Ikrom Sharif

2024-02-14 11:05:00 Бошқаларнинг бaхти камоли сенга ҳеч қандай зарар бермайди. Кимдир бой бўлиши билан эса, сенинг ризқинг озайиб қолмайди. Кўнгилни кенг қилавер, ўзинг орзу қилган нарсаларни бошқаларга ҳам раво кўр.

@IkromSharif Ochish/sharhlash

2024-02-05 15:07:40 Ҳайвон оч қолганида ваҳшийлашади, хатарли бўлади. Инсон эса, тўйганида.

@IkromSharif Ochish/sharhlash

2024-02-05 07:22:49 Ҳаётимни ўзгартирган бир ўпич!

"Фарзанд тарбиясидаги 700 сабоқ" китобидан.

Тўлиқ суҳбатни кўриш учун

@IkromSharif Ochish/sharhlash

2024-02-04 16:34:51 "Кора кунга" эмас, "ёруғ кунларга"

Баъзида қўлимизда эҳтиёжимиздан ортиқ пулимиз бўлса пала-партиш, орқа-кетига қарамай сарфлаб юборамиз.
"Тажрибали кишилар бундай қилишмас экан. Улар пулларини уч қисмга бўлиб, бир қисмини ўзларига, яна бир қисмини “ёруғ кунлар” учун олиб қўйишар экан. Ҳа “қора кунга” эмас, “ёруғ кунларга”!
Бизда "қора кунга олиб қўйиш” деган нотўғри тушунча шаклланиб қолган. Агар биз “жамғармамиз ёруғ кунларга буюрсин” дея яхши ният қиладиган бўлсак, Аллоҳ таоло ҳам ўша пулларни ниятимизга яраша яхши кунларга ишлатишимизни насиб қилар экан.
Охирги учинчи қисмини эса фойда келтирадиган ишларга сармоя сифатида киритишар экан.
Биз ҳам фарзандларимизга мана шуни сингдира олсак самарали ютуқларга эришишлари мумкин. Ўшанда бировларга эҳтиёжманд бўлмайдилар.
Бир тижоратчи айтади: "Отам мени ёшлик чоғимданоқ пулдан қандай қилиб оқилона фойдаланишни ўргатганлар. Ёзги таътил кунларимда дўконда ишлаб яхши пул топар эдим. Дўкон эгалари қўл-оёғим чаққонлиги, вазифамни ўз вақтида бажараётганим учун қўшимча пул ҳам бериб туришарди.
Бирга ишлаётган тенгдошларим ишлаган пулларини турли беҳуда нарсалар, кераксиз ўйинларга сарфлаб юборишарди. Ҳатто ойлик ёки ҳафталик маошларини
олгунларича бировлардан пул сўраб юришарди. Мен эса отамнинг саъй-ҳаракатлари билан пулларимни қандай сарф қилишни билардим.
Отам ишлаган пулимни уч қисмга бўлардилар. Бир қисмини ўзимга бериб, эҳтиёжларим учун ишлатишим мумкинлигини айтардилар. Иккинчи қисмини жамғарма сифатида йиғиб кўярдилар. Яна бир қисмини эса кичик тижоратга тикишимни айтардилар. Яъни, биз шу учинчи қисм пулга бозордан товуқ, эчки ёки қўзичоқ сотиб олиб парвариш қилардик. Кейин эса уларни сотардик. Шу тариқа пулим оз бўлса-да, тижоратга сармоя сифатида йўналтириларди.
Отамнинг тадбирлари бутун ҳаётимга ижобий таъсир қилди. Ёшим ўттиздан ошди. Катта тадбиркорман. Ҳозир ҳам бизнесдаги ишларимни, янги лойиҳаларимни отам билан маслаҳатлашиб амалга ошираман, ҳали ҳам улардан кўп нарсаларни ўрганаман.

“Фарзанд тарбиясида 700 сабоқ” китобидан.

@IkromSharif Ochish/sharhlash

2024-02-02 07:00:13 Saodatli oyni yanada saodatli oʻtkazishni istaysizmi?

Muborak hadisda: “Ramazondagi Umra men bilan qilingan Hajga teng keladi”, deyilgan.
(Imom Buxoriy va Imom Muslim rivoyat qilgan).
Siz ham shunday neʼmatga ega boʻlishni istasangiz, harakatni hozirdan boshlang.

Sakinat travel'da ramazon oyi reyslari uchun qabul boshlandi. Biz bilan muammolarsiz, eng yaxshi sharoitlarda ziyoratni amalga oshirishingiz mumkin.

Xizmatlarimiz:
saharlik va iftorlik
malakali, ahli ilm ellikboshilar;
to'g'ridan-to'g'ri reys;
yuqori servis xizmati;
Haramga yaqin,shinam mehmonxonalar;
transport xizmatlari;
umra vizasi;
sog'lik sug'urtasi

Reys vaqtlari:
09.03.24 ketish, 23.03.24 qaytish;
20.03.24 ketish, 03.04.24 qaytish;
30.03.24 ketish, 13.04 24 qaytish

Shoshiling! Fazilatli oyni, sakinatli shaharlarda oʻtkazamiz

Batafsil maʼlumot uchun
+998948940330 Ochish/sharhlash

2024-02-01 20:21:54 Бир мақсад сари йўлга чиқдингми, энди ўнгу сўлдаги лаззатларга чалғима.

