Доктор Акрамов | Блог

2022-09-21 07:31:01 Озгина танафусдан кейин яна ижодга қайтдим. Тез орада янги изланишлар билан сизларни бахраманд қилишни бошлайман.

Хурмат билан Акрамов.

@acramov Ochish/sharhlash

2022-09-03 09:18:41 Диета қилолмаяпман.

- Ҳар қандай чекловни онг салбий қабул қилади. Ҳар сафар сиз диетани бузганингизда ўзингизни айблайсиз. Бу эса стресс. Стрессдан қутилиш учун онг сизни кўпроқ ейишга мажбур қилади. Узилмас халқа ичидасиз.

-Диетани жуда қатий ва қийинидан бошлаганингиз учун икки уч кунга бормай куч тугайди. Яна душанбани кутиш керак. Унгача эса тунда кўп овқат еб қўйиш ва эрталаб катта қоринга қараб жахл қилишлар.

Ечим нимада унда?

Аввало чекловдан эмас алмаштиришдан бошланг. Масалан бир ой оқ нонни қора нонга алмаштириб енг, кейин нон ўрнига қийин хазм бўладиган углеводлар ва охирида нонни мевага алмаштиринг.

20 кг озишни бир ойгамас масалан 6 ойга мўлжалланг. 6 ой баттар семиргандан кўра 20 кгга енгиллаган яхшику! Шошилманг ва организмни қийнаманг.

Харакатни кўпайтиринг, ишингизга бир км етмасдан автобусдан тушиб қолинг. Яқинроқ бўлса пиёда боринг.

Ҳаммаси сиз ўйлагандан кўра жуда осон. Организмни қийнаб эмас эркинроқ қўйиб оздириш керак.

@acramov Ochish/sharhlash

2022-08-24 07:20:19 Вируслар аслида бизга қариндош бўлади.

Инсон генларининг 8 фоизи вирус генлари эканлигини биласизми?

Гап шундаки вируслар мустақил ўз генини икки мартта кўпайтира олмайди. У генини такомиллаштириш ва кўпайтириш учун инсон хужайралари керак.

Юз минглаб йиллардан бери вируслар шу мақсадда инсон организмидан фойдаланиб келишган ва шунинг натижасида 8% генлари бизникида қолиб кетиб, генетик харитамизни ўзгартирган.

Шу туфайли баъзан ўйлаб қоламан: эҳтимол пандемия ҳам қандайдир геномларимизни ўзгартириш, бизни нимагадир тайёрлаш ва вирус ўз хужайрасини оммавий такомиллаштирувчи машқ эмасмикин деб.

Чунки аслида ернинг хақиқий эгалари бу вируслардир. Энг биринчи ерда миллиардлаб йиллар давомида фақат вируслар яшаган.

Биз эса уларни жуда кам биламиз.

@acramov Ochish/sharhlash

2022-08-24 07:20:19 Дори исталган пайтда таъсир кўрсата олиши керак.

Масалан инсон уйқудами, комадами, бехушми ёки хушидами хақиқий дори ўз ишини қилаверади.

Айтайлик давления туширувчи дори инсон ухлаганда укол қилинса у давленияни туширади ёки сўлак ажралишини камайтириши керак бўлса камайтиради.

Буни нега айтяпман? Жуда кўп БАДлар, Гомеопатлар ва бошқа турдаги ёлғончи шифобахш товарлар инсонга таъсир қилиши учун сотувчи томонидан аввало яхшилаб ишонтирилиши, гипноз қилиниши керак.

Бўлмаса айтарли таъсири бўлмайди.

Яхши БАДлар хақида ҳам келгусида пост қиламиз.

@acramov Ochish/sharhlash

2022-08-24 07:20:19 Бўйим неча см бўлиши керак?

Фарзанд катта бўлар экан ота она унинг бўйига диққат қила бошлайди. Мухлислар кўп бўй ўсиши муаммосига тўхталишимизни сўрашган.

Фарзандлар бўйи нормада ўсса наслий омиллар туфайли тақрибан қанча бўлишини хисоблаш формуласи бор.

