Nurbek Mirzausmonov

2023-01-09 19:18:01 HAMMASI O'YLAGANIMDEK BO'LMASA-CHI?

Yaqinda qiziq bir ma'lumotni o'qib qoldim,qutb tadqiqotchilarida shunday bir qoida bor - qutb tomon ketishayotganda yo'lning ma'lum bir qismini bosib o'tishgach,har ehtimolga qarshi, "agar biror kor hol yuz beradigan bo'lsa,kerak bo'lib qoladi" deya, maxsus joylarga oziq-ovqat qoldirib ketishadi.

Yoki yana bir oddiy misol,o'z xavfsizligini o'ylagan inson mashinaga o'tirgandan so'ng,xavfsizlik kamarini taqib oladi.

Bundan maqsad:

Agar voqealar biz o'ylaganimizdek yaxshi,ideal bo'lmasa,omon qolish.

Ya'ni "A" rejaning o'zi yetarli emas:

Mashina avtohalokatga uchrashi,

Kema cho'kishi,

Imtihondan o'tolmasligingiz,

Kutayotgan mashinangiz o'z vaqtida yetib kelmasligi mumkin.

Har holda,bular uchun hech kim kafolat bermaydi-ku.

Agar "A" reja ish bermasa,hammasi barbod bo'lmasligi uchun "B" va "C" planlar bo'lishi kerak.

Ya'ni,ehtiyotkorlik faqat qutb tadqiqotchilariga emas,barcha uchun muhim.

Xalqimiz ham bekorga

" Aqlli inson tinchlik payti urushga tayyorlanadi" degan emas.

Biror ishga kirishishdan oldin,bo'lishi mumkin bo'lgan holatlarni o'ylash,ularga oldindan tayyor bo'lish - eng xavfsiz va to'g'ri yo'l.

@mirzausmonov_nurbek Ochish/sharhlash

2023-01-07 19:58:01 QANDAY HAYOTNI XOHLAYMAN?

1.Matt D'Avella.You tuber.Mening eng yoqtiradigan blogerim.U o'zi uchun doim "challenge"lar uyushtiradi.Foydali kontent yaratadi.Bugun yozmoqchi bo'lganlarim uning "Why my life is boring on purpose"(Nega mening maqsadli hayotim zerikarli) videosi haqida.Quyida uning so'zlarini keltiraman:

2."Men blogimni 2016-yil boshladim.Uni boshlashdan oldin o'zimga eng muhim bo'lgan savollardan birini berdim:《Agar men undan topadigan pulimdan qat'iy nazar,biron nimani qila olsam,bu nima bo'lgan bo'lardi?》"

3."Javobimdan hayron qoldim.Men kunimni plyajda kokteyl ho'plab o'tkazishni xohlamayman.Men ijod qilishni,yaratishni,boshqalar bilan aloqada bo'lishni xohlayman.
Albatta men istamaydigan narsalar ham bor:Mening millioner bo'lish istagim yo'q.Ammo ish haqiga(oylikka) yashashni ham xohlamayman.Shuningdek stress va xavotirni ham."

4."Har kuni jismoniy tarbiya bilan shug'ullandim,bir turdagi rejimli ovqat iste'mol qildim,kun tartibim bir xil va bir maromda ishladim.Ular menga uzoq muddatga barqarorlikni saqlab qolishga,kundan-kunga maqsadim sari kichik qadamlar tashlashimga yordam berdi,katta o'zgarishlar qildi.Men xursand bo'lish uchun aeroplandan sakrashim,g'ayrioddiy manzillarga sayohat qilishim,ekstremal sportda qatnashishim shart emas.Menga har-xillikning zaruriyati yo'q".

5.《Instead of wondering when your next vocation is,maybe you should set up a life you don't need to escape from》Seth Godin.
Ya'ni,"Keyingi ta'tilingiz qachonligiga qiziqqandan ko'ra,siz xalos bo'lishingiz zarur bo'lmagan hayot barpo etishingiz kerak".
Matt buni shunday izohlaydi:"Men shunday insonlarni bilamanki,ular dam olish kunlari,ta'tillar,yozni kutib yashashadi.Ammo,agar men,o'zim har kunidan rohatlanadigan hayot qursam nima bo'ladi? Har tongda budilnigim jiringlaganida vahima bilan emas,hayajon bilan uyg'onsam nima bo'ladi?"...

