Mubaşşir Ahmad

2022-02-17 11:37:01 Ҳасан Басрийдан нега дунёдан зуҳд қилганлари ҳақида сўрашганда шундай жавоб қилдилар:
"Ризқимни мендан бошқа ололмаслигини билганим учун, ундан хотиржам бўлдим.

Амалимни мендан бошқа қилолмаслигини билганим учун, у билан банд бўлдим. Аллоҳ таоло мендан хабардор бўлганини билганим учун, Унга маъсият билан рўбарў бўлишга уялдим. Ва ўлим мени кутиб турганини билганим учун, Аллоҳ билан учрашувга сафарҳалтамни тайёрладим".

http://t.me/MubashshirAhmad Ochish/sharhlash

2022-02-17 09:49:40 "Қуёшдек аниқ билсанг, гувоҳлик бер! Бўлмаса, ҚЎЙ!".
(Ҳоким ва Байҳақий ривоятлари).

Расулуллоҳ соллаллоҳу алайҳи ва саллам миш-мишлар, ноаниқ хабарлар ва турли тушунмовчиликлар юзага келганда, хабарнинг аниқлигини қуёшни билгандек билсанг, гапир ва гувоҳлик бер, бўлмаса, йўлингдан қолма, у ҳақда гапирма, демоқдалар.

Гўзал намунамиз - Расулуллоҳ соллаллоҳу алайҳи ва салламнинг бу таълимотлари бизга қанчалар зарурлигини ўйлаб кўринг, эй дўстларим.

Ҳадиси шарифни уч-тўрт бора ўқиб, ёдлаб олсак, бошқалар у ёқда турсин, шахсан ўзимиз учун ҳам жуда кўп фойда оламиз.

http://t.me/MubashshirAhmad Ochish/sharhlash

2022-02-16 19:17:01 "Бошқаларнинг уйига кўр бўлиб кириб, гунг бўлиб чиқинг!".

http://t.me/MubashshirAhmad Ochish/sharhlash

2022-02-16 18:31:00
Bu mavzuni unutmaslik kerak!

Musulmon inson biznesda nimalarga eʼtibor qaratish kerakligi va kamchiliklarni qanday bartaraf etish haqida koʻplab mutaxassislar tomonidan koʻnikmalar berilyapti.

Lekin, musulmon biznesmenning eʼtiqodi, ishi va axloqi qanday boʻlishi kerakligi haqida soʻz yuritilmayapti.

Shuning uchun navbatdagi Praktikum103 tadbirimiz “Biznesmen eʼtiqodi, ishi va axloqi” mavzusida boʻlib oʻtadi.

Spiker: Mubashshir Ahmad - AzonTV loyihasi asoschisi.

Murojaat uchun: +998998020088

Ro'yxatdan o'tish uchun: @MFaktorBot | MFaktor ilovasi

Instagram | Facebook | Youtube | Tiktok

@MFaktorUz Ochish/sharhlash

2022-02-16 18:20:11 Шариатда қоида бор: “Мақсад воситани оқламайди”. Масалан ўғри ўғриликни етимларга тарқатаман, деб амалга оширган бўлса ҳам жазоланади. Чунки унинг мақсади қанчалик инсоний ва гўзал бўлмасин, унга етиштираётган воситаси ифлос ва ёмон ҳисобланади.

Чунончи шаҳар ҳокимиятининг мақсади яхши бўлиши мумкин. Лекин ўрнатилган қонун-қоида ва тартиботларни бузиш ёмон иш. Биринчидан қонун ё қоида бузиляпти. Иккинчидан ҳокимият ўзи чиқарган қонунларни бузяпти. Ва қонундан бўйин товлашда бошқаларга ўрнак бўляпти. Буниси эса жуда хавфли жараён.

http://t.me/MubashshirAhmad Ochish/sharhlash

2022-02-16 17:31:00 Audiochatga marhamat

Kitob o'qish — yaxshi. Ammo uni muhokama qilish va xotirada chuqurroq muhrlash — yana-da yaxshi.

Biz ham ayni shu maqsadda "Mamlakatlar tanazzuli sabablari" kitobini birgalikda audiochat orqali tahlil qilishni maqsad qildik.
Suhbatda:
— Siyosiy tahlilchi Kamoliddin Rabbimov;
— Iqtisodchi Bekzod Hoshimov;
— Iqtisodchi Otabek Bakirov;
— Huquqshunos Bahodir Ahmedov kabi spikerlar ishtirok etadilar.

