Abdullatifxon Anvarxonov

2022-12-29 17:39:53 #taftish

O'zbekistonda iqtisodiy bloglar

Tgstat.comdan Iqtisodiyotga oid bloglarni tahlil qilib chiqdik (moliya va biznesga oidlar hisobga olinmadi). Chuqurroq tushib, bloglar mavzusi va mualliflar ta'lim olgan OTMi haqida ham ma'lumot to'pladik. Chunki kishini dunyoqarashi va qaysi iqtisodiy maktab ta'limotlariga moyil bo'lishida ustozlari va o'qigan OTMi ham katta o'rin tutadi.

Bu kanallarni kuzatib borish iqtisodiy savodxonlikni oshirishiga umid qilamiz.

@eresearch_iqtisodiyot Ochish/sharhlash

2022-12-20 09:20:23 2023-yil - Insonga e'tibor va sifatli ta'lim yili. Ochish/sharhlash

2022-12-18 15:46:43 Ochish/sharhlash

2022-12-16 18:19:14 Shayx hazrat doim kerakli gapni gapirishni bilar edilar. Alloh rahmatiga olsin. Ochish/sharhlash

2022-12-14 20:02:18 Iqtisodiyotning asosiy muammosi

Jamiyat yashaydigan qonuniyatga qarab, iqtisodchilar quyidagi muammo/shart/qoidani keltiradilar:

Resurslar cheklangan, ehtiyojlar esa cheksiz.

Demak, iqtisodiyot fani resurslarning cheklanganli, ehtiyojlarning esa cheksizligi sharoitida odamlarning qanday iqtisodiy qarorlar qabul qilishlarini o'rganadi. Jannatda hammayoq mo'l-ko'lchilik bo'lganligi uchun yoki ehtiyojlar bemalol qondirilishi tufayli iqtisodchilarning keragi bo'lmaydi. Yerda esa mavjud tovar va resurslar cheklanganligi sababli ularni taqsimlashga to'g'ri keladi. Shu sababli iqtisodiy agentlar oldida doim:

- olma yoki nok sotib olish;

- yig'ilgan mablag'larni yostiqning tagida, bankda yoki qimmatli qog'ozlar ko'rinishida saqlash;

- zavod yoki ofisda ishlash;

- mashina yoki tank ishlab chiqarish kabi tanlash kerak bo'lgan muammolar turadi.

Iqitisodiy agentlar - bu ishlab chiqarish va taqsimotda ishtirok etadigan odamlar, uy xo'jaliklari, davlat idoralari.

#iqtisodiyot_asoslari

@abdullatifxon_anvarxonov Ochish/sharhlash

2022-12-13 15:46:28 Contrast Podcast

Siyosat va iqtisodiyot sohasida o'qiydigan va izlanish olib boradigan do'stlarimiz bialn birgalikda podcastlar yozishni yo'lgan qo'ydik va yakshanba kuni birinchi sonini yozdik.

Ilk son Turkiy davlatlar tashkiloti hamda uning atrofidagi mavzularga bag'ishlandi.

Quyidagi savollarga javob berishga harakat qildik:

1. O’zi bu ittifoq bizga nega kerak edi?

2. Samarqand sammitining konkret natijalari qanday bo’ldi?

3. Bu ittifoqqa qanday kuchlarni tashvishga soladi va nega?

4. Bu ittifoqda faolligimiz boshqa vektorlarimiz bilan munosabatlarimiz sovuqlashishiga olib kelmaydimi?

5. Keyinchalik bu ittifoqda Turkiya o’zining geosiyosiy manfaatlarini olg’a surish xavfi bormi? Umuman olganda bu tashkilotning harbiylashib ketish ehtimoli qancha?

6. Markaziy Osiyo davlatlari ittifoqidan qaysi jihatlari bilan bu ittifoq farq qiladi? Qaysi biri biz uchun manfaatliroq?

Video editing sohasida tajribasiz bo'lganligimiz sababli kamchiliklar ko'p. Aybga buyurmaysizlar

Videoga link:



@boburjon_mavlonov Ochish/sharhlash

2022-12-12 21:16:30 Iqtisodiyot fani nimani o'rganadi?

- Nega hayot manbayi bo'lgan suvning narxi arzon, ularsiz bemalol yashasa bo'ladigan olmoslar esa bu darajada qimmat?
- Nega ba'zi mamlakatlar kambag'al, boshqalari esa boy?
- Nega neftning narxi "o'ynaydi", muzlatgichniki esa yo'q?
- Nega ishchi kuchi Sharqdan G'arbga qarab oqadi, pullar esa G'arbdan Sharqqa?
- Nega bir uyning yo'lagida turadigan qo'shnilarni shu yo'lakni ta'mirlash uchun birlashtirish qiyin, hukumatni esa zararli gazlarni kamaytirishga undash?
- Nega hukumat kerak?
- Oltin standartiga qaytish kerakmi?
- Mehnat migratsiyasini taqiqlasa nima bo'ladi?
- Iqtisodiy inqirozlarni chetlab o'tish mumkinmi?

