Insaf.Aliev Blog

2022-08-24 19:36:11 Ayoling ko’zingga chiroyli ko’rinishi uchun nima qilish kerak?

Javobi juda sodda. Shunchaki boshqalarga qarama. Nazaringni asra. To’g’ri tushun chiroy nisbiy tushuncha. Atrofga qarganing sari hamma narsaning boshqa chiroylirog’i ko’rinaveradi. Shu jumladan ayollarni ham.

Sandan ham chiroylilar to’lib yotibdi. Buni ham tan olishga majbursan. Ko’zingga faqat haloling ko’rinsa tabiiyki undan chiroylisi yo’q deb o’ylaysan va bu eng yaxshi yo’l.

Bechora o’z oilasi uchun ertalabdan kechgacha tinim bilmasa. Oshxonadan chiqmasa. San uchun ham o’ziga qarashga, shaxsiy rivojlanishga vaqti bo’lmasa qanday chiroyli ko’rinsin?

“Ey ikki quloqli” ahling Allohning omonati. Unga bo’lgan munosabatda sani Allohga bo’lgan asl munosabating gavdalanadi. Nazarni asrash omonatga xiyonat qilmaslikning eng birinchi bosqichi bo’lsa kerak)

@Insaf_Aliev_Blog Ochish/sharhlash

2022-08-24 10:08:18 Tarmoqlarda blog yuritish yomon(mi?)

Shu kungacha blogning bitta yomon tomonini ko’rdim. Blog o’z egasini auditoriyaga “Ideal” holatda ko’rsatib qo’yadi.

Har bir inson o’z tarmoqlariga hayotining yaxshi tomonlarinigina qo’yadi. Buni ko’rgan auditoriya blogerni hayoti juda zo’r degan tasavvurga keladi.

Vaholangki, ularda ham stresslar, ularda ham muammolar to’lib yotibdi. Unda ham kamchiliklar yetarli. Shunchaki blogda faqat hayotining oq tomonini ko’rsatdi.

Firkimcha blog yuritishning eng salbiy tomoni shu. Bu “Asling kabi ko’rin yoki ko’ringaning kabi bo’l” naqliga umuman to’g’ri kelmaydi.

Bu blogimning auditoriyasi ham mani faqat yaxshi hislatlarim bilan bilishadi fikrimcha. Aslimni yo’qotmaslik uchun shaxsiy hayotiy blogimni ochganman.

Bu blogda qanday bo’lsam hayotda ham shundayman. Obuna bo’lib qo’ying balki foydasi tegar)

P.s Bloger deganda faqat viner emas, balki, tarmoqda o’z fikrini yoki hayotini ko’rsatadigan hamma nazarda tutildi. Tadbirkorlar ham shu jumladan…

@Insaf_Aliev_LiFe Ochish/sharhlash

2022-08-22 20:36:49 “18 yoshli qiz yangi tug’ilgan chaqalog’ini hojatxonaga tashlab o’ldirdi” - qaysidir telegram kanal

Yangiliklar keladigan telegram kanallaridan chiqib ket. Ular asosan negativ xabarlar haqida yozishadi. Yangiliklardan bari-bir quruq qolmaysan. Agar arzirli yangiliklar bo’lsa uni sanga albatta boshqalar yetkazadi.

Kanallarda keladigan xabarlarning juda katta qismi negativ ruhidagi xabarlarga asoslangan. Hamma bitta 18 yoshli qiz o’z farzandini o’ldirgani haqida yozadi. Lekin hech kim minglab 18 yoshli ota-ona o’z farzandiga to’g’ri tarbiya berayotganini gapirmaydi.

Bunday yangiliklar sani hayotga qarashingni negativ tomonga burib qo’yadi. O’zbeklar yomon, musulmonlar yaxshi emas, davlatimiz aybdor kabi so’zlar ham aynan shu yangiliklar orqali yuzaga kelgan.

Shuning uchun yangiliklar keladigan telegram kanallarini kuzatma. Hayotga qarashing pozitivligicha saqlanib qolgani yaxshi. Sanga kerak xabarlardan qolib ketmaysan, havotir olma.

P.s O’zim 2 yildan beri unday kanallarni kuzatmayman. Negativ xabarlarni asosan gruppalarga tanishlarim yuboradi)

@Insaf_Aliev_Blog Ochish/sharhlash

2022-08-22 11:07:35 "Chekish sani bari bir o'ldiradi"

Compound effect - Hozir qilayotgan har bir doimiy ishing, kelajakda o'zing kutmagan juda katta natijani beradi.

Har kuni 1-2 km yugurish kelajakda sog'lom bo'lishingni ta'minlasa, har kuni 5 bet kitob o'qish fikrlashing boshqalarnikidan ancha yaxshi bo'lishini ta'minlaydi.