Sana: Bugun 16-fevral
Soat: 20:30

Kitobsevar do'stlaringizga ham xabar qilishni unutmang.

Telegram: @AmirxonValijonov
Instagram: @Amirxanvalijonov Ochish/sharhlash

2022-02-16 15:07:05 Тошкент вилояти Чиноз тумани ҳокимининг биринчи ўринбосари 90 минг доллар пора билан қўлга тушди.
@platformauzb

Биз ишлаган жойларда ҳам ҳамма қора ишларни ўринбосарлар қиларди. Катталар ўзини гўё қўй оғзидан чўп омагандек тутарди. Ўринбосарларда гап кўп-да…

http://t.me/MubashshirAhmad Ochish/sharhlash

2022-02-16 13:50:03 БОКИРАЛИК ПАРДАСИНИ ТИКИШ

Савол: Дугонам ёмон йўлларда юриб қизлигини йўқотди. Лекин қилган ишларига пушаймон бўлиб, рост тавба қилди. Энди у ўзи ва оиласининг шаънини сақлаб қолиш учун бокиралик пардасини тикласа бўладими?

Жавоб: Зино ёки бошқа фаҳш ишлар сабабли бокиралигини йўқотган қиз пардасини тиктириши жоиз эмас. Бу алдов ва фирибгарлик, ёмонлик ва фасод эшикларини очишдир.

Бундай қилиш қизларни зинодан ҳайиқмаслигига сабаб бўлиб қолади. Шаънни ҳимоя қилиш бировнинг ҳисобидан бўлмаслиги керак. Зеро фуқаҳолар айтганидек, зарар зарар билан кетказилмайди.

Балки бу тўғрида ростлик вожибдир. Дунёдаги маломат қиёмат кунидаги гувоҳлар олдидаги шармандагарчиликдан енгилроқдир.

Инсоннинг адашиш ва залолатидан тўхташи, Аллоҳ таоло томон қайтиши ва рост тавба қилиши мақтовга лойиқ, яхши ҳол. Лекин масалага жоиз эмас деб жавоб қилинишининг сабаблари бор. Жумладан;

1) Бокиралик пардасини тиклаш баъзида насаблар аралашиб кетишига олиб боради.

Чунки аёл тиклашдан олдинги жимоъдан ҳомиладор бўлиб қолган бўлиши, шундан сўнг турмушга чиқиб туғиши мумкин. Табиий эри бу болани фарзанди деб ўйлаб, ҳалол ҳаромга аралашиб кетади.

2) Бокираликни тиклаш жараёнида аврат, сир очилиши каби мункар ишларга йўл қўйилади.

3) Бокираликни тиклаш иродасиз ва ахлоқи бузуқроқ қизларга зино гуноҳини қилишдан тап тортмаслигига боис бўлади.

4) Манфаат ва фасод бир бўлиб қолганда, манфаатни ҳосил қилиш ва фасодни тўсишнинг тенг иложи бўлса, шундай қилинади.

Аммо манфаатни ҳосил қилишда фасодни тўсиш имконсиз бўлса ва фасод манфаатдан кўра катта бўлса, фасод тўсилади, манфаат қўлдан чиқаётганига қаралмайди.

Ислом фуқаҳолари шундай қарор қилишган. Шу қоидага татбиқан бокираликни тиклаш ва у сабаб бўладиган фасодлар кўплиги боис, унинг ножоиз эканига ҳукм қилдик.

5) Ислом шариати қоидаларига кўра зарар зарар билан кетказилмайди. Масалан ерига келаётган селдан қутилиш учун уни бировнинг ерига буриб юборилмайди.

Худди шунга ўхшаб қиз ва унинг аҳлининг шаънини ҳимоя қиламан деб, уни оладиган эрининг шаъни ерга урилмайди.

6) Бокираликни тиклашнинг асли ўзи ношаръий ишдир. Чунки бу ишда алдов ва фириб бор. Бундай ишлар эса шаръан ҳаромдир.

7) Бокираликни тиклаш қизлик бой берилиш ҳақиқатини яширишгани учун қиз ва унинг оила аъзоларига ёлғон эшикларини очади. Ёлғон ҳам шаръан ҳаромдир.

Бокираликни тиклаш амалиёти қиз шаънини сақлаб қолиш иддаоси билан тиббиёт ходимларига аборт ва бола тушириш амалиётларини оқлашларига боис бўлади.

