© Kompyuter va Biz

2022-09-30 17:54:23 ​Tushungan tushundi

@KompyuterVa_Biz Ochish/sharhlash

2022-09-30 17:50:08 ​ Tezkor xotira hajmini virtual ko'tarish usullari, natijalari va oqibatlari

Ko'pchilikda grafika yoki o'yin vaqti tezkor xotira yetishmovchiligi uchrab turadi. Bu holatda kompyuter sekin ishlaydi yoki butunlay qotib qoladi. Hozirgi vaqtda ba'zi kompyuter foydalanuvchilari tezkor xotira hajmini virtual ko'tarishni tavsiya berishmoqda. Ho'sh, buni qanday amalga oshirish mumkin?
Siz hech "Файл подкачка" haqida eshitganmisiz? Bu "pagefile.sys" nomli yashirin tizimga tegishli fayl bo'lib, doimiy xotira (HDD yoki SSD)ning ma'lum bir alohida qismini tezkor xotira sifatida ishlatadi. Buni siz, tizim haqidagi ma'lumotdan ham bilib olishingiz mumkin. "Win+R" klavishlar kombinatsiyasini bosing va "msinfo32" deb yozib, Enterni bosing. Ochilgan oynaning "Сведенея о системе" bo'limida siz "Файл подкачка"ning umimiy hajmi va qaysi lokal diskda joylashgani (C yoki D...) haqida ma'lumotga ega bo'lasiz. Ko'pchilik aynan mana shu "Файл подкачка" hajmini oshirish tezkor xotira ishiga ham ta'sir qiladi deb o'ylashadi. Shu yerda "Файл подкача"ning asl vazifasini tushunib olaylik. U virtual xotira hisoblanadi. Ya'ni, siz kompyuterda bir vaqtda bir qancha dasturlarni ochdingiz masalan, brauzer, word va media player. Siz ayni damda brauzer bilan ishlayapsiz, qolgan dasturlar esa pastki panelda aktiv holatda turibdi. Siz, shu vaqtda brauzerdan bemalol word oynasiga o'tishingiz mumkin. Tezkor xotirada kompyuterda ayni vaqtda foydalanilayotgan dastur ma'lumotlari qayta ishlanadi. Qolgan aktiv holatdagi ammo, foydalanilmay turgan dasturlarga tegishli ma'lumotlar esa ayni "Файл подкачка"da saqlanadi. Keyinchalik, siz boshqa dastur oynasiga o'tganingizda ma'lumotlar avtomat "Файл подкачка"dan tezkor xotira ko'chiriladi. Unutmang, doimiy xotiraning ishlash tezligi juda past. Shu sabab ham u tezkor xotira bilan barobar ishlay olmaydi. Unda faqat vaqtinchalik ma'lumotlar saqlanib turadi va u tezkor xotiraga ish vaqti hech qanday tezlik bermaydi. Masalan, sizning kompyuteringizda tezkor xotira hajmi 2 Gb, virtual xotira hajmi esa 6 Gb. Ko'pchilik shu holatda endi mendagi tezkor xotira hajmi 8 Gb bo'ldi deb xato fikrlashadi va kompyuterda katta hajmdagi o'yinlarni o'ynashadi. Albatta keyinchalik ular bundan hech qanday foyda yo'qligini sezishadi.
Microsoft kompaniyasi ommaga ReadyBoost dasturini taqdim qilgach, flesh-xotira (флешка)ni tezkor xotiraga qo'shimcha sifatida ishlatuvchilar ko'payib ketdi. Sababi, ushbu dastur go'yoki flesh-xotirani tezkor xotiraga qo'shib berish qudratiga ega ekan. Aslidachi? Dastur flesh-xotirani "Файл подкачка" o'rnida ishlatadi. Tabiiyki flesh-xotira ishlash tezligi doimiy xotira (ayniqsa HDD)dan tez bo'lganligi uchun bu bir ko'rinishda kompyuter ishlash tezligida sezilgandek bo'ladi. Ammo, bu shunchaki aldov. Yuqorida aytilganidek, siz tezkor xotira kichik bo'lgan kompyuterda flesh-xotira evaziga hech qanday o'yin yoki grafikadan foydalana olmaysiz!

