Bankers.uz - Банк тизими янгиликлари

2023-04-11 10:43:14 Мазкур биноларни (АТ "Алоқабанк" бош офиси биноси ва Рақамли технологиялар вазирлиги биноси) самарқандлик тадбиркор Хуршид Тўраевга алоқадор компания сотиб олган. Бу ҳақда тадбиркор кеча ўзининг Инстаграм саҳифасида маълум қилган.

Эслатиб ўтамиз, Хуршид Тўраев "Tapp Payment", "Tapp&Buy" маркетплейслари, Самарқанд шаҳри, Ургут туманидаги қурилиш секторидаги лойиҳалар, Самарқанд, Қарши, Урганч ва Қўқон шаҳарларидаги савдо-кўнгилочар марказлар эгаси ҳисобланади.


@bankers_uz Ochish/sharhlash

2023-04-10 12:31:35 Hamkorbank онлайн микроқарз таклиф қилмоқда!

Hamkor иловаси ёрдамида атиги бир неча дақиқада микроқарзни расмийлаштириш мумкин.

Кредит шартлари:

Миқдори — 50 000 000 сўмгача;
Муддати — 36 ойгача;
Фоиз ставкаси — 27,99 % дан бошлаб.

Ҳозироқ Hamkor иловасини юклаб олинг ва мақсадларингизга осонлик билан эришинг!

Батафсил маълумот: bit.ly/reg_tg_uz

Телефон: 1256

Реклама Ochish/sharhlash

2023-04-10 12:00:35 Bankers.uz ва республикамиз банк тизими жамоаси номидан бугун туғилган кунини нишонлаётган Марказий банк Раисининг ўринбосари Аброрхўжа Турдалиевни самимий табриклаймиз! (1979 йил туғилган)

Шу муносабат билан, Аброрхўжа Акбаровичга куч-қувват, мустаҳкам соғлик, меҳнат фаолиятида янги ютуқлар тилаб қоламиз


@bankers_uz Ochish/sharhlash

2023-04-10 11:41:48 Гарант банк B2 даражасини қўлга киритди

"Гарант банк" акциядорлик жамияти Moody's Халқаро рейтинг агентлиги томонидан, «B2» рейтинг даражасининг "Барқарор" истиқболи билан тасдиқланди.

Банкнинг асосий рейтинг омиллари банкнинг ўз кредитга лаёқатлилиги, юқори даромад ва банк капиталлашувининг яхшиланиши билан боғлиқ. Барқарорлик рейтинги, шунингдек, активларнинг консерватив тузилишини, ликвид активлар ва уларнинг даромати ва рентабеллик кўрсаткичларини ҳисобга олади.


@bankers_uz Ochish/sharhlash

2023-04-10 10:56:56 I чоракда умумий пул тушумлари 37 фоизга ошди

Марказий банк тақдим қилган нақд пул муомаласи шарҳига кўра, 1-чоракда умумий пул тушумлари (нақд пул ва терминал тушумлари) 140,8 трлн. сўмни ташкил этиб, 2022 йилнинг мос даврига нисбатан 37,0 фоизга ошган.

Хусусан, банкларга нақд пул тушумлари ўтган йилнинг шу даврига нисбатан 24,2 фоизга ўсиб, 87,8 трлн. сўмни ташкил қилган.

Батафсил - https://bankers.uz/news/1079


@bankers_uz Ochish/sharhlash

2023-04-06 20:30:32 Тошкент шаҳри марказидаги Алоқабанк бош офиси биноси сотилди

Пойтахт марказидаги Алоқабанк бош офиси жойлашган маъмурий бино 317,15 млрд сўмга сотилди. 4 апрелдаги савдода бошланғич нархга нисбатан 5 фоиз қимматроқ нарх таклиф қилган "Black Gold Industry News" МЧЖ ғолиб бўлган. МЧЖ шунингдек, қўшни бино - Рақамли технологиялар вазирлиги биносини ҳам 69,85 млрд сўмга сотиб олган.

2022 йил январь ойида Самарқанд шаҳрида рўйхатдан ўтган "Black Gold Industry News" МЧЖ устав капитали 8 млн сўмни ташкил қилади. Маълум бўлишича, Алоқабанк ушбу МЧЖга "бино ва асосий воситалар сотиб олиш учун" 15 йил муддатга 390 млрд сўм миқдорида кредит ажратган.

