2022-06-23 15:52:16
#munosabat
Kuni kecha “Muxbir Daliyev” Telegram-kanaliga tadbirkorlar Borsa-Kelmas stansiyasida yuk vagonlari yetishmayotganidan shikoyat bilan murojaat qilishdi. Mazkur murojaat “O‘zbekiston temir yo‘llari” aksiyadorlik jamiyati tomonidan o‘rganib chiqilib quyidagilarni maʼlum qilamiz.
Temir yo‘l orqali tashuv xizmatlarni tadbirkorlarga taqdim etish jarayoni, temir yo‘l transportida amaldagi meʼyoriy hujjatlar, O‘zbekiston Respublikasi “Temir yo‘l to‘g‘risida”gi Qonuni, O‘zbekiston Respublikasi Vazirlar Mahkamasi tomonidan tasdiqlangan O‘zbekiston Respublikasi “Temir yo‘l Ustavi” kabi meʼyoriy-huquqiy hujjatlar talablari asosida amalga oshiriladi.
Borsa-Kelmas stansiyasida 2021 yil 5 oy davomida 2887 ta vagonda 199534 tonna “Tuz” mahsuloti ortilgan. Joriy yil 5 oy mobaynida esa 3361 ta vagonda 232212 tonna “Tuz” mahsuloti ortilgan. “O‘zbekiston temir yo‘llari” AJ tomonidan tadbirkorlarning talabiga binoan Borsa-kelmas stansiyasiga “Tuz” mahsulotini ortish uchun bo‘sh vagonlar bilan taʼminlash chorasini ko‘radi.
Taʼkidlash joiz, “O‘zbekiston temir yo‘llari” AJ doimiy ravishda tadbirkorlar bilan uchrashuvlar o‘tkazib, ularning yuk tashish bilan bog‘liq masalalarini o‘rganib hal etish choralarini ko‘rib kelmoqda. “Muxbir Daliyev” Telegram-kanal muallifi, jurnalist Xurshid Daliyev orqali murojaat yo‘llagan tadbirkor bilan uchrashib masalani atroflicha o‘rganishi maqsadida o‘sha tadbirkor bilan bog‘lanish uchun telefon raqamlarini so‘rab qoladi.
Shu bilan birga, hamkorlarimiz, yuk egalari, yuk jo‘natuvchilari va yuklarni qabul qiluvchilarga eslatib o‘taimiz. “O‘zbekiston temir yo‘llari” AJ rahbariyati tomonidan tadbirkorlarni qo‘llab-quvvatlash borasidagi ishlar va ushbu yo‘nalishdagi chora-tadbirlarni takomillashtirish bo‘yicha qator salmoqli ishlar amalga oshirmoqda. Jumladan:
- “O‘zbekiston temir yo‘llari” AJ rasmiy saytida “Yuk tashish” sahifasida qator maʼlumotlar mavjud;
- Shuningdek, tadbirkorlar bilan muloqot qilish, fikr-mulohazalarni o‘rganish va ularni yuk tashishlarni tashkil etishda o‘zini qiziqtirgan savollariga mutaxassislar tomonidan Telegram-messenjerida “Mijozlar uchun - e-nakl.railvay.uz” nomli maxsus guruh ochilib, interfaol ravishda faoliyat olib bormoqda. Marhamat! Mutaxassislarimiz sizlarning barcha savollaringizga javob beradi, kerakli yo‘nalishda tushuntirishlar olib boradi, amaliy yordam beradilar!
- Temir yo‘l xizmatlaridan foydalanuvchi jismoniy va yuridik shaxslar murojaatlari uchun
+998712379998 raqamli ishonch telefoni mavjud;
- Bundan tashqari, xabaringiz bor, bundan ikki yil avval “O‘zbekiston temir yo‘llari” AJ tomonidan “Yagona darcha” tamoyili bo‘yicha temir yo‘l orqali yuk tashishlarni tashkil etish ishlari boshlangan edi. Yangi xizmatning afzalligi shundaki, hujjatlarni rasmiylashtirish imkoniyati uy yoki ofisdan chiqmasdan tashkil etish mumkin. Mutaxassislar saytni yana-da takomillashtirish borasida doimiy ravishda tegishli chora-tadbirlarni amalga oshirib kelmoqda.
|Site|Telegram|Facebook|YouTube|Instagram|
6.3K views12:52