Soyadagi siyosatchilar

2021-12-18 10:16:55 Бу тадбиркорнинг гапираётган гаплари алам аччиғида гапирилаётган гаплар эмас. Шунчаки хукуматга берилаётган баҳо. Суд хокимятининг нақадар абгор холатга тушиб қолганидан далолатдир. Ochish/sharhlash

2021-12-18 10:14:52 Мен учун устоз журналист бўлган Элмурод Эрматов бургутчи-тадбиркор Амонжон Маткомиловдан интервью олибди. Kun.uz да эълон қилинган мақола ва видеороликда иқтисодиётимиз қон-томирлари бўлган инвестиция, локомативи бўлган тадбиркорлик нега ривож топмаётганини билиш мумкин. Тадбиркор икки оғиз гапи билан барча воқеликни кафтдек қилиб очиб берибди.

Аъзо бўлинг
@bahodirahmedoff Ochish/sharhlash

2021-12-15 09:55:17 Оталарча мехрибонлик билан болажонларга муҳаббат улашган вилоят хокими.

Вилоят ҳокимининг навбатдаги самимий сухбатлари Андижон шаҳридаги Экопаркда қишнинг ёкимли хотираларини жонлантирган Янги йил арчаси шукухи билан ўзгача завқ олди.

Экопаркка дам олиш ва Янги йил завкларидан бахра олмоққа келган вилоят аҳли вакиллари Шуҳратбек Абдурахмонов билан таассуротлари, мақсадларини ўртоқлашдилар.

Оталарча мехрибонлик билан болажонларга муҳаббат улашган вилоят хокими кичкинтойлар билан улар истагандек суратларга тушаркан, болалик хотиралари жонланганини яширмади.

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-14 20:31:59 ​​Депутат сўровига нега жавоб беришмайди?

Депутат сифатида фуқароларнинг қийнаб келаётган мурожаатлар билан маъсулларга йўллаётган депутат сўровларимиз афсуски кўп холларда эътиборсиз қолмоқда. Бунинг натижасида эса фуқароларнинг хақли эътирозларига сабаб бўлмоқда.

Маҳалла хайрия жамоат фонди Андижон шаҳар бўлимига йўллаган бир неча депутат сўровларимиз хеч қандай сабабсиз жабоб берилмасдан келмоқда.

Президентимизнинг “Депутатга беписандлик – халққа беписандлик деб баҳоланиши шарт. Халқни ҳурмат қилмаган, депутатлик ваколатини амалга оширишга тўсқинлик қилган ҳар қандай мансабдор шахс қонун олдида жавоб беради”, деган сўзларига айрим вазирлик ва идоралар мутасаддилари ҳамон панжа орасидан қарашаётгани кишини таажжубга солади.

Ваҳоланки, депутатлик сўровини кўриб чиқмагани ёки унга жавоб бермагани, кўриш муддатини бузгани учун Маъмурий жавобгарлик тўғрисидаги Кодексда жавобгарлик назарда тутилган. Амалда деярли ишламаётган ушбу механизмни бугунги кунда ҳаётга самарали татбиқ этиш ҳам долзарб бўлиб қолмоқда.

Бугун юртимиз тараққиёти ва халқимиз фаровонлигига ўзини дахлдор, деб билган ҳар бир фуқаро, у мансабдор шахс бўладими ёки оддий хизматчими, “фавқулодда сафарбарлик” ҳолатида ишламоқда.

Ана шундай шароитда халқимизни ўйлантираётган муаммолар юзасидан йўлланган депутат сўровига жавоб бермаслик ёки уни эътиборсиз қолдириш олдимизга қўйилган мақсадларни амалга оширишга халал беради.

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-14 16:26:53 ​​Депутатлар сессияга фақат қуруқ қўл кўтариш учун керакми?

Жорий йилнинг 10 декабр кунги 121-1-29-Қ/21 сонли Олтинчи чақириқ халқ Андижон шаҳар Кенгашининг йигирма тўртинчи сессиясини чақириш тўғрисида”ги қарор қабул қилинибди. Йигирма тўртинчи сессия 2021 йил 15 декабрь куни соат 10:00 га қаририлибди.

Сессия кун тартибига битта масала яъни Андижон шаҳар ҳокимининг 2021 йилги ижтимоий-иқтисодий ривожлантириш якунлари ва 2022 йилги режалари тўғрисидаги мурожаати киритилган.

