Ikrom Sharif

2024-04-17 13:03:19 #Кулгу_тайм

Машҳур файласуф Суқрот айтади:
- Болалигимда уйқудан эрта туришни ёқтирмасдим, онам эса эрта туришимни истарди чунки онам мени муҳандис бўлишимни хоҳлар эди. Бир куни онам мени устозимнинг олдига олиб бориб ҳолимдан шикоят қилди ва эрта туришнинг фойдалари ҳақида менга ҳикоялар айтиб беришини сўради.
Устозим менга шундай деди:
- Сенга бир қисса айтиб бераман, сен эса шу қиссадан олган хулосангни айтиб берасан, келишдикми?
- Келишдик -, дедим.
- Икки қуш бор экан, — деди устозим — бири тонгда барвақт туриб, ўрмалаган ҳашаротларни ер яна болаларини ҳам ўша ҳашаротлар билан озуқалантирар экан. Иккинчиси эса барвақт турмас, натижада оч қоларкан. Хўш, шу қиссадан қандай хулоса чиқардинг?
Мен хулосамни айтдим:
— Барвақт турган ҳашаротлар қушларга ем бўлар экан.

Тугади.

@IkromSharif Ochish/sharhlash

2024-04-17 07:18:18 Кечириш ва унутиш:
• Аҳмоқ одам кечирмайди ҳам, унутмайди ҳам.
• Соддадил одам кечиради ва унутиб юборади.
• Ҳаким ва донишманд одам кечиради, аммо унутмайди.

@IkromSharif Ochish/sharhlash

2024-04-16 02:37:26 — Икром ака, келинг, сизга битта соат олиб берай. (Ўзлари мендан катталар, ҳурмат қилиб ака дейдилар)
— Йўғ-е, ҳожи ака, кетдик, чалғиманг.
— Келинг-келинг, ўзингиз танланг.
— Ҳожи ака, айтиб қўяй, ҳозир кўндириб қўясиз, хўп деб қўяман.))
— Хўп деяверинг, битта ҳайитлик олиб бергим келди.)

Шу билан соат танлаган бўлдик. Оддийроғи ҳам бўлаверади, десам, ўзлари шунисини танлаб бердилар. Лекин йўқ демай сизга эркалик қилдим, ўзингиз эркалатдингиз, дедим хижолат тортиб.

Ҳайитдан бир кун олдин. Маккайи Мукаррамада Ҳарамдаги соат мажмуаси ичида “Алфажр” соатлари ёнидан ўтаётганимизда бўлган воқеа.

Аллоҳ таоло ҳожи акамизнинг дунёю охиратларига барака берсин!

@IkromSharif Ochish/sharhlash

2024-04-11 06:10:16 Рамазондан кейинги биринчи ҳафтада айниқса, эҳтиёт бўлинг. Бу ҳафта шайтоннинг сизга қарши бор кучи билан, макр-ҳийлалар ишлатиб жанга киришган ҳафтасидир. У айёр юришлар қилиб сизни фарз намозларини кечиктиришга, жамоатдан тўсишга, нафл ибодатларни тарк қилиш ёки озайтиришга, Қуръон тиловатларини тўхтатиб қўйиш ёки файсалга солиб кечиктиришга, бомдод намозидан ухлашга, чақиради. Рамазонда роса ибодат қилдинг, савобни ҳам йиғиб олдинг, толиқдинг ҳам, энди бироз дам олсанг бўлади, деб аврайди. Бунга кўнсангиз, мағлибият мана шу ердан бошланади. Банда шайтоннинг мазкур ҳийлаларига алданса, ҳолати кўп вақт ўтмасдан Рамазондан олдинги ҳолатга қайтиб қолади.
Аллоҳ таолодан собитқадамлик сўранг. Ирода кўрсатинг, ғайрат қилинг. Солиҳ кишилардан узоқлашманг. Қуръон ва намозни диёнатингизнинг қизил чизиғи деб билинг. Уларни тарк қилишни, улардан бўшашишни муҳокамага ҳам қўйманг. Ёдингизда сақланг, амалларнинг қабул бўлганининг аломати ўша амалларда мавсум сўнгида ҳам бардавом бўлишдир.

Аллоҳ таоло бизларни Ўзи рози бўладиган амалларда собитқадам қилсин. Омин!

