Тўғри ёзамиз — мутахассис блоги

2023-05-17 16:13:28 Вазият мана бундай бўлганга ўхшаяпти:

— Ҳей, "туғилган кун"да и ҳарфи тушиб қолибди.
— Хўп, "туғилгани кун", бўлди, и ҳарфини қўшиб қўйдим!
— Ҳозир ишим кўп эди, кейин кўриб бераман, қўшган бўлсанг бўлгани, ишқилиб...

*Расм обуначиларимиздан

@xatoliklar Ochish/sharhlash

2023-05-15 15:58:06 Лего

Қисмларини бир-бирига кийдириб, турли нарсалар ясаш мумкин бўлган болалар (ва катталар ) ўйинчоғини билмайдиган одам бўлмаса керак. Биз бу ўйинчоқ турини "лего" деб атаймиз. Лекин унинг номи ҳақиқатан ҳам "лего"ми?

Аслида, Lego:
1) шу турдаги ўйинчоқлар ишлаб чиқарувчи компания номи;
2) шу бренд остида чиқарилувчи маҳсулотлар линияси.

Ҳозирги кунда бу турдаги ўйинчоқларни фақатгина Lego компанияси эмас, ҳаттоки ўзимизнинг маҳаллий корхоналар ҳам ишлаб чиқаришяпти (бу ерда сизнинг рекламангиз бўлиши мумкин эди). Шу боис агар сиздаги ўйинчоқ айни Lego брендига оид бўлмаса, уни "конструктор" деган тўғрироқ бўлади.

Lego — бу конструктор, аммо ҳар қандай конструктор ҳам Lego бўлавермайди.

Қизиқарли маълумот:
Lego Group компанияси ўйинчоқ ишлаб чиқариш ҳажми бўйича дунёда иккинчи ўринда туради. Lego номи — дат тилидаги "Leg-godt", яъни "яхши ўйна" деган маънони англатувчи жумланинг қисқартмаси, чунки бу компания Данияда фаолият юритади. Лотин ва итальян тилларида эса "lego" сўзи "тўплайман", "йиғаман" дегани.

Хуллас:
Лего ўйнаймизми?
Конструктор ўйнаймизми?

Мавзуга оид:
• Болгарка
• Аристон ва тефаль

@xatoliklar Ochish/sharhlash

2023-05-11 09:06:59 Имконият

Ўзбек тили ниҳоятда бой, аммо унинг имкониятларидан биз эмас, хорижий брендлар фойдаланаётгани одамни ўйлантириб қўяди. Бу ҳам яхши, ҳам ачинарли.

"Ресторанлардан тез етказиб бериш" жумласига эътибор беринг, бу ерда икки хил маъно англашилади:
1. Таомларни ресторанлардан олиб, тезда етказиб бериш.
2. Таомларни ресторанлар етказишидан кўра тезроқ етказиб бериш.

Аслида, биринчи айтилган маъно кўзда тутилган, аммо иккинчисини ҳам инкор қилиш қийин. Бу хорижий брендлар тил имкониятларидан фойдаланишни бошлаганидан далолат қилади.

Сиз бу жумлани ўқиганингизда қайси маънода тушундингиз? Изоҳларда ёзиб қолдиринг

P. S. Бу пост учун менга ҳеч ким пул тўламади, аммо мумкин эди

@xatoliklar Ochish/sharhlash

2023-05-10 07:23:30 Кеча кун сўзлари кўп бўлган экан.

Жахон | Jaxon
Жаҳон | Jahon

Уриш | Urish
Уруш | Urush

Ўзи уриш сўзи ҳам бор, аммо у зарба бериш маъносида келади.

P. S. Уруш йиллари ҳақида гапирмадим

*Расм обуначиларимиздан

@xatoliklar Ochish/sharhlash

2023-05-09 13:34:41 Кун сўзи

Қадирлаш | Qadirlash
Қадрлаш | Qadrlash

*Расм обуначиларимиздан

@xatoliklar Ochish/sharhlash

2023-05-06 16:19:51 Shved tilini tez, oson va sifatli oʻrganish kurslariga marhamat

Skandinaviyaning yuragi boʻlgan Shvetsiyada tahsil olishni, ishlashni yoki u yerga sayohatga borishni istasangiz, Toshkentda ilk bor ochilgan SWEDEN HUT CENTRUM oʻquv markaziga marhamat!

Shvetsiyaning poytaxti boʻlgan Stokgolm shahrida 10 yillik faoliyat ko‘rsatgan HUT Centrum endi Oʻzbekistonda.