Agar yuqorida sanalganlar sizni qiziqtirgan bo'lsa yoki nega jamiyat boshqacha emas aynan shunday qurilgani haqida savollar payda bo'lgan bo'lsa bu savollaringizga javob topishga iqtisodiyot fani yordamga keladi.

Iqtisodiyot - bu odamlar o'z ehtiyojlarini qondirish uchun ishlab chiqarishdagi va taqsimotdagi o'zaro munosabatlarini o'rganadigan fan.

Fizika fizik dunyoni o'rgangani kabi, iqtisodiyot ham insonlar jamiyatini o'rganadi. Albatta, insonlarning xatti-harakatlari ham alohida qonuniyatlarga bo'y sunadi. Tabiat qonunlari bizga bo'y sunmaganidek, insonlarning o'zaro (iqtisodiy) munosabatlari ham bizning xohishimizga qarab amalga oshmaydi. Iqtisodiy qonunlarga qarshi chiqish bu huddi ko'zni yumib haskashni bosish bilan bir xil - salbiy oqibatlar kafolatlanadi.

Post Mariya Boykoning "Iqtisodiyot asoslari" kitobi asosida tayyorlandi.

Davomi bor...

#iqtisodiyot_asoslari

@abdullatifxon_anvarxonov Ochish/sharhlash

2022-12-08 06:14:18 Bugun Konstitsiya kuni ekan. Lekin, bu kun bilan tabriklashga tilim bormayapti. Shunchaki, Jamshid Muslimov tomonidan bir necha yil oldin yozilgan bir postni ulashaman, xulosa esa oʻzingizdan.

* * *

Konstitutsiya nima va nima uchun kerak?

Konstitutsiya millatning birlashuviga yordam beradi. Ammo millatlar konstitutsiyaSIZ birlashvergan...

Konstitutsiya qonunlar tizimi poydevoridir. Ammo qonunlar konstitutsiyasiz ham mavjud bo‘lgan. Konstitutsiya mamlakatning boshqaruv va maʼmuriy hudud tizimlarini belgilashi mumkin, ammo bu Konstitutsiyaning asosiy mavzusi emas.

KONSTITUTSIYANING ASOSIY MAVZUSI – XALQNI VA INSONNI DAVLAT ZO‘RAVONLIGIDAN HIMOYA QILISH.

Konstitutsiyaning asosiy mazmuni davlat rahbar/rahbarlari quyushqondan chiqib ketib xoh yakka shaxsga, xoh biron jamoaga, xoh butun xalqqa zulm o‘tkazishdan to‘sib turuvchi mexanizmni taʼminlashdir.

Davlat rahbariyatiga kirmagan kishi Konstitutsiyani buza olmaydi, chunki oddiy fuqaroda bunday imkoniyatining o‘zi yo‘q, unda hokimiyat yo‘q! Oddiy fuqarolar jinoyati sodir etganlarida faqat ayrim qonunlarni (jinoiy, soliq, fuqarolik va hokazo kodekslar ) buza oladi. Konstitutsion tuzumga qarshi chiqish avvalambor hukumat tarafidan sodir etilishi mumkin va shu ishi uchun ular maxsus javobgarlikka tortiladi.

Konstitutsiya bosh rahbarni tiyib turmasa u noqis konstitutsiya. Konstitutsiya rahbarni tiyib turishi amalda bo‘lmasa bu Konstitutsiya umuman amalda emas.

Konstitutsiyaning mag‘zi shu. Konstitutsiya deb shu narsa nazarda tutiladi.

8.12.2020
Jamshid Muslimov Ochish/sharhlash

2022-12-03 16:37:08 ​Submarine — suv osti kemalari haqida.

Butun dunyoda turli toʻqnashuvlar, toʻpolon bir paytda dunyo gigantlari oʻz harbiy qudratini oshirib, oʻzini sugʻurtalashga harakat qiladi. Buning eng samarali yoʻli — bu atom bombasidir. Atom bombasi oʻn yillar gʻaznada yotadigan uyum-uyum oltinga oʻxshaydi. Deyarli qoʻllanilmaydi.

Ammo ularning sifati yuqori boʻlishi, xavfsiz saqlanishi juda muhim. Buning uchun suv osti kemalari eng qulay vosita boʻlib, birgina bunday kema aql bovar qilmas hajmdagi ommaviy qirgʻin qurollarini olib yurishi mumkin.