Gap bitta kitobni 1 kunda tugatish yoki 100 km masofani 1 kunda yugurishda emas, gap kam-kamdan, ammo, har kuni qilishda.

Chekayotgan odam o'z tanasida dofamin garmonini his qiladi va boshida chekish unga yoqadi. Vaqt o'tib sigaret tutatmasa turolmaydigan bo'lib qoladi va har kunlik protsess insonda turli xildagi ichki kasalliklarni yuzaga keltiradi.

Compound Effect'da kelajakda hayoting qaysi tomonga o'zgarishi, hozirgi qilayotgan kichik ishlaringga bog'liq. O'z yo'lingni o'zing tanlaysan.

Shuning uchun kichik-kichik foydali narsalardan boshla va ularni doimiy qil...

Har kuni: 5 bet kitob o'qi, 10 ta xorijiy so'z yodla, 300-400 metr yugur. Buni do'stlaring eshitib qolsa, ustingdan kulishi aniq. Ammo 3-4 yildan keyin ular bilan sani farqing katta bo'ladi. Ishonaver.

P.s 5 bet kitobni vaqt o'tgan sari ko'paytirib boraverasan

@Insaf_Aliev_Blog Ochish/sharhlash

2022-08-21 16:32:24 Uyatning hayotingga ta’siri

Bobur bir qizni ko’rib qoldi. Ich-ichida qandaydir tuyg’ular paydo bo’ldi-yu, uyalgani tufayli qizdan onasining telefon raqamini so’ray olmadi.

Farhod o’quv markazga borardi. Mavzular bo’yicha savollari ko’p, ammo, boshqa o’quvchilar oldida uyalib savollarni bermasdi.

Abu Tolib haq qay tomonda ekanini his qilsa-da o’z qavmidan uyalib iymon keltirmadi.

Yuqoridagi 3 ta holatda: Bobur suyukli yorisiz, Farhod ilmsiz, Abu Tolib esa visolsiz qoldi.

Shunday ekan biror vaziyatda uyalsang nimalarni yo’qotishing mumkinligini his qil. Oson voz kechib, kerakli narsadan quruq qolib ketma.

P.s “Uyat” so’zi sharm-hayo ma’nosida ishlatilmagan.

@Insaf_Aliev_Blog Ochish/sharhlash

2022-08-20 21:01:05 Yo’llanma sovchilar

Pulini berasan ota-onang o’rniga 10-15 ta xonadonga boradi va o’zi tuzib olgan “Savollar ro’yxatidagi” savollarni qizning ota-onasiga beradi. Javoblarning barchasini yozib oladi.

10-15 xonadondan ichida “kriteriyalar”ga to’g’ri kelgan qizlarni ajratib, yakuniy ro’yxatlarni yana ota-onangga topshiradi.

Alloh, Alloh. Zamon ko’tarsa, blogdagi obunchilar ko’tarsa-da so’kib-so’lib tashlasam. Nikoh eng katta sunnat amallardan ekanini unutdimi bu ummat? Qanday qilib ulug’ oilaviy munosabatlarni bunday boshlanishiga yo’l qo’yish mumkin?

O’zini va qizini hurmat qilgan ota-ona bunday “sovchilar”ni orqasiga tepib haydashi aniq. Yana o’sha gap: “O’lchovlar o’zgarmasa holimiz o’zgarmaydi…”

@Insaf_Aliev_Blog Ochish/sharhlash

2022-08-20 03:32:51 O’zingcha talqin qilma!

Anfol surasi 63-oyat: “Hamda ularning qalbini Alloh birlashtirdi. Agar yer yuzidagi hamma narsani sarf qilsang ham, ularning qalbini birlashtira olmas eding. Lekin Alloh ularni birlashtirdi…”

Mana shu oyatni ko’p joyda nomahramlarga nisbatan ishlatilayotganini ko’rdim. Shuni ishlatayotganlar oyat tafsiriga ham qarab ko’rishganmikan?

Tafsirda yuqoridagi oyat bir-biriga qarindoshlik qilmagan, bir-biri bilan savdo qilmagan qavmning o’zaro do’stligi haqida va “Allohga qasamki ularning yuzi nurlidir” deb hadis bilan tasdiqlanadi.

“Kimnidir yaxshi ko’rib qolsang o’ziga aytib qo’y” va yana shu mazmundagi hadis va oyatlarni nomahramlar o’z “foydasiga” og’irib olayotganini to’g’risi aqlim qabul qilmaydi.

