2022-07-27 11:16:45
RASMAN: maktab formasi 2025-yildan majburiy bo‘ladi. Ro‘mol o‘rashga ruxsat beriladi
Xalq ta’limi vaziri Baxtiyor Saidov yagona maktab formasi bo‘yicha bayonot berdi . Unda aytilgan muhim gaplar:
Birinchidan, moslashuv jarayonini hisobga olib yagona maktab formasi 2025- yilgacha bosqichma-bosqich joriy etib boriladi.
Ya’ni, 2022-yil sentabr oyidan ota-onalarga yagona maktab formasini xarid qilish majburiy talab sifatida qo‘yilmaydi va formani hali xarid qilmagan o‘quvchilarga nisbatan hech qanday e’tirozlar bildirilmaydi.
Ikkinchidan, milliy qadriyatlarimizni inobatga olib o‘quvchi-qizlarimizning maktabga ochiq rangdagi milliy ro‘molni boshning orqa tomonidan o‘ragan holda kelishlariga ruxsat beriladi.
Uchinchidan, o‘quvchi-qizlarning liboslari, ya’ni yubka va kofta yenglarining uzunligi borasida ham ayrim tushunmovchiliklar bo‘lmoqda.
Ta’kidlash joiz, tasdiqlangan o‘lchamlarda eng minimal uzunlik belgilangan. Ya’ni o‘quvchi-qizlarning yubka va kofta yenglarining uzunligini uzaytirishga ruxsat beriladi, ammo belgilangan o‘lchamdan kalta bo‘lishi mumkin emas.
To‘rtinchidan, mahalliy hokimliklar tomonidan kam ta’minlangan oilalarga mahalliy budjetning qo‘shimcha manbalari hamda “Temir daftar”, “Ayollar daftari” va “Yoshlar daftari” jamg‘armalari mablag‘lari hisobidan maktab formasini sotib olinishiga ko‘mak beriladi.
Shuningdek, maktab formasini tegishli tadbirkorlardan xarid qilish bo‘yicha maktab ma’muriyati tomonidan majburlash holatiga yo‘l qo‘yilmaydi.
12.5K viewsedited 08:16