6."Men birgina savoldan keyin men xohlagan hayotni aniqlashtirdim,bu manzilga olib boruvchi maqsadli qadamlarni tashlay boshladim.Balki,siz uchun ham bu savolni o'zingizdan so'rash vaqti kelgandir?"

7."Men o'z kelajagim haqida o'ylasam,chet elda zo'r taomlarni yeyishimni emas,ijod qilish haqida bosh qotiraman.Bu aytganlarimga ko'ra,men umuman ta'til olmayman degani emas.Shubhasiz men ta'tilga chiqaman.Ammo hozir,men uchun odatiylikka qaytish vaqti." deya yakunlaydi.

8.Uning so'zlariga ko'ra,Matt oddiylikni xohlaydi.Unga o'zining ishi,hayot tarzi yoqadi.Uning xohishlari men va siz uchun mos kelmasligi mumkin.Ammo uning uchun bu eng zo'ri.Shunday ekan,biz ham qiziqishlarimizga ko'ra qanday hayot kechirishni tanlashimiz,o'zimizni isloh qilishimiz kerak.Chunki butun boshli umrni stress,siqilish bilan o'tkazishni hech birimiz xohlamaymiz.

9.Plyajda kokteyl ichib kun o'tkazish borasida esa,uni kim ham xohlamaydi.Ammo bu ta'til xolos.U qisqa bo'ladi,umrimizni asosiy qismi esa ish bilan o'tadi.Shu sabab hayotimizni yaxshi o'tkazmoqchi bo'lsak,Seth Godin aytganidek,"ish jarayonimizni isloh qilishimiz kerak".Buning uchun hozirgi ishdan voz kechish shart emas,qilayotgan ishingizga o'zgachalik qo'shsangiz bo'ldi.Qanday qo'shishda esa,balki Mattning videolari yordam berar. Har holda,stress ichida,zerikib,hayotidan nafratlanib,"hozir shunaqa yashayveray,ta'tilda rohatlanaman" deb o'ylash,hayotni xazon qilish xolos.

10.Post so'ngida esa,videoda menga eng yoqqan gapni keltirmoqchiman:《If you're bored with your life,it is not because you're doing the same thing every day,it's because you're doing the wrong thing every day》
"Agar hayotingiz zerikarli bo'lsa,buning sababi har kuni bir xil narsani qilishingiz emas,har kuni noto'g'ri narsani qilishingizdir".
Oxirigacha o'qiganlar uchun katta rahmat!

P.S. Ushbu videoni quyidagi havola orqali ko'rishingiz mumkin:




@mirzausmonov_nurbek Ochish/sharhlash

2023-01-05 19:38:06 Bir vaqtlar she'riyatga qiziqib,Musulmon Namozning maqolasini o'qigandim.She'riyat o'zi aslida nima ekanligini tushungandek edim o'sha paytlar.

Menga Abduvali Qutbiddin satrlari yoqib qoldi.

Ayniqsa,"O,asal havoni to'yib sipqordim" degan misra o'zgacha tuyulardi,o'zgacha edi.

Keyin bir muddatga she'r o'qishdan uzoqlashib ketdim.Ammo ayrim satrlardan emas.Ulardan biri shubhasiz yuqoridagi misralar.

Ularni nafaqat mutolaa qildim,hatto hayotiy bir "method"ni o'z hayotimga tadbiq ham etdim:

Charchasam,hamma narsalar chalkashib,voqealar tezlashib ketganday,go'yo hech narsaga ulgura olmayotgandek bo'lsam,menga shunday tuyulsa,

Chuqur nafas olaman,to'yib nafas olaman.

Bu menga doim yordam beradi.

Xotirjamlik taqdim etadi.

Keyinroq bilsam,chuqur nafas olishning foydalari ilmiyotda ham isbotlangan ekan.

To'yib nafas olish.Juda oddiy.Ha,juda-juda oddiy.Lekin sizga savolim bor.Oxirigi marta qachon shunday qilganingizni eslolasizmi?

Faqat shoshilib yashaymermasdan,to'xtab,bir zumgagina hamma narsani unutib,tabiatdan rohat olish zarar qilmaydi...

Xullas,

Men ham shu joyida postni yakunlaymanda,telefonni o'chirib,toza havodan bahra olishga shoshilaman

@mirzausmonov_nurbek Ochish/sharhlash

2023-01-03 15:17:01 ENG SHIJOATLI

Angliyadagi qishloqlarda,qishloq ahli eng yaxshi mushuk bolasini saylab olmoqchi bo'lsa,juda sodda,ham tabiiy usulni qo'llaydi.