@IkromSharif Ochish/sharhlash

2024-04-10 20:41:09 Рамазон тугади. Лекин бандалик тугамади. Рамазондаги Роббимиз бошқа ойларда ҳам Роббимиздир.
Рамазондаги ҳаром ишлар бошқа ойда ҳам ҳаром.
Рамазондаги савобли ишлар бошқа ойларда ҳам савоб.
Рамазонда фарз бўлган намоз бошқа ойларда ҳам фарз.
Рамазонда тиловат қилинган Қуръон бошқа ойларда ҳам тиловатга энг ҳақли Китобдир.
Рамазонда қилган зикрларимиз бошқа ойларда ҳам чексиз фазлларга эга.
Рамазон тугади, биз ҳамон мўминмиз, мусулмонмиз!

Ё Аллоҳ, бизларни Ўзингга йўлиққунимзгача собит қадам қил. Омин.

@IkromSharif Ochish/sharhlash

2024-04-10 03:49:50 Рамазон Ҳайитингиз муборак бўлсин!

Аллоҳ таоло ушбу ойда қилган барча солиҳ амалларимизни қабул қилсин, ушбу ойда гуноҳлардан покланиб чиққан, дўзахдан халос бўлиб, жаннатга эришган бандалари қаторида қилсин!

Келаси йил Рамазонга офиятда етишимизни муваффақ қилсин!

@IkromSharif Ochish/sharhlash

2024-04-07 23:51:15 Ochish/sharhlash

2024-04-07 18:36:57 Мен ушбу ҳадис ҳақида яқинда устозимдан шундай мазмунни эшитдим, сиз ҳам билармидингиз?

Ибн Аббос розияллоҳу анҳумо Расулуллоҳ соллаллоҳу алайҳи ва салламни шундай сифатлаганлар:
“Расулуллоҳ соллаллоҳу алайҳи ва саллам энг саховатли киши эдилар. Рамазон ойида Жаброил алайҳиссалом билан учрашганларида янада саховатли бўлар эдилар. Жаброил алайҳиссалом рамазонда ҳар кеча Расулуллоҳ соллаллоҳу
алайҳи ва салламнинг ҳузурларига келиб, биргаликда Қуръонни музокара қилар эдилар. Ўшанда Расулуллоҳ соллаллоҳу алайҳи ва саллам тўхтовсиз эсиб турган шамолдан ҳам саховатли бўлар эдилар”.
Бухорийривояти

Яъни, бир эсиб, тўхтаб қолган шамол кимгадир тегиб, кимлардир ундан бебаҳра қолиши мумкин. Лекин Расулуллоҳ соллаллоҳу алайҳи ва салламнинг рамазон ойида худди тўхтовсиз эсиб турган шамолдек барчага саховат улашар эдилар ва бу саховатдан ҳеч ким бебаҳра қолмас эди.

Баъзилар Расулуллоҳнинг Рамазондаги саховатлари ҳақидаги ушбу хабарни эшитиб, у зот закот берганлар, деб ўйлайди ва ўзи ҳам закот бериб қўйиш билангина кифояланади. Ҳолбуки, ундай эмас, Расулуллоҳ соллаллоҳу алайҳи васаллам нафл садақаларни кўпйтирганлар.
Закот — фарз. Фарз савобли ва мужбурий ибодат. Мўмин банда фарз борасида ихтиёрий бўлолмайди. Уни бажаришга мажбур. Фарз бандани Аллоҳга яқинлаштиради. Аммо Аллоҳнинг муҳаббатини қозониш учун фарзга қўшиб албатта нафл — ихтиёрий амалларга ҳам куч бериш лозим. Нафлнинг рамазондагиси эса, яна ҳам савобли бўлади.

Рамазон ниҳоясига икки кун қолди!

@IkromSharif Ochish/sharhlash

2024-04-06 22:26:27 Баъзи истакларимиз ҳомилага ўхшайди. Уни бутун ва соғлом шаклда қўлга киритишимиз учун вақт керак. Йўқ, тезроқ амалга ошсин дейишимиз, вақти етмаган ҳомилани тезроқ туғилишини исташимиз кабидир.

@IkromSharif Ochish/sharhlash

2024-04-06 20:54:29 Раҳмат ва барака ойи бўлмиш Рамазоннинг сўнгги кунлари яқинлашиши муносабати билан Ибн Жавзий айтган нарсаларини эслаб ўтамиз:

От маррага яқинлашган сари мусобақада ғалаба қозониш учун бор кучини ишга солар экан. От сендан кўра фаросатли бўлиб қолмасин!

Амаллар хотимага қараб баҳоланади! Кутиб олишни қойилмақом қилмаган бўлсанг, хайрлашишни чиройли қилиб қўй!

arabicuz

@IkromSharif Ochish/sharhlash