Mubaşşir Ahmad

2022-02-20 09:54:01 Гуноҳлар неъматларни битта-битта қилиб тортиб ола бошлайди ва бу то ҳамма неъматни йўқ қилгунича давом этади.

Ибн Қаййим раҳимаҳуллоҳ, "Тариқул ҳижратайн"дан.

http://t.me/MubashshirAhmad Ochish/sharhlash

2022-02-20 08:54:10 "Кўзим қувончи намозда қилинди" (Насаий ривояти).
"Эй Билол, намозга иқомат айтинг, бизни у билан роҳатлантиринг!" (Абу Довуд ривояти).

Намоздан хурсанд бўлинади, ундан роҳат олинади.
Биз унга қийналиб турамиз. Ундан чарчаймиз, тугагач роҳатланамиз.
Ҳолларимизда фарқ бор. Шу фарқни йўқотмагунча, тўғри йўлдан узоқда қоламиз.

http://t.me/MubashshirAhmad Ochish/sharhlash

2022-02-19 18:26:01 Убай ибн Каъб ҳолатини ким ҳис қилади?!

Расулуллоҳ соллалоҳу алайҳи ва саллам Убай ибн Каъб розияллоҳу анҳуга: "Менга Аллоҳ сенга Қуръонни ўқиб ўтказишимни амр этди", дедилар.
- "Аллоҳ сизга менинг исмимни айтдими?" - деди.
- Ҳа.
Роббул-оламийннинг ҳузурида зикр қилиндимми?!
- Ҳа.
Унинг кўз ёшлари тўкилди.
- У менинг исмимни айтдими?!
У энди ўкраб йиғлаб юборди.

Муттафақун алайҳ
---
Ё Аллоҳ! Жуда бўлмаганда тонгла қиёмат бизни ҳам эсла! Эй фалончи, сен яхшилар томон ўт, дея номимизни айт! Лоақал, эй бандам, дегил!
Биз ҳам Сени ва Каломингни севамиз! Расулингни севамиз! Аммо шу севгимизга лойиқ бўлолмадик. Севгандан кутилмайдиган ишларни қилдик! Аммо ожиз ва нотавонликдан гуноҳ қилсакда, севгимиз чин! Убайга бўлган бу марҳаматингни ҳис қилдик ва қиёматда ана шундай марҳаматингдан биз ҳам умидвормиз. Унга дунёда берганингни, биз охиратда умид қиляпмиз. Умидимизни сўндирма, эй меҳрибон Парвардигор!

http://t.me/MubashshirAhmad Ochish/sharhlash

2022-02-19 16:23:01 "Ёнмасдан туриб қандай нур таратиш мумкин?!"

http://t.me/MubashshirAhmad Ochish/sharhlash

2022-02-19 14:22:14 Аъробийга айтишди:
- Ҳеч ўзингга ўзинг жаннатга киришинг ҳақида сўзлаганмисан?
У жавоб қилди:

- Валлоҳи, бу ҳақда мен ҳеч шубҳаланмаганман. Мен яқинда унинг боғларида кезаман, ҳавзларидан ичаман, дарахтларида сояланаман, меваларидан ейман, кўзаларидан симираман ва сарой-қасрларида ҳурларидан роҳатланаман.

- Бу ишонч қилиб қўйган яхшилигинг ёки солиҳ амалинг сабаблими?

- Аллоҳ таолога иймонимдан ва Аллоҳ таборака ва таолодан бўлак барча маъбудларга инкоримдан кўра шарафлироқ яхшилик ва улуғроқ иш борми?

- Гуноҳларингдан қўрқмайсанми?

- Аллоҳ таоло гуноҳлар учун мағфиратни, хатолар учун раҳматни ва жиноятлар учун афвни халқ қилди. У зот Ўз муҳибларини жаҳаннам ўтида азоблашдан юқоридир.
---
Басра масжидларида одамлар: "Аъробий Парвардигорига гўзал гумонда бўлди", дейишарди. Қачонки унинг сўзларини эслашса, улардаги умидсизлик булутлари тарқар ва қалбларида ражо салтанати ғолиб бўларди.

http://t.me/MubashshirAhmad Ochish/sharhlash

2022-02-19 12:48:33 #siyosat

«Mezana» ilm markazi “Davlat va men” mavzusidagi pulli seminarlarga guruhlar shakllantirish boshlanganini ma'lum qiladi!

