2022-05-08 07:32:58
8 may — Xalqaro Onalar kuni!
ONAMNI KOʻRGANI BORAMAN! Bozorga chiqibdi qulupnay,
Yetkazdi, Xudodan aylanay,
Ilinib, ilinib olvolay,
Onamni koʻrgani boraman.
Ishlarim yoʻlimni toʻssa ham,
Poyimda tikanlar oʻssa ham,
Bir dasta gul olib boʻlsa ham,
Onamni koʻrgani boraman.
Kirsam ham ikkita non bilan,
Bagʻriga bosadi jon bilan,
Aytadi: "keldingmi, jon bolam?"
Onamni koʻrgani boraman.
Aytmayin bolamning gʻamini,
Bildirmay roʻzgorim kamini,
Oʻchirmay yuragin shaʼmini,
Onamni koʻrgani boraman.
Akamning yaxshisin oshiray,
Ukamning aybini yashiray,
Quvnatib mehrini toshiray,
Onamni koʻrgani boraman.
Erkalay: «Oymomam, oʻzimni,
Quvnatib turasiz koʻzimni»,
Kuladi eshitib soʻzimni,
Onamni koʻrgani boraman.
- Dam olish kunidan unumli foydalanib, onalarimiz holidan xabar olamiz!
Marhabo Karimova
@DTM_Axboroti_uz |
https://t.me/+knqc0vJ7bEVkMTUy
17.5K viewsedited 04:32