Ваҳоланки, Ўзбекистон Республикаси Олий Мажлиси Сенатининг 2021 йил 31 июлдаги СҚ-360-IV-сонли Қарори Халқ депутатлари вилоят, туман, шаҳар Кенгашининг намунавий регламентининг II боб. Сессияни чақириш ва ўтказиш 12-модда

- Сессия ўтказиладиган вақт, сана, жой ва кун тартиби депутатлар эътиборига сессия очилишидан камида етти кун олдин етказилади. Депутатларга танишиб чиқиш учун тегишли ҳужжатлар ҳам юборилиши назарда тутилган.

Бироқ, сессия чақирилган бўлишига қарамай кун тартибига таалуқлик бўлган Депутатларга танишиб чиқиш учун тегишли ҳужжатлар тақдим этилмаган. Сессияга депутатлар нима учун боради? Фақат қўл кўтаргани боради холосми? Сессия кун тартибига киритилган масалаларни депутатлар хўжа кўрсинга тасдиқлаши учунгина киритилмоқдами?

Саволлар талайгина биргина муҳум жихати Олий Мажлиси Сенатининг 2021 йил 31 июлдаги СҚ-360-IV-сонли Қарори нега қуйи Кенгашлар томонидан бузилмоқда? Бунга ким жавоб беради.

П/С: Шунча депутатларни овора қилмасдан (ҳар доимгидек) ўзлари тасдиқлаб қўйса бўлмедимикина. Барибир нимани тасдиқлашимиз бўйича тегишли хужжатларни маъсуллар тақдим этишмадию. Ха майли балким сессия ўтиб бўлганданг сўнг беришар балким.

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-13 20:16:46 Яккасарой туманидаги Юнус Ражабий кўчасида кесиб ташланган 81 та дарахт воқеаси кўпчиликнинг ёдида бўлса керак.

Ўшанда, яъни 2020 йилнинг февраль ойида дарахт кесишга қарши мораторий талабларига зид равишда кўп йиллик, қимматбахо дарахтларни кесиб ташлаган «Building and Supplies» МЧЖ мансабдор шахсларига нисбатан Тошкент шаҳар прокуратураси томонидан жиноят иши қўзғатилганди.

Оммавий ахборот воситалари
прокуратура маълумотларига таяниб дастлабки терговда айбланувчилардан 1 млрд 891,3 млн сўм зарар ундирилганлигини билдирган.

Кўпчилик қатори менга ушбу ишнинг якуни нима бўлгани қизиқ.

Шу боис, Экология ва атроф муҳитни мухофаза қилиш давлат қўмитасига ундирилган 1 млрд 891,3 млн сўмни нималарга ишлатишгани, Тошкент шаҳар прокуратурасига эса жиноят иши нима бўлганини билиш мақсадида расман мурожаат юборгандим.

Қизиқ ҳолат: Экология ва атроф муҳитни мухофаза қилиш давлат қўмитасининг билдиришича, табиатга етказилган зарар учун ундирилган 1 млрд 891,3 млн сўм қўмитага берилмаган ва шу кунга қадар Тошкент шаҳар прокуратурасининг депозит ҳисоб рақамида сақланмоқда.

Шунча вақт депозит ҳисоб рақамида пулни ушлаб туриш тўғрими, деган саволга молиячилардан жавоб олаяпмиз.

Шу йилнинг 9 ноябрида юборилган мурожаатимизга Тошкент шаҳар прокуратураси ҳозирча жавоб бермади. Менимча мурожаат чуқур ўрганилаётган бўлса керак.

@deputat_kusherbayev Ochish/sharhlash

2021-12-13 15:18:48 ​​#Aдлия_муносабат

Ижтимоий тармоқлар орқали жорий йилнинг 11 декабрдаги “Соядаги сиёсатчилар” канали орқали: “Халқ депутатлари Aндижон шаҳар Кенгаши сессияси ўтказилишида депутатлар қатнашиш шарт эмас, Кенгаш раиси бўлса бас, ўзи ўтказиб юборади” мазмунидаги хабар тарқалганлиги юзасидан вилоят адлия бошқармаси қуйидагиларни маълум қилади:

Вазирлар Маҳкамасининг 2021 йил 22 июндаги 390-сон қарорида адлия органларига маҳаллий давлат ҳокимияти органларининг қарорлари ва фармойишларини ишлаб чиқиш ҳамда қабул қилиш жараёнини “Е-қарор” электрон тизими орқали доимий мониторингини олиб бориш вазифаси юклатилган.

