2022-01-12 09:39:27
#хабарнома
Халқ таълими педагоглари диққатига!
Хабарингиз бор, халқ таълими вазирининг 2021 йил 24 сентябрдаги
"Узлуксиз касбий таълим махсус электрон платформаси орқали умумий ўрта таълим мактабларининг бошланғич синф ўқитувчилари учун тажриба-синов тарзида узлуксиз касбий ривожлантириш курсларини ташкил этиш тўғрисида"ги 309-сон буйруғи асосида Бошланғич таълим ўқитувчилари учун узлуксиз касбий ривожлантириш курслари ташкил этилган эди.
Фан ўқитувчилари учун мазкур платформа орқали малака ошириш курслари 2022 йил январь ойидан босқичма-босқич ташкил этилмоқда.
Бугунга қадар эса фанлар бўйича ишлаб чиқилган контент материаллари тест режимида экспертизадан ўтказиш учун фаоллаштирилган эди.
Эслатиб ўтамиз, халқ таълими ходимлари Ўзбекистон Республикаси президентининг ПҚ-4963-сон қарорига мувофиқ, ҳар йили йил давомида ўз малакаларини ошириб боришлари белгилаб қўйилган.
Шу муносабат билан ушбу жараёнда рўйхатдан ўтиб, курс материаллари билан танишган ва топшириқларни бажариб, сертификат олган педагоглар 2022 йил учун ҳам белгиланган тартибда малака ошириш курсларида қатнашишлари ҳамда сертификат олишлари лозимлигини эслатиб ўтамиз!
“Узлуксиз касбий таълим” платформаси билан боғлиқ саволларга тезкор жавоб бериш мақсадида А.Авлоний номидаги илмий-тадқиқот институти "Кўмак берувчи техник ёрдам хизмати" ни йўлга қўйган.
Операторлар
24/7 режимида фаолият юритади.
А.Авлоний номидаги илмий-тадқиқот институтининг расмий саҳифаларини кузатиб боринг
Telegram |Facebook |Website|YouTube
37.6K viewsedited 06:39