Yurak Amri

2022-11-05 07:32:01 “Bo'ynimizdagi kishanning yarmini iymon bilan yechdik, QOLGAN YARMINI SADAQA BILAN.”
Faqir va muhtojlarga yordam bergan, taomlantirgan kishini Alloh jannat ne’matlari bilan siylaydi. Ming gunohini o’chirib, ming savob yozadi. Muhtojlarga har jihatdan madad-yordam berish zarur. Oila a’zolariga, qarindosh-urug‘larga, qo‘ni-qo‘shnilar, do‘stu birodarlarga xasislik qilmaslik kerak. Bularga sarflangan narsa sadaqa o‘rniga o‘tadi.
Abu Umoma roziyallohu anhuning Rasululloh sollallohu alayhi vasallamdan rivoyat qilgan hadislarida shunday deyiladi:
«Bir kishining oila a’zolariga, qarindosh-urug‘lariga, qo‘ni-qo‘shnilariga ko‘rsatadigan ikromi ikromlarning eng go‘zalidir. Bularga nisbatan xasislik qilmaslik kerak». Ochish/sharhlash

2022-11-04 10:20:59 #Salavot

SALOVAT AYTUVChILARDAN BO‘LAYLIK!

Anas roziyallohu anhudan rivoyat qilinadi: Rasululloh sallallohu alayhi asallam dedilar:

«Menga juma kuni va juma kechasi salavotni ko‘paytiringlar. Kim menga bir marta salavot aytsa, Alloh unga o‘n marta salavot aytadi».
Ochish/sharhlash

2022-11-04 08:30:53 Qachon najot bo’ladi..? Qachoniki Allohning rasuliga chin ummat bo’lsak..! Ochish/sharhlash

2022-11-03 13:51:46 Agar Alloh taoloning muhabbatiga sazovor bo‘lishni istasang, tavakkul maqomida bo‘l.
Alloh taolo “Oli Imron” surasida: «Allohga tavakkal qil. Albatta, Alloh tavakkal qiluvchilarni sevadir», degan (159 – oyat).
Jonim qo’lingda bo’lgan Robbim butun hayotimni senga tavakkal ila topshirdim…
Allohim meni aqlimga, molimga, kuchimga, emas senga bo’lgan tavakkalimga suyantir Ochish/sharhlash

2022-11-02 03:48:01 #kun_haqiqati

Dunyoning haqiqatini bilsaydik, shodliklariga ko‘p suyunmagan, qayg‘ulariga esa ko‘p kuyinmagan bo‘lar edik. Ochish/sharhlash

2022-11-01 14:45:47 Payg‘ambarimiz sollallohu alayhi va sallam aytganlarki: «Har bir dinning xulqi bor. Islomning xulqi hayodir».
Bugun kundalik hayotimizga nazar soladigan bo‘lsak, oilaviy munosabatlarda, qo‘ni-qo‘shnichilik munosabatlarida, bozordagi jarayonlarda hayo ko‘tarilgandek. Bozordagi ayrimlarning, ko‘chada o‘ynab yurgan bolakayning og‘zidan chiqayotgan so‘z kishini hayratga soladi. Hayo haqida so‘z ketganda Payg‘ambarimiz sollallohu alayhi va sallamning bir so‘zlarini eslash lozim: «Sizlar, avvalo, Allohdan hayo qilinglar. Alloh taolo hammadan ham hayo qilinishga munosibroqdir».
Sahobai kiromlardan ayrimlari Rasulullohdan nasihat qilishini so‘raganlarida, Payg‘ambarimiz: «Hatto yolg‘iz bo‘lganingda ham yalang‘och bo‘lma», – dedilar. Sahobalar: «Agar atrofda hech kim bo‘lmasa-chi?» deya so‘radilar. Shunda Payg‘ambarimiz alayhissalom: «Alloh ko‘rib turibdi-ku. Alloh taolo hayo qilishingga eng haqli Zot», deya javob berdilar. Ochish/sharhlash

2022-11-01 05:39:22 Allohning kalomi ila qalblar orom olsin!

َإِذَا قُرِئَ ٱلۡقُرۡءَانُ فَٱسۡتَمِعُوا۟ لَهُۥ وَأَنصِتُوا۟ لَعَلَّكُمۡ تُرۡحَمُونَ
Qur’on tilovat qilganda uni tinglanglar va jim turinglar, shoyad rahmatga erishsangiz.
(Sura Al-A'raf 204) Ochish/sharhlash

2022-10-31 21:15:23 Ey iymon keltirganlar! Allohga taqvo qilinglar! Har kim ertalik uchun nima taqdim qilganiga nazar solsin. Allohga taqvo qilinglar! Albatta, Alloh nima qilayotganingizdan xabardordir.
Hashr surasi 18-oyat

Qiyomat nisbatan juda yaqin vaqt, shuning uchun ham u «erta» deyiladi. Demak, har bir inson qiyomat kuni uchun nima ish qilganini o‘ylab qo‘yishi kerak. Ochish/sharhlash

2022-10-31 13:24:20 Alloh taolo qiyinchilik va musibatlar orqali bizni iymonimizni sinaydi. Mol-mulkning kasodga uchrashi, bemor boʻlish, kasallik yetishi, oʻqish yoki ishdagi muvaffaqiyatsizlik va h.k. barchasi sinovdir.
Abu Hurayra roziyallohu anhudan rivoyat qilinadi. Nabiy sollallohu alayhi vasallam: “Musulmonga qay bir musibat: charchashmi, bemorlikmi, tashvishmi, xafachilikmi, ozormi, gʻam-gʻussami, hattoki tikan kirishmi yetadigan boʻlsa, albatta, Alloh ular ila uning xatolarini kafforat qilur”, dedilar (Imom Buxoriy, Muslim rivoyati). Ochish/sharhlash

2022-10-30 21:01:19 «Jannatga yo‘l ota-ona orqali o‘tadi»
Alloh Qur'oni Karimning Isro surasi 23-oyatida shunday deb marhamat qiladi: «Va Robbingiz faqat O‘zigagina ibodat qilishingizni va ota-onalarga yaxshilik qilishingizni buyurdi».

Kimning ota-onasi hayot bo‘lsa, qadriga yetib, yaxshilik qilsin. Ota-ona duosini olgan kishi hech qachon xor bo‘lmaydi, hech qanaqa yomonlik ularga xavf solmaydi. Jannatga yo‘l ham ota-ona oldidan o‘tadi. Shuning uchun ota-onalarni g‘animat bilib, ularga yaxshilik qilaylik! Aka ukalar ota-onaga yaxshilikni navbatma-navbat emas balki talashgan holda qilish kerak..! Ochish/sharhlash