2021-10-04 14:47:32
Нечун ғамга ошно менинг ҳаётим?Мана бу муҳим қоидани англаб олинг:
Аллоҳ гоҳида сизни ҳаёт йўлингизда турли хил одамларга рўбарў қилиш билан синайди. Нима учун шундай бўлади, биласизми? Сизнинг фойдангиз учун. Сизни ўнглаш учун. СИЗНИ!!!
Гоҳида асабий, ичи тор одам билан муомала қилиб, сабрни ўрганасиз. Худбин шахс билан муносабатга киришиб, ҳикматни таълим оласиз. Қолганларини ҳам шунга таққослаб олаверинг.
Лекин ишончингиз комил бўлсинки, ҳар қандай нуқсондан пок Аллоҳ мана шу одамлар ва мана шу ҳолатлар орқали сизни ўнглаяпти. СИЗНИ!!!
Онгли бўлинг. Ҳаётингизга кириб келаётган ҳар бир одамни Мусо алайҳиссалом ҳаётига кириб келган Хизрдек қабул қилинг, бу одамнинг ҳаётимга кириб келиши нимадан дарак экан ва у одамдан нималарни ўрганар эканман, деган ўйда бўлинг.
Гоҳида эса бунинг ғирт акси бўлади...
Ўта хушмуомала, хушсурат, дилкаш одамлар билан учрашасиз. Улар сизнинг иззат-ҳурматингизни жойига қўйишади ва сиз ҳам уларга алоҳида эҳтиром кўрсатасиз. Бироз муддатдан кейин пластинка тескари айланиб, очиқ чеҳра ўрнини бужмайган башара эгаллайди, бол томаётган тиллардан эса заҳар тома бошлайди.
Во ажаб! Бу иш ортида қандай сир-синоат, қандай ҳикмат яширинган экан?!
Булар ҳам сизни ўнглаш учун юборилган воситалардан бошқа нарса эмас.
Агар ҳамма одамлар ёқимли, маъқул ва мақбул бўлаверса, сабру ҳикматни, раҳмдиллигу олийжанобликни қаердан ўрганар эдингиз?
Ким биландир қилаётган муомалангиз бориб-бориб сизни безовта қиладиган ҳолатга келишини билсангиз, бундай муомалани бошиданоқ тўхтатиб қўйган бўлардингиз.
Масалан, тез таъсирланадиган бир одам билан муомала қилаётиб, ўз-ўзидан ўйланиб, ҳар бир гапингизни тарозуга солиб гапирадиган бўласиз ва шу билан ўзингизда мулоҳазакорлик фазилатини касб қиласиз.
Кўпчилигимизнинг юрагимиз тор. Унга фақат ўзимиз таниган, олдиндан ошно бўлган кишиларнигина киритамиз.
Аллоҳ Ўзининг бепоён илми билан одамларга қалбимизни кенг очишимизни истайди. Токи, қалбимиз ҳаммага қучоқ очадиган муҳаббат манбаи бўлсин.
Шунга ишончингиз комил бўлсинки, ҳар бир одам сиздан ўзгачадир ва сиз учун бир даводирки, у билан хулқингизни, табиатингизни даволаб-ўнглаб оласиз.
Аллоҳ таоло сизни ўзингиз яхши кўрадиган одамлар даврасига ташлаб қўйиши ҳам мумкин. Лекин бундан сизга нима наф?!
Бировни ноҳақ айблашга қарши;
Биров устидан ҳукм чиқаришга қарши;
Бадгумонликка қарши;
Ҳасаду кўролмасликка қарши ўзингиз билан, нафсингиз билан курашинг!!!
Модомики, ҳар бир одам сиздан ўзгача экан, унга қарши ғазаб сизга қаёқдан келаётганини яхшилаб ўрганинг, англанг.
Ўзингиздан бу ғазабнинг ҳақиқий сабаби нима эканини ўта самимийлик ила сўранг.
Шайтоннинг ноғорасига ўйнаманг!
Муҳаббатни топтаманг!
Ўзгаларга на тил билан ва на қўпол муомала билан зиғирдек ҳам озор етказманг!
Ҳар доим ақлингиз ҳакам бўлсин!
Мехр ила Сизнинг психологингиз Азизахон ТашходжаеваРасмий канал: @azizaxontashxodjaeva
16.4K views11:47