Soyadagi siyosatchilar

2021-12-08 12:28:19 ​​ТАНҚИД ҚИЛИШ - САНЪАТДИР! Китоб ўқинг!

Ҳеч эътибор беряпсизми, охирги вақтларда одамлар кайфиятида тажовузкорлик кучаймоқда. Сал нарсага ҳам оловдек ёниб, бир-биримизни «чақиб олиш»га, бир-биримизга «тош отиш»га шай бўлиб қолдик. Унутманг, бундай кайфият сизни фақат ва фақат орқага тортади.

Америкалик ёзувчи Норман Пилнинг «мақтаб ўлдиргандан мушт тушириб қўллаган яхши» деган фикри шу кунларда тез-тез хаёлдан ўтади. Сўнгги пайтларда танқид қилиш меъёри кескин бузилиб, оммавий тош отиш, жеркиш, нафратни очиқчасига намойиш қилиш каби ожиз хусусиятларга айланди.

Одамларнинг танқид қилиш услуби кўпроқ тажовузкорлик кайфиятини эслатиб юборяпти. Ўйлаб кўрилса, аслида бефарқлик ва жим туриш энг хавфли танқид. Шу билан бирга, танқид ҳам икки хил бўлади: бузғунчи ёки бунёдкор. Фикр билдириш ва муносабат қолдириш жуда муҳим.

Бирок, ноўрин отилган тош кимнингдир меҳнатини йўққа чиқариши, ҳафсала ва истеъдодига нуқта қўйиши мумкинлигини, тақдири билан ҳисоблашишини ҳам ўйлаш керак.

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-08 11:00:52 ​​Андижон шаҳар адлия бўлими бошлиғи “Адлия аълочиси” кўкрак нишони билан тақдирланди.

Ўзбекистон Республикаси Адлия вазирлиги томонидан қонунчиликни мустаҳкамлаш ишида ўзини кўрсатиб, меҳнат фаолияти давомида юқори натижаларга эришган ҳамда ҳуқуқ ижодкорлиги ва ҳуқуқни қўллаш амалиётини шакллантиришда муносиб ҳисса қўшиб келаётганлиги учун адлия органлари ходимларини Адлия вазирлигининг “Адлия аълочиси” кўкрак нишони билан рағбатлантириб келмоқда.

Адлия вазирининг 2021-йил 30-ноябрдаги 767-шт-сон буйруғи билан Андижон шаҳар адлия бўлими бошлиғи Гафуров Озодбек Азимджанович “Адлия аълочиси”ь кўкрак нишони билан тақдирланди.

Гафуров Озодбек Азимджановични ушбу эътироф билан самимий муборакбод этади ва унинг келгусидаги ишларида омад ва зафарлар тилаймиз!

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-08 09:42:46 ​​КОНСТИТУЦИЯ БАЙРАМИ БАРЧАГА МУБОРАК БЎЛСИН

Ўзбекистон Республикаси Конституциясининг 29 йиллиги муносабати билан вилоятимиз аҳлини чин қалбимдан табриклайман!

Конституция энг аввало барчамизга Ўзбекистон озодлигининг шаҳодати сифатида қадрлидир.

Ушбу ҳужжат 6 бўлим, 26 боб ва 128 моддадан иборат.

Юртимиз тинчлиги осмонимиз мусаффолиги ҳеч қачон бизни тарк этмасин.

Зеро, қомусига амал қилган халқнинг келажаги буюк бўлади. Ватанимиз тараққиёти йўлида самарали меҳнат қилаётган юртдошларимизга муваффақиятлар, мустаҳкам соғлиқ, оилавий тинчлик-хотиржамлик тилайман.

Андижон вилояти ҳокими
Шуҳратбек Абдураҳмонов

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-07 20:21:47 ​​ АҚШ сенаторлари Байденни Ўзбекистонга босим ўтказишга чақирди

АҚШ сенаторлари Байденни Ўзбекистонга босим ўтказишга чақирди

АҚШ Демократлар партиясидан бир гуруҳ сенаторлар Оқ уй маъмурияти ва Давлат департаментини Ўзбекистонга инсон ҳуқуқлари борасидаги вазият туфайли босим ўтказишга чақириб мактуб йўллади. Бу ҳақда Kun.uz сенатор Боб Менендес эълон қилган пресс-релизга таяниб хабар қилди. Бу ҳақда "газета.uz" ёзмоқда.