@KompyuterVa_Biz Ochish/sharhlash

2022-09-29 13:10:18 ​​ Qaysi fayl tizimidan foydalangan yaxshi?

Bundan oldingi darsda siz fayl tizimi nima ekanligini bilib oldingiz. Endi ushbu fayl tizimlaridan qay birini qay vaqtda ishlatish zarurligini o'rganamiz. FAT32 fayl tizimi NTFS va exFATga qaraganda ancha tezkor hisoblanadi. Axborot almashinish shu fayl tizimida qolgan ikkisiga qaraganda tezroq amalga oshadi. Yana agar siz, flesh-xotira orqali televizor, tv-tyuner, DVD pleyer yoki boshqa media pleyerda kino ko'rmoqchi yoki qo'shiq eshitmoqchi bo'lsangiz ham ushbu tizim ayni muddao. Sababi, ko'plab bunday qurilmalar FAT32 fayl tizimi bilan ishlashga mo'ljallangan va boshqa fayl tizimlarini qo'llamaydi. Lekin shuni unutmangki, FAT32 4 Gbdan katta hajmli fayllar bilan ishlay olmaydi va axborot xavfsizligi ham u qadar ishonchli emas. Ya'ni, agar ish vaqti to'satdan elektr energiyasi o'chsa yoki flesh-xotirani USB portdan noto'g'ri sug'urib olsangiz, barcha ma'lumotlaringizdan butunlayga ayrilasiz.
Agar flesh-xotirada film tomosha qilmasangiz u holda uni NTFS fayl tizimiga o'tkazgan maqul. exFAT fayl tizimi esa asosan grafika bilan ishlovchilarga mo'ljallangan. Fotoapparat va fotokameralar ham aynan mana shu fayl tizimida ishlaydi.

P/s. kompyuterning doimiy xotirasida faqat NTFS fayl tizimi ishlatilinadi!

@KompyuterVa_Biz Ochish/sharhlash

2022-09-29 10:27:23 Yodingizda bo'lsa, bir necha kun oldin ushbu kitobni kanalga joylagandik. Ammo, unda bir qancha imloviy xatoliklar kuzatildi. Endilikda kitobdagi bu xatoliklar tuzatilib, yana bir qancha qo'shimcha ma'lumotlar ham kiritldi. Ochish/sharhlash

2022-09-28 09:31:37 CHROMEga kirib NASA DART deb izlab koʻrilar Ajoyib yangilik Ochish/sharhlash

2022-09-28 07:47:58 CHROMEga kirib NASA DART deb izlab koʻrilar
Ajoyib yangilik Ochish/sharhlash

2022-09-25 11:19:24 "Буфер обмен - Almashinuv buferi" nima ?

Kompyuteringiz yoki boshqa xotiralardagi turli axborotlardan (matn, rasm, video, dasturlar va o'yinlar nima bo'lishidan qat'iy nazar) Ctrl+C yoki sichqonchaniтп chap tugmasini bosib, chiqqan ro'yxatdan "Копировать" qismini tanlash orqali nusxa olinganda, yoki ekranni "PrintScrten" qilinganda ushbu ma'lumotlar aynan qayerga borib tushadi va qanday saqlanadi. Siz, bu haqida hech o'ylab ko'rganmisiz ?
Gap shundaki, yuqoridagi barcha hodisalarda ma'lumotlar "Буфер обмен - Almashinuv buferi"ga borib tushadi va u yerda o'sha ma'lumot yangi boshqa bir axborot yozilgunicha, yo kompyuter o'chirilgunicha, yoki unga "Перезагрузка" berilgunicha saqlanadi. Ushbu vazifa tizimdagi "clip.exe" dasturi tomonidan amalga oshiriladi. bu dasturga olib boruvchi yo'l esa quyidagicha: C:/WINDOWS/system32/clip.exe.
Ko'pchilik "Буфер обмен"ga qanday kirsa bo'ladi deb savol berishadi. Afsuski buning iloji yo'q. Sababi, ushbu buferdagi barcha ma'lumotlar to'g'ridan to'g'ri doimiy xotirada emas tezkor xotirada saqlanadi. Ma'lumkin bunda bufer xotirasi ham shu tezkor xotira hajmidan kelib chiqib hisoblanadi. Ammo shu yerda bir ma'lumot, tezkor xotirada ma'lumotning aynan o'zi emas, u joylashgan manzil havolasi saqlanadi. Shu sabab ham Tezkor xotira sig'imi 2 Gb bo'lgan kompyuter buferiga bemalol 4Gb hajmli axborot yuklash mumkin. Bunda buferdagi axborot va u egallagan joy tezkor xotira ishiga hech qanday ta'sir ko'rsatmaydi.

