Davronbek Turdiev Official

2022-10-02 15:34:18 # O'zbekiston mnemosport federatsiyasi rahbari Davronbek Turdiyev Jalinga interaktiv videostudiyasiga tashrifi

foto \ telegraph

suhbat \ meeting

demonstartsiya Ochish/sharhlash

2022-09-19 21:40:39 MARKETING

Tadbirkorlikda bir nechta asosiy narsalar mavjud va ularning biri - bu marketing. Marketing tushunchasi judayam keng qamrovga ega, ko'pchilik ushbu so'z ostida asosan sotishni tushunishadi. Agar bu so'zga ilmiy ta'rif beradigan bo'lsam, marketing - mijozlarga mahsulot va xizmatni yetkazib berish tizimidagi funktsiyalar to'plami va kompaniyaning foydasi uchun mijozlar bilan quriladigan munosabatlarni boshqarish jarayonlari.

Agar siz marketing faqat savdoni amalga oshirish uchun ishlaydi - deb o'ylasangiz sizning kompaniyangiz uzoqqa bormaydi. Bu holatni men o'zimning shaxsiy tajribamdan kelib chiqib aytolaman.

Xo'sh agar marketingni asosiy funktsiyasi savdo bo'lmasa, unda nima? Katta va muvaffaqiyatga erishgan kompaniyalarni ko'rib shubhasiz aytish mumkinki, marketing - bu munosabat! O'z mahsulotingizga, brendigizga va kompaniyangizga bo'lgan munosabat. Odamlar va sizning biznesingiz o'rtasidagi munosabat. Agar bu munosabatingiz uzoq muddatli bo'lishini xohlasangiz, urg'u berishingiz kerak bo'lgan eng asosiy jarayon - bu mijoz mahsulotingizni sotib olganidan keyingi holat.

Aksariyat kompaniyalar va marketologlar faqat sotishga urg'u qaratishadi, ammo bu strategiya uzoq muddatli muvaffaqiyatga olib kelishi juda qiyin. Agar sizning mijozlaringiz, mahsulotni sotib olganlaridan so'ng qaytib siz bilan ishlashni xohlashmasa, demak sizning marketing strategiyangiz umuman noto'g'ri.

Tadqiqotlarga qaraganda eng zo'r marketing bu "sarafan marketing" hisoblanadi. "sarafan marketing" esa aynan savdo bo'lganidan keyin boshlanadi. Qisqa qilib aytganda sizning xizmatlaringiz shunaqa zo'r bo'lishi kerakki, mijozlaringiz mijozlarni olib kelishlari kerak. Buning uchun urg'uni aynan mahsulot sifatiga va xizmat ko'rsatishning yuqori darajada bo'lishiga qaratishingiz kerak.

Mening atrofimdagi muvaffaqiyatli tadbirkorlarda shu holatni anchadan beri kuzataman. Ular marketingga minimun pul tikib, maksimum foyda olishadi, chunki ularda "sarafan marketing" juda yaxshi ishlaydi. Eng qizig'i qanchalik biznes muvaffaqiyatli bo'lsa "sarafan marketing"ning ulushi ularda shunchalik ko'p bo'ladi. Ochish/sharhlash

2022-09-18 20:32:48 Qisqa izoh: agar shu videoni ko'rib ham vizualizatsiya va "SIR" filmidagi tortishish qonuni ishlashiga ishonsangiz siz yoki ahmoqsiz yoki asabiy, psixologik muammolaringiz bor! Ochish/sharhlash

2022-09-18 20:31:02

Ochish/sharhlash

2022-09-05 10:07:21 ASAB

Inson o'zini ongli ravishda boshqarishiga miyaning dorsolateral qatlami javob beradi. Bu qatlam ongli fikrlashga va irodagayam javob beradi. Kelli Makgonigal o'zining "Iroda" nomli kitobida aytishicha - irodani kuchaytirish uchun miyaning dorsolateral qatlamini shug'ullantirish kerak.

Undan tashqari dorsolateral qatlam jahlingiz chiqqan paytda o'zingizni qo'lga olishingizga yordam beradi.

Bir narsani o'ylab ko'ring: ongli fikrlashga, irodaga javob beradigan miyaning bo'limi, jahlimizni boshqarishimizgayam javob beradi. Yani siz qanchalik aqlli bo'lsangiz va qanchalik irodangiz kuchli bo'lsa, sizning jahlingiz shunchalik kam chiqadi. Bu holatdan istisnolar bor albatta, ammo ular kam. "Jahl chiqsa, aql ketadi" degan maqol bu holatda o'zini 100% oqlaydi.