Босқинчилик ёки зўрлаш туфайли бокиралиги кетган қизларнинг ҳолини яшириш ва шаънини ўйлаш эса шаръан матлуб ва лозимдир.

Чунки бунда муҳаққақ ва аниқ манфаатлар бор ва уларни эътиборга олинади. Аммо бокираликни тиклашда манфаатдан кўра зарар ва фасодлар кўплигини эса юқорида кўриб чиқдик.

Валлоҳу аълам

http://t.me/MubashshirAhmad Ochish/sharhlash

2022-02-16 12:00:57 Ўта муҳим ва фойдали суҳбат



Ochish/sharhlash

2022-02-16 10:01:08 Феминист, ультрафеминист, кўрфеминист, жинсий озчилик ҳимоячилари, ҳар қандай муаммога муаммо тарафлама эмас, гапнинг эркак ёки аёл ҳақидалиги призмасидан қарайдиганлар, муаммо қолиб кетиб, "нега аёлни гапирдинг" дейдиганлар каби миясини бировга бошқарувга берганлар диққатига!

Дўстликни шундоқ тарк этворинглар, илтимос!
Блоклаворсанглар, ундан ҳам хурсанд бўламан)

Изоҳдаям ёзиб юрманглар. Барибир фикрингизни бир тийинга олмайман)

Биз аёлларни сизсиз ҳам ҳурмат қила оламиз!
Жинсий озчилик (яъни, к нуқта т ларни) эса, охирги ҳужайрангиз қолгунча ҳимоя қилсангиз ҳам қабул қилмаймиз.

P.s. Эркакка нима ярашиши, нима ярашмаслигини эркакларга ёзиб ўтирадиган БАЪЗИ аёллар диққатига: ўзингизнинг эрингизга эркак қанақа бўлиши кераклигини ўргатинг.

Сизнинг эркакларга қилаётган "ақллилигиздан" келиб чиқиб, эрингизнинг эркакликни ўрганиб олишга кўпроқ эҳтиёжи борлигини тушуниш мумкин. Ўша одам эркак қанақа бўлишини билмагани учун сиз бу ерда эркакларга эркаклик ҳақида тренинг ўтиб юрибсиз.

P.p.s. Яқинда бир халқаро ташкилотнинг Тошкентдаги бир меҳмонхонада қўшни давлатлардан бирининг мактаб-колледж ёшидаги қизларни олиб келиб, дунёда аёллар зўрланмоқда, азобланмоқда деб миясини дастурлаб қайтариб юборганини кўриб қолгандим.

Ўшалар шу ёшдан мана шундай фикрлар билан катта бўлса, сизларга ўхшаб шунчаки эркаклардан нафратланадиган, ҳар қандай ҳолатда "аёл деган сўзни оғзига олиб қўйди!

Уни жазолаш керак!", деб, вазиятга эмас, жинсга қараб хулоса ясайдиган андроидларга айланади (Андроид операцион тизими ҳақида гап кетмаяпти ). Кейин, бошқаларни бу йўлга даъват қилади.

Бундай фикрлаш модага айланиб, одамни бошқалардан ақллироқ кўрсатишни бошлаганидан кейин, кўр-кўрона тақлидчилар кўпаяди.

Сиз нафратланаётган эркаклардан бири сизнинг отангиз, бири акангиз, бири укангиз, бири амакингиз, бири бобонгиз бўлади! Тренд экан деб, ўрни келса келмаса, "аёл-эркак" нигоҳи билан қарайверадими?

Бир муаммо бўйича 5 марта пост қўйсанг, фигурант эркак бўлса, биров индамайди.

Худди шу муаммони яна қўйсанг, аммо фигурант аёл киши бўлиб қолса борми, битта ультрафеминист келиб "аёлларни гапирма!", дейди. Гап аёл-эркакликдамас-ку, баъзи бир ҳурматсиз бефаросатлар! ))

Гап - муаммонинг ўзида! Ана ўша муаммонинг ўзига қараб кўринглар, қўлинглардан келса!

Менинг бу борадаги қарашларим ўзгармайди. Сизларникиниям ўзгартириш орзуйим йўқ.

Шунинг учун, мен юқоридаги санаган тоифалардан бўлсангиз, бир-биримизнинг асабимизни ўйнатмай, дўстликдан ўчиринг!

Шу пайтгача ўзингизни азоблаб, дўстликда чидаб турганингиз учун раҳмат)

(c) Dilshod Odilov

http://t.me/MubashshirAhmad Ochish/sharhlash