nasafziyo.uz

2021-02-17 12:48:31 Дин ишлари бўйича қўмита ахборот хизмати томонидан тайёрланган "Аждодларга муносиб авлод бўлайлик!" номли тарғибот ролиги.

Дўстларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-17 12:34:29 #Қабул #Абитуриентлар #Фаолият #Имтиҳонлар #Ҳужжатлар

Қабул қачон бошланади?

Қайси фанлардан имтиҳон бўлади?

Олий маъҳадга ҳужжат топшириш учун мадраса дипломи керакми?

Сайтда: https://oliymahad.uz/qabul

Youtube орқали:



Дўстларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-17 05:21:04 ТОНГГИ ЗИКР

Расулуллоҳ соллаллоҳу алайҳи васаллам: «Ким тонг отганда ва кеч кирганда:
سُبْحَانَ اللهِ وَبِحَمْدِهِ
«Субҳааналлоҳи ва биҳамдиҳи»,

(Аллоҳга ҳамд айтиш билан Уни айбу нуқсонлардан поклаб ёд этаман)  деб 100 марта айтса, Қиёмат куни бирор киши ундан афзал бўла олмайди. Фақатгина у каби (100 марта) айтса ёки ундан зиёда қилса, афзал бўлади, холос», дедилар. (Муслим ривояти).

Дўстларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-17 05:12:31 #Бугун
Ассалому алайкум ва роҳматуллоҳи ва барокатуҳ,

Бугун ҳафтанинг чоршанба куни
17 февраль, 2021 йил,
5 ражаб, 1442 йил.

Аллоҳ таоло ушбу кунни барчамиз учун хайрли ва баракали қилсин!

Дўстларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-16 17:41:02 Ухлаш олдидан айтиладиган зикр

Барро ибн Озибдан р.а. ривоят қилинади: «Расулуллоҳ алайҳиссалом менга: «Агар тўшагингга келсанг, намозга таҳорат қилганингдек таҳорат ол, сўнг ўнг томонингга ёнбошлаб «Аллоҳумма асламту нафсий илайка ва важжаҳту важҳий илайка ва фаввазту амрий илайка ва алжату зоҳрий илайк, роғбатан ва роҳбатан илайк, ла малжаа ва ла манжа минка илла илайк, аманту бикитабикаллазий анзалта ва набиййикаллазий арсалта», деб айт. Бу нарсаларни ўқиб ётиб ўша кечаси вафот этсанг, Ислом фитратида ўласан. Ётишдан олдин охирги айтадиганинг шу бўлсин», дедилар». (Маъноси: «Аллоҳим, нафсимни Сенга таслим этдим. Юзимни Сенга қаратдим. Ишимни Сенга топширдим. Сенинг неъматингга рағбат қилиб, ғазабингдан қўрқиб, Сенга суяндим. Сендан бошқа қочадиганим ҳам, нажот топадиганим ҳам йўқ. Нозил қилган китобларингга ва юборган пайғамбарларингга иймон келтирдим».)

Имом Бухорий ва Муслим ривоятлари.

Яқинларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-16 17:39:19 #Ҳадис

Ибн Умар розияллоҳу анҳумодан ривоят қилинади:
«Набий соллаллоҳу алайҳи васаллам:
«Киши ўз биродарининг савдоси устига савдо қилмасин, ўз биродари совчилиги устига совчилик қилмасин. Магар, унга ўзи изн берса, майли», дедилар».
Бошқа бир ривоятда:
«Мусулмон ўз биродарининг савдолашиш устига савдолашмасин», дейилган.

Ушбу ҳадиси шарифда уч хил ишдан қайтарилмоқда:

1. Бировнинг битирган савдоси устига савдо қилиш.
Бу савдо икки хил кўринишда бўлиши мумкин:
Биринчи кўринишда бировдан нарса сотиб олган одамга: «Савдонгни бузиб, нарсани қайтариб бер, мен сенга худди шу нарсани арзон нархга бераман», дейди.
Иккинчи кўринишда эса бировга нарса сотган одамга: «Савдонгни бузиб, нарсангни қайтариб ол, мен сенга ундан кўра кўп пул тўлайман», дейди.
Бу иш бузғунчиликдир.

2. Бировнинг совчилиги устига совчилик қилиш.
Бир киши бир қизга совчилик қилиб турганда, у ўз ишини битирмагунча, бошқа одам ҳалиги қизга совчилик қилиши ҳаромдир. Бу ҳам кишилар ўртасида хусумат келтириб чиқарадиган ишлардан. Аммо биринчи совчилик қилган одам ўзи изн бериб, «Майли, насиб қилгани бўлар, сиз ҳам совчи қўяверинг», деса, иккинчи одам совчилик қилиши мумкин.

