Korrespondent.uz

2022-08-31 16:15:12 Илон Маск Twitter’ни сотиб олмаслик учун янги сабаб топди

Илон Маск Twitter’ни 44 миллиард долларга сотиб олиш бўйича келишувни тугатиш учун янги сабаб топди. Миллиардернинг адвокатлари ижтимоий тармоқ хавфсизлик хизмати собиқ бошлиғининг раҳбариятни фойдаланувчилар маълумотларига масъулиятсизлик билан муносабатда бўлишда айблаган сўзларидан иқтибос келтирди.

Илон Маск Twitter’ни сотиб олиш бўйича келишувни бузиш учун янги сабаб топди. Бу ҳақда Bloomberg ёзмоқда.

Маскнинг адвокатлари Twitter’нинг собиқ хавфсизлик бўлими раҳбари Питер Затконинг компанияни фойдаланувчилар маълумотларини ҳимоя қилмасликда айблаган даъволарини келтирди.

Xусусан, раҳбариятни шахсий маълумотлар билан ишлашдаги камчиликлар, жумладан эскирган дастурий таъминотдан фойдаланиш ҳақида бир неча бор огоҳлантирганини ва компаниянинг юқори раҳбарияти киберхавфсизлик қоидаларининг бузилиши ҳақидаги маълумотларни яширганини даъво қилди.

@korrespondentuzb Ochish/sharhlash

2022-08-31 15:50:08 Евроҳудудда инфляция янги рекорд даражага етди

Август ойида евроҳудудда инфляция янги рекорд ўрнатди — 9,1 фоиз (Bloomberg ўртача прогнози — 9,0 фоиз).

Энергетика ва озиқ-овқат маҳсулотлари нархлар ўсишининг асосий омили бўлиб қолмоқда.

Аммо улар чегириб ташланганидан кейин ҳам нархларнинг ўсиши 4,3 фоизгача тезлашди, бу инфляция базасининг кенгайишини акс эттиради.

@korrespondentuzb Ochish/sharhlash

2022-08-31 15:25:49 Марказий банк долларнинг сўмга нисбатан янги қийматини эълон қилди

Марказий банк хорижий валюталарнинг ўзбек сўмига нисбатан 5 сентябрда амалда бўладиган қийматини белгилади.

Унга кўра, долларнинг расмий курси 28 сўмга кўтарилиб, 10 958,01 сўмни ташкил қилди. Евро 29,99 сўмга пастлаб, 10 936,09 сўм бўлди. Рубль 2,03 сўмга кўтарилиб, 181,80 сўм бўлди.

Бундан аввал долларнинг расмий курси кўтарилиб, 10 930,01 сўмни ташкил қилганди. Евро ва рубль курси ҳам ошганди.

@korrespondentuzb Ochish/sharhlash

2022-08-31 10:45:10 «Ўзгидромет» 1 сентябрь, пайшанба куни учун об-ҳаво прогнозини эълон қилди

Тошкент шаҳрида ҳаво бироз булутли бўлади, ёғингарчилик кутилмайди. Шамол шарқдан 3-8 метр/секунд тезликда эсади. Ҳарорат кечаси 16-18 даража, кундузи 33-35 даража бўлади.

Қорақалпоғистон Республикаси, Хоразм вилоятида ҳаво бироз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 17-22 даража, кундузи 33-38 даража бўлади.

Бухоро, Навоий вилоятларида ҳаво бироз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 15-20 метр/секундгача кучайиши мумкин. Ҳарорат кечаси 18-23 даража, кундузи 34-39 даража бўлади.

Тошкент, Самарқанд, Жиззах, Сирдарё вилоятларида ҳаво бироз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 15-20 даража, кундузи 32-37 даража бўлади.

Қашқадарё, Сурхондарё вилоятларида ҳаво бироз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 18-23 даража, кундузи 34-39 даража бўлади.

Андижон, Наманган, Фарғона вилоятларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 5-10 метр/секунд тезликда эсади. Ҳарорат кечаси 13-18 даража, кундузи 32-37 даража бўлади.

