A.Avloniy nomidagi milliy-tadqiqot instituti

2022-01-20 17:09:07 Қайта ташкил этилган институтда ОАВ вакиллари учун очиқ эшиклар куни ўтказилди

Бугун Халқ таълими вазирлиги ташаббуси билан А.Авлоний номидаги илмий-тадқиқот институтида ОАВ вакиллари учун очиқ эшиклар куни ташкил этилди. Тадбирда журнал ва газеталар муҳаррирлари, мухбирлар иштирок этдилар.

Институт директори Аюбхон Раджиев институтда 2021 йилда олиб борилган ишлар, эришилган натижалар ва истиқболдаги режалар тўғрисида тақдимот қилди. Институтнинг янги ишга туширилган "Узлуксиз касбий таълим" ва халқаро баҳолаш дастурларига тайёргарликка қаратилган тренажор "STesting" платформалари билан таништирди.

Шунингдек, халқ таълими тизимида ўрганилган муаммолар ечими юзасидан олиб борилаётган лойиҳаларга ҳам тўхталиб ўтди.

ОАВ вакиллари ўзларини қизиқтирган саволларига батафсил жавоб олдилар. Институт директори журнал ва газеталар фаолияти жамият тараққиётида муҳим эканлигини ҳамда ҳар доим уларни қўллаб қувватлашга тайёрлигини билдириб ўтди.

Telegram |Facebook |Website|YouTube Ochish/sharhlash

2022-01-20 12:41:36 #Сўраган_эдингиз

Бу йил нечанчи йилда туғилган болалар 1-синфга қабул қилинади?

Ўзбекистон Республикаси 2020 йил 23 сентябрдаги “Таълим тўғрисида”ги Қонуннинг янги таҳрири 9-моддасига мувофиқ умумий ўрта таълим ташкилотларининг биринчи синфига болалар улар етти ёшга тўладиган йилда қабул қилиниши белгилаб қўйилган.

2022/2023 ўқув йилида 1-синфга чиқадиган болалар 2022 йилнинг 31 декабрига қадар етти ёшга тўладиган бўлиши, яъни 2015 йилнинг 31 декабрига қадар туғилган бўлиши лозим.

***

В этом году дети какого года рождения принимаются в 1-класс

Согласно статье 9 новой редакции Закона «Об образовании» от 23 сентября 2020 года в первый класс общей средней образовательной организации дети принимаются в год исполнения им семи лет.

В следующем 2022/2023 учебном году дети, поступающие в первый класс, должны достичь семи лет к 31 декабря 2022 года. Таким образом, первоклассником в этом году может стать ребенок, которому семь лет исполняется до 31 декабря 2022 года.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-01-20 08:52:07 Узлуксиз касбий ривожлантириш курси тингловчиси қандай сабабларга кўра тингловчилар сафидан четлаштирилади?

Низомга биноан:

Ўқув интизомини ва ихтисослаштирилган таълим ташкилотининг ички
тартиб-қоидаларини бузганлиги учун;

қайта тайёрлаш курсидаги дарс машғулотларини узрли сабабларсиз
36 соат, малака ошириш курсларида – 6 соат дарс қолдиргани учун;

саломатлиги туфайли (тиббий комиссия маълумотномаси асосида);

тингловчига нисбатан суднинг ҳукми асосида;

қайта тайёрлашда шартнома асосида ўқитиш учун белгиланган миқдордаги тўловни ўз вақтида амалга оширмаганлиги учун.


А.Авлоний номидаги илмий-тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash

2022-01-19 18:58:13 Xalq taʼlimi pedagoglari diqqatiga!

Xalq taʼlimi vazirining 2021 yil 24-sentabrdagi 309-sonli buyrug‘i asosida “Uzluksiz kasbiy taʼlim” platformasida respublikamizning boshlang‘ich sinf o‘qituvchilari uchun malaka oshirish kurslari tajriba-sinov tariqasida yo‘lga qo‘yilgan edi.

Endilikda Vazirlar Mahkamasining 2022-yil 17-yanvardagi 25-son qarori asosida "Xalq taʼlimi xodimlarini uzluksiz kasbiy rivojlantirish tizimini tashkil etish tartibi to‘g‘risida nizom" tasdiqlanganligi munosabati bilan 2022-yil uchun malaka oshirish kurslari kontentlarining yangilanishi rejalashtirilmoqda. Shu sababli barcha boshlang‘ich sinf o‘qituvchilaridan 20-yanvar soat 00:00 ga qadar kurslarni yakunlab olishlari so‘raladi. 21-yanvar sanasidan boshlab kredit modul ballarini yig‘ish yangitdan boshlanadi hamda malaka oshirish kurslari fanlar kesimida bosqichma-bosqich faollashtiriladi.

Faollashtirilgan kurslar haqida A.Avloniy ilmiy-tadqiqot institutining rasmiy ijtimoiy sahifalarida va Raqamli pedagogik xizmatlar telegram kanalida rasmiy eʼlonlar berib boriladi.