Hozir “foydali” tomonga o’girib olinayotgan bu kabi hadis va oyatlar, qiyomatda o’sha o’girayotganlarning zarariga ishlab qo’ymasin deb qo’rqaman.

Toshning tosh, daraxtning daraxt bo’lgani xushdir!

@Insaf_Aliev_Blog Ochish/sharhlash

2022-08-19 08:28:55 Qisqartirish eng to’g’ri qaror

Son sifat degani emas. Ba’zida son shunchaki ko’proq muammolar deganidir. O’zim ta’lim sohasida bo’lganim sababli yangi o’quv markazlarni faoliyatini kuzataman. Ular o’quv markazida nimalarni o’rgatayotganini bilishga harakat qilaman.

Ko’p hollarda ularning darslar ro’yxati mana shunday bo’ladi:

- Rus tili
- Ingliz tili
- Matematika
- SMM
- Arab tili
- Dasturlash
…

Ular bu orqali ko’proq o’quvchi jalb qilaman va tezroq daromadga chiqaman deb o’ylaydi. Aslida esa product’da son ko’payish ko’proq va kattaroq muammolar keltirib chiqaradi.

Mashhur oshpaz Gordon Ramsay biror restoranga konsultatsiya bersa birinchi menu’ni qisqartirishni tavsiya qiladi va odatda 30 talik menu’ni 10 gacha qisqartiradi.

Kam mahsulot kamroq bosh og’riq. Faqat endi shu mahsulotlar sifati ustida ishlansa bo’ldi. O’quv markazlarda ham bu ishlaydi. Qolgan bizneslarda esa bilmadim. Sinab ko’rmaganman.

@Insaf_Aliev_Blog Ochish/sharhlash

2022-08-17 19:53:50 Nega xususiy ta’lim qimmat?

- Yaxshi o’qituvchilar;
- Qulay lokatsiya;
- Sifatli ta’lim;
- Tajribali metodistlar;
- Halol va sog’lom ovqatlar qayerda arzon?

Farzand ta’limiga to’lanadigan yillik 5000-6000$ pulni (xususiy maktablar o’rtacha shunday) qimmat degandan ko’ra, o’lchovlarni o’zgartirgan yaxshiroq.

Bir kunlik to’y uchun sarflanib ba’zan yetmay qoladigan bu pulga farzandingiz bir yil sifatli ta’lim olishi mumkin. To’y-ku bir kun o’tadi-ketadi. Ilm esa bir umr farzandni bezaydi.

Arzon ta’lim deyarli hech qachon sifatli bo’lmaydi. Ta’lim ham sifatli va ham arzon bo’lishi uchun juda katta «объём» kerak bo’ladi. Nasb shu kunlar ham keladi.

Bilaman, mani blogimni ota-onalar deyarli kuzatishmaydi. Ammo bu matnni o’qiyotgan san bir kun Alloh nasb qilsa ota-ona bo’lasan.

Sanga va o’zimga eslatma, o’lchovlarni o’zgartir. Farzand ta’limi uchun yiliga 5000$ katta pul emas!

@Insaf_Aliev_Blog Ochish/sharhlash

2022-08-16 21:21:10 Dofamin - baxt (maza qilish) garmoni

Hamma inson maza qilib, o’zini baxtli his qilgisi keladi. Biror ishni qilarkansiz, natija yoki protsess sizda dofamin garmonini yuzaga keltirsa siz o’zingizni baxtli his qilasiz.

Hozir kunda bu yomon odatlar shakllanishiga ham sabab bo’lib qolmoqda. 17 yoshli bolaga sigaret chakish dofamin beradi. 20 yoshli bolaga esa qizlar bilan gaplashish.

25 yoshga kirganda aroq uning dofamini bo’lsa, 30 ga kirganda begona ayollar unga dofamin beradi.

Yomon odatlar dofamin ajratishi bolaning yaxshi odatlar bilan kam shug’ullanishidan yuzaga keladi. Man FIFA’ni meyoridan ko’proq o’ynayman. Bu vaqtda manda dofamin ajralayotganini his qilaman va bunga juda normal qarayman.

Sababi shu dofamin FIFA’dan emas, sigaretdan ajralishi ham mumkin edi-ku.

Xulosa: nimalar bilan shug’ullanayotganingga e’tibor qarat. San topayotgan “Kayf”ni boshqa narsa orqali ham his qilsa bo’ladi. Agar yomon odatlar sanda dofamin ajratayotgan bo’lsa, shunchaki boshqa ish bilan shug’ullanib ko’r.

Balki, yangi ish dofamini sanga ko’proq ta’sir qilar va bu yomon odatlarni yo’qlishiga ham sabab bo’lar)

@Insaf_Aliev_Blog Ochish/sharhlash