Республиканинг тоғолди ва тоғли ҳудудларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 12-17 даража, кундузи 24-29 даража бўлади.

@korrespondentuzb Ochish/sharhlash

2022-08-31 10:20:09 Президент қарори билан “Саховат” ва “Мурувват” интернат уйлари ҳамда Уруш ва меҳнат фахрийлари учун республика пансионати Давлат божхона қўмитасига бириктирилади.

Давлат божхона қўмитаси:

тиббий-ижтимоий муассасаларнинг моддий-техник базасини мустаҳкамлаш ва уларнинг инфратузилмасини яхшилаш;

тиббий-ижтимоий муассасаларда васийликка олинган кексалар ва ногиронлиги бўлган шахсларга тиббий-ижтимоий хизмат кўрсатиш самарадорлигини оширишга қаратилган замонавий услуб ва ижтимоий технологияларни татбиқ этиш ва бошқаларда Тиббий-ижтимоий хизматларни ривожлантириш агентлигига доимий равишда кўмаклашади;

Шунингдек, Давлат божхона қўмитасига мазкур қарорда белгиланган чора-тадбирлар ҳамда юклатилган вазифаларни амалга ошириш учун қўмитанинг махсус жамғармаси маблағларини йўналтириш ҳуқуқи берилди.

Тиббий-ижтимоий хизматларни ривожлантириш агентлиги:

2023-2024 йилларда ДБҚ билан биргаликда “Саховат” ва “Мурувват” интернат уйларининг ҳудудида видеокузатув мосламаларини ўрнатилишини таъминлайди;

2022 йил 1 октябрдан бошлаб Халқ таълими вазирлиги, ССВ ҳамда нодавлат нотижорат ташкилотлар билан биргаликда тасдиқланган режа-график асосида “Саховат” ва “Мурувват” интернат уйларидаги тарбиячиларни ҳар йили камида бир маротаба малака ошириш курсларида ўқитиш тартибини жорий этади;

2023 йил 1 июнга қадар ССВ билан биргаликда руҳий ва жисмоний ривожланишида камчилиги бўлган шахсларнинг замонавий абилитация ва реабилитация муолажаларидан ўтиши учун “Саховат” ва “Мурувват” интернат уйлари негизида зарур технологик шароитлар яратади.

@korrespondentuzb Ochish/sharhlash

2022-08-31 09:55:02 Шавкат Мирзиёев қатағон қурбонларини ёд этди

Ўзбекистон Президенти Шавкат Мирзиёев бугун, 31 август куни эрта тонгда Шаҳидлар хотираси хиёбонида қатағон қурбонларини ёд этиш маросимида иштирок этди ҳамда “Янги Ўзбекистон” боғида Мустақиллик монументи пойига гул қўйди.

Кечқурун давлат раҳбари мамлакат мустақиллигининг 31 йиллигига бағишланган байрам тадбирида иштирок этиб, Ўзбекистон халқига табрик билан мурожаат қилади.

Маълумот учун, 31 август — Қатағон қурбонларини ёд этиш куни. Ўзбекистон Республикаси Президентининг 2001 йил 1 майдаги фармонига асосан ушбу кун ҳар йили пойтахт Тошкент шаҳридаги «Шаҳидлар хотираси» ёдгорлик мажмуида ўтказилиши белгиланган.

@korrespondentuzb Ochish/sharhlash

2022-08-31 09:10:58 Қоидабузар ҳайдовчига чора кўрилди

Ижтимоий тармоқда "Range Rover" русумли, 01517LJА давлат рақам белгили автомобиль ҳайдовчиси авария ҳолатини юзага келтириши мумкин бўлган турли хавфли манёврлар билан ҳаракатланганлиги акс этган видео тарқалди.

Мазкур видео ходимлар томонидан ўрганилиб, ҳайдовчи, 1979 йилда туғилган Нишонов Дилмурод Зокировичга нисбатан Ўзбекистон Республикаси Маъмурий жавобгарлик тўғрисидаги Кодекснинг 128⁵-моддаси 2-қисми билан чора кўрилди.