Давлат котиби Энтони Блинкенга йўлланган мактубга сенаторлардан Боб Менендес (Нью-Жерси), Крис Ван Холлен (Мэриленд), Дик Дурбин (Иллинойс), Кирстен Гиллибранд (Нью-Йорк), Шеррод Браун (Огайо) ва Бен Кардин (Мэриленд) имзо чеккан.

Хатда қайд этилишича, икки давлат вакиллари шу ой охирида стратегик шерикчилик тўғрисидаги биринчи мулоқот доирасида учрашишлари керак.

«АҚШ қўшинлари Афғонистондан чиқарилганидан кейин Ўзбекистон билан икки томонлама муносабатларимиз манфаатларимиз ва қадриятларимиз учун янада муҳим аҳамият касб этди. Хавфсизлигимизни мустаҳкамлаб, терроризмга қарши курашишни мувофиқлаштирар эканмиз, Ўзбекистонда инсон ҳуқуқлари ҳам ҳамкорлигимизда аҳамиятли эканини таъкидлашимиз лозим», — дейилади мактубда.

Қайд этилишича, мазкур учрашув «Қўшма Штатларнинг Ўзбекистон билан муносабатларида асосий компонент сифатида инсон ҳуқуқларига ҳурмат ўрнатиш» юзасидан ноёб имкониятни тақдим этади.

«Ислоҳотларга қарамасдан, Ўзбекистон дунёнинг энг репрессив давлатларидан бири бўлиб қолмоқда ва сўнгги муваффақиятларга путур етказиш хавфи мавжуд», — деб ёзди сенаторлар.

Халқ вакиллари Ўзбекистонда эркин сўз ва ОАВ фаолиятидаги чекловлар, шунингдек, сиёсий либераллашув йўналишида ўсиш йўқлигидан хавотир билдирдилар.

Бундан ташқари, сенаторлар Ўзбекистон ҳукуматини амалда ислоҳотларни давом эттириш ва жиноят қонунчилигини ислоҳ қилишга чақирди.

Хулоса қисмида сенаторлар Оқ уй маъмурияти ва Давлат департаментини Ўзбекистон вакиллари билан учрашув жараёнида юқорида санаб ўтилган муаммоларни кўтариш ва муҳокама қилишга чақирди.

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-06 18:09:25 ​​Депутатлар қарори суд тартибида бекор бўлди. Аммо Суд тартибида бекор бўлган қарордан депутатларнинг ҳабари борми?

Аввал ҳам депутатлар томонидан кўриб чиқилмаган масалалар сессия кун тартибида кўриб чиқилгангалиги рўкач қилиниб ноқонуний қарорлар қабул қилинаётганлиги тўғрисида ҳабар қилгандим. Тарих такрорланяпти!

Андижон туманлараро маъмурий суди томонидан 2021 йил 15 ноябр куни Андижон шаҳар, Найман кўчаси бўйида жойлашган низоли ерда очиқ суд мажлисида кўриб чиқилди. Жавобгар Андижон шаҳар (депутатлари) Кенгашининг 2021 йил 27 сентябрдаги 22-33-1-29-Қ/21-сонли Андижон шаҳар ҳокимининг 2013 йил 25 октябрдаги 523-сонли қарорини бекор қилиш ҳақидаги хукмини ҳақиқий эмас деб топишни сўраган.

Қонун талабларига асосланиб: суд аризачи Х.Каримовнинг жавобгар, яъни Андижон шаҳар (депутатлари) Кенгашига нисбатан шаҳар Кенгашининг 2021 йил сентябрдаги 22-33-1-29-Қ/21-сонли қарорини ҳақиқий эмас деб топган. Чунончи, жавобгар Андижон шаҳар (депутатлари) Кенгашидан аризачи фойдасига 270.000 сўм давлат божи, 21.600 сўм почта харажатлари ундирилиши назарда тутилган.

