2021-12-25 16:58:11
O‘zbekiston Respublikasi Prezidentining “Davlat oliy ta’lim muassasalarining akademik va tashkiliy-boshqaruv mustaqilligini ta’minlash bo‘yicha qo‘shimcha chora-tadbirlar to‘g‘risida”gi qarori qabul qilindi.
Qarorga ko‘ra, moliyaviy mustaqillik berilgan davlat oliy ta’lim muassasalariga 2022/2023-o‘quv yilidan boshlab
akademik va tashkiliy-boshqaruv sohalari bo‘yicha
qo‘shimcha vakolatlar taqdim etiladi.
Shuningdek, qaror bilan:
Vazirlar Mahkamasi, vazirlik (idora)larning bir qator vakolatlari
ta’lim muassasalariga;
Vazirlar Mahkamasining oliy, o‘rta maxsus va professional ta’lim sohasidagi tegishli vakolatlari Oliy va o‘rta maxsus ta’lim vazirligiga o‘tkazildi.
2022-yil 1-yanvardan boshlab moliyaviy mustaqillik berilgan davlat oliy ta’lim muassasalarida Kuzatuv kengashlari tashkil etiladi.
2022-yil yakuniga qadar yagona “Elektron kutubxona” platformasi ishga tushiriladi.
Oliy ta’lim muassasalarida Oliy ta’lim jarayonlarini boshqarish axborot tizimi (HEMIS)ning:
2022-yil 1-martga qadar “O‘quv jarayonini boshqarish”, “Ilmiy jarayonni boshqarish”, “Ma’muriy jarayonni boshqarish” va “Moliya-xo‘jalik faoliyatini boshqarish” qismlari;
2022-yil 1-mayga qadar “Ta’lim sifatini nazorat qilish” qismi joriy qilinadi.
Batafsil https://edu.uz/uz/news/view/3351
11.0K views13:58