша-ўша де!

Бир келиб оловга сувлар сепиб кет,
Кўчамнинг бошидан кулиб ўтиб кет.
Дастрўмол тикканман, жоним олиб кет,
Кут мени, азизам, узоқ яша де,
Кўнглим ҳамон сенда ўша-ўша де!

Сўнг йиртиқ кўнгилни ямаб ўлтирай,
Яна кунларимни санаб ўлтирай,
Сабрни қучоқлаб, қамаб ўлтирай,
Кут мени, азизам, узоқ яша де,
Кўнглим ҳамон сенда ўша-ўша де!

Алдагин, алдаб кет, кўнай барига,
Ташлама ҳижроннинг чуқур қарига,
Кимлар нима деса ундан нарига,
Кут мени, азизам, узоқ яша де,
Кўнглим ҳамон сенда ўша-ўша де!


Малика Тавфиқ
@onajontilim Ochish/sharhlash

2022-08-25 14:13:01 Bizlarni tanimaganlar uchun oddiy odammiz.
Bizlarni yomon ko'rganlar uchun mutakabbirmiz.
Bizlarni taniganlar uchun samimiymiz.
Bizlarni sevganlar uchun esa tengi yo'qmiz.

Shul sabab biron kishi uchun chiroyli ko'rinaman deb ovora bo'lma.

Baribir ular seni o'zlari anglaganidek deb bilishadi...




@onajontilim Ochish/sharhlash

2022-08-25 06:28:14 #bismillah
Гулдон ва тош

Биллур гулдон билан тош тўқнашса,  тошга бало ҳам урмайди,  гулдон синади.  Нега-ки,  гулдон бағрида гул бор.
Яхши билан ёмон тўқнашса,  ёмонга балоям урмайди. Яхшини дили вайрон бўлади. Нега-ки,  яхшининг қалбида эзгулик бор.

Ўткир Ҳошимов,
"Дафтар ҳошиясидаги битиклар".

@onajontilim Ochish/sharhlash

2022-08-24 17:06:43 Кимгадир борлигим ўзи бир дунё
Суратим авайлаб юракка илди...
Кимгадир аксинча келдимми малол
Эртадан кечгача ғийбатим қилди.

Яна ким соғинди ҳар он интизор,
Хар кеча тушлари мехмони ўзим.
Аллаким хайдади, кечдилар шундай
Шунчаки унутди ..ёшлатиб кўзим...

Хар куни йўқлади йироқдан кимдир,
Ёнимда яшади кимдир бехабар,
Кимгадир ёқмадим кимгадир ёқдим
Ким ширин бол тутди, Ким тутди захар.

Ким шодлик улашди кимлар хаққига
Боримни ол дея камлар хаққига,
Аллаким яшади хаётдан сархуш
Мен чеккан азобли дамлар хаққига.

Кимдир дуо қилди, ҳар тонг сахарлар
Кўнглимни боғига гул экиб кетди,
Йулимга тузоқлар қўйиб ким биров
Кўрган ҳар кунимга пушаймон этди...

Бир куни дунёдан кетаман кечиб,
Ёгоч от устида...ок тўним кийиб.
Шунда хам кимнидир азаси ёлғон,
Кимлардир йиғлайди чин дилдан куйиб.

Малика Тавфиқ

@onajontilim Ochish/sharhlash