𝐄𝐬𝐥𝐚𝐭𝐝𝐢𝐤

2022-09-25 17:09:58 Diqqat

Faqatgina bir gugurt donasini o'rnini o'zgartiring va tenglamani yeching!

99% insonlar uni 30 soniya ichida topa olmaydi!

Javobini bilish ↓ Ochish/sharhlash

2022-09-24 14:21:19 "Keling, Qur'on yodlaymiz" Ochish/sharhlash

2022-09-24 05:34:44 Gul suvga oshiq boʻldi...
Suvga:
– Seni sevaman, – deb aytdi.
Suv:
– Men ham seni sevaman, – dedi.
Oradan biroz vaqt oʻtgandan keyin, takror Gul Suvga:
– Seni sevaman, – dedi.
Suv:
– Men ham seni sevaman, – dedi...
Gul kasal boʻlib, soʻlib qoldi...
Suv bu holni koʻrib chidolmasdan, tabib chaqirdi. Tabib Gulni yaxshilab tekshirgandan keyin, Gulga umidsiz boqdi. Suv esa xavotirlanib:
– Gulga nima boʻlgan ekan? – deb soʻradi.
Tabib esa:
– Hech narsa qilmagan, faqatgina Suvsiz qolibdi. – dedi...
Bundan shu narsa tushuniladi-ki, “Ishq – faqatgina seni sevaman!”, deb aytishlikdan iborat emas ekan.
Ishq – senga har narsasini bera olishiga ishonganing bir insonni sevishlikdir...

Mavlono Jaloliddin Rumiy

@Eslatdik Ochish/sharhlash

2022-09-23 16:57:21 Эмизикли гўдакнинг йиғлаши фойдаларидан

Имом ибн Қоййим раҳимаҳуллоҳ деди:
“Ота-оналарга гўдакни йиғлаши ва чинқириш машаққат, безовталик туғдирмасин. Чунки бундан бола улкан фойдалар олади. Бу йиғлаш унинг аъзо, бўғимларини қисқартиради, ошқозон, ичаклариини кенгайтиради, кўкрак қафасини очади, миясини иситади, мижозини ҳимоялайди, табиий ҳароратини кўтаради ва табиатини ортиқча нарсалардан ҳимоя қилишга ундайди ҳамда миядаги ортиқча хилтлар ва бошқа нарсаларни суриб чиқарилишига олиб келади”.

“Туҳфатул мавдуд” асаридан.

arabic uz

@Eslatdik Ochish/sharhlash

2022-09-22 19:21:01 Alloh taola ba'zi insonlarga O'z sevgisidan bergan.
و القيت عليك محبة منى.       طه 39

"Men senga O'z muhabbatimdan berdim". (Toha/39)

Ba'zi insonlar Allohni al-Vadud ismi sifatini o'zlarida namoyon etadilar. Qayerga bormasinlar, yaxshi ko'rishadi. U bilan birinchi marta ko'rishganlar uni yoqtirib qoladilar. Go'yo uni ko'p yillardan beri bilgandek, bolalikdagi do'sti kabi, sodiq bir do'st kabi...

Bu muhabbat Allohning ikromidir. Alloh taolo ba'zi qullariga al-G'oniy ismining sifatidan baxsh etadi. Agar bu odamlar tosh sotib olishsa, tosh qadrlanadi. Yer sotib olsalar, sotib olingan taqir yer oltindek qadrlanadi. Qaysi bir ish bo'lmasin, ular boyib ketaveradilar. Chunki ular Allohning G'oniy ismini o'zlarida mujassam etishadi.
Shunday qilib, ba'zi odamlar har tomondan seviladilar. Alloh taolo ularga O'z sevgisidan bergandir. Uni ko'rganlar darhol qalblarida muhabbat his qiladilar. Ular uni ko'p yillar davomida bilgandek sevadilar.

Robbim bizlarga ham al-Vadud ismining tajalliysini nasib etsin!

Murat Padak Ochish/sharhlash

2022-09-22 07:23:33 Уйланиш асносида аёл кишида бўлиши керак бўлган 10 сифат:

1. Солиҳа бўлиши;
2. Насл-насабли бўлиши;
3. Бокира бўлиши;
4. Кўп туғадиган бўлиши;
5. Уй ишларида саранжон-саришта бўлиши;
6. Эрига итоаткор бўлиши;
7. Ор-номусли (афифа) бўлиши;
8. Эркакка ёқадиган ҳуснга эга бўлиши;
9. Қаттиқ рашкчи бўлмаслиги;
10. Содда, оққўнгил бўлиши.

( Шайхул Ислом Муҳаммад Тақий Усмоний, «Фатҳул мулҳим», 4-жилд, 29-30 саҳифалар )

@Eslatdik Ochish/sharhlash

2022-09-21 07:42:15 #Тахажжуд

– Фарз намознинг азонини ҳамма эшитади. Таҳажжудга чақириқни эса баъзилар
эшитади, холос.
– Фарз намозни кўпчилик ўқийди. Таҳажжудни хослар ўқийди.Фарз намоз билан таҳажжуднинг орасида қандай фарқ борлигини биласизми?

