Huquqshunos minbari

2022-10-22 07:56:24 Davlat mehnat inspeksiyasi yordami bilan yana bir fuqaroning ishi ijobiy hal qilindi.

Jovliboy Ko'charov 2020-yil 2-oktabrida "Hududgaz Surxondaryo" gaz taʼminot filialidan noqonuniy ravishda boʻshatilgan hamda tuman (shahar) va viloyat sud instansiyalari tomonidan ishga tiklash rad qilingan.

Fuqaro Bandlik va mehnat munosabatlari vaziri Nozim Xusanov qabuliga kirib, mehnat huquqlarini tiklab berishni va sud jarayonida uning manfaatida ishtirok etish uchun masʼul xodim ajratib berishni soʻragan.

Uning murojaati qanoatlantirilib, Davlat mehnat inspeksiyasidan sudga xulosa taqdim qilish va ishtirok etishi uchun mas'ul hodum ish olib bordi.

Natijada, joriy yilning 18-oktabr kuni O‘zbekiston Respublikasi Oliy sudining Fuqarolik ishlari bo‘yicha sudlov hay’atida arizachi o‘z ishiga tiklandi hamda majburiy progul davrlari uchun uning manfaatiga 45 million soʻm toʻlovlar undiriladigan boʻldi.

Kanalga ulanish
https://t.me/mehnatvazirligi Ochish/sharhlash

2022-10-20 20:11:30 ​​#Adolat_sari_yana_bir_qadam

Oliy sudda ishga tiklangan xodim

O'zbekiston Respublikasi Oliy sudida 2021-yil 31-martdan shu kunga qadar mehnat huquqi buzilib kelayotgan "Hududgaz Surxondaryo" gaz taʼminot filiali xodimi Jovliboy Ko‘charov kassatsiya instansiyasida o‘z ishiga tiklandi.
Bu inson 2020-yil 2-oktabrgacha ishlagan joyidan boshqa ishga o‘tkazilgan. Vaqtinchalik tusdagi bu ishda ishlashi muddatli shartnoma bilan rasmiylashtirilgan va doimiy ishi saqlanishi vaʼdasi berilgan. Biroq 2021-yil 31-mart kuni vaqtinchalik ishini tugatib doimiy ishiga qaytib kelsa, bu lavozim qisqarib ketganini aytishgan. Bo‘shatish 99-moddasi, o‘z tashabbusi bilan deya rasmiylashtirilgan. Lekin xodimning arizasi yo‘q.
Biroq Termiz tumanlararo va Surxondaryo viloyat sudlari daʼvo muddati o‘tgan deb qaror chiqargan. Vaholanki, daʼvo muddati MK 270-moddasida mehnat shartnomasini bekor qilish buyrug‘i bilan tanishgan kundan o‘ta boshlaydi. Xodim buyruq bilan shu yil avgustda (undayam prokuror yordami bilan) tanishgan.
Buyruq bilan tanishgani, unga bir nusxa bergani tilxat asosida rasmiylashtirilishi kerak. Ish beruvchi buni sudga taqdim qilolmadi, yaʼni xodim buyruq bilan tanishtirilmagan.
Ushbu masalani kassatsiya hayʼati ko‘rib uzoq ikkilanib o‘tirmadi. Tezda vaziyatga oydinlik kiritib adolat o‘rnatdi. Majburiy progul summasi 45 mln. so‘m undiriladigan bo‘ldi.

Shu o‘rinda ish beruvchilar, yodda tuting. Mehnat sohasida har bir protseduraga rioya qilinmasa, ertaga bu ish o‘zingizga qarshi ishlaydi.


https://t.me/huquqshunos_minbari Ochish/sharhlash

2022-09-30 12:11:01 Бугун ҳамма ходимлар 1 соат вақтли кетиши керак!

Меҳнат кодекси 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Эртага 1 октябрь — Ўқитувчи ва мураббийлар куни, яъни ишланмайдиган байрам куни. Демак, бугун ишга чиққан барча ходимлар 1 соат вақтлироқ уйига кетишига қонуний ҳаққи бор.


https://t.me/huquqshunos_minbari Ochish/sharhlash

2022-09-11 10:14:35 Таксичиларнинг ўзини ўзи банд қилиб фаолият юритиш тартиби тушунтирилди

Ҳайдовчи дастлаб ўзини ўзи банд қилган шахс сифатида рўйхатдан ўтади ва гувоҳнома олади. Буни ёки Давлат солиқ инспекция ҳудудий бўлимларига бориб, ёки онлайн тарзда амалга оширса бўлади.