Ҳар қандай қоидабузарлик ва ҳуқуқбузарлик учун қонунда белгиланган тартибда чора қўрилади.

Айрим ижтимоий тармоқ обуначиларидан асослантирилмаган, аниқлик киритилмаган маълумотларни турли ноўрин изоҳлар билан омма эътиборига тарқатмасликни сўраймиз.

Ҳолатда акс этган барча иштирокчиларнинг хатти-ҳаракатига ҳуқуқий баҳо берилади, мазкур йўналишда суриштирув ишлари олиб борилмоқда.

Барча ҳайдовчилардан қоидаларга риоя қилишларини сўраймиз.

@korrespondentuzb Ochish/sharhlash

2022-08-31 08:03:42 Тўйиб ухламаслик дунё иқтисодиётига қанча зарар етказмоқда?

Тўйиб ухламаслик АҚШ, Англия, Германия, Япония ва Канада иқтисодиётига йилига 680 млрд долларгача зарар етказмоқда. Kommers нашри маълум қилишича, 2026-йилга бориб, уйқу технологияларининг умумий қиймати глобал бозорда 32 млрд долларгача етади.

Прогнозлаштириш ва макроиқтисодий тадқиқотлар институти экспертлари тўйиб ухламасликнинг дунё иқтисодиётига таъсирини ўрганиб чиқди. Институт матбуот хизмати таҳлилий материални Kommers.uz’га тақдим этди.

Таъкидланишича, уйқу нафақат саломатликни асраш, балки глобал иқтисодий тараққиётни таъминлашда ҳам муҳим аҳамиятга эга.

Кунига 6 соатдан кам ухлайдиган ходимнинг ўртача иш унумдорлиги кунига 7-9 соат ухлайдиган ҳамкасбининг меҳнат унумдорлигига қараганда 2,4 фоиз паст бўлади. Бу йилига 6 иш кунини йўқотиш билан баробар.

Уйқусизлик АҚШ иқтисодиётида макро даражада ҳар йили 1,23 миллион иш куни йўқотилишига олиб келади. Бу тахминан 9,9 миллион иш соати демакдир.

@korrespondentuzb Ochish/sharhlash

2022-08-30 16:50:43 Шавкат Мирзиёев Мустақиллик байрами муносабати билан тақдирланганларга мукофотларни топширди — фото

Президент шунингдек, уларни табриклаб, эзгу тилаклар билдирган мамлакат билан ҳамкорликни ривожлантиришга қўшаётган катта ҳиссаси учун бир гуруҳ чет эл фуқаролари “Дўстлик” ордени билан тақдирлади.

@korrespondentuzb Ochish/sharhlash

2022-08-30 15:15:20 Путин Лукашенкони туғилган куни билан табриклади

Россия Президенти Владимир Путин Беларусь Президенти Александр Лукашенко билан телефон орқали гаплашиб, уни туғилган куни билан табриклади. Бу ҳақда Кремль матбуот хизмати хабар берди.

“Телефон орқали мулоқот чоғида Россия Президенти Владимир Путин Беларусь Республикаси Президенти Александр Лукашенкони туғилган куни билан самимий табриклади”, дейилади хабарда.

Маълумот ўрнида, Александр Григоревич Лукашенко 1954 йил 30 август куни Беларуснинг Витеб вилоятида туғилган. Беларусь сиёсий, давлат ва ҳарбий арбоби. 1994 йил 20 июлдан бошлаб Беларусь Қуролли Кучлари Президенти ва Бош қўмондони ҳисобланади.

Лукашенко 2001, 2006, 2010, 2015 ва 2020 йилги сайловларда қайта сайланган. 2020 йилги сайлов натижалари оммавий норозиликларни келтириб чиқарган. Европа Иттифоқи, Канада, АҚШ, Буюк Британия, Украина ва бошқа бир қатор давлатлар Лукашенкони қонуний Президент сифатида тан олишдан бош тортган.

@korrespondentuzb Ochish/sharhlash