Nargiza Jalil

2023-01-01 11:20:33 Аёл отасиз гўдакни тарбия қила олади...

Бир аёл эрига овозини баланд кўтарди. Эри бундан ғазабланиб, Умар розияллоҳу анҳунинг ҳузурларига шикоят қилиш учун борди. Уйларига етиб бориб, энди эшикни тақиллатмоқчи бўлганида, уй ичидан ҳазрати Умар розияллоҳу анҳунинг аёллари баланд овозда у зотга гапираётганини эшитди. Бу хонадонда ҳам шу аҳвол экан, ортимга қайта қолай, деб энди қайтмоқчи бўлганда, ичкаридан ҳазрати Умар розияллоҳу анҳу чиқиб қолдилар-да: «Ҳой, менда бирор-бир юмушинг бормиди?!» деб сўрадилар.

Ҳалиги одам: «Ҳа, ҳузурингизга аёлимдан шикоят қилиб келгандим. Қарасам, сизда ҳам меникидек аҳвол экан», деди.

Шунда ҳазрати Умар розияллоҳу анҳу: «Кийимларимни ювса, ётоғимни ҳозирласа, фарзандларимни тарбия қилса, уйимни озода тутса, ваҳоланки, бу ишларни Аллоҳ таоло унга буюрмаган. Лекин аёлим буларнинг ҳаммасини эҳсон, фазилат, мурувват тариқасида ихлос билан бажаради. Шундай экан, овозини баланд кўтарса, бунга чидамаслигим, бардош бермаслигим керакми?!» дедилар.

Эй, саййидимиз Форуқ, жинлару шайтонлар сизнинг ҳайбатингиздан қўрқиб, сиз юрган йўлдан қочиб, бошқа йўлдан юрарди. Аммо сиз шу қадар ҳайбат, виқор соҳиби бўлсангиз ҳам эркакларга аёлига нисбатан қандай мулойим бўлиши кераклиги ҳақида таълим беряпсиз.

Ҳой эркаклар, аёлнинг сабрини енгил санаманг. Бағрида тўққиз ой кўтариб юрган ҳомиласини тўлғоқ азобига дучор бўлиб ва унга бардош бериб дунёга келтирган аёл, сизни қалбидан чиқариб юборишга қодирдир.

Аёл биргина сабрнинг ўзи билан кўп изтиробларга бардош бера олади. Шундай экан, аёлларни қандай ҳурмат қилишни ўрганайлик.

Аёл киши жамиятнинг ярмини дунёга келтириб, тарбия қиладиган хилқатдир.

Аёл ўзини севадиган кишининг ёнида сукут сақлаб турган бўлса, айтадиган гаплари ёш кўринишида кўзларидан томади.

Аёл шундай хилқатки, бошида сизга яқинлашишга қўрқади, кунлар ўтиб ундан узоқлашсангиз йиғлайди.

Аёл шундай хилқатки, унинг қалбини камдан-кам эркак тушуна олади.

Аёл киши сиздан амру маҳол нарсани сўрамайди. Балки ўзига меҳр бериб, эътибор қаратишингизни сўрайди.

Аёл: ё улкан макр ёки улкан муҳаббат. Агар биз аёлга нисбатан макр ишлатсак, у ҳам бизга макр ишлатади, аксинча, агар уни севсак, у ҳам бизни севади.

Аёл киши ўзи иситмалаб, жони оғриб турган бўлса-да, сизга дори тайёрлаб беради.

Аёл киши ўзи сиқилиб турган бўлса-да, сизга таскин, тасалли беради.

Аёл киши ўзи чарчаб, хориб турган бўлса-да, сиз билан тун бўйи бедор бўлади.

Аёл шундай хилқатки, танимаган кишиси учун ҳам маҳзун бўлаверади.

Аёл шундай хилқатки, у билан худди гўдакларга муомала қилгандек муносабатда бўлишингизни ёқтиради.

Агар эркак аёл кишининг ғам-андуҳларини кўтаришга қурби етмаса, унинг қалб эшигини чертмасин.

Ишга кетаётганингизда аёлингизни қўлидан бўса олиб кетинг. То қайтгунингизча ўзгача ҳиссиётлар оғушида юрсин. Бу ишни ҳар куни такрор қилингки, ўзини сизга ато қилинган Аллоҳнинг неъмати деб билсин.

Аёл киши ҳар қанча қўпол бўлса ҳам унинг қалби меҳр-шафқатга лиммо-лим бўлади.

Аёлнинг эркалигини ва рашкини фақатгина уни чин дилдан севган инсонгина кўтара олади.

Аёл хиёнатдан, яқинларини йўқотишдан қўрқади. Яхши кўрган инсонини йўқотиб қўйса, уни унутиши қийин бўлади.