Maʼruzachilar: siyosatshunoslar Kamoliddin Rabbimov va Hamid Sodiq

Seminar davomida quyidagi savollar muhokama qilinadi:
Davlat nima? Nima uchun vatandoshlik jamiyati kuchli davlatlar – dunyoning eng qudratli davlatlari?
Huquq nima? Nega huquqiy davlatlar avtoritar davlatlardan ko‘ra boy va qudratli?
Siyosat nima? Nima uchun siyosiy faolliksiz yaxshi hayotga erishib bo‘lmaydi?
Siyosiy hokimiyat nima? Nima uchun hokimiyatni yaxshi bilish va uni doim nazorat qilib borish kerak?

Siz ham siyosiy bilimingizni oshirmoqchi bo'lsangiz ishtirok etishingiz mumkin.

Qabul 26-fevralga qadar davom etadi.

Batafsil maʼlumot uchun:
+99899-1155510
+99899-1155512
Ro'yxatdan oʻtish uchun: @Mezana_admin_buxgalter

Manzil: Toshkent shahri, Yunusobod tumani, Bogʻiravon-53
Moʻljal: "Modern Stroy" binosi

Geolokatsiya: https://maps.app.goo.gl/iVU2FNGikEh76szPA Ochish/sharhlash

2022-02-19 09:01:43 Абу Сулаймон Дороний айтадилар:
Агар менга Фирдавс жаннатига кириш билан икки ракат намоз ўқиш ўртасида танлаш ихтиёри берилса, икки ракатни танлаган бўлардим. Чунки икки ракатда Роббимнинг ҳаққи бўлса, Фирдавсда нафсимнинг насибаси бордир.

@MubashshirAhmad Ochish/sharhlash

2022-02-18 18:33:01 Пайғамбар алайҳиссалом сафар қилмоқчи бўлсалар, Мадинада охири кирадиган уйлари қизлари Фотиманики бўлар ва сафардан қайтсалар, кирадиган биринчи уйлари ҳам Фотиманики бўларди.

Қизларнинг кўнгли нозик, шунга қарамай отасига меҳрибон бўлади. Бундай кўнгил эгаларининг ҳаққини биринчи адо қилинг!

http://t.me/MubashshirAhmad Ochish/sharhlash

2022-02-18 16:31:01 #ТАСАВВУФ

Бу исломнинг мағзи (уруғи) ва мусулмон инсоннинг қалб тубида яширинган унинг жавҳаридир. Усиз инсон ёлғиз суратлар ва инсонлар бир-бирларини кўнглини топадиган кўриниш ва шиорларга ўхшаб қолади.

Бу мағизлар рағбат ва қўрқинчда кўзга ташланади. Чунки бу иккиси мусулмон қалбини бошқариб, унинг Аллоҳга бўлган муҳаббати ва қўрқинчини мустаҳкамлайди.

Бас, шунда унинг қалби адоват ҳамда нафрат ифлосликларидан ва дунё муҳаббатидан тоза бўлади.

Бу билан унинг Аллоҳга бўлган муроқабаси* ҳамда Унинг шариат ва аҳкомларини маҳкам тутиши ортади ва тақиқланган ишлардан четга чиқишдаги ҳамда вазифаларни бажаришдаги эҳтиёткорлиги ошиб боради.

Имом Бутий китобларидан
Abdulloh G'ulomov
------------
*Муроқаба - зийраклик билан қаттиқ кузатиб бориш.
Ҳар бир жоннинг нима қилаётганини, билиб, кўриб, кузатиб, ҳисобга олиб турувчи ким? Албатта, Аллоҳ азза ва жалла. Бу ҳақиқатни идрок қилган ҳар бир жон ўзини ўнглаб олиши керак.
Руҳий тарбия китоби

http://t.me/MubashshirAhmad Ochish/sharhlash

2022-02-18 14:30:33 - Бу нима?
- Менинг бурним.
- Менимча у сенинг юзингда бўлиши керак эди. Менинг ҳаётимда эмас!!

http://t.me/MubashshirAhmad Ochish/sharhlash