Шаҳсан менда савол туғиляпти. Халқ депутатлари Андижон шаҳар Кенгашининг 2021 йил 27 сентябрь кунги 22-33-1-29-Қ/21-сонли, Андижон шаҳар ҳокимининг 2013 йил 25 октябрдаги 523-сонли қарорини бекор қилиш тўғрисидаги масала кўрилганлиги ўйлантириб қўйди?

АбВГД-ғалати эмасми, ҳамма хохлаганини қиловерадими? 2021 йил 27 сентябрь кунги хеч қандай сессия ўтказилмаган-ку!. Қолаверса, 23 сессия 2021 йил 3 сентябрда ўтказилган бўлса нима учун 2021 йил 27 сентябрь кунги 22-33-1-29-Қ/21-сонли қабул қилинмоқда? Кимдур нима бўлаётганини тушунтириб бера оладими?

П/С. Кенгашнинг алоҳида хисоб рақами бўлмаса жами 291.600 сўм кимдан ундириладикина... Масаланда..) Кенгаш депутатларининг ҳабарисиз яна нечта ноқонуний қарорлар чиқарилган экин?

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-06 15:43:37 ​​#тезкор

Ўзбекистон Республикаси Давлат хавфсизлик хизмати томонидан ўтказилган тезкор тадбир давомида:

Ҳозирда Бош прокуратурада бошқарма бошлиғи ўринбосари лавозимида ишлаётган ва жорий йил 22 ноябрдан меҳнат таътилида бўлган А.Т. жорий йил 5 декабрь куни соат 22 ларда Миробод туманида жойлашган "Мустафо" ресторанида Д.А.дан гўёки тендерда ютишига ёрдам қилганлиги учун 29 минг АҚШ долларини олганида ашёвий далиллар билан ушланган.

Аниқланишича, А.Т. Олмалиқ ихтисослаштирилган прокурори лавозимида ишлаган пайтида, 2020 йил октябрь ойларида ўзига таниш бўлган қурилиш корхонаси раҳбари Д.А.ни Олмалиқ шаҳридаги 11-сонли ётоқхонани реконструкция қилиш бўйича қонуний ўтказилган тендерда қурилиш корхонаси гўёки унинг ёрдами билан ғолиб чиққанлигига ишонтирган ва моддий рағбат талаб қилиб келган.

Мазкур ҳолат юзасидан Бош прокуратура томонидан А.Т.га нисбатан Жиноят кодексининг тегишли моддаси билан жиноят иши қўзғатилди.

@mufasa_mh

https://t.me/joinchat/AAAAAFRDeHBeMwlHz9j1mA Ochish/sharhlash

2021-12-06 10:09:48 ​​Ҳоким ноқонуний қарори натижасида етказилган зарарга ўз “чўнтаги” билан ҳам жавоб бериши керак.

Баҳодир Ахмедовнинг ҳокимларни ноқонуний қарорлари натижасида келиб чиққан зарарларга нафақат давлат, балки ҳокимнинг ўзи ҳам ўз чўнтаги билан жавоб бериши ҳақидаги постини ўқидим. Жуда тўғри гап. Ҳоким ва унинг ҳамтовоқлари ҳохлаганча қарор чиқариб, хоҳлаганча бекор қилиб ташлаяпти. Ёки кейинги ҳоким, биринчи ишини аввалги ҳокимнинг қарорларини бекор қилишдан бошлаяпти. Натижада, аввалги қарорга ишониб, унга ажратилган ерга қурилиш қилган, пул тиккан тадбиркорлар ва оддий фуқаролар миллионлаб, миллардлаб зарарга кириб кетяпти.