Shvetsiyadan kelgan malakali ustozlar Sizga 4 oy ichida shved tilini tez, oson va asosiysi sifatli oʻrgatadilar.

Kurs yakunida albatta sertifikat beriladi.

Shvetsiyada tahsil olmoqchi boʻlganlar uchun ham foydali maslahatlar beriladi.

Kurs haqida taqdimot 8-may soat 15:00 da boʻlib oʻtadi.

Murojaat uchun:
+998 90-047-04-99
@SWEDEN_HUT_CENTRUM

Toshkent, Olmazor tumani, Shifokorlar 21.
29-maktab ichida joylashgan. Ochish/sharhlash

2023-05-05 08:42:46 Сўмдан: ёлғончи таржимонлар

Маркетингда бир нарса бор: одамларга психологик нуқтаи назардан оғир бўлмаслиги учун маҳсулотларнинг энг арзони ҳақида гапирилади:
— Мана булар қанчадан, ака?
— 50 мингдан бошланади, ака, ҳар хиллари бор.

Бунда ҳеч қандай ёлғон йўқ, шу нархдан бошланиши ва қимматроқлари ҳам борлигига ишора қилиняпти.

Аммо охирги пайтлар таржимонларимизнинг нўноқлиги ва маҳоратсизлиги туфайли бизнесга ёлғон аралашиб қоляпти. Ҳозир тушунтираман.

Рус тилида "от..." кўмакчиси бор. У бирор нарсанинг бошланиш нуқтасини ифодалайди. Масалан: от 50 000 сумов деса, нарх 50 000 сўмдан бошланиши, ундан арзони йўқлиги, аммо қиммати борлиги англашилади.

Афсуски, аксар таржимонларимиз бундай жумлани 50 000 сўмдан деб ўгиришяпти. "Сўмдан" деганда ҳаммаси шу нархдан деган маъно тушунилади:
— Мана булар қанчадан, ака?
— 50 мингдан, ака, истаганингизни танлаб олаверинг.

Юқоридаги расмда ҳам худди шундай ҳолат. Аслида, кўрсатилган нарх ўша турдаги хонадон учун энг арзони. Худди ўша майдонга эга қимматроқ варианти ҳам бор. Бироқ одамлар "сўмдан" деган сўзни ўқиб, ҳаммаси шу нархдан экан, деган хулосага бориб қолади. Бу эса матнда ёлғон борлигини англатади.

Демак
50 000 сўмдан = ҳаммаси бирдек 50 000 сўмдан
50 000 сўмдан бошланади = ундан қимматлари ҳам бор.

@xatoliklar Ochish/sharhlash

2023-05-04 20:02:42 Ўзбекчада нуқул қовун туширишади-ю, лекин шу русча ва инглизчада ҳеч адашишмайди-я булар.

*Расм обуначиларимиздан

@xatoliklar Ochish/sharhlash

2023-05-01 15:11:18 Кейс: салбий тажриба №1

Яқинда менга 20 дона мусҳаф керак бўлиб қолди. Зудлик билан етказиб берадиган дўкон бўлса, мен сабабли камида 1 млн, бўлмаса 2 млн сўмлик савдо қиларди.

Ўзим билган Shams, Qamar ва Munir китоб дўконларига қўнғироқ қилдим ва/ёки Telegram аккаунтлари орқали мурожаат йўлладим. Ҳеч биридан жавоб келмади — гўшакни кўтаришмади, қайта қўнғироқ қилишмади, Telegram'да ҳам жавоб йўллашмади. Билишимча, Hilolnashr дўкони китобларни почта орқали чиқаради ва жўнатма 3 кун ичида келади. Менга эса 1-2 соат ичида етказилиши керак эди.

Хулоса: Китоб дўконлари иши ҳали анча суст экан.

Яхши янгилик: Китоб дўконингиз учун яхши оператор олиб, етказиш хизматини йўлга қўйсангиз, дўконингиз анча ривожланади.

@xatoliklar Ochish/sharhlash

2023-05-01 13:07:44 Кечаги подкастни эшитолмай қолганлар ёки тўлиқ эшитмаганлар бўлса, марҳамат. Биринчи мартасига ёмон эмас. Яхши фикрлар билдирилди, ўзимиз ҳам кўп нарсаларни ўргандик.

1.5 ёки 2 карра тезлаштириб эшитсангиз ҳам бўлади.

@xatoliklar Ochish/sharhlash