@KompyuterVa_Biz Ochish/sharhlash

2022-09-25 10:03:47 Ikki videokartali noutbuklar

Hozirgi vaqtda ikki videokartali noutbuklar ham mavjud. Ho'sh, ularda haqiqatdan ham ikkita videokarta mavjudmi? Ishlash prinsipi qanday? Agar siz kanaldagi postlarni boshidan o'qib chiqqan bo'lsangiz, sizga ma'lumki ikki turdagi videokarta mavjud. Biri yo protsesssorda yadro ko'rinishida, yo ona platada chip ko'rinishida kelgan "Integrallashgan", ikkinchisi PCI Express slotiga ulanuvchi "Diskret" MXM videokartasi hisoblanadi. Mana shu ikki ko'rinishdagi videokarta ham bitta noutbukda mavjud bo'ladi. Kompyuterda ishlanayotgan grafika holatidan kelib chiqib, noutbuk avtomat tarzda ishni u videokartadan bu videokartaga yuklaydi.
Ko'p holatlarda bu, foydalanuvchilar orasida ikkila videokarta ham bir vaqtda ishlaydi va bu noutbuk ishlashiga ta'sir ko'rsatadi degan yolg'on tasavvur uyg'otadi. Aslida esa bir diskret videokartali va ikki videokartali noutbuklar ish samaradorliggi orasida deyarli farq mavjud emas. Kamchiligi, ikki videokartali noutbuklarda akkumlyatorli batareyadagi energiyaning tez sarflanishi va kuchli qizish oqibatida sovutish tizimiga tushgan ortiqcha bosim tufayli ortiqcha shovqin chiqarishi isbotlangan. Bu kabi noutbuklar yana oddiy noutbuklarga nisbatan qimmatroq ham bo'ladi.

@KompyuterVa_Biz Ochish/sharhlash

2022-09-25 09:44:58 VPN nima ?

VPN (Virtual Private Network - Xususiy Virtual Tarmoq) - bir lokal tarmoq ustidan boshqa lokal tarmoqni ulab beradi. Ya'ni, kompyuterda bir vaqtning o'zida bir qancha tarmoqlar bilan ishlash imkoniyatini beruvchi o'ziga hos "ko'prik" vazifasini o'taydi. Afsuski, hozirgi kunda ko'pchilik orasida VPN haqida noto'g'ri hulosalar mavjud va undan foydalanishni ko'pchilik man ham qilib keladi. Aslida qanday?
Gap shundaki, Internetni biz VPNsiz tassavvur eta olmaymiz. Oddiy brauzerlarda ochilgan saytlar ham VPN yordamida tayyorlanadi. Internetda amalga oshirilayotgan barcha ishlar bevosita VPNga aloqador. VPN eng avvaldan (Internet yaralganidan beri) unga hamroh bo'lib keladigan maxsus dastur. Shuni bilib qo'yingki, VPN hech qanday hakkerlar tomonidan tayyorlanmaydi! U rasman kiberxavfsizlik tomonidan yozilgan! Bu haqida biz, oldingi darsimizda ham qisman aytib o'tgan edik.

@KompyuterVa_Biz Ochish/sharhlash

2022-09-24 20:13:17 https://randstuff.ru/password/ — ushbu sayt orqali murakkab parollar kombinatsiyasini yaratishingiz mumkin. Saytga kirsangiz bundan tashqari yana ko'plab servislar mavjud Ochish/sharhlash