Dengiz qurollari turlicha boʻladi, masalan harbiy kemalar shunchalik katta boʻlishi mumkinki ularing ustiga uchoqlar qoʻna oladi. Va ular harbiy qudratni koʻz-koʻz qilishning bir usulidir. Lekin, suv osti kemalarining vazifasi boshqa, ular koʻrinmasdirlar.

Ular istalgan payt istalgan joyda boʻlishlari mumkin. Bu dushmanga ruhiy zarba boʻladi. Chunki, u qachon qayerdan zarba qabul qilishni bilmaydi.

Hozirgi kunda 6 ta davlat rasman suv osti yadroviy kemalarga ega, bular: AQSh, Britaniya, Fransiya, Rossiya, Hindiston, Xitoy. Ba’zi ma’lumotlarga qaraganda Shimoliy Korea va Isroil ham bunday kemalarga egalik qiladi.

Suv osti kemalari bir necha oylab choʻkib ketishi va yer sharining bir tomonidan shoʻngʻib boshqa tomonidan chiqishlari mumkin. Ularning hajmi Boeing uchoqlaridan bir necha barobarga katta boʻladi.

1-qism tugadi. Keyingi qismni chiqishini xohlaysizmi?

@mesideesBM Ochish/sharhlash

2022-11-24 18:58:17 Open Source Society University

Sir emaski, bugungi kunda yaxshi karyeraga erishish uchun baribir oliy ma'lumotli bo'lish ehtiyoji bor. Albatta, bu yerda sifatli, dunyo standartlariga javob beradigan oliy ta'lim nazarda tutilyapti. Oliy ta'limning maqsadi bu - diplom emas, u beradigan bilim va universitetga kirgan salohiyatli (bo'lajak) sohadoshlar bilan tanishish, fikr almashish va balki, birgalikda biror rejalarni, loyihalarni amalga oshirish. Lekin, hozirda hammani ham oliy ta'lim olishga imkoniyati yo'q. Kimlardadir mablag', kimlardadir vaqt muammosi bor. Shuningdek, hayot yo'liga endi qadam qo'ygan yoshlar biror yo'nalishni tanlashga qiynaladi, biror o'qishga kirsa va keyinchalik yoqmay qolsa yana vaqtini ketqazib, qayta yo'nalish tanlashga, hammasini qayta boshlashga biroz jasorati yetmaydi.

Shukurki, bugungi kunda internet sarhadlarida turli sohalarga oid darslar to'lib yotibdi. Hatto, darslar ham yaxshigina ko'paygan. Endigi vazifa shu bilimlarni tizimli olish, eng sifatlilarini tanlash bo'lib qoldi. Ana shunday sohaga oid tizimli darslar yig'ilgan manbalardan biri bu - Open Source Society University.

Bu manbaada 4 soha - matematika, kompyuter ilmi, ma'lumotlar ilmi va bioinformatika bo'yicha tizimli darslar ketma-ketligi jamlangan.

Bu yerda:
- har bir soha haqida dastlabki ma'lumotlar;
- shu sohani o'rganish uchun kerak bo'ladigan bilimlar;
- undan keyin, sohani egallash uchun o'qish kerak bo'lgan fanlar tizimli ketma-ketlikda, ma'lumotlar asosida, vaqtlar kesimida bo'lib berilgan;
- to'plangan manbaalar ketma-ketligi asosida butun bir yo'nalishni tugatish uchun o'rtacha 2-4 yil vaqt ketadi;
- mazkur yo'nalishlarda tahsil olayotganlarning Discordda mahsus guruhligi ham mavjud bo'lib, guruhda turli kurslarda o'qiyotganlar bilan fikr almashishingiz, savol-javob qilishingiz imkoniyati mavjud;
- sohalarga oid kurslar Harvard, MIT, Stanford kabi ko'plab, turli ochiq, bepul ta'lim platformalardagi ochiq kurslardan shakllantirilgan. Ba'zi kurslar va loyihalar pulli bo'lishi mumkin;
- LinkedIn va Facebook sahifangizga Open Source Society University'ni ta'lim olayotgan joyingiz sifatida belgilab qo'yishingiz mumkin.

Shuningdek, bu to'plam shunisi bilan ham foydaliki, biror sohani tanlashga ikkilanayotgan bo'lsangiz, shulardan birini o'qib ko'rib yoqsa kelajakda shu sohani tanlab, o'qib ketaversiz. Yoqmasa yo'nalishingizni o'zgartiraverasiz. Alohida, universitetga borib o'qib ko'rishingiz shart emas.

Kelajakda bundanda ko'proq sohalarning tizimli manbaalari jamlanadi degan umiddanam.

Aytgancha, ingliz tili talabini eslatib o'tirish shart bo'lmasa kerak?)

Maroqli ta'lim. Ochish/sharhlash