Yurist Iroda Qahhorova

2023-01-10 20:59:27 Тошкент шаҳар ҳокимлиги ниҳоят соат 22:47 да тилга кирди. Лекин ҳокимлик ахборотида тайинли гап йўқ. Жавоб ўрнига савол кўпайди.

Ҳокимликнинг айтишича, 11 январдан бошлаб Тошкент шаҳридаги мактабларда уларнинг шароити, ишлашга тайёрлигига қараб, босқичма- босқич ўқув жараёнлари бошланади.

Бу борадаги қарор мактаблар раҳбарияти томонидан ота-оналар кенгаши билан келишган ҳолда қабул қилиниши тавсия этилар экан.

Демак, Тошкент шаҳридаги қайсидир мактабни очиш учун аввал директор ота-оналарни чақиради, кейин мактабни очиш-очмасликни муҳокама қилади ва шундан кейингина қарор қабул қилишади.

Лекин Мирзо Улуғбек ва Миробод тумани ҳокимликлари аллақачон эртага, 11 январдан дарс бошланишини эълон қилиб бўлдику. Улар қачон ота-оналар кенгашини йиғишга улгурди экан? Кечқурун 11 дами? Ёки кўзбўямачиликка бўлдими ҳаммаси? Хўп, мактабни очишни ким ҳал қилади ўзи: ҳокимларми ёки ота-оналар кенгашими?

Хуллас, “бардак”. Боши йўқ, охири йўқ, масъулларнинг ўзи ҳам нима қилаётганини, нима деяётганини билмаяпти.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-10 20:38:50 Мактабларда дарслар қачон бошланади?

Бугун кўплаб янгиликлар ва тушунмовчиликлардан сўнг охири мактабларда қачон дарслар бошланиши белгилаб олинди.

Вилоятлар кесимида қуидагича:

Андижон вилоятида 11 январдан;
Фарғона вилоятида 16 январдан;
Бухоро вилоятида 11 январдан;
Сурхондарё вилоятида 11 январдан;
Қашқадарё вилоятида 11 январдан;
Қорақалпоғистон Республикасида 12 январдан;
Самарқанд вилоятида 11 январдан (лекин ҳаммасида эмас);
Хоразм вилоятида 11 январдан;

Қолган вилоятлар ҳозирча ҳудудида қачон мактабларда дарслар бошланиши ҳақида расмий хабар беришмади. Агар расмий хабар билан дарслар қачон бошланиши маълум қилинмаса, мазкур вилоятларда ўқиш 18 январдан бошланади.

Эслатиб ўтамиз, Қишки таътилни узайтириш ёки узайтирмаслик ваколати маҳаллий ҳокимликларга берилган.

10.01.2023 йил соат 22:38 ҳолатига кўра

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-10 19:24:15 ИШ ИЗЛАБ БОРГАН ФУҚАРОЛАРГА МЕҲНАТ ОРГАНЛАРИ ҚАНДАЙ ИШЛАРНИ ТАКЛИФ ҚИЛИШИ КЕРАК.

САВОЛ;
Мен аҳоли бандлигига кўмаклашиш марказига иш сўраб мурожаат қилган эдим. Улар менга 600 минг сўм ойлик берадиган ишни таклиф қилишди. У хам бўлса уйимдан анча узоқда жойлашган. Мен у ишга кирсам хам ойлиги йўлкирамга етмайди. Нима қилсам бўлади. Агар ишни рад қилсам улар мени ишсизлар рўйхатидан чиқариб юбораркан шу тўғрими ?

ЖАВОБ;
Батафсил ёзсам мавзу чўзилиб кетади. Қисқароқ тушунтиришга ҳаракат қиламан ! Аввало улар Сизга 600 минг сўм ойлик берадиган ишни эмас Сизга мақбул келадиган ишни таклиф қилиши керак.

"Аҳоли бандлиги тўғрисида"ги ЎРҚ-642-сон Ўзбекистон Республикаси қонунига кўра,
МАҚБУЛ КЕЛАДИГАН ИШ ДЕБ, — фуқаро бажаришга қодир бўлган, фуқаронинг олган маълумоти йўналиши ва ихтисослигига, малакасига, касбий тайёргарлигига, иш тажрибасига, соғлиғининг ҳолатига кўра мос келадиган, яшаш жойини ўзгартиришини назарда тутмайдиган, унинг доимий яшаш жойидан унчалик узоқ бўлмаган ҳамда меҳнатга ҳақ тўлашнинг белгиланган энг кам миқдори (920 000 сўм)дан кам бўлмаган иш ҳақини кафолатлайдиган ишга нисбатан айтилади.