Бироз математика :

Қизлар бўйи=( отасини бўйи см да + онасининг бўйи см да)/2 -6.5см

Ўғиллар бўйи ( отасининг бўйи см да + онасининг бўйи см да)/2 + 6.5 см

Масалан: Анварнинг дадасининг бўйи 165см, онасининг бўйи 162см. Анварнинг бўйи қанчага ўсиши мумкин? Фармулага қўямиз:

(165+162): 2 + 6.5 см = 170 см

Хисоблашларда 10 см гача фарқ бўлиши мумкин.

Келгусида бўйни ўстириш муаммоларига батафсилроқ тўхталаман.

Яқинларга улашинг

@acramov Ochish/sharhlash

2022-08-22 06:51:16 Эрталабки кундалик нонуштам.

1. Грек ёнғоғи - 5-6 дона
2. Цикорийли дамлама
3. Овсянка (сули ёрмаси)

Овсянкани тайёрлаш осон, сувни қайнатасиз, қуясиз тайёр.

Осон, тез ва ёқимли. Энг асосий ўта фойдали.

@acramov Обуна бўлинг Ochish/sharhlash

2022-08-22 06:45:47 Энг зарарли махсулот бу шакар.

Шакар ихтиро қилинганига 200 йилча бўлди. Бунгача бизнинг ошқозон ости безимиз, ташқаридан кирган глюкозани ўзлаштириш ва тақсимлаш учун етарли миқдорда инсулин ишлаб чиқариб бера олган. Масалан, олма таркибиди 10 фоиз шакар бор дейлик. Ана шу шакарни эплаб жойлаштириб берган.

Аммо шакар ихтиро қилингач, энди 100 фоизли глюкоза фруктоза бўлганлиги туфайли ошқозон ости бези бунга кўника олмаяпти. Бу ўта қоронғуликдан бирдан ёруғликка чиққан одамни эслатади. Ёруғликдан кўзи қамашиб кўр бўлиб қолиши хеч гап эмас.

Шакар - бу табиий махсулот эмас ва бунинг миқдори хозирги кунда ўта кўп. Ширинликлар, соклар, газли ичимликлар ва бошқа махсулотлар ичи тўла ғиж ғиж шакар.

Мен ва бошқа докторлар шакарни наркотиклардан кўра хавфлироқ деб хисоблаймиз. Сабаби бу юмшоқ наркотик организмни аста секин ўзига боғлаб олиб, охир оқибат ўлдиради.

Эхтиёт бўлинг- Шакар!

@acramov обуна бўлинг Ochish/sharhlash

2022-08-19 16:52:41 Жондан азиз туғишган укам, Абдуазизхон Акрамов хақида қисқача видео.

Халол мехнати ва билими билан катта ютуқларга эришмоқда.

Дуо қилиб қўясизлар азизлар.

@acramov Ochish/sharhlash

2022-08-17 07:51:57 Пасайган иммунитетнинг 4 белгиси.

1. Секин битувчи яралар. Оддий яра одатда 3-4 кунда битиши керак. Агар 7-10 кун ва ундан ошиб кетса билингки иммун тизими суст ишламоқда.

2. Антибиотик кўп истеъмол қилишга мажбур бўлиш. Хориган организм ёрдамга мухтож бўлади.

3. Айрим касалликларни узоқ ўтиши ва қайталанавериши

4. Тошмалар тошиши.

Иммун тизимингизни устида жиддий ишланг.

@acramov Обуна бўлинг Ochish/sharhlash

2022-08-17 07:40:16 Бўзчи бўзга ёлчимабди

Суратдаги инсон машхур Pfizer компанияси рахбари Алберт Бурла. У яқинда коронавирусга чалингани хақида хабарлар тарқади.

Воқеанинг қизиқ тарафи шуки у Pfizer вакциналаридан 4 маротаба олган эди. Pfizer вакциналарини дунёдаги энг ишончли вакцина деб реклама қилишар эди.

Энди эса вакцина атрофида саволлар пайдо бўлди.

Бўзчи бўзга ёлчимайди дегани шу бўлади.

P/s Вакцина олмадим. Мободо чет элга саёхат қилишда талаб қилишмаса олмасам хам керак.

@acramov Обуна бўлинг Ochish/sharhlash