Kitoblarga oshiq link:)

2022-08-31 15:39:26 Iyul sarhisobi 1.Gulliverning sarguzashtlari 2.Ulamolar nazdida vaqtning qadri 3.Bolalik xotiralarim 4.Savdogar ustozi 5.Dunyoning ishlari 6.Iymon va huzun 7.Men, buvim, Iliko va Illirion 8.Maugli 9.Morrining seshanba darslari 1/2 Ugh Alhamdulillah … Ochish/sharhlash

2022-08-31 15:37:53 ​​ Imom Gʻazzoliy
"Ayyuhal valad" (Ey farzand)

Imom Gʻazzoliyning ushbu kitobi tolibi ilmlar uchundir.Sababi ilm oluvchilar uchun ushbu kitob keng qoʻllanma desak adashmaymiz.Bilib turganingizdek, ilm olish yoʻlida vaqtning qanchalik qadri, oʻrni Alloh taoloning oyatlari va Paygʻambarimiz Muhammad sollallohu alayhi vasallamning muborak hadislaridan misollar keltirib oʻquvchiga namoyon qilingan.Moʻjazgina kitob boʻlsada oʻzida keng koʻlamli saboqlar, purmaʼno nasihatlarni oʻz ichiga olgan.Nafsni tarbiyalash, odob-axloq, vaqt masalasi, ibodat haqida barchasini topishingiz mumkin.

Baʼzan 200-300 betli kitoblardan 1-2 xulosa chiqaramiz.Ammo bu kitobdan tolibi ilm uchun zarur boʻlgan barcha ezgu nasihatlar jamlangan.

P.S: Oʻqisangiz-u, amalda qoʻllamasangiz ketgan vaqtingiz isrof boʻladi.

Luqmoni Hakimning o'g'liga qilgan nasihatlaridan biri bunday edi:
"Ey bolajonim, ziyraklikda xo'roz sendan zinhor o'zib ketmasin: saharlari qichqirganida sen uxlab yotgan bo'lmagin".

@kitoblarga_oshiq Ochish/sharhlash

2022-08-31 10:40:45 ​​Hozirda biz bir hadisni topish uchun internetga yozib izlash imkoniga egamiz.Bu hadislarning tagida qancha oshib otilgan yoʻllar bor aslida.Bir hadis uchun kunlab, oylab yoʻlda yurgan olimlarimiz bor.Bu xotiralar uchun mustaqil bir asar ham yozilgan.Koʻp onalar bolalarini uzoqda yashashga bardoshlari etmaganidan, ularning taʼlim olishlariga qarshi boʻlishadi. Hatto yozgi tadbirlarda ham kattalar bilan qilinadigan ilmiy suhbatlarga ham joʻnatmaydilar.Nima uchun islom uchun badal toʻlamaymiz?

Murat Tosun "Olim yetishtirgan onalar"

@kitoblarga_oshiq Ochish/sharhlash

2022-08-31 10:24:06 ​​Oʻrganganlarimiz bilan amal qilishimiz kerak.Amal qilmasak quruq bilimdan foyda yoʻq.Unda "Juma" surasida "kitob ortilgan eshak" deya taʼriflangan kimsalardan boʻlib qolamiz.Masalan, hadislar oʻqiymiz, kuniga 3, 5, 7 hadis oʻrganamiz.Hayotimizda 3, 5, 7 amal ortmasa koʻrganlarimiz na dunyoda, oxiratda bizlarga yordam beradi.

Murat Tosun "Olim yetishtirgan onalar"

@kitoblarga_oshiq Ochish/sharhlash

2022-08-31 09:57:25 "Olim yetishtirgan onalar" dan insightlar

1.Munofiqning ilmi tilida, moʻminning ilmi esa amalidadir!

2.Biz yashayotgan jamiyatda bolalarimiz ota-onasidan alohida ulg'aymoqda. Kapitalizm sistemasiga berilgan ota-onalar bolalarini enagalarga, murabbiylarga topshirmoqdalar. Hech qaysi joy onaning quchog'i beradigan baxtni hadya eta olmaydi. "Hayot- murakkab, ona ishlashga majbur" deb bahona qilib, uning ortiga berkina olmaymiz. Hech bir moddiy qiyinchilik bolamizning kelajagini yomon tarafga og'ishiga yo'l qo'yadigan darajada muhim emas.

3.O'zimizni pokiza asramaguncha naslimiz ham pok bo'lmaydi. Iflos ariqdan pok suv oqmaydi

4.Bolalarimizning tarbiyasidagi eng muhim shaxs onadir. Biroq ertalab tongdan to kechgacha kuniga 8-10 soat ishlaydigan ayol kechga charqoq bilan uyga kelganida bolalariga nima bera oladi? Ayollarimiz faqatgina ishxonada ishlash majburiyatida emas, uylarida ham ularni supur-sidir, tozalik, taom tayyorlash kabi ishlar kutib turadi. Inson bunday og'ir shart-sharoitda ishlab, qanday qilib baxtli bo'lishi mumkin?

