ТИЛ-МИЛЛАТ КЎЗГУСИ

2022-09-01 05:43:55 Видо

Куз келди эҳтимол юрагингга ҳам,
Кетяпман кўзимда ёшларим қалқиб.
Сенинг юрагингга эккан гулларим,
Энди хазонларга айланган балки…

Балки… севмай қўйган оташ юрагинг,
Балки ўчиб бўлган кўксингдаги чўғ.
Азизим, мени ҳеч кўргинг келмаса….
Агар шундай бўлса… сенинг айбинг йўқ!

Агарда, юрагинг талпинмай қўйса,
Мабодо, барига қўл силтасанг: Бас!
Юз ўгириб кетсанг, минг йиллик ишқдан,
Бу хато, бу хато Сеники эмас!

Айбдор мендирман, сени кўп севиб,
Жон қадар ардоқлаб юрган жонида.
Баҳорга ишониб, гулга ишониб,
Бугун ўтлар кетган хонумонига….

Ҳамма хато менда! Сен ҳеч ўртанма!
Начора… қўлимда сўлмиш гулларим.
Негадир, негадир исмингни айтсам,
Уфққа туташиб кетди йўлларим…

Guljamol Asqarova
@onajontilim Ochish/sharhlash

2022-09-01 05:40:22 Мустақиллик байрами муборак бўлсин, азиз юртдошлар!

Юртимиз тинч осмонимиз мусаффо, халқимиз дастурхони тўкин-сочин бўлсин!

Тинчлигимизга кўз тегмасин Илоҳим!
@onajontilim Ochish/sharhlash

2022-08-31 05:58:28 Ассалому алайкум яна бир гўзал тонгни, янги кунни қалбда эзгу орзу истаклар ила қарши олган қадрдонларим!
Бугунги кунингиз баракотли ва омадли келсин!
Кун давомида кўтаринки кайфият ҳамроҳингиз бўлсин...
Дилга яқин инсонларингиз учун доим керакли инсон бўлинг, ўзингизни эҳтиёт қилинг,азиз диндошларим!!

ХАЙРЛИ ТОНГ
@onajontilim Ochish/sharhlash

2022-08-30 18:37:16 @onajontilim Ochish/sharhlash

2022-08-30 18:34:57 Энди у кўчага сира бормайман.
Борсам — дарахтлари гуллар телбаҳол,
Гуё сену менинг баҳорим каби.

Энди у кўчага сира бормайман.
Борсам — сим-сим ёғар майин ёмғирлар
Кунгилчан ёмғирлар жим-жим ёғади —
Гуё сену менинг ёмғирим каби.

Энди у кўчага сира бормайман.
Борсам — фалагида қолмас ҳаловат —
Турналар аламли қичқириқларда
Тушунуксиз дардларни айтиб йиғлашар,
Гўё сену менинг қушларим каби.

Энди у кўчага сира бормайман.
Борсам — ғуссали бир деразасида
Кўчага термулиб, ҳолсиз турасан —
Дунёнинг энг ғамгин дарпардасидай.

Энди у кўчага сира бормайман.
Унда не қиламан шамол бўлмасам —
Парда этагингга шамол юзимни
Босиб йиғлолмасман — нима қиламан?

Усмон АЗИМ
@onajontilim Ochish/sharhlash

2022-08-30 06:08:34 Мавлоно Румий айтадилар:

“Дуо қил!
Аммо, шошма ва шоширма!

Замоннинг, вақтнинг соҳиби сен эмас, Аллоҳдир.

Қачон, қаерда, қандай бўлишини ёлғиз У ҳал қилади”

@onajontilim Ochish/sharhlash

2022-08-30 06:08:09 АССАЛОМУ АЛАЙКУМ

Аллоҳ таолонинг саломи
Пайғамбар ﷺнинг дуоси
Қуръоннинг нури
Байрамона кайфият кун давомида сиз билан бўлсин!

Қалбингиз иймонга
Уйингиз қувончга
Кунингиз xaйрли солиҳ амалларга тўла бўлсин!

@onajontilim Ochish/sharhlash

2022-08-29 18:53:59 МУҲАББАТ КЕРАК

Кимларгадир керак мол дунё,
Кимларгадир бойлик, пул, тилло,
Кимга керак зар тўла сарпо,
Менга эса муҳаббат керак.

Кимга керак пари, ҳушчирой,
Кимга керак гижинглаган той,
Кимларгадир керак кўкда ой,
Менга эса муҳаббат керак.

Кимга керак тайёр ош, хасип,
Олқиш, обрў кимларга насиб,
Амал, мансаб сизга ҳамкасб,
Менга фақат муҳаббат керак.

Истаклардан воз кечдим тамом,
Ҳеч нарсани талашмасман мен,
Аллоҳ сенга бўлган ишқимни,
Ҳеч нарсага алишмасман мен,

Менга танҳо муҳаббат керак.

Хуршид Карим

29.08.2022
@onajontilim Ochish/sharhlash

2022-08-29 08:11:16 Тасодифлар йўқ бу дунёда,
Учрашмадик иккимиз бекор.
Аллоҳимнинг режаларида,
Биз англамас буюк ҳикмат бор!

Сен қайдаю, мен қайда эдик,
Гўё Қуёш, гўё Ой, айро.
Буни Худо истамаганда,
Бўлармидинг қаршимда пайдо!

Дуч келмайди дарёга дарё,
Қушлар сира кетмас тўқнашиб.
Борлигимни билгандек гўё,
Келармидинг давонлар ошиб!

Чарчагандим йўлларинг кутиб,
Мухаббатнинг кўзлари ожиз.
Мана энди бир лаҳза ўтиб,
Гўё эски танишлардекмиз!

Сен қисматга ишонасанми,
Кўрганмисан мени қайдадир!
Билсанг буни мўжиза эмас,
Тақдир дерлар, азизим, тақдир!

Малика Тавфиқ

@onajontilim Ochish/sharhlash

2022-08-28 19:54:37 Дунёда шундай инсонлар борки, сиз уларни шунчаки яхши кўрасиз... Ҳеч нарсасиз!
Сизга улардан ҳеч нима керакмас...

Балки улар узоқдадир, лекин биласизки, улар ҳам сизни яхши кўришади, ҳеч нарсасиз, шунчаки. Уларга борлигингиз, шу ҳаётда бахтли яшаётганингиз муҳим!

Бошқа ҳеч нарса керакмас ...


@onajontilim Ochish/sharhlash