Мазкур вазифа ижросини таъминлаш мақсадида адлия бошқармаси томонидан доимий равишда “Е-қарор” электрон тизимида мониторинглар ўтказилмоқда.

Хусусан, жорий йилнинг ноябр ойида ўтказилган мониторинг давомида “Соядаги сиёсатчилар” канали орқали кўрсатилган Халқ депутатлари Aндижон шаҳар кенгашининг 21.09.2021 йил ВИ-22-33-1-29-К/21-сонли, 21.09.2021 йил ВИ-22-34-1-29-К/21-сонли, 21.09.2021 йил ВИ-22-35-1-29-К/21-сонли, 29.09.2021 йил ВИ-22-37-1-29-К/21-сонли, 05.10.2021 йил ВИ-22-38-1-29-К/21-сонли ва 27.09.2021 йил ВИ-22-36-1-29-К/21-сонли қарорлари

Ўзбекистон Республикаси Президентининг 2021 йил 8 июндаги “Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги ПФ-6243-сон Фармон талабларига зид равишда қабул қилинганлиги аниқланган.

Ушбу ҳолат юзасидан жорий йилнинг 3 ноябр куни 03/01-1/876-сонли хат билан мазкур қарорларга ҳуқуқий баҳо беришлик учун вилоят прокуратураси ҳамда Ер тўғрисидаги қонун бузилиши ҳолатларини барвақт аниқлаш ва уларнинг олдини олишга қаратилган фаолиятни мувофиқлаштириш бўйича вилоят ҳудудий Кенгашига таклиф киритилган.

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-11 18:27:16 ​​Халқ депутатлари Андижон шаҳар Кенгаши сессияси ўтказилишида депутатлар қатнашиш шарт эмас, Кенгаш раиси бўлса бас, ўзи ўтказиб юбороради.

Ўзбекистон Республикаси Президентининг 2021 йил 8 июндаги
“Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги ПФ-6243-сонли Фармони билан

- 2021 йил 1 августдан маҳаллий давлат ҳокимияти органларининг ер участкаларини тўғридан-тўғри ажратиш, фойдаланишга бериш, келгусида ажратиш учун захиралаш, бириктириш, ободонлаштириш учун бериш ёки ерларни бошқача йўл билан тасарруф қилиш ваколатлари бекор қилинди.

Лекин ўрганган кўнгил ўртанса қўймас деганларидек Президент Фармонини менсимасдан, уни четлаб ўтиш ҳолатлари кузатилмоқда. Бу ғайриқонуний ҳаракатлар ўлганди ўстига тепкандек бўляпти гўёки.

Мисол учун Андижон шаҳар Кенгаши раиси, ҳоким Б.Ҳайдаров томонидан имзоланган Кенгаш қарорларида бир қатор фуқароларнинг ерга бўлган ҳуқуқлари бекор қилинган.

Аслида ушбу қарорлар Депутатларнинг ҳеч қандай хабарисиз тасдиқланган. Ҳаттоки (фуқароларнинг ҳам хабари бўлмаса керак) масаланда.

Жумладан;

- 21.09.2021 йил VI-22-33-1-29-K/21-сонли қарори,
- 21.09.2021 йил VI-22-34-1-29-K/21-сонли қарори,
- 21.09.2021 йил VI-22-35-1-29-K/21-сонли қарори,
- 29.09.2021 йил VI-22-37-1-29-K/21-сонли қарори,
- 05.10.2021 йил VI-22-38-1-29-K/21-сонли қарори,
- 23.10.2021 йил VI-22-39-1-29-K/21-сонли қарори.

Ушбу ғайритабиий ва Андижон шаҳрида урфга айланиб кетаётган, теша тегмаган қарорлар бўйича Ўзбекистон Республикаси Олий Мажлис Сенати раиси Танзила Норбоева ўз муносабатларини билдиради деб умид қиламиз.