"Olim yetishtirgan onalar"
Murat Tosun

@kitoblarga_oshiq Ochish/sharhlash

2022-08-31 07:18:47 Ichimda bir otash yongan holda aytamanki, roʻmolli ayollar ham yuzini berkitib, koʻzlarining maftunkorligini koʻz-koʻz qilgan holdagi rasmlarini millionlab erkaklar koʻradigan maydonda namoyish qiladilar! Allohning Kalomida esa ayollarning hatto ismlari ham zikr qilinmadi.

"Olim yetishtirgan onalar"
Murat Tosun

@kitoblarga_oshiq Ochish/sharhlash

2022-08-30 17:42:50 Ilm olish koʻproq pul topish asosiga qurilmagan.Ilm olish insonning yuksalishi uchundir.Ilm olish shunchaki oʻrganish uchun emas.Alloh taoloning roziligini uchun boʻlishi kerak.

"Shaytonning askarlari" (18-qism)

@kitoblarga_oshiq Ochish/sharhlash

2022-08-30 14:09:26 Bu kanaldan nima manfaat topsangiz ulashing.Zero musulmonlar ilm olib, unga amal qilib soʻng birodarlariga targʻib qilishi farzdir. Ochish/sharhlash

2022-08-30 09:21:25 #Taqriz

Antuan de Sent-Ekzyuperi "Kichkina shahzoda"

Bu asarga toʻxtalsak, falsafaga toʻla ekanligi, men anglolmagan jumlalar koʻpligi sababli uncha koʻp xulosa yoza olmayman.

Asarda nimalar qoralangan? Bolaning begʻubor, sof qalbiga, fikriga kattalarning idroki, ularning harakteri beixtiyor taʼsir koʻrsatadi degan tushuncha yotadi.Yaʼni kattalarning tushunib boʻlmas, kichiklarga yoqmaydigan tomonlari, qiliqlari asar qahramoni tomonidan qoralangan.Masalan, ularning eʼtiborsizligi, hisob-kitobga usta ekanliklari va hokazolar haqida haqiqatchalar yoritilgan.

Insonlar orasidagi mehr-muruvvat, sadoqat tobora yoʻqolib borayotgani, nazarimda, tulki va kichkina shahzoda oʻrtasidagi suhbatdan bilib olsangiz boʻladi.Yana, adib kichkina shahzoda va uning guli oʻrtasidagi munosabatlardan mehr, sodiqlik tushunchasini yoritishga harakat qilgan deb oʻylayman. Ana shunday falsafiy qarashlar jamlangan, biroq men tushunganlarim shular.


Taqriz muallifi: Donaqulova Jasmina

@kitoblarga_oshiq Ochish/sharhlash

2022-08-30 09:01:02 #Taqriz

Mehmet Olaqosh "Peshonamdagi nur"

Ushbu moʻjazgina kitobdan bir olam saboq oldim desam adashmayman.Insonlar xuddi butun umr yashaydigandek, tashvishsiz, beparvo yuradilar.Holbuki, Alloh taolo bizni nega yaratgani, bergan qimmatli vaqtidan qay tarzda, nimalarga sarf qilayotganini fikrlamaydilar.Nega?

Asarda Saljuqbey ismli bosh qahramonning hayoti tasvirlanarkan, kitobxon goʻyo uning oʻrnida boʻlib qolgandek tuyuladi.Yohud undagi voqealar orasida kezadi.

"Peshonamdagi nur" deya nimani nazarda tutayotgan ekan deb rosa ikkilangandim, keyin bilsam, mana shu jumlaning uning peshonasidagi, 6 oydan keyin oʻlishiga sababchi boʻlayotgan oʻsimta ekanligiga amin boʻldim.U nega bunday deb atagani qiziq boʻlsa kerak-a? Mana shu peshonasidagi oʻsimta Alloh taolo tomonidan unga berilgan bir neʼmat edi, biroq u falokat deb oʻyladi.U tufayli oʻzligini, Allohni tanidi, boylik, dunyoga xirsligidan voz kechdi, oilasidagi munosabatlar oʻzgardi.(ijobiy tomonga).U butunlay oʻzgardi.Holbuki, u har bir inson oʻlishini bilardi ammo oʻlim tushunchasini bir marta boʻlsa ham his eta olmagani sababli, unga beparvo edi.Biroq bu unga berilgan yaxshilik ekanligini bilgach, oʻsimta oʻz-oʻzidan yoʻqola boshlashi maʼlum boʻldi.

Kitobda yana bir masala yuzaga chiqqan.Yaʼni "musulmonlar namoz oʻqiydi, ammo namoz oʻqiydigan hamma ham musulmon emas" va "togʻut" tushunchasi.Alloh taologa shirk keltirish mavzusi keng tushuntirilgan.Albatta bu kitobni hamma oʻqishi kerak deb bilaman.

Insonlar boshiga tushgan kulfatlarga gʻam-qaygʻu dasturxonini ochmasin.Nadomat chekmang.Shukur qiling, zero, Alloh taolo sevgan bandasiga sinov beradi.Unga bir yaxshilik yetkazadi.

Taqrizchi: Donaqulova Jasmina

@kitoblarga_oshiq Ochish/sharhlash