Девонайи Ҳақгўй

2024-05-04 18:48:30 Асли жамиятдаги бизнес ҳақидаги қарашлар шунга асосланган. Қандай қилиб бўлмасин, пул топсанг бўлди. Ҳалол-ҳаромлиги аҳамиятсиз...

#

@adolat_kuychisi Ochish/sharhlash

2024-05-04 16:15:37 Бугун Муҳаммад Тақий Усмонийнинг жуда ўринли фикрини ўқиб қолдим:

"Ёдда тутинг! Аллоҳ таолонинг бир суннати ҳадиси шарифда баён қилинган. У шуки, ким бирор бандани рози қилишлик учун Аллоҳ таолони норози қилса, у ҳолда Аллоҳ уни ўша бандага тобе қилиб қўяди. Масалан, бир шахс бирор одамни рози қилиш учун гуноҳ қилди ва Аллоҳ таолони норози қилди. У ҳолда, ахири Аллоҳ таоло ўша одамни у шахсга тобе қилдириб қўяди. Яъни, унинг устидан ҳукмрон қилиб қўяди".

Бугун аксарият ходимлар амал йўлида раҳбарига ёқиш учун виждонларига хилоф йўл тутишяпти. Натижада, қандай қул бўлиб қолаётганини ўзлари ҳам сезмай қолишяпти...

@adolat_kuychisi Ochish/sharhlash

2024-05-04 08:13:44 Икки йилга ҳам бормасдан ҳеч қандай сабабларсиз паттаси қўлига тез-тез тутказилган бир Девона сифати шунга иқрорманки, Эркин Воҳидов ҳақиқий даҳо бўлган.

ДЕВОНАЙИ ҲАҚГЎЙ

Яна сенинг тўнинг елкангда,
Сиғмай қолдинг бу даргоҳга ҳам.
Лабда аччиқ қимтилган ханда,
Ташқарига қўясан қадам.

Туққанингга ёқмас тўғри гап,
Шуни англаб етмаган бўлсанг.
Бу дунёда шунча йил яшаб,
Дипломатлик аталган адаб,
Кўчасидан ўтмаган бўлсанг.

Кўнглингдаги гапингни қачон,
Кимга, қандай сўзламоқ керак.
Ўзингга не фойда, не зиён,
Англамаган бўлсанг гар, демак.

Айб ўзингда. Токи, бу дунё,
Тили бурроларга ёр экан.
Манманликдек тузалмас савдо,
Одамзод бошида бор экан.

Токи, бошлиқ зоти экан ҳақ,
Гапи гап-у, сўзи сўз экан.
Тўрдагилар ҳокими мутлақ,
Пастдагилар юмуқ кўз экан.

Пешонангга битилган аттанг,
Енгилмоқ бор доимо жангда.
Мудом сенинг қўлингда паттанг,
Мудом сенинг тўнинг елкангда.

@adolat_kuychisi Ochish/sharhlash

2024-05-04 07:42:51 Жамоатчиликнинг жуда катта эътирозларига сабаб бўлган автотранспорт воситалари, электромобиллар, мототранспорт воситалари ва автотранспорт воситалари тиркамаларни қайта рўйхатдан ўтказиш учун йиғим 2О24 йил 3 майдан базавий ҳисоблаш миқдорининг 10 фоизи миқдорида этиб белгиланибди.

@adolat_kuychisi Ochish/sharhlash

2024-05-04 05:01:10 Шерзодхон аканинг фикрига қўшиламан...

@adolat_kuychisi Ochish/sharhlash

2024-05-03 15:37:05 Ҳарбийлар Ўзбекистон ёшлар футбол жамоасига ғалаба тилабди.

Ғалаба қилишмаса, футболчиларни шуларнинг қўлига "дух" қилиб бериб юбориш керак)))

@adolat_kuychisi Ochish/sharhlash

2024-05-03 11:52:08 Сизларга ходим керакми ёки қул!?

Биздаги раҳбарлар наздида ёмон ходим белгилари:
• ҳаққини талаб қилади;
• савол беради;
• ҳақоратга жим қараб турмайди;
• касал бўлса, даволанади;
• ярим кечгача ишламайди ва ҳоказо...

Энди яхши ходим белгилари:
• ҳаққини талаб қилмайди;
• урса ҳам, сўкса ҳам индамайди;
• ярим кечгача ишлайди;
• касал бўлса ҳам, ишлайверади;
• меҳнат таътилига чиқмайди ва ҳоказо...

Ҳа, бугун биз мана шундай бузуқ меъзонлар билан иш юритяпмиз. Бир сўз билан раҳбарларга эркин фикрловчи ходим эмас, қул керак.

Аслида ходимнинг яхши ёки ёмонлиги ҳалоллиги ва билими билан ўлчаниши керак. Лекин, бизда бу энг охирги қаторларда туради. Сиз ҳар қанча билимли, ҳалол ходим бўлинг, агар ҳаққингизни талаб қилсангиз, сиздан ёмони йўқ...

Балки, давлатнинг кадрлар сиёсатини ислоҳ қиилиш пайти келгандир...

@adolat_kuychisi Ochish/sharhlash

2024-05-03 07:06:29 Бизни ёшликдан ишчи бўлишга тарбиялашади. Давлат иши яхши, касал бўлсанг ҳам, ойлик беради, қариганда пенсияси бор ва ҳаказо чўпчаклар миямизга сингдирилади.

Узоқ йиллик қуллик тузуми ота-оналаримизнинг ўй-хаёлларини шундай изоляция қилиб ташлади.

Бироқ, сиз бунақа бўлманг! Фарзандларингизни имкон қадар мустақил бизнес қилишга ўргатинг!

Арзимаган пенсия учун бутун умр ишлаб, юксак орзулардан воз кечиш телбаликдан бошқа нарса эмас...

@adolat_kuychisi Ochish/sharhlash

2024-05-02 17:53:59 ​​Ботир Қодиров Шерали Жўраевнинг ўғлими?

Шу кунларда одамларнинг миясини қийнайдиган савол шу бўлиб турибди...

Қанийди, одамларнинг миясини фалон ишларни ноқонуний қилаётган пистонча фалонча амалдорнинг ўғлими деган саволлар қийнаганида эди...

Қани, попкорндан олинглар! Томоша зўр кетяпти...

Қўй энди, еса-ебдида-да халқнинг мулкини... Ундан аввалгилар ҳам еган, кейингилар ҳам ейди...

Попкорндан ол! Зўр томоша бўляпти...

Ростданам, Ботир кимнинг ўғли!?

@adolat_kuychisi Ochish/sharhlash

2024-05-02 16:57:27 Жамшид аканинг виждони бор экан...

Гапиришга виждони йўл қўймади...

@adolat_kuychisi Ochish/sharhlash