Рўйхатдан ўтиш бепул.

Сўнгра Давлат хизматлари марказига бориб солиқ органидан олинган гувоҳномага асосан йўловчи ташиш лицензия варақаси олиш учун 300 минг сўм (1 йилга) давлат божи тўлаб лицензия варақасини олади.

Маълумот ўрнида: ўзини ўзини банд қилган фуқаролар даромад солиғи тўламайди. Улар фақатгина 1 йил учун 300 минг сўм (БҲМнинг 1 баробари) меҳнат стажи ҳисобланиши учун ижтимоий солиқ тўлайди ва уни рўйхатдан ўтгандан сўнг ҳам тўласа бўлади.

Автомобилнинг том қисмига такси белгили плафон воситаси ўрнатилган бўлиши лозим. Бу воситанинг йўқлиги 2 млн 100 минг сўмгача (МЖтК 176-4-моддаси) жарима солишга сабаб бўлади. Эслатма: Ушбу тартиб 4 ўриндиқли транспорт воситалари ҳайдовчилари учун амал қилади.

https://t.me/huquqshunos_minbari Ochish/sharhlash

2022-09-10 09:28:50 #Биласизми

Кафиллик – шартнома бўйича бошқа шахснинг мажбуриятини тўла ёки қисман бажариши учун унинг кредитори олдида жавоб беришни ўз зиммасига олиш.

Қарздор кафиллик билан таъминланган мажбуриятни бажармаган тақдирда кафил ва қарздор кредит олдида солидар жавоб беради.

Шунингдек, кафиллик шартномасида бошқача тартиб назарда тутилган бўлмаса, кафил кредитор олдида қарздор билан баравар ҳажмда жавоб беради, шу жумладан фоизлар тўлайди, қарзни ундириб олиш бўйича суд чиқимларини ва қарздор мажбуриятини бажармаганлиги туфайли кредитор кўpган бошқа зарарларни тўлайди.

Кафиллик шартномаси ёзма шаклда тузилади. Ёзма шаклда тузилмаган кафиллик шартномаси ҳақиқий ҳисобланмайди.

Каналга уланиш
https://t.me/YuristHuquqshunosMaslahati Ochish/sharhlash

2022-08-30 19:54:52 Мустақиллик байрамида ўзбекистонликлар кетма-кет 4 кун дам олишади

Яқинлашаётган давлат мустақиллиги байрами муносабати билан ўзбекистонликлар кетма-кет 4 кун дам олади.

Бунда:

1 сентябрь — Мустақиллик байрами;

2 сентябрь — жума, иш ҳафтасининг туридан қатъи назар барча ходимлар учун қўшимча дам олиш куни;

3 сентябрь — шанба, олти кунлик иш ҳафтасида ишлайдиган ходимлар учун Фармонга асосан қўшимча дам олиш куни;

4 сентябрь — якшанба, барча учун одатдаги дам олиш куни.

5 сентябрь барча учун иш куни. Мактаб, лицей, коллеж ва техникумлар ўқувчилари, шунингдек ОТМ талабалари учун ҳам 5 сентябр — душанбадан дарслар бошланади.

Эртага, 31 август - чоршанба куни барча учун иш куни бўлади.


https://t.me/yuridikmaslahatchi Ochish/sharhlash

2022-08-29 11:51:41 #Қабул_2022

Тест синовлари натижасидан норози абитуриентларнинг апелляция аризалари 6 сентябргача қабул қилинади

Тест синовлари натижасидан норози бўлган абитуриентлар апелляция комиссиясига ёзма ёки электрон шаклда апелляция шикоятини бериш ҳуқуқига эга.

Апелляция аризалари my.dtm.uz сайти орқали (абитуриентнинг шахсий кабинетида) онлайн тарзда қабул қилинмоқда ва 6 сентябрга қадар давом этади.

Абитуриент апелляция шикояти бериши учун тест синовида иштирок этган ва ундан четлатилмаган бўлиши лозим.

Шунга кўра, апелляция аризасини берган абитуриентга уни кўриб чиқиш санаси ва вақти кўрсатилган хабарнома берилади.

Қонунчиликка кўра:

Апелляция шикоятини берган абитуриент хабарномада белгиланган кунда ўзининг паспорти ва абитуриент рухсатномаси билан келиши шарт.

Апелляция жараёнида абитуриентга унинг жавоблар варақаси нусхаси, тест топшириқлари нотўғри бажарилган жавоблар рўйхати ҳамда тест синовларида абитуриентга тақдим этилган тест топшириқлари китоби берилади.