Аёл отасиз гўдакни тарбия қила олади, лекин эркак онасиз гўдакни тарбия қила олмайди.

Таржимон: Нозимжон Ҳошимжон
Муҳаррир: Хуршид Маъруф

Islom.uz Ochish/sharhlash

2023-01-01 11:14:04

Ochish/sharhlash

2023-01-01 11:03:18

Ochish/sharhlash

2022-12-31 15:32:51 #НАТИЖА

Бугун Эльмира Баситханова таклифларига кўра Соғлиқни сақлаш вазирлигига бориб, йўталга қарши сироплардан заҳарланган болажонлар масаласида суҳбатлашдим.

Бугун дам олиш куни бўлса-да ўзим кетаман дегунимга қадар суҳбатлашдик.

Суҳбат давомида 2 кун олдин қилинишига келишиб олган ишларимизнинг ҳисобот ва хулосалари билан таништирилдим:

Охирги 2 кун ичида қилинган асосий ишлар:

1) QURAMAX компаниясининг таркибида этиленгликоль моддаси бор бўлган Док-1 Макс дан ташқари, турли ном остидаги, хусусан АМБРОНОЛ, ЦИНЕПАР КИДС ва бошқа дори маҳсулотларини ҳам инсон саломатлиги учун зарарли деб тан олинди;

2) Ушбу дори воситаларининг зарарли таъсирлари ҳақида кенг жамоатчиликка хабар берилди, шунингдек ушбу дориларни истеъмол қилганларга зудлик билан шифокорга мурожаат қилиб, кўрикдан ўтишга тарғиб қилинди;

3) Ушбу дори воситаларининг савдоси мамлакатда буткул тақиқланди;

4) Фомепизол антидотининг этиленгликоль моддасидан заҳарланишга қарши самаралари, қўллаш усуллари борасида хорижлик мутахассислар, хусусан россиялик ва норвегиялик токсикологлар билан суҳбат ўтказилди (суҳбат нусхаларидан намуналар менга ҳам берилди)

5) Мутахассислар хулосасига кўра, фомепизол (антизол) антидоти ҳақиқатан ҳам йўталга қарши дорилар таркибидаги этиленгликоль моддасидан заҳарланишга қарши дастлабки бир неча кун давомида самаралари таъсир кўрсатиши инобатга олиниб, хорижий малакат (Ҳиндистон)га фомепизол антидотининг дастлабки партияси учун буюртма берилди (айни дамда етиб келган бўлиш эҳтимоли ҳам бор). Бу антидот нисбатан ноёб ва қиммат (бир флакони 1000 доллардан ошади).

Суҳбат давомида охирги 2 кун ичида қилинган ишлардан мамнун бўлганлигимни ва бу ишларни давом эттиришда яна ўз таклифларимни билдиришим мумкинлиги борасида ижобий жавоб олдим.

Жумладан, суҳбат охирида яна қуйидагиларни таклиф қилдим:

1) Хорижлик (Россия ва Норвегия) олимлардан ташқари, бу муаммоли вазиятни ўз бошидан кечирган Индонезия билан бевосита алоқани йўлга қўйиб, улар билан тажриба алмашиш зарурлигини айтиб ўтдим;

2) Фомепизол антидотининг этиленгликолга қарши самараси заҳарланишнинг фақат дастлабки кунларида кузатиладими ёки ўткир буйрак етишмовчилигидан кейин ҳам этиленгликолнинг токсик метаболитларига қарши самарали кураша олиш-олмаслиги, иккиламчи асоратлар, хусусан мия шикастланишининг олдини олиш-олмаслиги борасида бошқа токсикологлар билан гаплашишга зарурат борлигини билдирдим.

3) Фомепизол антидоти танқис бўлиб турган вазиятда этиленгликоль моддасига қарши альтернатив вариант сифатида водка (ароқ) ҳам самарали ингибитор бўлиши мумкинлиги борасида фикримиз бир жойдан чиқди. Бироқ буни болаларда қўллаш албатта шифокор тавсияси ва назорати остида бўлиши шартлиги, кутилмаган салбий оқибатлари бўлиши мумкинлиги алоҳида урғуланди.

Мамлакатимизда бўлиб турган ушбу муаммоли вазият ечимини топиб, тўлиқ изига тушиб кетгунига қадар, зарурат туғилса ундан кейин ҳам ҳамкорлик қилишга, таклифларни билдиришга тайёрлигимни айтиб, Эльмира Баситханова билан хайрлашдим.

Қуйи бўғинлардаги баъзи инсонларга ҳам тинглайдиган қулоқ берсин экан. Чунки бу таклифлар Эльмира Баситханова ва Алишер Иноятовга етказилгунга қадар қуйи бўғинлардаги бир нечта докторлар, бош шифокорлар, раҳбарларга мурожаат қилиб, улардан рад жавобини олган эдим.