Ўзбекистон Республикаси Бош прокуратураси, Адлия вазирлиги ҳамда Коррупцияга қарши курашиш агентликларидан эса Ҳалқ депутатлари Андижон шаҳар Кенгашининг юқоридаги қарорлари каби қарорлардан яна нечта чиқарилганлиги ва уларнинг оқибатида қанча фуқаро ва тадбиркорларнинг ҳуқуқлари поймол бўлаётганлигини аниқлаш бўйича текшириш ўтказишларини талаб қиламиз.

П/С. Шу ўринда, Халқ депутатлари Андижон вилоят Кенгаши раиси: Ҳурматли, Шухратбек Кушақбаевичга юқоридаги холатлар бўйича қонунда белгиланган тартибда Вилоят Кенгаши раиси сифатида чора кўрилишини сураймиз!

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-09 19:51:10 ​​Бош прокуратуранинг яна бир ходими пора билан қўлга олинди

Ўзбекистон Республикаси Давлат хавфсизлик хизмати ҳамда Бош прокуратура билан ҳамкорликда тезкор тадбир ўтказилди.

Унда аниқланишича, шахсий хавфсизлик бошқармаси томонидан ўтказилган тадбирда Бош прокуратура бошқарма бошлиғининг ўринбосари лавозимида ишлаган Ш.В. қариндоши Ш.Н. орқали унинг таниши А.К.нинг ишончига кириб, унга нисбатан Бухоро вилояти прокуратураси иш юритувидаги жиноят ишини танишлари орқали тугатиб беришни ваъда бериб, 27 ноябрь куни фуқаро А.К.дан 3.000 АҚШ долларини фирибгарлик йўли билан қўлга киритганлиги аниқланди.

Мазкур ҳолат юзасидан Бош прокуратура томонидан 7 декабрь куни Ш.В.га нисбатан Жиноят кодексининг 168-моддаси 3-қисми “а” банди (Фирибгарлик), 28, 211-моддаси 1-қисми (Пора бериш) ҳамда Ш.Н.га Жиноят кодексининг 212-моддаси 1-қисми (Пора олиш-беришда воситачилик қилиш) билан жиноят иши қўзғатилди.

Гумонланувчи Ш.В. процессуал тартибда ушланди.

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-09 16:38:43 ​​Хўжаобод тумани 40-ДИМИ тақдирига тизим раҳбариятининг муносабати қайдай?

Хўжаобод туман Кенгаши бир гурух депутатларининг ўрганишларига кўра, 2021 йил ноябр ойида тумандаги 40-ДИМИ директори қайсидир сабабларга кўра ишдан бўшаш хақида ариза берган экан. Шунга кўра муассаса рахбари ишдан бўшатилибди.

Бироқ ушбу таълим муассасаси хозирги даврга келиб ўзининг яхши қўрсаткичлари бўйича туман ва вилоят миқёсида таълим бўйича 1-ўринда, Республика даражасида эса биринчи 10 таликка кирган таълим муассасаси хисобланади.

Лекин таълим муссасасани шу даражага кўтарилишига ўз мехнатлари ва салохияти билан эришган жамоа рахбари-мактаб директорини ишдан бўшаб кетишига шу тизимнинг рахбарлари кўз юмиб туриши ачинарли холат.

Биз туман Кенгашининг бир гурух депутатлари А.Маматов, Д.Алматов, Б.Саидов ва Э.Абдураимовлар ушбу таълим муассасасининг ватанпарвар жамоа мурожаатларига кўра, ушбу холатни ўрганишга киришдик ва айрим масалаларга ечим топиш мақсадида туман ХТБ мудири Ш.Хамдамов билан юзма-юз кўришиб гаплашиб олдик.

Ш.Хамдамов хам ўзининг айтишича мактабнинг бу ютуқларга эришишида директорнинг хиссаси катта эканлигини, бу таълим муассасасига Усмонов Очилбек Обидович раҳбар бўлиб келгандан буён мактабдаги мухит кескин ижобий томонга ўзгарганини тан олиб, Усмонов Очилбекни ўз вазифасини давом эттириши учун тумандаги тизим рахбари сифатида бор кучини ва имкониятини сарфлашини биз халқ вакилларига вада берди.

Биз халқ вакиллари- туман Кенгаши депутатлари ва Хўжаобод халки ушбу масала буйича тизим рахбариятидан ижобий ечим кутиб қолади.

https://t.me/joinchat/AAAAAFRDeHBeMwlHz9j1mA Ochish/sharhlash