Апелляция шикояти апелляция комиссияси томонидан фақат абитуриент иштирокида, унинг ёзма жавоблари асосида кўриб чиқилади.

Абитуриентга апелляция шикояти бўйича қабул қилинган қарордан кўчирма берилади.

Апелляция жараёнида қуйидагиларга йўл қўйилмайди:

апелляция ўтказилаётган хонага уяли телефон, компьютер, телекоммуникация воситалари ва шпаргалкалар (луғат, жадваллар бундан мустасно) олиб киришга ҳаракат қилиш ёки олиб кириш;
апелляция жараёнида тест материалларини бошқа абитуриентга узатиш, уларга ёрдам бериш ёки ёрдам олиш;
тест топшириқлари китобининг варағини йиртиш.

Абитуриентнинг жавоблар варақаси, тест топшириқлари китоби ДТМга белгиланган тартибда етказилмаган, йиртилган бўлса, шунингдек, тест синовларидан четлаштирилган ёки ўзининг жавобларини ёзма равишда баён қилмаган абитуриентнинг апелляция шикояти кўриб чиқилмайди.

Апелляция комиссиясининг қарори бўйича маълумот Ўзбекистон Республикаси таълим муассасаларига ўқишга қабул қилиш бўйича давлат комиссиясига апелляция жараёни тўлиқ тугаганидан сўнг 5 иш куни ичида тақдим этилади.

Абитуриент апелляция комиссиясининг апелляция шикоятини кўриб чиқиш натижалари бўйича қабул қилган қарори юзасидан қонун ҳужжатларида белгиланган тартибда судга шикоят қилиши мумкин.

Эслатиб ўтамиз, апелляция шикоятларини кўриб чиқиш 2022 йил 7 сентябрдан бошланади.

https://t.me/yuridikmaslahatchi Ochish/sharhlash

2022-08-27 21:15:18 ​​#Qabul2022
Yakuniy tanlov natijalari (mandat) e’lon qilindi

2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi.

Tanlov natijalarini 6 xil usulda bilish mumkin.

my.dtm.uz sayti orqali:

my.dtm.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

mandat.dtm.uz sayti orqali:

mandat.dtm.uz saytining “Bakalavr-2022” bo‘limiga abituriyentning ID raqamini kiritgan holda.

SMS xabarnoma xizmati orqali:

5100 raqamiga abituriyentning ID raqami yuborilganda, mazkur telefon raqamiga tanlov natijalari bo‘yicha SMS xabarnoma yuboriladi (xizmat haqi mavjud).

Davlat test markazining quyidagi telegram botlari orqali (abituriyentning ID raqamini yuborgan holda):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

QR-kod orqali:

Abituriyent ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

Test natijalari qaydnomasi orqali:

Shuningdek, test natijalari qaydnomasi oliy ta’lim muassasalariga taqdim etiladi.

https://t.me/yuridikmaslahatchi Ochish/sharhlash

2022-08-27 21:12:36 MANDAT CHIQDI. Ochish/sharhlash

2022-08-27 19:39:18 Мандат қачон чиқиши керак?

ЖАВОБ: Тестлар тўлиқ тугагач 1 ҳафта ичида.

Вазирлар Маҳкамасининг 2017 йил 20 июндаги 393-сон қарори билан тасдиқланган Низомнинг 14-бандига кўра, абитуриентнинг тест синовидан тўплаган баллари ҳақидаги маълумот тест синови ўтказилган куннинг эртасига, унинг талабаликка тавсия этилгани ёки этилмагани бўйича танлов натижаси тест синовларини ўтказиш жараёни тўлиқ якунланганидан кейин бир ҳафта муддат ичида Давлат тест марказининг расмий веб-сайтида эълон қилинади.

Жорий йил тест синовларининг охирги куни 20 августда бўлди. Қонунчиликка кўра, мандат шу санадан бошлаб 1 ҳафта ичида, яъни эълон қилиниши керак.

Демак, бугун — 27 август куни мандат чиқиши керак бўлган қонуний сананинг охирги куни.

Агар бугун соат 23:59 гача мандат чиқмаса, кечиккан ҳар бир кун қонунбузилиш, деб ҳисобланади. Аммо ўтган йиллардаги амалиётдан кўрганмизки, бу қонунбузилиш (мандат кечикиши) учун кимдир жазоланиши даргумон.

Майли, кутайликчи, ҳали кун тугашига яна 3 ярим соат вақт бор.


@xushnudbek Ochish/sharhlash