Ikrom Sharif

2024-05-02 19:57:11 Эй оқила аёл!

Табассум — қалбнинг юмшоқлиги, таъбнинг соғломлигидан дарак беради. Шунинг учун доим табассум қилинг. Эрингиз билан кўришганда ҳам, хайрлашаётганда ҳам, изн сўраётганда ҳам табассум қилинг. Бирон нарса сўрасангиз ҳам, сўраган нарсангиз берилганда ташаккур айтганда ҳам табассум қилинг, дастурхонга таом тортганда ҳам, умуман, ҳар бир ишда табассум қилинг! Ҳатто уйқудан уйғониб, юзингиз унинг юзида бўлган онда ҳам табассум қилинг.

Аслида ҳар қандай табассум қилишнинг ўзи садақадир. Энди шу табассумни эрингизга қисангиз, бунинг ажри ниҳоятда катта бўлади!

"Оила — саодат маскани"

@IkromSharif Ochish/sharhlash

2024-05-02 17:00:20 ​​ФАРЗАНДЛАРИНГИЗДА ГЎЗАЛ
АХЛОҚНИ ШАКЛЛАНТИРИНГ!

Ўғил-қизларингизнинг хулқ-атворига эътиборли бўлинг. Уларни турли иллатлар ва ёмонликлардан асраб, эҳтиётлаб тарбияланг. Уларнинг ҳаққига доимо Аллоҳдан ҳидоят ва тавфиқ сўраб дуода бўлинг. Улардан рози бўлинг. Аллоҳдан уларни кўнгилсиз ишлардан ҳифзу ҳимоясига олишини сўранг.

Доктор Мустафо Сибоий айтади: “Нодон ота боласининг чиройидан бахтиёр бўлади ва унинг хулқидаги қабоҳатга парво қилмайди. Оқил ота бўлса, боласининг хулқидан шодланади, агарчи у одамлар орасида энг хунуги бўлса ҳам”.
Ёш болалар гўё нами қочмаган цементга ўхшайди. Унинг устига нима тушишидан қатъи назар, изи қолади. Қилаётган ишларингиз ва гап-сўзингизга ҳушёр бўлинг. Ҳар бир ҳаракатингиз, ҳар бир сўзингиз ўғил-қизингизга таъсирини кўрсатмасдан қолмайди.
Баъзи бир болалар мактабга боришни, ўқишни, билим олишни хоҳлашмайди. Уларда турли йўллар билан илмга нисбатан қизиқиш уйғотиш, муҳаббат ҳосил қилиш лозим. Ўқиса, илмли бўлса келажакда қандай ютуқларга эришиши мумкинлигини тушунтиринг. Илмли кишиларни мисол қилиб кўрсатинг.


Мақолани тўлиқ ўқиш учун

Ҳассон Шамсий Пошонинг
"Жаннат бўстонидаги оилавий оқшомлар" китобидан

Боғланиш учун:
@qamar_delivery
+998712037004 | +998998454400

Manzilimiz: Alisher Navoiy 42, mo‘ljal Chorsu, Sobiq Gum ro‘parasi.

http://t.me/nunnashr Ochish/sharhlash

2024-05-02 13:58:54 Баъзи гапларни гапириш билан айбдор бўласиз. Гап гапда эмас, гап уни сиз(!) гапирганингизда.

@IkromSharif Ochish/sharhlash

2024-05-02 10:28:41 Саховат либосини кийиб олган кишининг айблари кўринмайди.

Ҳаким.

@IkromSharif Ochish/sharhlash

2024-05-01 14:24:20 Қанақасини исташимни айтайми?

— Хуллас, ёш бўлсин лекин қайсар бўлмасин. Беозор шўхлиги бўлса майли. Тозаликка эътиборли бўлсин. Оппоқ бўлса яна яхши. Кўчага чиқаман деявермасин минғиллаб. Уйда ўтиришга ўргангани маъқул. Қисқа қилиб айтганда, тарбияли ва ёқимтой бўлсин. Мен-ку унчалик талабчан эмасман, аёлим бўлса, шундай бўлсин бўлмаса, йўқ деяпти. Истаганидек бўлмаса, рухсат йўқ яъни. Аслида буни фарзандларим исташяпти ва қаттиқ кутишяпти. Ўзи шулар учун олиб келмоқчиман. Тўғри-да, шу ёшга кириб мушук боқиб нима қилардим? Болалар хурсанд бўлсин деб кўнар экансиз-да.

@IkromSharif Ochish/sharhlash

2024-05-01 10:03:14 Қоғоздаги ёзув:

"Азиз биродарим, агар пулинг бўлмаса, асло хижолат бўлма, оилангни егуликсиз қолдирма. Марҳамат, нарсаларимдан фарзандларинг учун қанча эҳтиёжинг бўлса, ўшанча олавер.
Зеро, менинг ризқим ҳам, сенинг ризқинг ҳам Аллоҳнинг зиммасида!"
***

Яхшиям сиз борсиз, яхши одамлар!

@IkromSharif Ochish/sharhlash

2024-04-30 20:09:47 Амалсиз сўзда, сахийлик бўлмаган молда, вафосиз дўстда, тақвосиз фиқҳда, ниятсиз садақада, соғликсиз ва хотиржамликсиз ҳаётда яхшилик йўқ.

Аҳнаф ибн Қайс раҳимаҳуллоҳ.

@IkromSharif Ochish/sharhlash

2024-04-30 17:00:23 – Сенингча энг хавфли сўз қайси?
– Менимча "лекин".
– Нега?
– Ўзидан олдин айтилган барча сўзларни "ўлдиради!" Масалан, "сени севаман, лекин..." каби..

@IkromSharif Ochish/sharhlash

2024-04-29 19:29:08 Кеча шу кинони фб.да кимдир улашди. Ўн дақиқача кўрдим, бошидан таъсирландим. Кейин эътибор берибман, кино кинотеатрда телефон орқали ёзиб олинган экан. Кейин кўришни тўхтатдим, қолганини чипта сотиб олиб, кинотеатрда кўришни кўнгилга тугиб қўйдим.

Ўзим медиа соҳасини қисман тушунганим учун айтаман, бу кинога катта меҳнат кетган. Пулгина эмас, пулдан катта нарсалар сарфланган. Уни қўллаш керак. Биз иқтисодий чиқимини бироз кўтарсак, шу ҳам яхшиликка катта ҳисса бўлади. Айниқса, бемаза кино ва фильмлар урчиган ҳозирги пайтда. Ўзи пул тўлаб тушганимиз билан, маданий хордиқ ҳам бўлади ўзимизга…
Оилавий бориш керак.

@IkromSharif Ochish/sharhlash

2024-04-29 09:09:59 Ҳувиллаб қолмайди сенсиз бу дунё,
Дўстларинг зор эмас сен билганчалик.
Ўлсам не бўлгай деб сира тортма ғам,
Кетганинг хабари келганингчалик.

Ҳар инсон зотига зарурман дема,
Кимгадир тупроқсан, кимгадир олмос.
Худо сақласин-у, гоҳи гоҳида,
Ҳатто ўзингга ҳам керагинг қолмас.

Муаллиф: Ўткирбек Муҳаммадсобир

@IkromSharif Ochish/sharhlash