Батафсил - https://bankers.uz/news/1078


@bankers_uz Ochish/sharhlash

2023-04-06 09:34:23 “Trastbank”дан янги “Яшил молиялаштириш” кредити

Хонадонингизда ёки корхонангизда электр энергияси харажатларини камайтиришни ва экологик тоза энергия манбаига эга бўлишни истайсизми? Унда “Trastbank”нинг “Яшил молиялаштириш” кредитидан фойдаланинг!

Жисмоний шахслар учун (қуввати 5 квт гача бўлган энергия тежамкор қуёш панелларини сотиб олиш ва ўрнатишга):

– Муддати: 5 йил;
– Миқдори: базавий ҳисоблаш миқдорининг 200 бараваригача;
– Йиллик фоиз ставкаси: 22%

Юридик шахслар учун:

– Муддати: 5 йил;
– Имтиёзли даври: 1йил;
– Миқдори: лойиҳа суммасидан келиб чиқиб;
– Кредит валютаси: миллий ва хорижий валютада;
– Йиллик фоиз ставкаси: Марказий банк асосий ставкасининг 1,5 баробар миқдорида, хорижий валютада – 10 %.

Алоқа маркази: 1287
Телеграм : @trustbankuz Ochish/sharhlash

2023-04-06 09:04:36 Марказий банкнинг изоҳ беришича, ушбу янги қоидалар жисмоний шахсларнинг омонатларини электрон ҳамёнларига ёки банк карталарига қайтарилиши, шунингдек, товар ва хизматлар учун тўловлар, хусусан, ипотека кредити ёки автокредит бўйича бошланғич бадал тўлови билан боғлиқ операцияларга татбиқ этилмайди.

Яъни шубҳали операцияларни аниқлашда омонат ва кредит ҳисобварақлари орқали амалга оширилган операциялар ҳисобга олинмайди ва махсус ваколатли давлат органига тақдим этилмайди.


@bankers_uz Ochish/sharhlash

2023-04-05 18:06:08 Халқ банки "Asaxiy Books" лойиҳасини қўллаб-қувватлашга қарор қилди

Акциядорлик-тижорат "Халқ банки" Ўзбекистондаги китоб нашр қилиш ҳамда китоб савдоси бўйича йирик лойиҳалардан бири - "Asaxiy Books"ни молиявий қўллаб-қувватлашга қарор қилди. Бу ҳақда лойиҳа асосчиси Фируз Аллаев маълум қилди.

Фируз Аллаев ҳомийлик доирасида лойиҳанинг навбатдаги чоп этиладиган 20 та китобига бевосита банк ҳомийлик қилишини айтган. Bankers.uz'га маълум бўлишича, китоблар турли хил йўналишларда чоп этилади ва ушбу китоблар рўйхатида футуролог-олим Брет Кингнинг бестселлери - "Банк 4.0" китоби ҳам бор.


@bankers_uz Ochish/sharhlash

2023-04-05 16:54:41 Суд sof.uz интернет-нашридан ANORBANK фойдасига 3,7 млрд сўм ундириш бўйича қарор чиқарди

Тошкент туманлараро иқтисодий судида "Sof.uz" веб-сайти (“Komil Unsur” МЧЖ) томонидан “Anor Bank” АЖ ишчанлик обрўсига путур етказувчи маълумотлар тарқатилганлиги бўйича суд иши бўлиб ўтди. Банкнинг маълум қилишича, суд якунлари бўйича “Komil Unsur” МЧЖ ҳисобидан банк фойдасига инфоҳужум оқибатида банкка келтирилган 3,7 млрд сўм зарарни ундириш тўғрисида ҳал қилув қарори чиқарилган.

Шунингдек, банк ОАВлар, журналистлар ҳамжамияти ва блогерлар билан профессионал, ўзаро манфаатли ва очиқ муносабатларга содиқлигини таъкидлаган ҳамда улар билан доимо мустаҳкам ҳамкорлик алоқаларини сақлашга ҳаракат қилишини айтган.

Батафсил - https://bankers.uz/news/1076


@bankers_uz Ochish/sharhlash