Юқоридаги асосга кўра, улар Сизга;

Энг камида 920 000 сўм ойлик берадиган ишни таклиф қилиши керак,

Улар таклиф қилган иш сизни соғлигингизга тўғри келиши керак,

Сизни яшаш жойингиздан унча узоқда бўлмаслиги лозим,

Мутаҳассислигингизга мос келиши керак,

Қўлингиздан келадиган иш бўлиши керак.

Агар Сиз манашундай шароитдаги мақбул келадиган ишни икки марта рад қилсангизгина улар Сизни ишсизлар рўйхатидан чиқариши мумкин.

Мутаҳассислигингиз наққошлик бўлсаю, Сизга шоптолизордан иш таклиф қилиб, уни рад қилсангиз хужжатга тушди бўлди деб Сизни ишсизлар рўйхатидан чиқариб юборишга ҳақли эмас улар.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-09 12:36:43 Автомобиллар учун шартнома бериш яна бир неча кунга тўхтатилди — «UzAuto Motors»

«UzAuto Motors» компанияси «SAP» ҳисоб дастурий таъминотини амалга ошириши ва маҳсулотларни инвентаризация қилиши муносабати билан барча автомобилларни топшириш ва тўловларни қабул қилиш яна бир неча кунга тўхтатилди.

Компания хабарига кўра, дастурий таъминотни ишга тушириш тадбирларининг ўтказилиши сабабли «UzAvtoSavdo» иловаси фаолияти ҳам вақтинча тўхтатиб турилиши мумкин.

Дастурий таъминотни янгилаш ва инвентаризация ишлари якунлангандан сўнг, контрактация шартномаларини тузиш, олдиндан тўловни қабул қилиш ва автомобилни етказиб бериш тўлиқ ҳажмда қайта тикланади.

Қўшимча қилинишича, 2022 йил, янги йил арафасида автомобиль етказиб бериш бўйича шартнома тузган ва вақтинчалик чеклов учун олдиндан тўловни амалга ошира олмаган шахслар иш қайта тикланганидан сўнг, автомобиль учун олдиндан тўловни амалга ошириши мумкин.

Шу билан бирга, автомобиль етказиб бериш бўйича тузилган шартномалар ўз кучида қолади, фақат олдиндан тўлов муддати узайтирилади.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-09 11:32:11 ҚАЧОН ҲОМИЛАДОРЛИК ВА ТУҒИШ ТАЪТИЛИГА ЧИҚИШИМ МУМКИН?

Ассалом алайкум юристлар. Мен яқинда шифокор кўригидан ўтганимда ҳомиладорлигимни айтишди. Саволим шундаки қачан ҳомиладорлик таътилига чиқсам бўлади. Жавоб учун рахмат.

ЖАВОБ:

Агар Сиз ҳомиладор бўлсангиз ва Меҳнат кодекси бўйича меҳнат шартномаси асосида ишласангиз туққунга қадар 70 (етмиш) календарь кун ва туққандан кейин 56 (эллик олти) календарь кун (туғиш қийин кечган ёки икки ва ундан ортиқ бола туғилган ҳолларда —етмиш календарь кун) муддати билан ҳомиладорлик ва туғиш таътили олишингиз мумкин бўлади. Ҳомиладорлик ва туғиш таътилига чиқишдан аввал ўз врачингизга маълум қилинг.

У Сизга шу давр учун меҳнатга лаёқатсизлик варақаси расмийлаштириб беради. Ушбу меҳнатга лаёқатсизлик варақаси ҳомиладорлик ва туғиш бўйича нафақани тайинлаш ва тўлаш учун асос бўлади. Меҳнатга лаёқатсизлик варақаси ходимга у ҳомиладорлик бўйича рўйхатдан ўтган оилавий поликлиникадан ҳомиладорликнинг 31 ҳафтасидан бошлаб берилади. Меҳнатга лаёқатсизлик варақаси корхонанинг кадрлар бўлими, у бўлмаса бухгалтериясига топширилиши керак.