@IkromSharif Ochish/sharhlash

2024-02-01 09:03:04 Атрофингдагилар кўплигидан ғурурланиб кетма. Уларнинг аксари фойдасиз бўлади.

@IkromSharif Ochish/sharhlash

2024-01-30 11:33:38 Баъзи аёлларимиз: «Хотин эрининг хизматини бажаришга мажбур эмас», деб (айрим фақиҳлар томонидан) айтилган фатволарни нақл қилиб қолишади.

Шу билан бирга (баъзи) фуқаҳоларнинг: «Эр агар хотини касал бўлса, унинг даволаш муолажаси учун маблағ сарфлашга ёки вафот қилса, кафани учун пул беришга мажбур эмас», деган сўзлари ҳам бор эканидан умуман бехабардирлар.

Шахсан мен учун эримга хизмат қилиш шарафдир. Завжимга бўйин эгишни, унга меҳр-муҳаббат кўрсатишни, унинг розилигини олишга интилишни бурчим деб биламан. Шу сабаб, уйимда хизматчилар бўлсада, эрим уйдан чиқишидан олдин пойафзалини артишга ошиқаман.

Эҳсон Фақиҳ.

arabic uz

@IkromSharif Ochish/sharhlash

2024-01-29 12:12:57 ​​Архивдан чиқиб қолди. Бу уч-тўрт йил олдинги расм.
Эркак киши бирор касб-ҳунар ўрганиб қўйиши керак экан. Қўлидан бирор иш келган одам кўчада қолмайди, энг муҳими, тамагир бўлмайди. Бу айниқса, мусофирчиликда жуда билинади. Тайинли ҳунаринг бўлиб, борган ерингнинг тилини ўрганиб олсанг, кўп ҳам қийналмай жойингни топасан, иншааллоҳ. Қолаверса, дийнимизда қўл меҳнати мақталади, унга тарғиб қилинади. Ҳатто, Пайғамбарларнинг ҳам касб-ҳунарлари бўлган.

Келганимдан бери бир неча буқа ва қўй сўйибман. Ҳар йили қурбон ҳайитларида олдиндан буюртмалар бўлади.
Ҳунаримни яхши кўраман. Менга уни ўргатган устозларимни кўп дуо қиламан.

Сизга ҳам маслаҳатим — ҳунар ўрганиб қўйинг!


Юқоридагини 3 йил олдин мусофирчиликда ёзгандим. Қассобчилик менинг асл касбим. Жисмоний иш. Баъзан мол ва қўйларни йиқитиш учун қучоқлаб, баъзан қонга булғаниб, терлаб-пишиб ишлайсиз. Лекин биласизми, мана шу ишим эвазига топган пулим энг роҳатбаҳши бўлади. Йўқ, кўплиги билан эмас, шу иш менинг ишим, шу ишнинг эгасиман ўзи деган ҳиссиёт билан. Мен оила, фарзанд табияси ҳақидаги аксар суҳбатларда йигитларга касб-хунар ўрганиб олишга кўп урғу бераман. Одамларнинг ҳавасини келтирадиган номдор касбларни чала ўрганганидан, оддий касбларни чуқур ўргансин, энг зўр уста, энг зўр сувоқчи, энг зўр дурадгор, энг зўр сартарош, энг зўр қассоб бўлсин дейман. Ҳар қандай касб-ҳунар эгаси ишининг касбининг тури билан эмас, ўз ишига қанчалик моҳирлиги ва ундаги омонатдорлиги билан баҳоланади, қадрланади. Шуни яхши тушуниб олишимиз керак. Айриқса, буни фарзандларга доимий эслатиб туриш керак.

Эслатма: қассобчилик жаллодчилик эмас. Қўй-мол сўйган киши раҳм-шафқатсиз бўлиб қолмайди. Масалан мен бирор марта хўроз ҳам сўйиб кўрмаган бир нечаларингиздан анча раҳмдил бўлсам керак.)))

@IkromSharif Ochish/sharhlash

2024-01-28 10:11:20 Тажриба қилиб кўринг!

Ижтимоий тармоқ воситаларидан (четга қўйиб) бироз узоқлашинг. Шунда кашф қиласизки, уни ичида юриб бирон нарсани йўқотганинглар йўғу, лекин ташқарисида (яъни, воқеий ҳаётда) улкан нарсаларни қўлдан чиқарибсизлар. Ота-оналарингизнинг ёшлари анча кексайиб, сезмай қолибсизлар. Ўғил-қизларингизни тарбиясига эътиборсиз бўлиб, унутиб ҳам  қўйибсизлар. Яқинларингиз, севганларингиз кетиб қолишибди ҳам.

Кўплаб фурсатлар, қимматли вақтлар зое бўлибди ҳамки, ғофил қолибсизлар. Намозлар, зикрлар, суннатлар, Қуръон қироатлари, ота-оналар билан бирга ўтиришинглар, болаларингизни парваришлаб, кузатишларингиз, азон сўзларини такрорлашларингиз, саҳарлардаги истиғфорларингиз, намозлар ортида ўтириш, дуолар қилиш, Набийга саловотлар айтиш ва яна кўп-кўп нарсалар зое бўлиб кетибди...

Ҳеч вақт ўзингиздан сўраб кўрганмисиз, интернетдаги ижтимоий тармоқлар нега арзон, деярли текин? Жавоби оддий, бирон маҳсулотга ҳақ тўламаяпсизми, билингки, асли сиз маҳсулотсиз!

arabicuz

@IkromSharif Ochish/sharhlash