– Фарз намозга инсон (азон айтиб) чақиради. Таҳажжудга эса инсониятнинг Робби
чақиради.
– Фарз намозга «Намозга келинглар!» деб чақирилади. Таҳажжудга эcа «Сўровчи борми, сўраганини бераман» деб чақирилади.

Аллоҳим! Таҳажжудни бизлар учун севикли қилгин, уни қалбларимизга оромбахш қилгин!

Изоҳ: Албатта, фарз намози ҳар қандай намоздан устундир. Аммо бу ерда таҳажжуд намозини ўқишга ана шундай
гўзал тарғиб қилиняпти.

@Eslatdik Ochish/sharhlash

2022-09-20 08:36:30 Рўза тутасан, кечалари туриб намоз ўқийсан, Аллоҳни зикр қиласан, садақалар берасан, инсонларга ёрдам қиласан, уёқдан буёққа югуриб яхшилик қиласан ва бир кун  битта одам келади, бир грамм ҳам ҳаракат қилмай, чарчамай, ҳамма савобларингни олиб кетади... Балки ҳеч ҳам ёқтирмаган бир инсонинг олиб кетади бу савобларингни. Ғийбат мана шундай нарсадир!

@Eslatdik Ochish/sharhlash

2022-09-19 05:07:02 Муслима қиз қандай йигитга
турмушга чиқмаслиги керак?

Одатда, турмуш қуришда талаблар ва шартлар асосан келин номзоддан ахтарилади. Куёв номзоднинг тушуми ва яшашга имконияти бўлса бас. Ваҳолангки, оилада қиз-йигит иккиси бир қушнинг қаноти кабидир. Бир қаноти касал ёки нуқсонли бўлса, иккинчиси қанчалик соғ бўлмасин, бундай қуш барибир учишга ярамайди. Қуйида муслима опа-сингилларимизга қандай йигитларга турмушга чиқмасликлари кераклиги баён қилинган. Марҳамат, булар билан танишиб ўзингизга хулоса чиқаринг:

1. Намозини кечиктириб ўқийдиган йигитга турмушга чиқма!
2. Намозларни жамлаб ўқувчи йигитга турмушга чиқма!
3. Ота-онасига оқ бўлган йигитга турмушга чиқма!
4. Аёлларга ҳатто номаҳрам қариндошларига ҳам ҳазил-ҳузул қиладиган йигитга турмушга чиқма!
5. Оғзи шалоқ, ҳатто ҳазиллашиб ҳам сўкинадиган йигитга турмушга чиқма!
6. Мусулмонларнинг ғамини қилмайдиган, ҳамма нарсадан четда юрадиган йигитга турмушга чиқма!
7. Бахил йигитга турмушга чиқма!
8. Динининг ва эътиқодининг асосларини билмайдиган йигитга турмушга чиқма!
9. (Билганига) амал қилмайдиган ва амал қилай деб ҳаракат ҳам қилмайдиган йигитга турмушга чиқма!
10. Сени Аллоҳнинг ибодатига бошламайдиган йигитга турмушга чиқма!
11. Унаштирилганда нималар қилиш-қилмаслик кераклигини билмайдиган, билишга урунмайдиган йигитга турмушга чиқма!
12. Уйдан ташқарига чиққанингда сенинг нима кийётганинг билан иши бўлмайдиган, рашксиз йигитга турмушга чиқма!
13. Мусулмон куёвнинг масъулиятларини билмайдиган, фақатгина ўз ҳақ-ҳуқуқларини биладиган йигитга турмушга чиқма!
14. Сени номаҳрам эркаклар орасида аралашиб ишлашингга рози бўладиган йигитга турмушга чиқма!
15. Тунни қоим қилиш борасида (таҳажжуд, таровеҳ намозлари ҳақида) ҳеч нарса билмайдиган йигитга турмушга чиқма!
16. Кашанда йигитга турмушга чиқма!
17. Сени уйда ёлғиз қолдириб, доим сафарда юрадиган йигитга турмушга чиқма!
18. Тез ғазабланадиган йигитга АСЛО турмушга чиқма!
19. Солиҳ йигитни топмагунингча турмушга чиқма!

Араб тилидан
Абдуллоҳ Раҳим таржимаси

@Eslatdik Ochish/sharhlash

2022-09-17 18:30:48 Bo‘ydoqlar uchun Imom Sha‘roviyning
noyob nasihatlari bor!

Uylanmoqchi bo‘lsangiz yahshi ayollarni axtarmang,
balki, yaxshi erkaklarni axtaring,
yaxshi erkaklarning uylarida,
yaxshi ayollar bo‘ladi.
Bu so‘zning ma‘nosini faqat ozchilikgina insonlar tushunadilar,
qizlaringizni nazorat qiling,
Zero Arslonlar qo‘riqlagan daraxtga,
maymunlar osila olmaydi.

Imom Sha‘roviy

@Eslatdik Ochish/sharhlash