3. Бировнинг савдолашаётгани устига савдолашиш.
Яъни бир киши бир нарсани савдолашиб қўйди, ҳали бир йўла сотиб олгани йўқ. Шунда бир одам келиб, сотувчига:
«Менга сотсанг, ундан кўп пул бераман», дейиши мумкин эмас. Ёки харидорга: «Менинг худди шу савдолашган нарсангга ўхшаш нарсам бор, сенга арзон бераман», дейиши мумкин эмас. Савдо битса, битиб кетди, битмаса, учинчи киши ўз мақсадини айтса бўлади. Бу ишда ҳам бошқаларга зарар келтириш борлиги учун у ҳаром қилинган.

«Кифоя, 3-жуз» китобидан.

Яқинларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-16 10:26:29 АЁЛ ЭРИНИ БОҚСА ҲАМ УНГА ИТОАТ ЭТМАГАНИГА ГУНОҲКОР БЎЛАДИМИ?
#Оила

600-CАВОЛ: Аёл турмуш ўртоғининг оила аъзоларини рози қилмаса, эри рози бўлмаса, дўзахий бўлармиш, аммо эр эрлик вазифаларини тўлиқ бажармаса, аёл эрини боқса ҳам дўзахий бўладими?

ЖАВОБ: Бисмиллаҳир роҳманир роҳим. Ҳақиқатан ҳам динимизда эрнинг ҳаққи улуғ. Аёл киши гуноҳ бўлмаган барча ишда эрига итоат қилиши лозим. Набий соллаллоҳу алайҳи васаллам шундай марҳамат қиладилар:
إذا صَلَّتْ المرأةُ خمسَها ، وصامَتْ شَهْرَها ، وحفظَتْ فَرْجَها ، وأَطَاعَتْ زَوْجَها ، قيل لها : ادْخُلِي الجنةَ من أَيِّ أبوابِ الجنةِ شِئْتِ .
яъни: “Аёл беш вақт намозини ўқиса, бир ой фарз рўзасини тутса, фаржини ҳаромдан сақласа ва эрига итоат қилса, унга: “Жаннатнинг истаган эшигидан кир!”, дейилади" (Имом Аҳмад Абдурроҳман ибн Авф р.а.дан ривоят қилганлар).
Исломда эрнинг ҳам, хотиннинг ҳам вазифалари аниқ-тиниқ белгилаб берилган. Ҳар ким ўз вазифасини бажариши керак. Вазифасини бажарса, ажру савобга эришади, агар ўз вазифасини бажармаса, гуноҳга қолади. Бу эрга ҳам, хотинга ҳам тегишли.
Эр ўз вазифаларини тўлиқ бажармаса, аёл сабр қилиб яшай олса, вазифаларини бажариб яшайди. Эр вазифасини бажармади, мен ҳам бажармайман, демайди. Лекин ўз вазифаларини мутлақо бажармайдиган эр билан яшай олишига кўзи етмаса, талоқ сўрашга ҳаққи бор.
Хотин гарчи бой бўлса ҳам, эрни боқишга мажбур эмас. Бу аёлнинг вазифасига кирмайди. Лекин ихтиёри билан, савоб ниятида оиласига харажат қилса, ажрга эришади. Валлоҳу аълам.

Ўзбекистон мусулмонлари идораси
Фатво ҳайъати.

Дўстларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-16 05:11:48 #Бугун
Ассалому алайкум ва роҳматуллоҳи ва барокатуҳ,

Бугун ҳафтанинг сешанба куни
16 февраль, 2021 йил,
4 ражаб, 1442 йил.

Аллоҳ таоло ушбу кунни барчамиз учун хайрли ва баракали қилсин!

Дўстларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash

2021-02-15 18:08:20 #Мутолаа_вақти
#Фиқҳий_масалалар

ҲАМКАСБЛАР, ҚАРИНДОШЛАР ОРАСИДА КАССА ЎЙНАШНИНГ ҲУКМИ
https://nasafziyo.uz/index.php?newsid=4117

Ғусл қилиш соғлик учун фойдалидир
https://nasafziyo.uz/index.php?newsid=4118

ИСМ ОҒИРЛИК ҚИЛАДИМИ?
https://nasafziyo.uz/index.php?newsid=4121

Каналимизга обуна бўлишни унутманг!
https://t.me/joinchat/AAAAAFLbtImNQqKWruwBuA Ochish/sharhlash

2021-02-15 12:00:17 #Қисқа_савол_жавоблар

CАВОЛ: Бир кунлик чақалоқ ўлишининг ҳукми қандай? Қиёматда савол-жавоби қандай бўлади? Исми қўйилмаган, азон айтилмаган болага оятлар ўқиб бағишлаш мумкинми?

ЖАВОБ: Бисмиллаҳир Роҳманир Роҳим.
Бола тирик туғилган бўлса исм қўйилади, азон айтилади. Унга Қиёматда савол-жавоб бўлмайди. Туғилиб ўлгани учун гуноҳи бўлмайди. Гуноҳкор бўлмагани учун унга оятлар ўқиб бағишлаш шарт эмас. Валлоҳу аълам.

Ўзбекистон мусулмонлари идораси
Фатво ҳайъати.

Дўстларингизга ҳам улашинг!
nasafziyo.uz | @nasafziyo ✓
https://t.me/joinchat/AAAAAFLbtImNQqKWruwBuA Ochish/sharhlash