2022-06-18 00:12:41
ЎРИС ҲАРБИЙЛАРИ ОРАСИДА ҲУКМ СУРАЁТГАН МАЪНАВИЙ-РУҲИЙ АҲВОЛ
Сир эмаски, президенти алмашмайдиган Россия аҳолисининг аксарият қисми деярли қашшоқлашиб кетган бўлиб, базўр кун кечиради. Аксарият ўрисларнинг ҳаробага айланиб қолган турар жойини таъмирлашга, уйига ҳатто оддий маиший техника ва бошқа турдаги рўзғор буюмларини харид қилишга қурби етмайди. Топганини егулик ва арзонроқ ичкиликка етказа олади, холос.
Украинага бостириб кирган ўрис ҳарбийларининг кафандузликка қўл ураётгани, маҳаллий аҳолининг уйларида бор нарсани кўтариб кетишаётгани, асир олинган ўрис аскарларининг Украина қишлоқларидаги турмуш тарзи, аҳолининг фаровон ҳаётини кўриб, чексиз ҳайратга тушаётганининг сабаби ҳам айнан шундан.
Шунинг учун ҳам кўплаб ўрислар Россиянинг ҳарбий-сиёсий раҳбарияти томонидан ваъда қилинаётган катта ойлик ҳисобига ўз турмуш тарзини ўнглаб олишга умид боғлаб, армия сафидаги ҳарбий хизматга, хусусан, Украинага қарши олиб борилаётган урушда кўнгилли равишда иштирок этишга ёзилишмоқда.
Бироқ, Украина заминига бостириб кириб, ўз армиясининг ўта аянчли аҳволини, Путин алайҳиллаъна томонидан қуролли кучлар олдига қўйилган оператив-стратегик вазифалар ижроси реал эмаслигини, ҳарбий бўлинмаси бирор-бир топшириқни бажаришга қодир эмаслигини, кунига кўз ўнгида юзлаб қуролдош дўстлари ҳаром ўлиб кетаётганини, қўмондонлигининг эса ғалаба қозонишга умиди йўқлигини, шахсий таркибнинг жанговар руҳи аллақачон синиб бўлганини кўргач, армия сафига кўнгилли равишда ёзилган ўрислар қаттиқ адашишганини теран англаб етишмоқда.
Фикридан қайтганини, қашшоқликда бўлса ҳам тинч ҳаёт кечиришга рози бўлиб, уйга қайтиш истагини билдирганча, қўмондонликка расман мурожаат қилиб, билдирув тақдим этар экан, шу заҳоти рад жавобини олишмоқда. Энди уларга Украинадан ё ўлик, ё оғир яраланган ҳолатда қайтишлари мумкинлиги обдон тушунтирилмоқда.
Илгари ўриснинг бундай адашган бандалари қўлидаги қуроли воситасида ўз оёғи ёки қўлига отиб, урушдан қайтадиган одат чиқариб олишган эди. Бироқ Россия Федерал хавфсизлик хизмати бундай ғайриқонуний ҳолатларга чек қўйишга аҳд қилиб, ўз танасига қасддан жароҳат етказган ҳарбийларга нисбатан жиноят иши қўзғатадиган бўлди.
Буни қарангки, урушдан қочмоқчи бўлган ўрислар ўзига ўзи тан жароҳати етказишнинг бошқача йўлини ўйлаб топишибди. Хусусан, бундай ҳарбийлар ўз оёғи ёки қўлини қалин бетон девордаги тирқишдан нариги томонга ўтказиб, душман пиёдаларига қарши қўлланадиган парчаланувчи гранатани портлатадиган бўлишибди. Қарабсизки, кўнгилли равишда урушга келган ўрис энди оғир яраланиб уйга қайтиши, юртга қайтгач эса, оғир яралангани учун 3 млн рубль бадал пулини ҳам олиши мумкин.
Хулоса тариқасида айтиш мумкинки, шахсий таркиби шу даражада маънавий-руҳий таназзулга юз тутган, жанговар руҳидан асар ҳам қолмаган, ҳарбийларини асосан пул билан қизиқтиришга уринаётган босқинчи ўрис армияси Украинада ҳеч қандай муваффақиятга эриша олмайди. Путиннинг шарафсиз қуролли кучлари ҳадемай муқаррар мағлубиятга учрайди.
Шокир Долимов
истеъфодаги подполковник
5.3K views21:12