Biz bilan yangiliklar yana-da yaqin. Ulaning
https://t.me/raqamli_pedagogik_xizmatlar Ochish/sharhlash

2022-01-19 12:16:24 #янгиликлар_туркумидан

Докторантура ва магистратура бўлими томонидан таянч докторантлар, стажор-тадқиқотчилар, мустақил изланувчилар ва магистрлар иштирокида профессор Ш.Пахрутдинов томонидан докторлик диссертация ишини тайёрлашнинг долзарб масалалари, илмий-тадқиқот ишларига масъулият билан ёндашишнинг муҳимлиги ва роли, унинг самарадорлигини таъминлашда изланувчилар масъулиятини ошириш, илмий мавзу танлаш, илмий раҳбарни белгилаш масалалари доирасида илмий семинар ўтказилди.

Шунингдек, “Таълимда менежмент” йўналиши, унинг мақсади ва асосий вазифалари ҳақида батафсил маълумот берилди.

А.Авлоний номидаги илмий-тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash

2022-01-19 08:29:59 Узлуксиз касбий ривожлантириш қандай амалга оширилади?

Низомга биноан:

Узлуксиз касбий ривожлантириш қайта тайёрлаш ва малака ошириш орқали амалга оширилади.

Ходимларни қайта тайёрлашнинг мақсади – меҳнат бозори, шахс, давлат ва жамиятнинг ўзгарувчан эҳтиёжларини ҳисобга олган ҳолда халқ таълими тизимида фаолият олиб бораётган олий маълумотли, лекин тегишли педагогик ёки касбий маълумотга эга бўлмаган ходимларнинг қўшимча ихтисослик бўйича касбий билим ва кўникмаларини мавжуд давлат таълим стандартлари ёки давлат таълим талаблари асосида шакллантиришдан иборат.

Ходимлар малакасини оширишнинг мақсади – ходимларнинг малака даражасига ортиб бораётган талаблар ва касбий фаолиятни амалга оширишнинг замонавий усулларини ўзлаштириш зарурати билан боғлиқ ҳолда назарий ва амалий билимларини янгилашдан иборат.

А.Авлоний номидаги илмий-тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash

2022-01-19 08:02:53 #Муҳим_янгилик

Француз тили ўқитувчилари Франция давлатининг илғор таълим муассасаларига стажировкага юборилади

А.Авлоний илмий-тадқиқот институти ва Франциянинг Ўзбекистондаги элчихонаси атташеси билан ўтказилган учрашув натижаларига кўра:

француз тили ўқитувчиларини Франция давлатининг илғор таълим муассасаларига стажировка ва хизмат сафарларига юбориш;

Франция элчихонаси билан ҳамкорлигида француз тили ўқитувчилари учун малака ошириш курсларини ташкил этиш;

LMS платформасида француз тили фанидан малака ошириш контентларини яратиш ҳамда энг машҳур француз нашриётларининг дарсликларини маҳаллийлаштиришга келишиб олинди.

Батафсил

А.Авлоний номидаги илмий-тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash

2022-01-18 18:46:00 Низомга биноан:

Узлуксиз касбий ривожлантириш таълим олишнинг қуйидаги шаклларида амалга оширилади:

ишлаб чиқаришдан ажралган ҳолда таълим олиш;

ишлаб чиқаришдан ажралмаган ҳолда таълим олиш (“Узлуксиз касбий таълим” электрон платформаси орқали)

масофавий таълим;

дуал таълим;

мустақил таълим

А.Авлоний номидаги илмий-тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash

2022-01-18 18:06:34 Эндиликда халқ таълими ходимлари 5 йилда бир марта эмас, ҳар йили малака оширадилар

Низомга биноан:

халқ таълими ходимларининг ҳар йили белгиланган давомийликдаги малака ошириш дастурларини ўзлаштириши ва белгиланган ҳажмдаги кредит балларини йиғишлари мажбурий ҳисобланади;

халқ таълими ходимлари малакасини оширишнинг ҳар йилги умумий давомийлиги халқ таълими тизими раҳбар ва мутахассис ходимлари учун камида 30 соат, педагог ходимлар учун камида 36 соат этиб белгиланади.

А.Авлоний номидаги илмий-тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash

2022-01-18 17:30:07 Узоқ кутилган ҳужжат тасдиқланди

Ўзбекистон Республикаси Вазирлар Маҳкамасининг 2022 йил 17 январдаги 25-сон қарори билан "Халқ таълими ходимларини узлуксиз касбий ривожлантириш тизимини ташкил этиш тартиби тўғрисида низом" тасдиқланди.

Мазкур низом билан халқ таълими тизимидаги раҳбар, педагог ва мутахассис ходимларни узлуксиз касбий ривожлантириш тизимини ташкил этиш тартиби белгиланди.

Низомга мувофиқ, эндиликда халқ таълими ходимларининг малакасини ошириш фаолияти билан шуғулланадиган нодавлат таълим ташкилотлари реестри шакллантирилади.

А.Авлоний номидаги илмий-тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash