Bankers.uz - Банк тизими янгиликлари

2023-04-06 09:04:36 Марказий банкнинг изоҳ беришича, ушбу янги қоидалар жисмоний шахсларнинг омонатларини электрон ҳамёнларига ёки банк карталарига қайтарилиши, шунингдек, товар ва хизматлар учун тўловлар, хусусан, ипотека кредити ёки автокредит бўйича бошланғич бадал тўлови билан боғлиқ операцияларга татбиқ этилмайди.

Яъни шубҳали операцияларни аниқлашда омонат ва кредит ҳисобварақлари орқали амалга оширилган операциялар ҳисобга олинмайди ва махсус ваколатли давлат органига тақдим этилмайди.


@bankers_uz Ochish/sharhlash

2023-04-05 18:06:08 Халқ банки "Asaxiy Books" лойиҳасини қўллаб-қувватлашга қарор қилди

Акциядорлик-тижорат "Халқ банки" Ўзбекистондаги китоб нашр қилиш ҳамда китоб савдоси бўйича йирик лойиҳалардан бири - "Asaxiy Books"ни молиявий қўллаб-қувватлашга қарор қилди. Бу ҳақда лойиҳа асосчиси Фируз Аллаев маълум қилди.

Фируз Аллаев ҳомийлик доирасида лойиҳанинг навбатдаги чоп этиладиган 20 та китобига бевосита банк ҳомийлик қилишини айтган. Bankers.uz'га маълум бўлишича, китоблар турли хил йўналишларда чоп этилади ва ушбу китоблар рўйхатида футуролог-олим Брет Кингнинг бестселлери - "Банк 4.0" китоби ҳам бор.


@bankers_uz Ochish/sharhlash

2023-04-05 16:54:41 Суд sof.uz интернет-нашридан ANORBANK фойдасига 3,7 млрд сўм ундириш бўйича қарор чиқарди

Тошкент туманлараро иқтисодий судида "Sof.uz" веб-сайти (“Komil Unsur” МЧЖ) томонидан “Anor Bank” АЖ ишчанлик обрўсига путур етказувчи маълумотлар тарқатилганлиги бўйича суд иши бўлиб ўтди. Банкнинг маълум қилишича, суд якунлари бўйича “Komil Unsur” МЧЖ ҳисобидан банк фойдасига инфоҳужум оқибатида банкка келтирилган 3,7 млрд сўм зарарни ундириш тўғрисида ҳал қилув қарори чиқарилган.

Шунингдек, банк ОАВлар, журналистлар ҳамжамияти ва блогерлар билан профессионал, ўзаро манфаатли ва очиқ муносабатларга содиқлигини таъкидлаган ҳамда улар билан доимо мустаҳкам ҳамкорлик алоқаларини сақлашга ҳаракат қилишини айтган.

Батафсил - https://bankers.uz/news/1076


@bankers_uz Ochish/sharhlash

2023-04-05 14:57:02 Bankers.uz ва республикамиз банк тизими жамоаси номидан бугун туғилган кунини нишонлаётган "Asia Alliance Bank" АТБ Бошқарув раиси Умиджон Хакимовни табриклаймиз! (1971 йил туғилган)

Шу муносабат билан, Умиджон Абдухаликовичга куч-қувват, мустаҳкам соғлик, меҳнат фаолиятида янги ютуқлар тилаб қоламиз.


@bankers_uz Ochish/sharhlash

2023-04-05 14:24:58 1 майдан бошлаб расмий даромади етарли бўлмаган аҳолига ҳам ипотека кредити олиш имкони яратилади

Президент йиғилишида ипотека кредити ажратиш бўйича масалалар муҳокама қилинмоқда. Хусусан, 1 майдан бошлаб расмий даромади етарли бўлмаган аҳолига ҳам ипотека кредити олиш имкони яратилади. Бунда уларнинг тўлов қобилиятини аниқлашда банк картасидаги айланма, ижара, коммунал ва бошқа харажатларга тўланган пуллари ҳам ҳисобга олинади.

Шунингдек, дастлабки бадални кўпроқ тўлаган фуқаролар банкдан арзонроқ кредит олиш имкониятига эга бўлади.


@bankers_uz Ochish/sharhlash

2023-04-05 13:44:55 Bankers.uz ва республикамиз банк тизими жамоаси номидан бугун туғилган кунини нишонлаётган "Uzum Bank" АЖ бошқаруви раиси — Сергей Гимадиевни табриклаймиз! (1980 йил туғилган)

Шу муносабат билан, Сергей Абдулҳаевичга куч-қувват ва мустаҳкам соғлик ҳамда келгусидаги режаларининг амалга ошишида омад тилаб қоламиз.


@bankers_uz Ochish/sharhlash

2023-04-05 12:20:14 150 миллион сўмдан ортиқ онлайн транзакциялар "шубҳали" деб топилиши белгиланмоқда

Янгиланган ички назорат қоидаларига кўра, банк картасидан бир вақтда ёки 1 ойда кўп маротаба БҲМнинг 500 бараварига тенг (ҳозир 150 млн сўм, 1 майдан 165 млн сўм) ёки ундан ошадиган умумий суммада бир ёки бир нечта банк карталарига ёхуд электрон ҳамёнларга P2P пул ўтказмаларини амалга ошириш шубҳали операция деб белгиланмоқда.

Шунингдек, аккаунтларига 20 та ва ундан ортиқ банк карталари бириктирилган шахслар юқори даражадаги таваккалчилик тоифасига киритиляпти.

Экспертлар бу қоидаларни "қош қўяман деб, кўз чиқариш" деб аташмоқда.

Батафсил — https://bankers.uz/news/1075


@bankers_uz Ochish/sharhlash

2023-04-05 11:05:53 "Garant bank" АЖнинг яна бир банк хизматлари маркази ўз фаолиятини бошлади

Мижозларга хизмат кўрсатиш тармоғининг фаол модернизациясини амалга ошираётган Garant bank жорий йилнинг 4 апрель куни ўзининг навбатдаги янги — "DIMAX" банк хизматлари марказини фаолиятини йўлга қўйди. Очилиш маросимида банк раҳбарияти вакиллари, банк мижозлари ҳамда оммавий ахборот воситалари вакиллари иштирок этдилар.

Мазкур банк хизматлари маркази универсаллик тамойили асосида иш юритишга мўлжалланган бўлиб, юридик ва жисмоний шахсларга кенг кўламли банк хизматларини кўрсатишга мўлжалланган.

"DIMAX" БХМ Тошкент шаҳар, Учтепа тумани, Тошкент ҳалқа йўли, Саноат-5 массиви манзилида жойлашган.


@bankers_uz Ochish/sharhlash

2023-04-04 13:48:22 Tenge Bank корпоратив мижозларга мўлжалланган мобил иловани ишга туширди

Tenge Bank юридик шахслар учун банк филиалига ташриф буюрмасдан онлайн банк хизматларидан фойдаланиш имконини берувчи “Tenge Business” мобил иловасини ишга туширди.

Илова замонавий ва қулай интерфейсга ҳамда кенг функционалга эга бўлиб, у орқали мижозлар ўз ҳисобларини бошқариши, қолдиқлар, ҳисобварақдан кўчирмалар ва бошқа маълумотларни олиш имкониятига эга бўлади.

30 июнга қадар бепул хизмат кўрсатиладиган иловани App Store ва Google Play'дан юклаб олиш мумкин.


@bankers_uz Ochish/sharhlash

2023-04-04 09:16:50 ANORBANK Россия иқтисодиёт университетининг Тошкент филиали билан меморандум имзолади

2023 йил 31 март куни ANORBANK ҳамда Г.В. Плеханов номидаги Россия иқтисодиёт университетининг Тошкент филиали ўртасида ўзаро манфаатли ҳамкорлик тўғрисида меморандум имзоланди. Имзолаш маросимида банк бошқарув раиси Шерзод Акрамов, бошқарув раиси ўринбосари Элёр Наджимитдинов ҳамда Филиал директори, Ўзбекистон Республикаси Фанлар академияси академиги Қаландар Абдураҳмонов иштирок этдилар.

Икки томонлама муносабатларни ривожлантириш бўйича имзоланган Меморандум доирасида томонлар бир нечта йўналишлар бўйича узоқ муддатли ҳамкорлик қилишга келишиб олдилар.

Батафсил - https://bankers.uz/news/1073


@bankers_uz Ochish/sharhlash