Ular mushuk bolalarini dalaga olib borib qo'yib keladi.Mushuklarning onasi bolalarini izlab topadi,so'ng,ularni bitta-bittalab makoniga tashiydi.

Ana shunda eng birinchi bo'lib qaysi bolasini ko'tarib jo'nasa,ana shunisi eng yaxshisi bo'ladi.

Darhaqiqat eng yaxshi,serg'ayrat mushukkina to'dadan birinchi bo'lib chiqib,onasining e'tiborini o'ziga tortadi,shu sababli ham onasi eng avvalo serg'ayrat bolasini o'z uyiga olib boradi.

Boshqalardan ajralib turadigan insonlarning eng asosiy muhim jihati "enthusiasm",ya'ni ularning boshqalarda yo'q bo'lgan shijoati:

Rejalasa,bajaradi

Fikri bo'lsa,bayon qiladi

Qo'rqmaydi,urinib ko'radi

Beqaror bo'lmaydi.

@mirzausmonov_nurbek Ochish/sharhlash

2023-01-01 14:37:26 ...

Izlandi,harakat qildi va maqsadiga erishdi

Undan muvafaqqiyati haqida so'rashganida "hammasi o'zimning mehnatim" deb javob berdi

Kundan - kunga mehnat qildi,tinmadi va rivojlandi

"Bizga buning sirini ayt" deyishdi

"Hammasi o'zingga bog'liq" deya uqtirdi

Shu falsafaga ishondi,shu asosida yashadi

Ammo g'alabalar -

Uzoqqa cho'zilmadi.

"Hamma ayb menda,yaxshiroq harakat qilishim kerak edi" deya yana tirishdi,

Yana.Yana...

O'xshamadi.

Mahzun bo'ldi.

Ammo kunlarning birida Rumiyning kitobini mutolaa qilayotib,ushbu misralarni o'qib qoldi :

"Sadog'imni Sening o'qlaring-la to'ldirganimda,borib Qof tog'ining ham belini bukib kelaman"

@mirzausmonov_nurbek Ochish/sharhlash

2022-12-30 17:55:01 FIKR

Menimcha,ayni vaqtda,shaxsiy fikrlar va xulosalar,ma'lumotlarga qaraganda qadrliroq

Agar menga o'qigan kitoblari haqida aytishsa,ularning kitobdan yodlab olgan obrazlarning ismi yoki raqamlardan ko'ra,shaxsiy xulosalari qiziq

Film,video tomosha qilganda ham menga qahramonlarning ismidan-da,yodlab olingan ma'lumotlardan-da,yakuniy fikr muhimroq

Shu sabab,asosan shaxsiy fikrim haqida yozishga harakat qilaman

Aytmoqchimanki," Shum bola" asarida Saliboyning qizini ismini yodlab olgandan,Robinzon Kruzo hayot kechirgan orolning nomi haqida bosh qotirgandan,Hayot yutqazgan joyingdan boshlanar yoki O'lsang kim yig'laydi deya anglamasdan turib xitob qilgandan ko'ra,

birozgina o'ylash,

o'z- o'ziga savollar berish,

fikr yuritish va xulosa qilish va kitob yoki boshqa biron narsa haqida so'rashganida,

his etilgan hislar,qilingan xulosalar va eng muhimi shaxsiy fikrini bayon qilish boshqalarga ham qiziq,insonning o'zi uchun esa foydali.

Aytishga oson bo'lishi mumkin.Lekin qiyin.Ayniqsa,tinch joyda sukut qilib,chuqur o'ylashga odatlanmagan odam uchun.Ammo,

Vaqt o'tib,fikrlash o'z mevasini beradi

Informatsiyani topish oson bo'lgan davrda,fikrlar noyob

Noyob narsaning esa qadri baland bo'ladi.

Bu yerda yozganlarim ham fikrlarim xolos.Noto'g'ri bo'lishi mumkin.Ammo muhimi bu emas.Muhimi buni keyinchalik yana tahlil va mulohaza qila olaman,o'zgartira olaman.

Kanal yuritishdan asosiy maqsadim ham shu.

Xo'sh,mening fikrlarim haqida fikringiz qanday?