Натижа бўлмагач, 2 кун олдин кечки пайт 16-шаҳар шифохонасига болажонларнинг аҳволидан хабар олишга келишган пайтларида Эльмира Баситханова ва Алишер Иноятовни йўлдан қолдириб, залда ушлаб олиб, тик оёқда бир неча дақиқа давомида шоша-пиша барча таклифларни етказган эдим. Буни ташкиллаштириб берганлари учун Ulugbek Nekov домлага ва у кишининг жиянларига алоҳида ташаккурларим!

Аллоҳ таоло бу мусибатларни тезда бошимиздан кўтарсин.

Болажонларимизга Роббим шифо бериб, барчамизни, хусусан кўзлари умид билан жовдираётган ота-оналарни қувонтирсин.

Yolqin Muqimov Ochish/sharhlash

2022-12-31 08:14:41 Psixogen impotentlik (yoki psixogen frigidlik)

Biz bilgan fiziologik impotensiya va frigidlikdan tashqari, psixogen impotensiya va psixogen frigidlik mavjud. Bunda, impotensiya va frigidlik faqat insonni miyasida va aynan bir kishiga nisbatan vujudga keladi.

Buning asosiy sababi qilib, juftlikdagi emotsional yaqinlikning yo'qligi, bir taraf ikkinchi tarafni (!ehtimol) juda ko'p xafa qilganligi, oilada arzimas narsalardan (odatda) bir tarafning aybi bilan janjallar ko'p bo'lishi deb aytiladi. Natijada partnyorlardan birining aynan juftiga nisbatan sovub qolishi kuzatiladi. Psixogen impotensiya (yoki psixogen frigidlikda) erkak (yoki ayol) fiziologik jihatdan mutlaqo sog'lom, jinsiy hayot uchun yaroqli bo'ladi va qarama-qarshi jins vakillariga nisbatan qiziqish so'nmagan bo'ladi.

Yechim: munosabatlar ustida o'zaro ishlash. Ko'proq bu haqida suhbatlashish va aynan kimning qanday hatti-harakatlari bunga sabab bo'layotganini aniqlash va bartaraf etish. Bunda psixolog yordamidan foydalanish sizga eng katta resurs — vaqtingizni tejashga va muammo sababini aniqlashda xatoga yo'l qo'ymaslikka yordam beradi.

Xon Qizi Ochish/sharhlash

2022-12-30 08:11:56 Қора талоқ

Талоқ юмшоқ, губкасимон аъзо бўлиб, катталиги одам муштидек бўлиб, қорин бўшлиғининг юқори чап томонида қовурғалар остида жойлашган. Талоқ артерияси қонни юракдан талоққа олиб боради. Қон талоқ орқали талоқ венаси орқали ўтади, у қонни жигарга олиб борадиган катта томирга (портал вена) оқиб ўтади. Талоқ қон ва лимфа томирлари билан таъминлайдиган толали тўқима (талоқ капсуласи) билан қопланган.

Талоқ иккита асосий турдаги тўқималардан иборат бўлиб, уларнинг ҳар бири ўзига хос функцияларга эга:
оқ пульпа
қизил пульпа

Оқ пульпа инфекцияларга қарши курашадиган тизимнинг бир қисмидир (иммун тизим). Лимфоцитлар деб аталадиган оқ қон ҳужайраларини ишлаб чиқаради; лимфоцитлар ўз навбатида антитаналар (танани ёд моддалардан ҳимоя қилувчи махсус оқсиллар) ишлаб чиқаради.

Оқ пульпа кераксиз материални чиқариб юбориб қонни фильтрлайди. Қизил пульпада фагоцитлар деб аталадиган бошқа оқ қон ҳужайралари мавжуд бўлиб бактериялар, замбуруғлар ва вируслар каби микроорганизмларни йўқотади. Шунингдек, аномал, жуда қари ёки шикастланган, функциясини тўғри бажара олмаётган ҳужайраларни йўқ қилиш орқали эритроцитларни тартибга солиб туради. Бундан ташқари қизил пульпа қоннинг турли элементлари, хусусан, лейкоцитлар ва тромбоцитлар учун ўзига хос резервуар бўлиб ҳизмат қилади. Аммо бу элементларни ишлаб чиқариш қизил пульпанинг асосий вазифасига кирмайди.

Талоқнинг вазифаси

Лимфопоэз- лимфоцитлар циркуляциясини асосий манбаи, бактериялар, простейш ва ёд зарралар учун фильтр вазифасини бажаради, шунингдек антитаналар ( иммун ва гематопоэтик функцияси) ишлаб чиқаради.