Ҳомиладорлик ва туғиш таътилига чиқиш вақти ҳақида иш берувчингизни олдиндан хабардор қилинг.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-09 10:33:46 -Болалар бахтиёрлигининг сирларидан бири шуки, - деди бир куни Луқмони ҳаким. Улар келажак ёки ўтмишда эмас, ҳозирги вақтда яшайдилар.
-Яхши тушунмадик? - дейишди одамлар. Ҳаким изоҳ берди:

-Агар нимадандир ташвишда бўлсангиз, келажакда яшаяпсиз. Агар нимадандир хафа бўлсангиз, ўтмишда яшаяпсиз. Агар сиз хотиржам ва қалбингиз равшан бўлса, демак, ҳозирда яшаётган бўласиз.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-09 07:54:31 Қишки таътил узайтирилиши билан боғлиқ асосий хабарлар:

таътил 17 январга қадар узайтирилди, дарс машғулотлари 18 январдан бошланади;

боғчаларда 10-18 январь кунлари навбатдан ташқари таътил берилади;

авиа ва темир йўл чипталарига 50% чегирма муддати ҳам 18 январга қадар узайтирилди;

9 январгача чегирмада олинган билетлар бепул алмаштириб берилади, қўшимча рейслар қўйилади;

узайтирилган таътил даврида педагог ва бошқа ходимларнинг иш ҳақи сақланиб қолади;

бюджет ташкилотлари фарзанди боғчага борадиган аёл ходимларнинг иш ҳақини сақлаган ҳолда иш вақтини қисқартиради;

нодавлат, хусусий ва хорижий таълим муассасаларининг филиалларига ҳам таътилни узайтириш тавсия этилди;

таътил вақтида ўқувчиларни тўгарак ёки бирор тадбир сабаб мактабга чақириш қатъий тақиқланади;

таътил вақтида боғча тўловлари тўланмайди.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-08 08:49:19 Бугун, 8 январь - Ўзбекистон Республикаси прокуратура органлари ходимлари куни!

Маълумот учун: 1992 йил 8 январь куни, Иттифоқ қарамоғидаги Ўзбекистон ССР прокуратураси Ўзбекистон Республикаси прокуратурасига айлантирилган эди.

Юртимизда қонунларнинг аниқ ва бир хилда бажарилиши устидан назоратни олиб борувчи барча жонкуяр ва фидойи инсонларни ушбу касб байрами билан чин қалбдан табриклайман!

Қонун устуворлиги қоғозларда эмас, амалда таъминланиши йўлида ҳормай-толмай меҳнат қилишларингизга тилакдошман!

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-07 14:50:13 Қўшимча таътил кунларида боғча тарбияланувчилари учун ҳақ тўланмайди

Жорий йилнинг 10-18 январь кунлари мактабгача таълим ташкилотларида навбатдан ташқари таътил эълон қилингандан сўнг кўплаб ота-оналардан мазкур таътил кунларида ҳам боғча пули тўланишига доир кўплаб саволлар келиб тушмоқда.

Амалдаги Низом талаблари асосида мазкур таътил кунлари учун боғча тўлови тўланмайди, дея хабар бермоқда Мактабгача ва мактаб таълими вазирлиги.

Таътил эълон қилингунга қадар боғча тўлови амалга оширилган бўлса, кейинги тўловларни амалга ошириш жараёнида таътил кунлари учун тўланган бадал суммаси ҳисобга олинади.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash

2023-01-07 08:51:10 #Биласизми

I ва II гуруҳ ногиронлик пенсияси тайинланганидан кейинги ишланган вақт иш стажига қўшиб ҳисобланади.

Шунингдек, I ва II гуруҳ ногиронлик пенсияси тайинланганидан кейин камида 1 йил иш стажига эга бўлса, фуқаронинг аризаси асосида иш стажи ва иш ҳақи инобатга олинган ҳолда пенсия ҳар икки йилда бир маротаба қайта ҳисоблаб чиқилади. Бунда пенсияни қайта ҳисоблаш фуқаро пенсия миқдорини қайта ҳисоблаш учун мурожаат қилган санадаги ёшга нисбатан талаб қилинган иш стажидан келиб чиққан ҳолда амалга оширилади.

Бизни ижтимоий тармоқларда кузатиб боринг

Telegram | Youtube | Instagram Ochish/sharhlash