@mirzausmonov_nurbek Ochish/sharhlash

2022-12-28 08:57:01 TAHLIL VA REJALAR 2 - qism

2023 - yil uchun 23 ta kitob

1.Atomic habits ( James Cleir)

2.Saodat asri qissalari ( Ahmad Lutfiy Qozonchi)

3.Fooled by Randomness ( Taleb Nassim)

4.Zukkolar va landavurlar ( Malkolm Gladuell)

5.Martin Iden ( Jek London)

6.Stiv Jobs ( Volter Ayzekson)

7.Qo'rqma( Javlon Jovliyev)

8.Anti-fragile ( Taleb Nassim)

9.Xarobadan chiqqan millioner ( Vikas Svarup)

10.Ajib yangi dunyo ( Oldos Haksli)

11.Oq nilufarlar yurtida ( Grigoriy Petrov)

12.Factfullness (Hans Rosling,Anna Rosling,Ola Rosling)

13.Katta o'yin.Ikki imperiya to'qnashuvi (Piter Hopkirk)

14.To'rtinchi sanoat inqilobi ( Klaus Shvab)

15.Tazkirot ul - avliyo ( Fariddin Attor)

16.The Black Swan ( Taleb Nassim)

17.Enterpreneur myth ( Michael Gerber)

18.Rich dad,poor dad ( Robert Kiyosaki)

19.New scientist(Bitta soni)

20.Molxona ( Jorj Oruell )

21.Eljenoraga atalgan gullar( Daniel Kiz)

22.Mamlakatlar tanazzuli sabablari ( Daron Ajemo'g'li,Jeyms Robinson)

23.O'tgan kunlar ( Abdulla Qodiriy)

@mirzausmonov_nurbek Ochish/sharhlash

2022-12-27 08:26:47 TAHLIL VA REJALAR  1-qism

2022 - yilda o'qigan kitoblarim

1.Yetti majlis (Jaloliddin Rumiy)

Inson ruhiyatini poklash va o'zligini anglash uchun yordam beradigan asar.

2.Top universitetlarga grant yutish sirlari ( Umidjon Ishmukhamedov)

Dunyo reytingida ta'limi va ko'p jihatlari bilan eng yuqori o'rinda turadigan top universitetlarga grant yutmoqchi bo'lganlar uchun.

3.Ilm olish sirlari(Imom Zarnujiy)

O'rganishni ham o'rganish kerak ekanligini tushunib yetgan kunimni eslatadi bu kitob.

4.Diqqat.Chalg'ituvchi dunyoda muvafaqqiyat sirlari.( Kel Nyuport)

Shoshqaloq dunyoda muvafaqqiyatga erishish uchun eng asosiy ko'nikma - teran mehnat qila olishdir

5.Men,dadam va Alsgeymer

Bu kitobdagi bir hikoyani o'qiganimdan so'ng Usmon Azimning she'rlarini yanada yaxshiroq tushuna boshladim.

6.Saylanma.Sadriddin Salim Buxoriy.

Qanday qilib bunday ajoyib kitobni avval o'qimaganimga hayron qoldim.Go'zal she'riyat.

7.Chol va dengiz(Ernest Xeminguey)

Umidsizlik - halokat.Buning ustiga umidsizlik hatto - gunoh.

8.Cho'qintirgan ota yoxud mafiya sardori( Mario Pyuzo)

Qadriyatlar.Do'stlik.Aql.Tajriba...Bu kitobni yana 1-2 marta o'qisam kerak.

9.Sohilsiz dengiz ( Ahmad Muhammad Tursun)

Bu kitobni o'qiganimdan keyin Imom Buxoriy siymosi tasavvurimda butunlay boshqacha gavdalanadigan bo'ldi.

10.Temuriylar kutubxonasining siri(Komil Sindarov)

Tarixiy voqealar.Qotilni qidirish.Ajoyib detektiv asar.

11.Qanday qilib do'st orttirish haqida (Deyl Karnegi)

12.O'z-o'ziga ishonch hosil qilish va omma oldida so'zlash san'ati( Deyl Karnegi)

13.Bezovtalikdan xalos bo'lish va yangi hayot boshlash sirlari.(Deyl Karnegi)

Deyl Karnegi kitoblarining umumiy mazmuni:

To'g'ri muloqot.Yaxshi nutq.Tartibli va sokin hayot...

14.Buyuk yurt allomalari( Ubaydulla Uvatov)

Biz bobolarimiz haqida hali hech narsa bilmaymiz.

15. 100 mumtoz faylasuf.

Daholarning hayoti va oltinga teng so'zlari.Shuning o'zi kitobning ahamiyatini belgilab berish uchun yetarli.

16.Odob-axloq qoidalari.

Bizda bo'lgan barcha illatlar,bo'lishi kerak bo'lgan fazilatlar...