Шикастланган, аномал, жуда қари, функциясини бажаролмайдиган эритроцит ва тромбоцитларни ўзлаштириб, қолдиқларини жигарга юборади. Шундай қилиб талоқ эритроцитларни йўқотиб сафро ҳосил бўлишида иштирок этади (фильтрлаш, модда алмашинуви, темир алмашинуви функцияси)

Қоннинг тўпланиши, тромбоцитларнинг чўкиши (танадаги тромбоцитларнинг 1/3).

Ҳомила ривожланишининг эрта даврида талоқ қон ишлаб чиқарувчи асосий аъзоси ҳисобланади. Ҳомила ривожланишининг тўққизинчи ойида эритроцитлар, гранулоцитли лейкоцитлар ишлаб чиқаришни суяк кўмиги олади, талоқ бу даврдан бошлаб лимфоцит ва моноцитларни ишлаб чиқаради. Айрим қон касалликларида талоқда қон ишлаб чиқарувчи ўчоқлар яна пайдо бўлади.
Ҳозирги вақтда талоқ суяк кўмиги функциясини гормонал тартибга солиши билан боғлиқлиги аниқланди. Ochish/sharhlash

2022-12-30 08:11:53 Ochish/sharhlash

2022-12-28 17:17:09 marhamat...

https://t.me/hasanhusayn_audio/93 Ochish/sharhlash

2022-12-28 17:16:46 Ayollarga nasihat!

• Uy ishlarini qilmasam ham boʻladi, kitobda oʻqidim;
• Bir haftada bir marta erimdan soʻramasdan ota-onamning uylariga borib kelaman. Bu dinda bor ekan;
• Ilmni uyga qamalib, erimning xizmatini qilish, qaynona-qaynotamga qarash uchun olmaganman.

Baʼzi ayollar Misrda, ma'hadda yo shunga oʻxshash diniy bilim yurtlarida oʻqib, turmushga chiqish arafsida yoki oila qurib boʻlganidan keyin eriga yuqoridagi kabi shartlarni qoʻyishlarini kuzatamiz. Shu ishlar ortidan koʻp oilalar ajrab ketishiga ham guvoh bo'lganmiz.

Aslida dinda nima deyilgan? Ayol erining, qaynonasining, oʻzi umuman, uyning xizmatlarini qilishi kerakmasmi? Ayol bir haftada bir marta eridan soʻroqsiz qizlik uyiga borib kelishi mumkinmi?

Husaynxon qori tomonidan aytilgan ayollarga oid shu va boshqa masalalarni tez kunda sahifamiz orqali tinglaysiz, inshaalloh.

Dinga toʻliqligicha kiring va toʻliqligicha amal qiling. Bitta hadisni chala oʻqib olib, oʻzingizning ra'yingiz bilan ish koʻrmang.

@hasanhusayn Ochish/sharhlash

2022-12-28 08:52:33 Айни кунда ота-оналикка жисмонан ва руҳан тайёрланиш талаб этилади.

Ҳомиладорликка тайёрланиш, ҳомиладорликни кечишини, туғруққа тайёргарлик, туғруқдан кейинги даврда ва чақалоқ парвариши, фарзанд тарбиясидан илмли бўлиши зарур.

Қиёматга қараб кетяпмиз......

нафсимизни тиймасак туғма нуқсонли ёки туғиш жараёнида шикастланган чақалоқлар сони ошаверади.

Парвариш ва тез тиббий ёрдам илмидан хабардор бўлиш шарт.
Менинг  ҳаётимда ҳам фарзандларим  бутун нарсаларни ютиб юбориб асфикция ҳолатлари кўп бўлган, алҳамдуллиллаҳ, вақтида ёрдам кўрсатолганман.

Бола ҳаётида биринчи стрессни онадан кейин ота ва яқинларидан олади.  Оналарни оналикка тайёрлаш муҳим.

Иссиқ ва совуқ қилиб қўйса бола шамоллайди, билмасдан дориларни қўлласа асоратидан бугунги кундаги ҳолатлар кузатилиши мумкин.

Тарбияда бузилишлар бўлса жинсидан қониқмасликлар келиб чиқади.

Ёш оналар бизларнинг болалигимизда твда цензура бўлган, бир кўчада яшовчилар битта боғча ва мактабга борган. Болага 7 маҳалла ота-она бўлган,

ҳозирчи?

Оналар инглиз тилини билишлари шарт, дунё янгиликларидан хабардор бўлиши учун, сиёсатни, тибни яъни барча дунё ва дин илмларидан хабардор бўлиши зарур бўлиб қоляпти.

Аёллар «оналик» жиддий маъсулият, фарзандларимизни фитналардан асраш ва  ўзини ҳимоя қилишни биз ўргатмасак ким ўргатади?! Ochish/sharhlash