Shuning uchun agar o'zingizni asabiy inson - deb bilsangiz, miyangizni rivojlantirishga harakat qiling, balki shu sizga yordam berar. Agar asabi tez buzuladigan va jahldor insonni ko'rsangiz, ahamiyat bermang, balki u insonda ongli fikrlash sustligi bordir. Ochish/sharhlash

2022-08-31 08:24:20 #voicechat

Diqqat!

Bugun 21:30da Rossiya rekordini oʻrnatgan mnemonist, Oʻzbekiston mnemosport federatsiyasi rahbari va "Super Xotira" treninglari asoschisi Davronbek Turdiyev bilan suhbat qilamiz.

Bizni kuzatayotgan barchani jonli efirga taklif qilamiz

@konvergensiya_uz Ochish/sharhlash

2022-08-30 18:23:45 ILMIYOT

"Har qanday o'ta rivojlangan texnologiyalarni mo'jizadan ajratib bo'lmaydi"

Artur Klarkning uchinchi qonuni.

Bir necha asrlar oldin insonlar quyosh tutunishini ko'rib, uni bo'ri yutib yubordi - deb o'ylashar edi. Hozir esa maktab bolasi ham quyosh tutinishi nima uchun sodir bo'lishini sizga aytib berishi mumkin. Tabiatda bor qonunlarni topib, ular boshqaradigan kuchlarni ishlatishni o'rganganimizdan so'ng, oldin bo'lishi mumkin emas bo'lgan narsalarni amalga oshirolyapmiz.

Bir necha ming kilometr uzoqlikda joylashgan insonni oldiga bir necha soat ichida uchib borish mumkinligi uyoqda tursin, biz hattoki hech qayerga bormay ham bir birimizni ko'rib gaplasha olamiz.

Shu postni o'qiyotganingizgayam sabab ilmiyotdir. Agar ilmiy rivojlanish bo'lmaganida, katta ehtimol bilan haliyam g'orlarda o'tirgan bo'lar edik. Menimcha ilmiyot kabi insoniyatning rivojlanishiga ta'sir qilgan narsa bo'lmasa kerak. Meditsina va internetdan tortib, kosmik kemalargacha, barchasi ilmiyot. Atrofingizdagi 99% narsa aynan ilmiy izlanishlar tufayli yuzaga kelgan.

Yuqoridagilarni rad qilib bo'lmas fakt sifatida qabul qilsak, meni hayratga soladigan bir holat yuzaga keladi: nima uchun deyarli hech kim ilmiyotga qiziqmaydi?

Rivojlangan mamlakatlar Marsga insonni uchiraman - deb turgan bir paytda, bizda yozning o'rtasida chiroq o'chib turibdi.

Qanaqa firkda bo'lishingizdan qat'iy nazar: mamlakatimizda ilmiyotni rivojlantirmas ekanmiz, biz hech qachon taraqqiyot va barqarorlikka erisholmaymiz! Ochish/sharhlash

2022-08-26 14:36:06 PROFESSIONAL

Men anchadan beri o'zimning YouTube kanallarimga video joylamayapman. Buning sababi juda oddiy: menga yaxshi montajer operator kerak. Men bilan ishlash niyatini bildirganlar bo'ldi albatta, ammo deyarli hech bir kelgan odam menga to'g'ri kelgani yo'q. Hammada bir xil muammolar: intizomsizlik, gigiyenik muammolar, ishga bo'lgan layoqatsizlik va o'z ishida o'sishni xohlamaslik. Ilgari qo'limda ishlagan montaj ustasiyam huddi shu "kasallikka" chalingan edi.

Deyarli 25 ga yaqin montajer operatorlarni ko'rib chiqdim, ulardan 4 - 5 tasi to'g'ri keladiganga o'xshadi. Hozircha jim-jitlik.

Hozirgi informatsion dunyoda haqiqiy professional topish juda qiyin bo'lib qolgan. Qani ko'ramiz, balki kimnidir ishga olarman yaqin orada. Bitta narsani o'zim uchun aniq tushundim, kerakmas odamni ishga olgandan ishchisiz qolib ketgan yaxshi ekan. Ishlayman - deganlar ko'p, ammo to'g'ri keladiganlari juda kam.

Qissadan hissa shuki: agar siz ishingizning haqiqiy ustasi bo'lsangiz, siz deyarli hech qachon ishsiz qolmaysiz va insonlarni iloji bo'lsa muxtojlikdan ishga olmang, ozgina sabr qilsangiz yaxshi odamni topasiz. Ochish/sharhlash