17.Kichkina Shahzoda( Sent-Ekzyuperi)

Bu kitobni uchinchi marta o'qidim va xulosam:

Kitob bolalar uchun emas.

18.Ko'r musiqachi( Korolenko)

Ayrimlarning ko'zi ojiz.Ayrimlarning esa qalb ko'zlari.Menimcha ana o'shalar nogiron...

19.Yuz (Elis Manro)

Asardan : "Otamdan olgan sabog'im - hayotda hech kim menga mehr ko'rsatishga majbur emasligini anglaganim bo'lgan"

20.Holva yemagan bola( Ilhom Zoyir)

Asarda holva haqida umuman gap ketmaydi.Ammo bir narsaga ishonamanki,bu kitobni har bir bola o'qishi kerak.

@mirzausmonov_nurbek Ochish/sharhlash

2022-12-23 05:36:01 MIKRO ODATLAR.
Hayotimizni asosiy qismini bizning ishimiz,kasbimiz,o'qishimiz,yor-u birodarlar tashkil qiladi.

Ammo bizning qanday inson ekanligimiz ularga emas,mikro odatlarimizga bog'liq.

Erta uyg'onadigan odam bilan kech uyg'onadiganning farqi bor,

Tishlarini tozalab uyquga yotadigan inson bilan bunga erinadiganning farqi bor,

Odatda oddiy suv ichadigan odam bilan asosiy ichimligi Pepsi,Coca Cola,asosiy ovqati FAST FOOD  bo'lgan odamning farqi bor,

Har kuni oz bo'lsada kitob o'qiydigan bilan o'qimaydiganning farqi bor,

Telefondan bosh ko'tarmaydigan inson bilan tez-tez tabiatda sayr qilib turadigan insonning farqi bor.

Biz qanaqa odam bo'lib yashashimizni(sog'lom yoki nosog'lom,ishida barakasi bor yoki ishining tayini yo'q,hayoti tartibli yoki alg'ov-dalg'ov) juda kichik,biz e'tibor bermaydigan odatlarimiz belgilab beradi.

Agar hayotingizni o'zgartirmoqchi bo'lsangiz,mikro odatlaringizni o'zgartiring,chunki katta faoliyatlar(ish,o'qish...) hammada bor ammo negadir hamma bir xilda yaxshi yashamaydi,

Chunki-odatlar har xil.
Ammo bir yirik muammo bor.Mikro odatlarning zarari ham,yaxshi natijasi ham tezda ko'rinmaydi:

Bugun tishingizni yuvsangiz ertaga sog'lom bo'lib qolmaydi,

Bitta kitob o'qib aqlli bo'lib qolmaysiz,

Bir kun fitnesga chiqib baquvvat bo'lishning iloji yo'q...

Shu sabab ularni odatga aylantiring va har kuni bajaring.Foydasi tezda bilinmasligi aniq,bunga e'tibor bermang,shunchaki davom eting.

Vaqt tez o'tadi.Hayotingiz yaxshi tomonga o'zgarganini o'zingiz ham bilmay qolasiz.

@mirzausmonov_nurbek Ochish/sharhlash

2022-12-19 22:08:01 Mehnatning tagi rohatmi?

Xalqimiz dono,har maqolimizda chuqur ma'no mujassam.

Ular orasida biz eng ko'p tilga oladiganlarimizdan biri-

"Mehnat,mehnatning tagi - rohat"

Bu maqol paydo bo'lgan paytlarda muhit boshqacha bo'lgan bo'lishi mumkinku-ya,lekin maqolning aktualligi haligacha yo'qolgani yo'q.

Mehnat qilasiz - hosil olasiz,

Mehnat qilasiz - chempion bo'lasiz,

Mehnat qilasiz - pul topasiz,

Mehnat qilasiz - ravnaqqa ega bo'lasiz...

Mehnat bu harakat.Xoh aqliy bo'lsin xoh jismoniy,

Lekin men yana bir narsa haqida o'ylab qoldim:

Nafaqat mehnatning tagi rohat,aslida mehnatning o'zi ham rohat emasmi? Uni o'zi ham kishiga huzur baxsh etmaydimi?

Eng ko'p kasallik va yomonliklar kelib chiqishi bekorchilikdan-ku axir.

Odam qilayotgan ishini mehr bilan qilsa,u ish jarayonidan ham, natijadan ham farog'at topadi.

Rohat qilmoqchi,dam olmoqchimisiz?

Mehnat qiling.

20.12.2022

@mirzausmonov_nurbek Ochish/sharhlash