Баъзида, ўз ҳуқуқларини яхши билган фуқаролар судга ариза бериб, зарарни ҳокимликдан, яъни бюджетдан ундириб оляпти, лекин ҳокимиятдаги ҳуқуқий хизматлар ва назорат органлари ишнинг қолганини – регресс ундирувини амалга оширмаяпти. Масалан, кўпчилик гувоҳи бўлган, ер ажратиш ҳақидаги қарорлар кўп бекор бўлаётган ёки энг кўп ноқонуний “снос”лар бўлган ҳокимликлардан бири Бўстонлиқ ҳокимияти бўлса керак. Бекор қилинган қарорлар ёки ноқонуний равишда бузилган бинолар сабабли тадбиркорлар ва фуқароларга етказилган зарарларни Бўстонлиқ ҳокимлигидан ундириш бўйича ижро ишлари ҳам анчагина. Шундайми, Бўстонлиқ тумани МИБидаги акалар?

Агар мана шунга ўхшаш вазиятларда, тадбиркорга ёки фуқарога етказилган зарар давлат бюджетидан ундирилганидан сўнг, ўша ноқонуний қарор чиқарган ёки ноқонуний бузиш ишларини амалга оширган ҳоким ва шерикларининг мол-мулкидан қайтадан, тийин-тийинигача ундириб олинса, ана ўшанда тартиб бўлади. Ҳозир эса, негадир бу ишлар қилинмаяпти, шунинг учун ҳам ҳокимлар ҳеч нарсадан қўрқмаяпти: бугун тадбиркорнинг фойдасига “А” деб қарор чиқариб, эртага уни бекор қилиб “Б” деб қарор чиқаряпти. Ёки бўлмасам, судга борганда, “йўқ, биз нотўғри қарор чиқарганмиз, узр, адашибмиз, тадбиркорни биноси бузилиши керак” деб турибди.

Ана ўтган ойда, Олий судда Қамчиқ довонидаги бургутчи тадбиркор масаласида ҳам шундай бўлди. Ўша вақтдаги ҳоким қарори чиққанда ишлаган ва бу қарорга эътироз билдирмаган ҳокимлик вакили судга келиб, ўзларининг қарорини ҳимоя қилишни ўрнига “биз адашганмиз, бу қарор ўшанда ноқонуний чиққанди” деб кўрсатма берди. Мана энди, ўша бургутчи тадбиркор “агар бу қарорлар бекор бўлса, мен бу қарорлар бўйича миллиард сўмдан ортиқ зарарларни ҳокимликдан ундириб оламан”, деб юрибди. Лекин, зарар ҳокимликдан ундирилганидан кейин, бу пуллар ўша қарорни чиқарган Поп тумани ҳокими ва қарорга имзо қўйган бошқа мансабдорлардан регресс тартибда ундириб олиниши керак. Чунки бюджет ҳисобидан тўланган пуллар, бу ўша ҳудуддаги солиқчиларнинг, оддий халқнинг пулларидир. У жойига қайтарилиши шарт.

Ҳақиқатдан ҳам, ҳокимликларда ўз қарорлари бўйича жавобгарлик хисси йўқолган, чунки ҳокимлар ва уларнинг шериклари ўзларининг ноқонуний қарорлари натижасида фуқароларга етказилаётган миллиардлаб зарарларни ўз чўнтакларидан қайтариб тўлашмаяпти, регресс ундирув амалиёти ишламаяпти. Асосий масала шунда.

Тадбиркор ёки фуқарога етказилган зарар ҳокимликдан ундирилганидан кейин мана бундай амалиёт давом этиши керак. Регресс тартибдаги ундирув масаласида ҳоким ва бошқа мансабдор шахсларга нисбатан фуқаролик судига даъво ариза киритилади, суднинг ҳал қилув қарори чиққач, туман МИБга ижро варақаси берилади. Шундан сўнг, давлат ижрочиси ҳоким ва бошқаларнинг шаҳсий мол-мулки (автомашинаси, бизнеслари, ортиқча турар-жойлари, хўжаликдаги ундирув қаратиш мумкин бўлмаган рўзғор буюмларидан ташқари барча мол-мулкларига)га ундирув қаратади. Агарда, бундай мол-мулклари бўлмаса, ойлик иш ҳақи тўловларининг 50 фоизига ундирув қаратади. Шу тариқа, бюджетдан тўланган ҳаражат айбдорлар ҳисобидан ундириб олинади.

@yuristkadr

https://t.me/joinchat/AAAAAFRDeHBeMwlHz9j1mA Ochish/sharhlash